** زيادة أسعار البنزين معناها سقوط حكومة السجم دي **

Quote: حكومة جلدها تخين وشعب وهن العظم منه واشتعل رأسه شيباً ولكن ... عيون الحق مابتنوم عيون الحق مابتنوم . تحياتي ابوالحسين ...............

Quote: لكن السؤال الكبير الذي يواجهنا في كل لحظة ( ما العمل )

Quote: أما كيف الناس تتخلص من الإنقاذ مافي غير العصيان المدني و الناس تطلع الشارع و خاصة الآن الأسباب كتيرة جداً اللي بتخلي كل الناس تطلع الشارع

(عدل بواسطة محمد عمر الفكي on 06-03-2012, 01:32 PM)

Quote: حا إتخلصوا بيها

Quote: فشنو.. الراجل حقاني ..لماذا نستكثر على الآخرين حقانيتهم حتى ولو كانوا من الموالين؟؟؟

بالمناسبة يا ابو حسين والله الوضع البتتكلم عنو دا ما جديد، دا من يوم 30 يونيو الاسود وانت ماشي
بالمناسبة دي بنقول لك كل سنة وانت طيب بمناسبة حلول الشهر الكبيس نسال الله بعظمة جلاله من دون اي شريك ألا تظل الانقاذ في الحكم حتى نهايته (الهاء في نهايته راجعة للشهر يا جماعة ما للحكم)
ياربي يا سيدي انصرنا على الدجالين من امثال الغائب والتاني بتاع السنوات الضوئية الاسمه مصطفى كامل ولا شنو ما عارف (مصطفى كامل دا تحين مو فنان مصري عندو اغنية اسمها زهقنا؟) قال مصطفى كامل حيحكم احفاد احفاد احفاد .... الخ لمدة 930 سنة
حسبي الله ونعم الوكيل
اللهم اني اعوذ بك من قوة عين كهذه

Quote: ويبدو أن خيارات الحكومة محدودة للغاية للخروج من هذه الأزمة وليس امامها سوى الاحتراق بالتنازلات المؤلمة في مفاوضات اديس ابابا أو الاحتراق بنيران زيادة المحروقات وفي كل الاحوال المكتوي بهذه النيران هذا الشعب المغلوب على أمره والله المستعان ..

Quote: يا ابو حسين ازيك وازي الاولاد

Quote: لا مهكر ولا حاجة..والدليل آلولوووو اللي بالأحمر دي.. زول واحد بيكتب ياء المضارع بهمزة قطع مافي غير أبوحسين دا.. فشنو.. الراجل حقاني ..لماذا نستكثر على الآخرين حقانيتهم حتى ولو كانوا من الموالين؟؟؟

Quote: سامية حامد رجعي الباسورد بتاع الكوز بسرعة لووووول

Quote: نحن ما مسكترتين عليهو الحقانية، نحن مستغربين تأخرها وكمان خايفين عليهو من النيران الصديقة بالمناسبة يا ابو حسين والله الوضع البتتكلم عنو دا ما جديد، دا من يوم 30 يونيو الاسود وانت ماشي

Quote: الكلام دا من جوة ؟؟

Quote: ياخ حسني مبارك دا قالو موضوع طلع فشنك...

Quote: أما كيف الناس تتخلص من الإنقاذ مافي غير العصيان المدني و الناس تطلع الشارع و خاصة الآن الأسباب كتيرة جداً اللي بتخلي كل الناس تطلع الشارع

Quote: حكومة السجم

Quote: شكرا أبو حسين على (قول النصيحة).. فعلاً الوضع أصبح لا يطاق.. والصبر عجز عن الصبر.. لا حديث ولا ونسة ولا كلام في السودان إلا عن الغلاء.. وتبعاته.. وانحدار الأخلاق هو الكارثة التي سنبكي عليها طويلاً..

