كتب الكاتب الفاتح جبرا المتوفرة بمعرض الدوحة
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: waleed dawash)
|
الاخ وليد
في مروي يمكنهم العبور الى الضفة الاخرى وزياة جبل البركل والاهرامات والاثار حوله و من عطبرة الى الخرطوم يمكنهم زيارة البجراوية حيث الاثار الفرعونية والاهرامات ثم يعرجوا على منطقة السبلوقة شمال الخرطوم وفي الخرطوم يوجد المتحف القومي ومتحف بيت الخليفة وقبة الامام المهدي ومتحف القصر الجمهوري ومطعم عوضية للاسماك ومطعم سكينة للكوارع واقدم لهم دعوة الافطار عند عوضية والعشاء عند سكينة على حسابي عند وصولهم الى الخرطوم ..
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: معتصم محمد صالح)
|
يامتعصم
Quote: في مروي يمكنهم العبور الى الضفة الاخرى وزياة جبل البركل والاهرامات والاثار حوله و من عطبرة الى الخرطوم يمكنهم زيارة البجراوية حيث الاثار الفرعونية والاهرامات ثم يعرجوا على منطقة السبلوقة شمال الخرطوم وفي الخرطوم يوجد المتحف القومي ومتحف بيت الخليفة وقبة الامام المهدي ومتحف القصر الجمهوري |
ده كله عندهم ... موجود في الدليل السياحي وحتى المصارعة في حمدالنيل يوم الجمعة عارفنو.
Quote: ومطعم عوضية للاسماك ومطعم سكينة للكوارع |
بس ركز على ديل وانا اديتهم نبزة عن قندهار .. وشايفهم اكدو على زيارته وهم دايرين برضو يشوفو شي من العادات والتقاليد .. زي مراسيم الزواج وما الى ذلك.
Quote: واقدم لهم دعوة الافطار عند عوضية والعشاء عند سكينة على حسابي عند وصولهم الى الخرطوم .. |
انا الخرطوم دي وصلتها مليون مرة ... ليه ياخي ماعزمتني؟ مش انا كنت اولى؟
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: Hani Arabi Mohamed)
|
الاخ هاني سلامات
Quote: اقترح عليهم الدخول مباشرة إلى القرى النوبية في الطريق من حلفا إلى دنقلا - أن يختلطوا بالسكان البسطاء ويعرفو طيبة وجمال حياة شعبنا وكرم ضيافته. ولتكن زيارات مفاجئة غير مرتبة. ليعرفوا حقاً من هو شعبنا. |
سبحان الله ... والله براهم ومن قولة تيت قالو لي سمعنا بييييكم شعب كريم لحد لايوصف .... وبخصوص الاختلاط ...فهم قاصدين كده ... لكن ماممكن يدخلو كل القرى عشان كده دايرين اكثر القرى جمالا لعكس شيء جميل .
