مازدا مدربا للهلال؟؟

Quote: رجل مثل مازدا...وكمدرب محترف...بكون تجاوز هذه الانتماءات...والتقسيمات هلال مريخ ويمكنه جدا أن يدرب الهلال ويمكن لجماهير الهلال أن تقبل به مدربا للهلال...وان حصل ذلك فهو ليس سابقة فقد فعلها الكثيرون قبله باوروبا...اسبانيا تحديدا ومصر..والبرازيل

Quote: ما هي انجازات مازدا مع المريخ و الفريق القومي - اعني بطولات وما تقول لي سيكافا و ما تقول لي العودة للامم الإفريقية لم ينجز مازدا مع المريخ بطولات ذات قيمة لا على المستوى الإفريقي أو حتى على مستوى الدوري المحلي

Quote: ما هي انجازات مازدا مع المريخ و الفريق القومي - اعني بطولات وما تقول لي سيكافا و ما تقول لي العودة للامم الإفريقية لم ينجز مازدا مع المريخ بطولات ذات قيمة لا على المستوى الإفريقي أو حتى على مستوى الدوري المحلي

Quote: وسترون بأم اعينكم كيف انه مدرب ضعيف

Quote: انا مريخابي حتى النخاع وعمري ما كرهت المريخ الا في الفترات التي كان فيها مازدا مدربا له مازدا من افشل المدربين - وهذه وجه نظري- الذين مرو في تاريخ الكرة السودانية وما البريق الذي يحيط به هذه الايام الا لينطفئ وسترون بأم اعينكم كيف انه مدرب ضعيف لن يقوى علي منازلة الكبار غايتو حاجة اسمها مازدا واكرم الهادي ديل ما اتبلعو لي كللللللش

Quote: مازدا تقريبا مدربا للهلال....بصورة غير رسمية قي الوقت الحالي لديه عوامل النجاح بس للاسف....لن نقبل به كمدرب رسمي للهلال......لعوامل أخري لا دخل لها بالرياضة

Quote: بس الله يرضى عليك اقرا كلامي و رد لي على اساسه, اعيدو ليك تاني وحاول ركّز بالله المرّة دي

Quote: لا طبعا يا ابو حميد مش لأنو مريخابي - دي في عالم الإحتراف لا معنى لها - لكن لأنو مازدا اقل من طموح الهلال ما هي انجازات مازدا مع المريخ و الفريق القومي - اعني بطولات وما تقول لي سيكافا و ما تقول لي العودة للامم الإفريقية لم ينجز مازدا مع المريخ بطولات ذات قيمة لا على المستوى الإفريقي أو حتى على مستوى الدوري المحلي و بأمانة كدا انجازات الفريق القومي - ليس انقاصا من دور مازدا - لكن لمدربي ولاعبي هلال مريخ دور كبير مازدا نفسه شكر ميشو في يوم من الأيام على اعداده لفريق الهلال

Quote: جانا غاريتو بكل شهرته كأسين بطولة اندية واحد سوبر وتاني بطل اندية العالم وشوف حالنا معاه الان كيف ؟؟؟؟ انتصارات هزيلة وبقلع الضرس ..خروج من بطولة الكبا

Quote: لا بالله انتو ما خليتو دولة والا جبتوا منها مدرب.. أها انجازاتكم شنو؟ لليوم ولا دلقون كاس أو بطولة خارجية!! معقولة مازدا يقدر يعمل من الفسيخ شربات..

Quote: عبد العزيز ظنيتو عندنا عندك فرض السلام على الاقل ياخ..مازدا هين.

Quote: عموما حبة الإنجازات العندنا دي في السنوات الأخيرة - لو اعتبرناها انجازات - ناس التواجد شبه الدائم في مجموعات البطولتين و السيطرة شبه الكاملة على بطولة الدوري المحلي مازدا لم يحقق مثلها أو نصفها او حتى واحد على عشرة منها مع المريخ في الفترات التي تولى تدريبه فيها وبعض كوارث المريخ زي كورة الوحدات مثلا كانت تحت ادارته وتسبب فيها بضعف شخصيته واسي كونو الناس تشكرو انو لعّب هيثم مصطفى مع الفريق القومي لو كانت النتيجة سلبية كان ذبحوه على خطوة زي دي

Quote: ياخي انت صاحب البوست.. صاحب الدار قلت اول شئ اسلم على ضيوفك.. ومداخلة محمد البشرى فلاشها قوي ونستني صاحب الدار.. السلام عليكم ورحمة الله وبركاته.. سلاما في العالمين مجيد.. يغشى كل ناس المقبرة الداني منهم والبعيد..

Quote: مازدا حقق للمريخ كأس مانديلا كمدرب .