Quote: واحد ضيف مشى لجماعة قام لعب معاهم حريق وقع في يمين واحد ماعندو بايظ غير الدو والتريس، الضيف من قعد لمن قام يسلمها اربعتاشر زي ما هي، الضيف انحرق حرقة من زولنا دا، اها قاموا اتغدو الناس كلها شبعت وغسلت ايديها الا زولنا داك ماسك ليهو عضم يمصمص فيهو بعد ما عدمو نتشة اللحم. الضيف ما محروق عاين فيهو وقال ليهو ما تفكو ولا داير تجلي بيهو الك لب

Quote: خلاص خليناها القذافي

Quote: قالوا مسطول كتب في قوقل الثوره في السودان. جاتو نتائج البحث : الثوره بالنص الثوره بالشنقيطي الثوره بالوادي قال سبحان الله حتى قوقل بِقا مع الجماعه

Quote: عليك الله أضحك..

طالما حلفتني ...ها ها ها ها ها ها ها

Quote: ياخ علي عصمان قال في جمهوريه ثانيه و (الثانيه بسنه) أيامي أنا ..

دي مفروض نقول عليها (( هوي يا ليلى هـوووووووووي))
الراجل قال ليهم ناس الحقيبة ديل إوصفوا في الوحدة من الشعر و إنزل للجبين
و إنزل للعيون و الخدود و الخشيم و الجيد و الصدير و الخصر
قال ليهم أول ما إصل للخصر و ما إقدر إنزل تحت إقوم إعملها ليهم هوي يا ليلى هوووووووووووووي..

تحياتي و إحترامي

Quote: وانتفض ابو حسين

Quote: حكومة السجم والفساد .. والبلد راحت شمار فى مرقه ساااى يا صديقى .. السودانيين ديل محتاجين ليهم لثورة فى ذواتهم أولا .. ثورة وجدانيه تعلى من قيمة الوطن والتراب ازاء خلافاتهم العدمية .. لو الكلام ده حصل ما حينتظروا البنزين يزيد أو الموية تقطع فى الخرطوم عشان يهبوا من أجل الموية .. أو من أجل البنزين أو الضائقة المعيشية ..

Quote: ليس للحكومة خيار سوي زيادة المحروقات

Quote: وحات الله يا ابوحسين ما عرفتك تعرف لو ما النجوم الفى العنوان قلت البوست تبع معاوية عبيد

تحياتي و إحترامي

Quote: ننتظر عودة الباقين قبل اغلاق الابواب

Quote: حتى المعارضة السودانية خلال الـ23 سنة اللي قعدوا فيها ناس الإنقاذ في الحكم يوم واحد ما إتفقوا علشان إكونو نـد للحكومة فما تلومنا نحن و ما تلوم الشعب لوم المعارضة اللي فوضها الشعب ديمقراطياً لحكمه ... لا حافظت على الديمقراطية و لا ضغطت على الإنقاذ يوم واااااحد علشان تسترد الديمقراطية المسلوبة

Quote: تحياتي يا زعيم وربنا يقول في محكم التنزيل: (( وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ )) الاعراف 96 فالسودان بين شقي رحى لا ترحم أحد اطرافها حكومة تتاجر بدين الله عزّ وجل لتسمن قططها وتشبع على حساب البقية والشق الآخر معارضة متهالكة ترفض شرع الله بل تعارض الدين جملة وتفصيلا فبالله قل لي من أين يأتي الخير لهذا البلد المكلوم لا خير في هذا ولا ذاك اللهم أبرم لنا أمر رشدا يعز فيه أهل طاعتك ويذل فيه أهل معصيتك

Quote: زيادة أسعار البنزين معناها سقوط حكومة السجم دي

Quote: سامية حامد رجعي الباسورد بتاع الكوز بسرعة لووووول

لوووووووووول يا محمد انا كان بقدر اسرق الباسورد كان سرقت الجزلان

انت عارف ده كولو عشان قلت ليه نمشي السودان في الإجازة (غايتو جنس جرسة)

Quote: تحياتى لكم ولسامية "نقد"..