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: Zomrawi Alweli)
|
السودان منوادي حلفا الى دنقلا ثم مروي الى عطبره بالسيارة ومن عطبره الى الخرطوم بالقطارومنها الى دولة اثيوبيا عبر البر اذا توفر الزمن او جوا. الرحلة ستكون في شهر يوليو والمفترض انها ستستغرق حوالي اسبوع فقط . المطلوب معلومات او اسامي المناطق او القرى الجميلة الواقعة في طريقهم ... والمقصود معلومات عن مناطق غير موجودة في الدلائل السياحية ... او ما يستحق رؤيتة او تسجيل شيء عنة .. اقترح عليهم مشاهدة مزارع الرى الفيضى التابع لاسامة داؤود بحلفا وهى عند مدخل المدينة زيارة مصتع تلعيب السمك ايضا والنزول الى بحيرة النوبة لمشاهدة زوارق الصيد المصرية والسودانية وهى مثقلة بطنان الاسماك. اما عن ولاية الخرطوم اكيد لهم خرائط تظهر المعالم التى يزورنها. اما فى ولاية الجزيرة لديهم مادة اعلامية دسمة تتمثل فى انقاض مشروع الجزيرة فى الطريق لولاية القضارف سيجدون منطقة الفاو بجبالها وفى القرى المتاخمة لها حيث تلهو للكاميرا بمتابعة الثروة الحيوانية السودانية ومعاناة الرعاة والزراع حتى وصولهم الى مدينة القضارف فاهم المعالم الصومعة والمحاصيل السودانية ومنتجات الشرق وحتى زول الشرق يمكن الجلوس معه لمعرفة الكثير . فى الطريق الى القلابات (الحدود السودانية الاثيوبية ) على الكاميرا تسجيل شبكة الكهرباء السودانية الممتدة الى الحدود الاثيبوبة بجانب الشاحنات الممتلئة بالوقود السودانى فى طريقها الى اثيوبيا
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: أمجد الزين)
|
التحايا لابوالنون وبصاص والخواجات عندهم مابتجيهم عوجة تب وبالمناسبة ياوليد سبق لاتنين بلجيك حاموا افريقيا دي كلها بعربية رينو قديمة ولما وصلوا السودان عربيتهم هلكت عديل لكن اسعفهم مكنيكي اسمه جمال حسب ماورد في الكتاب الالفوهو عن الرحلة دي وفي ختام الكتاب صنفوا الشعوب وكان تصنيفهم للسودانيين بأنهم اكرم ناس في افريقيا
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: أبو عبيدة البصاص)
|
الاخ ابوعبيدة
Quote: فقط مدنا بخطوط عريضه عن خطة برنامجهم حتى نترجمه الى معلومات محدده لان السودان هو كنز افريقيا الذي لم يكتشف بعد |
الرحلة دي هي من جزئين ... الاول ببدا من كيب تاون والاخر يبدا من القاهرة .. ويلتقي الفريقين في تنزانيا
الجزء البهمنا طبعا ببدا في السودان من وادي حلفا مرورا بدنقلا عطبرة الخرطوم واحتمال كسلا .. المقصود التعرف على ثقافة هذه الشعوب والموضوع بعيدا عن السياسة ( حسب قولهم) ... لكن حسب معرفتنا للناس ديل فما من الساهل ينقلو شي طيب عن افريقيا وبالذات دولة مسلمة ... عشان كده وبقدر المستطاع دايرين نوجههم لاماكن تعكس عننا شيء طيب. واتمنى اني اكون وضحت .
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: waleed dawash)
|
سلامات
طيلة إقامتي السابقة ببلجيكا...سواء في المستشفي الجامعي.. أوفي المؤتمرات...كان ينحصر إهتمام البلجيك في الجزء النوبي من السودان (شمال السودان)...حتي كانو بيسمونافي المستشفي الجامعي في جت (بروكسل) النوبيين..,في الحفلات بيجاملونا بي إنو يسمعونا أغاني الفنانين النوبيين من جنوب مصر علي أساس إنها أغانينا بالاضافة لمحمد وردي.....يبقي أتوقع إهتمام الناس ديل بيكون أكتر في الجزء النوبي من السودان وبالذات ولو عايز تخدمهم أكتر توديهم الاماكن التاريخية النوبية....أو كما ذكر لك أحد المتداخلين أعلاه...ممكن توديهم لقرية نوبية دون مواعيد مسبقة...دا بيكون أهم إنجاز ليهم حسب تعاملي السابق معهم....بالتوفيق