Quote: أيوة مازدا كان مدرب للمريخ لما شال كأس مانديلا

Quote: فكرت أفتح بوست زى دا عشية يوم إنتصار الفريق القومى وعنونته بإعطاء قيادة الهلال للثلاثى صلاح إدريس و مازدا و هيثم مصطفى لكن نقصتنى الشجاعة و لغيت البوست حتى بعد كتابته! يا أخى مازدا مدرب ذكى ودا المطلوب، صحيح كان عنده أخطاء لكنه أستفاد منها و يار ريت كل المدربين بيفهموا زى مازدا، الذين يطالبون بإنجازات مازدا بقول ليهم إنجازات أكثر من إنتصارات الفريق القومى و عودة سطوته و بأسه بعد 42 سنة؟ يا أخى مازدا دا يستاهل تمثال عديل كدة! بس المشكلة لو مازدا درب الهلال الفريق القومى حينتهى، لأن النقد حيجى بإعتبار أن مازدا يجامل لعيبته فى إختيارهم للفريق القومى! رغم أن اللعيبة الأساسيين فى الفريق القومى هم لعيبة الهلال لكن مازدا تجاوز النقطة دى وهو فقط بيعتمد على اللاعب الجاهز و لا يهم لأى الفرق ينتمى و ما تتفاجئوا لو مازدا خطه ليكم تشكيلة الهلال كلها فى ماتش بإسم الفريق القومى. أنا أرشح مازدا لتدريب الهلال وواثق من نجاحه، لكن لن يتم هذا إلا فى وجود الأرباب صلاح إدريس لأنه بيفكر بذكاء مثله تماماً.

Quote: وعليه لو مازدا وافق يدرب الهلال فعليكم أنتو كمشجعين أن تقيموا الليل صلاة وشكر لله على هذه الهبة العظيمة .

Quote: ثم انو الفضل فيها يرجع للطيب عبد الرحمن و جمهور سيكافا هههههههههههه

Quote: دي بالذات إن شاء الله ربنا يحققها ليكم

Quote: ياريت لو ان قضايانا السياسية، الاجتماعية، الفكرية والرياضية يتم تناولها بمثل هذا الفهم العلمى الراقى.. الموضوع ببساطه وجهة نظر مطروحة من الاخ/ محمد خليل صاحب البوست وهى وجهة نظر طرحها من منطلقات محددة لم يكملها حتى الان.. فلماذا لاننتظر الرجل يكمل فكرته الاساس اولاً؟؟ ثم ان بصمات مازدا التدريبية لن ينتقص منها احد مهما كانت ميوله.. رجل قاد فرقة المنتخب للمحفل الافريقى الاهم وفى المشاركة الثانية قاده للدور الثانى ماذا يفعل اكثر من ذلك فى بطولة غاب عنها كبار القارة كمنتخبات مصر والكمرون وج. افريقيا.. لماذا النظرة الضيقة ان اغلب لعيبة المنتخب فى المشاركتين كانوا من الهلال؟؟ ولماذا لايعود ذلك لفكر مازدا التدريبى.. الرجل راكم خبرة جيدة وقد يكون دعمها بالدراسة والتدريب والمشاركات الاقليمية.. لكن قد يكون اكثر المتعصبين لا يريدون للرجل النجاح مع فريق الهلال..؟؟

Quote: عوارة كاساتنا و غلبناكم وغلبتونا

Quote: هذا يسمى قرار شجاع ،، وتتخذة ادارة شجاعة وتدعمة بالمعينات المطلوبة السؤال ،،، هل ادارة الهلال تمتلك الشجاعة الكافية للاتخاذ مثل هذا القرار ؟ وهل تمتلك المعينات الكافية لدعمة ونجاحة ؟ على العموم سوف يكون قرار يؤطر لنبذ التعصب الاعمى والهتاف السلبى وليس التشجيع

Quote: مازدا مدربا للهلال؟؟لا لا لا طبعا

Quote: مازدا مدرب كويس ولكن بمجرد ان ينهزم الهلال امام المريخ تجي نظرية الموامرة مندس ومريخابي وهلم جر مشاكل الكرة السودانية كثيرة واحد منها التدريب ولو استلم الهلال والمريخ مدربين علي شاكلة مورينهو لن ينالا كاس الكونفدرالية هذا العام ولا الاعوام القادمة

Quote: اوعك تقول لي وان يكون مساعده فاروق جبره .. تحياتي يا ابوخليل ...

Quote: ماذدا مدرب مجتهد والسودانيين تنظيريون لدرجة غريبة الزول دا قال الدولة ما قاعده تدعم هي بتعدم في الامن والجيش فقط والتجسس الالكتروني ضد المعارضة والطلاب الاحرار خلوهوا اعمل من الفسيخ شربات وبطلوا نقة في الزول مجتهد وشغال رزق اليوم باليوم