تحياتي وإحترامي ليك يا دكتورولاختنا الغالية بت سعد
ونقد شرف لينا كلنا عاش شريف ومات شريف الف رحمة ونور عليه

وبالمناسبة يا جماعة ده ما دفاع عن ابو حسين الإنتوا كلكم او أغلبكم فاكرين إنو كوز ومنتمي لحكومة السجم والرماد زي ما قال هو
ابو حسين عمرو ما أيد الإنقاذ ولا عمرو في يوم من الايام كان كوز بل العكس هو في حالة إنتقاد دائم للحكومة ولكنه وعلى ما اظن انه مصاب بإحباط شديد من المعارضة
وفي رأيه ورأي الكثيرين( ومن ضمنهم انا ) إنها السبب في بقاء الإنقاذ على رقابنا 23 سنة والله يستر من الزيادة
يمكن في رايكم اني ما مفروض اقول الكلام ده بس انا حسيت اني عاوزة اقولو وقلتو

( كلامي ده قلتو وهونايم يعني دون اي تهديد او وعيد
)

Quote: انت عارف ده كولو عشان قلت ليه نمشي السودان في الإجازة (غايتو جنس جرسة) سامية أذيك ياخى السودان ملحوق خلينا نتظاهر مع بعلك لاسقاط النظام ونمشى كلنا السودان.

Quote: من الذي يكتب بإسم الكوز ابو صباع

Quote: إنتي مع البطل و ل مع الخيانة يا وليه ...؟؟؟؟

Quote: هو فضل فيها جعلي و ل شايقي يا نجاة الناس كلها بقت في الهم وااااااااحد ...

Quote: غايتو يا ابو حسين عندك قفشات بانت بينونة كبرى في هذا البوست لذا العميان اتى يحمل المكسر

Quote: إنت رأيك شنو في عنوان البوست بـس ....؟؟؟؟؟؟

Quote: عنوان خالي من المضمون

Quote: خالي من المضمون و ل محتاج لي ليمون ...؟؟؟ علشان بطمم البطون كـبييييييييييييييييير كدا و تقول لي خالي من المضمون ...؟؟؟

