|
|
 مقهى ريهان ...مجلسنا اللطافة وقهوتنا مقلية على مزاج السرحان
|
ريهان الريح الشاذلى السنهورى لايستطيع أحرف فنان أن يغادر حالة اللطافة الخاصة بها دون أن يشرئب وجدانه لخيال أغنية ما..بالنسبة لى ستكون, نور وزهور وعطور وأستلم المكان لعبدالكريم الكابلى..مع العلم بأننى زول ساى وليس فنان وبالتالى سيكون ذلك تعدياً صريحاً لأوصاف ماهرة ومكتملة فى مكان ما لم أرتادها بمهارة المغنى..
فى بداية شارع عبيد ختم أبتدرت ريهان مشروعها وحلمها بان يكون لها مقهى من طراز مختلف مساحة مكتمل بترياقه المضاد لضجة الخرطوم وتعبها على طرف شارع عبيد ختم بحديقة راقية وخدمات أرقى تفتح ريهان مقهاها وتدعو البورداب غداً لأقتتاحه الساعة السادسة مساءً
مبروك ريهان وفى أنتظار..سلسلة مقاهى ريهان
---
ملحوظة..هذا الأعلان مجانى
|
|
 
|
|
|
|
|
|
|
|
Re: مقهى ريهان ...مجلسنا اللطافة وقهوتنا مقلية على مزاج السرحان (Re: مريم عزالدين صديق)
|
في حضرة حاتم الياس ...
نمرة ون : شكرا للدعاية وباللهي نقص لينا القروش بتاعتها شوية لووووول .. اختك ياداب بادية والدولار والبشير وهجليج ,,,
نمرة توو : غايتو كلمة (مقهي) دخلتني طوالي في عوالم القهاوي الابدع اسامة انور عكاشة في تصويرها لينا ... جاتني صورة لي قهوة وتربيزات الطاولة وصوت ام كلثوم ومظاهرة شايلة افندية بطرابيش حمرا وسعد سعد يحيا سعد ومشيت شوية شوية وجاني شكل المشربية والملاية اللف والتلفونات الكبيرة ..... اتخيلت ليك شكل شارع البرلمان وشوارع الخرطوم واتنيه وكايرو جلابية وناس ظراف ولطاف رجعو البيت اتغدوا ونامو وصحو اتريحو وقشرو ومرقو للترفيه ... ياربي الزمن كان بكفي لي ده كلو ؟؟؟ وعرج بي ميل علي يا صبابين الشاي زيدو حلاتو ..الما بيعشق وبيسهر لشو والله حياتو ... وكما قريت قبل كده انو الطيب تيزيني يرتاد قهاوي حمص للكتابة ... قال عبق القهاوي بساعدو علي التفكير ...اتخيلت شعور سيد القهوة ؟؟
اتمنيتها مقهي ولكني اطلقت عليها كوفي شوب تماشيا مع الراهن الثقافي في محاولة مني لتلقيط الرزق .. ... وعلي الرغم انو ما بين المقهي والكوفي شوب مسافة زي البيني ومابين سعاد او كما قال الدوش لكن اهو ماشين في السكة نمد ....
نمرة ثري : للعلم مافي استلاب (مصروسوري) هنا لكن كمان الواحد واقع تحت تأثير التلفزيون واخبار الثورات ...
,,,
حاتم ومريم وطلال وعماد ,,, شكرا للدعم المتواصل ...
حاتم ومريم عمولة الدعاية تستلموها بعد الافتتاح.....
| |
|
|
|
|
|
|
|
 Re: مقهى ريهان ...مجلسنا اللطافة وقهوتنا مقلية على مزاج السرحان (Re: ombadda)
|
ود الصايم أيها الحاقد، ياخي انت بتاع الملح الأعظم زاتو، ياخي سمك معتصم حق الغلابة ما كنت دايرو يفوتك :)
أولاً المقهى دا حقنا خلاص، ولو في طريقة تربيزة ضمنة يكون مية مية.
ياريهو دي دقيقة ارفع ليك معنوياتكـ، أمس دي كنا راكبين عربية الوغد فدياس ولافين الشوارع عشان نشرب لينا قهوة ظريفة نص النهار، وفي النهاية لفتنا ودتنا لأحد الامكنة..صحيح انو القعدة ظريفة، وصحيح أن وجوه امهرنجية خففت علينا الهجيرة :) ، ولكن ياخ الحساب دفعنا مبلغ وقدره كيسين بامبرز مقاس 4! قروش كتيرة خلاص :)
والزينا راقدين،
ولو انو ما عزمتينا يوم سطاشر دا لكن بإذن الله حدث ما بتفوت
وأعقليها وتوكلي
| |
|
|
|
|
|
|
|
|
|
Re: مقهى ريهان ...مجلسنا اللطافة وقهوتنا مقلية على مزاج السرحان (Re: abubakr salih)
|
ود الصايم وعابد الشهير بمحمد يوسف الزين .... هرجلتكم عاليه اضافة نوعية لحوار المقاهي ..حقو بدل تهرجلو في حوش بكري بالمجان تجو تهرجلو في مقهانا بالقروش .. ..شكرا ليكم ياخ ولدعمكم والشعار ظريف يا عابد ...ويبدو يا ود الصايم انو عابد ده عندو ملكات اكتر من المتوقع .....
يا دكتور امبدة كيف احوالك .... ياخ مع شوارع الزلط الكتيرة دي مافي حتة بعيدة .... تحياتي وخالص الاحترام ..
خضر الطيب يعني بعد خرف دي مش قربت شوية؟؟؟ ياخي شكرا ليك كتير ....
ابوبكر صالح .... ياخي شكرا وانشالله تجي قريب .....
جارنا عبدالغني كرم الله ... شكرا للدعاء اللطيف ويسرنا حضورك...
| |
|
|
|
|
|
|
|
|
|
Re: مقهى ريهان ...مجلسنا اللطافة وقهوتنا مقلية على مزاج السرحان (Re: بله محمد الفاضل)
|
سلامات محمد الحاج .. لو اعتبرنا انو شارع عبيد ختم بيمشي من الشمال للجنوب فنحن في بدايتو .... واقعين في حي الصفا قبل تقاطع اوماك اسم المحل (هوت بان )....
غايتو لو سمعت كلامك وكلام ود الصايم المحل بلحق الزينين ... دي بلد يشربو فيها شيشة ؟؟؟
سيف النصر سلامات ياخ ... وعندك واحد قهوة ....
شكرا يا بلة علي الدعوات الطيبات ... وتسلم يا سيدي
| |
|
|
|
|
|
|
| |
حاتم الياس
مريم عزالدين صديق
عماد الشبلي
طلال عفيفي
ريهان الريح الشاذلي
محمد عبد الماجد الصايم
ombadda
محمد يوسف الزين
خضر الطيب
عبدالغني كرم الله
abubakr salih
Mohammed Elhaj
سيف النصر محي الدين
بله محمد الفاضل
ناذر محمد الخليفة
حافظ انقابو
قيقراوي
فيس بوك
تويتر
انستقرام
يوتيوب
بنتيريست