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: د. ياسر عبد القادر)
|
لمشاهدة الموضوع والصور الملحقه معه ضغط هنا
وصلتني الرسالة التاليةعلى ايميلي بخصوص نفس الموضوع
Quote: الاخ صلاح غريبة السلام عليكم ورحمة الله تعالى وبركاته اولا اود ان اعبر لك عن مدى اعجابي بكتاباتك في موقع سودانيز اونلاين والتي تتسم بالوطنية والغيرة على البلد رغم ما يطفح به هذا المنتدى من كتابات عنصرية وجهوية واحلام يسارية مكررة ومملة ابعث اليك بخصوص الزيارة المزمع قيامها من التلفزيون البلجيكي حسب بوست الاخ وليد وسؤاله عن اقتراحات لمناطق يمكن زيارتها ولم يسبق عرضها في الادلة السياحية فاقترح اليك ان تقدم اليه مقترح زيارة قرية تنقسي الجزيرة في الولاية الشمالية محلية الدبة والتي تقع على الطريق الاسفلتي الرابط بين ناوا وكريمة ويمكن العبور اليها عبر كوبري الدبة وبها تمت اخر استكشافات اثرية قامت بها البعثة البولندية والتي كشفت عن معابد اوكنائس في منطقة سلب وحلة سنادة وهما قريتان صغيرتان من قرى تنقسي وقد وثق لهما قبل خمسة عشر يوم التلفزيون القومي عبر برنامج بيتنا الذي سيبث في رمضان كما توجد العديد من الاماكن السياحية ليس اقلها زيارة قرية كرمكول مسقط راس الاديب العالمي الطيب صالح حيث يعيش في خريف العمر بعض شخوص رواياته ولم قرا موسم الهجرة الى الشمال يمكن ان يسير في الطرق التي سار فيها الاديب مستوحيا روايته واخيرا اخي اسف للاثقال عليك ولكن لصعوبه تواصلي مع طارح البوست لعدم عضويتي في المنتدى رايت ان اكلفك بهذه المهمة لان ذلك مسؤلية مرفق بعض الصور من كنيسة سلب وهنالك قول انه معبد يهودي والله اعلم والسلام احمد مختار |
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: صلاح غريبة)
|
ولماذا لم تذكروا مدينة كرمة حيث حضارة كرمة ونباتا .. كرمة أقدم مدينة فى التاريخ حيث الدفوفة ومتحف كرمة الذى يحتوى على آحدث اكتشافات الآركيويلوجى السويسرى تشارلس بونيه الذى يقضى شهور الشتاء فى كرمة منذ 44 عاما وكتشف مجموعة الفراعنة السود قبل سنوات . للأسف هذه المدينة الجميلة ايضا مهددة بالغرق وستزول قلعة الدفوفة الى الأبد بسد كجبار والسودانيين نايمين فى العسل...
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: waleed dawash)
|
عزيزي اتمنى ان يمروا ببعض القرى التى بها مقتنيات اثرية ولم تحد حظها الكافي من الاعلام ,, فمثلا في المنطقة ما بين دنقلا والدبة ,, قرية اسمها فرموس شمال دنقلا بها اثار ,, ثم يتقدموا الى منطقة الشلال وكرمة في منطقة البرقيق يدخلوا الى جزيرة مقاصر (قصر حمد المك ) في منطقة القولد في الضفة الشرقية قرية ناوا ,, بها اول مسجد بنى في الاسلام , بالاضافة لارتباط باسطورة اكل لحوم البشر ويزوروا فيها القبة التى بناها الرحمن , ومنها يتقدموا الى دنقلا العجوز ويزورا صلاح دنقلا والمسجد القديم وهنالك يشاهدوا النفق الذي يربط بين المعابد القديمة ومنطقة كريمة , عبورا من تحت النيل ,, فتحة النفق موجود داخل المسجد
رحلة موفقة ,,