Quote: سلام يا ابو حسين و مشتاقين والله

Quote: هذا حزب لا يحس ولا يشعر احمد المصطفى إبراهيم [email protected] كيف لا توافق لجنة رئيسها صابر محمد الحسن على رفع الدعم عن المحروقات؟ ودون الرجوع ولا السؤال عن من هم أعضاء اللجنة، أقسم يميناً مغلظاً ليس في أعضاء اللجنة من اشترى وقوداً من جيبه منذ أن جاءت الإنقاذ.. أما مخصصاتهم الأخرى فأتمنى أن يكشف لنا صابر عن مرتبه ومخصصاته يوم كان محافظاً للبنك المركزي والتي استحى منها خلفه وخفضها «30 %» ودون أن يقول لنا كم وجدها.. غير أن بدل اللبس في البنك المركزي فقط يكلِّف الخزينة العامة بضع مليارات كل سنة.. ماذا يلبس هؤلاء؟؟؟. هذا الحزب لا يشعر بمعاناة القواعد ولا يشعر بمعاناة الشعب ولا يفكِّر إلا في نفسه ولا يفكِّرون إلا مع بعضهم وكثير من معاناة الشعب من تفكيرهم.. هل فكَّروا في زيادة الإنتاج يومًا؟ هل فكَّروا في كيف يحرِّكوا طاقات الشعب؟ هل فكَّروا في الزراعة وما أصابها ولماذا أصابها ما أصابها؟ هل يعلمون بالفرق العجيب بين المرتبات مرتبات الخدمة العامة والعقودات الخاصة التي ظهر أن من شروط بعضها أن لا يطلع عليها إلا الوزير والأمين. هل يشعر أعضاء الحزب بضآلة مرتبات العاملين في الدولة؟ وما أصابها بعد تعويم الجنيه ولم تعوم معه جنيهات المرتبات.. هل يشعر أعضاء الحزب بمصاريف الدراسة؟ هل يشعرون بتكاليف العلاج؟ أم يخدعون أنفسهم بالتقارير المضلِّلة التي تصوِّر الواقع جنة من جنات عدن؟. وإن كل النقاد (ثورة مضادة) على طريقة حكومة مايو أيام جعفر نميري. يا سادتي مرحباً برفع الدعم عن المحروقات بشرط أن تمارس شفافية تامة في المرتبات والأجور وكل ما يخرج من خزينة الدولة نريد قائمة بكل مرتبات ومخصصات السياسيين ومرتبات الشركات الحكومية وكل مرتبات الدولة وعندما يتساوى الناس في الدخل كل حسب مؤهله وعمله ولا يزيد بعضهم مخصصاته من الخزينة العامة كما يشتهي، عندها فليكن ما يكون.. أما أن يكون مرتب أحدهم «30» مليونًا في الشهر غير المخصصات الأخرى ومنها الوقود المجاني لعربتين وسكن مجاني وأكل مجاني وكل متطلباته من خزينة الدولة، وآخر مرتبه «450» جنيهًا ليأكل منها هو وعياله ويتعالجون منها ويدفعون للتلاميذ والطلاب بالجامعات ويترحلون بالمواصلات العامة من هذه الـ «450» جنيهًا.. فإنك إما أن تضطرهم للسرقة أو الموت جوعًا أو أشياء أخرى لا سمح الله. هل تعلم لجنة صابر ما يترتب على رفع الدعم عن الوقود؟ سيرتفع سعر كل شيء بحجة الترحيل والأشياء أصلاً مرتفعة.. فكيف يصير الحال بعد رفع الوقد وتعويم الجنيه؟ لجنة الحزب هذه إما في غياب تام عن الواقع أو لا يهمها ما يحدث، أو هي مستصغرة لهذا الشعب وإرادته وتحسب أن القوة هي ما يحفظ الحكم. صراحة متى ما مر أمر رفع الدعم عن الوقود، والسوق بهذا الانفجار وفوضى الأسعار وارتفاعها يطحنان المواطن طحناً لا أشك مطلقاً أن هناك جهة تبحث عن نهاية غير سعيدة لهذه الدولة. أليس في هذا الحزب رجل يتحسس حال الناس كما كان يفعل سيدنا عمر؟ ليرى بعينيه دون تقارير؟ لا أريده أن يذهب للأقاليم فقط فليسأل عن حال الطلاب في الجامعات ماذا يأكلون وبكم يقضون يومهم؟ وإذا أراد أن يلقى الله صادقاً فليذهب بالقرب من ديوان الزكاة ويفحص حالة أو حالتين وسأعفيه من شارع المستشفى والأحياء الطرفية.

Quote: ابو حسين ....سلام شوف كان ماجبت هناية وام فتفت وكبدة ابل و سامية عملت الكمونية الما خمج وعزمتنا انا وطارق نقد و ود الباوقة انا اصلوا ما بصدقك والله صحى ومن ناحية حكومة سجم قطع شك كلامك صاح،،،

Quote: لكن بالطريقة دي انت عصرت على المؤتمر الوطني ده شديد ه؟ دي حالة يمشو فيها اجازة للسودان ؟ عيبي لي المدينة ومكة هذا ولا يفوتني ان اعلن تضامني مع عبدون كاااااك

Quote: يا كوز ما عندك اي حل مش لو سكـلـبـت لو طرت فر عديل حدنا معاك مصطفى كامل اخر حكام الانقاذ والذي سيحكم لمدة 930 سنة (هجرية، ميلادية والله ما عارف) والله اكان داير اعرف هو اخرهم لشنو؟ مثلاً بعدو بجي سيدنا عيسى؟ ولا بتجينا الهبوب الباردة ديك تودينا الاخرة وهو ما يلقى ناس يحكمهم بعدنا يقوم ينتحر؟ ولا حتتامر عليهو الحاشية بتاعتو وتقتله وهو بيلعب قيم بلاي سيشن 6.6325.325.325 الذي هو امتداد محدث لنسخة سابقة كانت تعرف بالبلاي ستيشن 3 في عهود غابرة ؟ قصدي اعرف السبب البخلى المنحوس دا يكون اخر حكام الانقاذ!!!! مدة حكم هذا البائس هو 7 سلاحف و غليم نازل معاش يادوب (الغليم هو صغير السلحفاة التي هي اطول الحيوانات عمراً)