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: مصطفى توفيق)
|
الأخ العزيز وليد التحيات النضرة نتمنى لهذه البعثة ان تجد كل ترحيب ونجاح في السودان وده حيحصل لانو السودان كنز لم يكتشف بعد ولكن على جماعتك ان يتصلوا بي ذوي الاختصاص لتسهيل مهمتهم نسبة لكثرة التراخيص التي سوف تطلب منهم اما اذا كانوا قد قاموا بهذه الخطوة كل باقي الاشياء مقدور عليه وسوف يندهشوا للتعامل والحياة السودانية العفوية والكريمة والمدهشة بالرضا والتسامح ارشح لهم الأستاذ (يوسف سعد) لعمله مع فرق عديدة جات للسودان وصورت ويمكنه ان يقوم بكل اجراءات مكتب الاعلام الخارجي وبقية التصاديق وعمل الازم من تجهيز المعدات الفنية والتصوير وصيانتها والمواصلات وكل الحلول الاخراجية والانتاجية يوسف سعد يوسف تلفون 0912378188 مع تمنياتنا لهم بالنجاح
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: محمد سنى دفع الله)
|
الحبيب وليد
سلام ومشتاقين
الشباب ما قصر فى المناطق الاثريه ودا قليل من كثير
حاول ركز معهم ايضا على متابعة شئ من الثراث والعادات
يعنى يحضروا ذكر وحوليات ومثلا مصارعه النوبه بالحاج يوسف
وفترتهم تصادف تقريبا رمضان يعنى يركزوا على الفطور الجماعى فى الطرق ودا اجمله فى طريقهم لارتريا
بالله اخرهم شويه ل15 يوليو عشان يشوفوا رمضان والتكافل بين الناس على اصولوا
تسلم ولك الود
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: Sidgi mattar)
|
ياريس صدقي مشتاقين والله
Quote: يعنى يحضروا ذكر وحوليات ومثلا مصارعه النوبه بالحاج يوسف |
المصارعة دي حقتنا بحمد النيل .. طواااالي عملتوها بالحق يوسف؟ دايرين تستلبونا ثقافيا؟
Quote: بالله اخرهم شويه ل15 يوليو عشان يشوفوا رمضان والتكافل بين الناس على اصولوا |
هم اصلا حايمشو في رمضان .. لكن خلينا منهم في موضوع رمضان سامع تحت تحت انو في فتوى بخصوص اليوم الطويل ده .. فبالله لو سمعت اي خبر ادينا سلك ... لانو السنة دي الفتاوي واااااجبة.
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: Sidgi mattar)
|
ياريس صدقي مشتاقين والله
Quote: يعنى يحضروا ذكر وحوليات ومثلا مصارعه النوبه بالحاج يوسف |
المصارعة دي حقتنا بحمد النيل .. طواااالي عملتوها بالحق يوسف؟ دايرين تستلبونا ثقافيا؟
Quote: بالله اخرهم شويه ل15 يوليو عشان يشوفوا رمضان والتكافل بين الناس على اصولوا |
هم اصلا حايمشو في رمضان .. لكن خلينا منهم في موضوع رمضان سامع تحت تحت انو في فتوى بخصوص اليوم الطويل ده .. فبالله لو سمعت اي خبر ادينا سلك ... لانو السنة دي الفتاوي واااااجبة.
| |
|
|
|
|
|
|
Re: قناة تلفزيونية بلجيكية تطلب معلومات سياحيةعن مناطق بالسودان (Re: عمار عبدالله عبدالرحمن)
|
تحياتى يا ولى ،،
موفقين باذن الله حبايبنا البلجيك ديل .. علا انت ماح ترافقهم ولا شنو ..؟؟ عموما لو ركزوا لينا على النيل دة ما بكونو قصرو تب .. شاهدت منذ سنوات فى احدى القنوات رحلة غاية فى الروعة على امتداد النيل وتم فيها تغطية معظم القرى التى تطل على النيل بصورة مدهشة.. تكفى لجذب كل السياح العالم لخوض مثل هذه الرحلة .. وشخصيا اندهشت للروعة التى قدم بها البرنامج .. ونحن اصحاب النيل لا اعتقد انه سيتسنى لنا رؤية ما تم بثه فى هذا البرنامج ..
| |
|
|
|
|
|
|
|