|
|
 عاجل لبورداب السعودية والسودان 00 لايحتمل التأجيل !!!
|
أحد اصدقائي تزوج قبل اربع سنوات وينتظر مولودا لأول مرة هذا العام ان شاء الله
لاتحتاج زوجته بالطبع لنقل دم
ولا لتلك الأدوية المنقذة للحياة
ولا حتى لمضاد حيوي
بل 00 لـــــ { أقاشي } !!!
فقد بدأ الوحم بالنبق 00 ولم تكن هناك أي مشكلة
ثم امتد الى اللالوب والقنقوليس وطين البحر !!!
وايضاً لم يعاني صديقي كثيراً فقد ارسلها احدهم عن طريق الـ {DHL}
تخلل كل هذه الحلقات ما بين النبق واللالوب والبحر الأبيض المتوسط بريك اعلاني مدهش
كان عبارة عن عووووووووووووع 00عاع 00 أأأأأأأأأأع 00 واستفراغ بلا حدود
وكأنها تبحث عن الأمور الصعبة 00
فقد فاجأته قبل يومين وفي الثانية صباحا برغبتها في سيخة أقاشي
اتصل بي في تلك الساعة وأخبرني بان { وحم } المدام وصل الى مرحلة حرجة !!
فقلت له ياساتر لاتكون اتوحمت ليك على { الدهب } !!
فقال 00 ياليتها طلبت ذلك 00
الزولة عاوزة أقاشي في سيخة ويكون سااااخن !!!
ولأنني اعرف ان الحالة نفسية طلبت منه أن يذهب الى عمه { قوقل }
ومن ثم ياتيها بصورة أقاشي لم يتغير طعمه
وبالفعل طبع الصورة الملونة على ورقة 00
وبجوارها فكي ابكر 00
و الشطة والليمون 00
والكانون وكل ما يلزم
وذهب فرحاً اليها
ولكنها فاجأته انها تريد { ريحة الأقاشي } !!
المشكلة التي تحيرني أنها ليست من أهل العوض { نحن بس شايلين النايحة } !!
بل من المنشية حيث الضلع والهامبرقر والكابتشينو !!!!
أرجوكم أنقذوا صديقي فقد اشترطت عليه المدام عدم الدخول الى المنزل
الا ومعه هذه السيخة الملعونة !!!!!
للتواصل 00966507063205
[email protected]
|
|
  
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: Elmosley)
|
كيفك ايها الموسيقار الراقي
Quote: مرحبا بقدومك ثانية
الظاهر عليها كانت في جامعة الخرطوم وشافت معارك السيخ هههه |
والله دي تكون مشكلة لو الزولة دي عاوزة تاكل ليها سيخة فاضية !!!
معليش انت انسان راقي وشيلناك معانا السيخ
ذكرتني مرة كنت ساكن مع عزابة شغالين { حدادين }
طبعاً غرفتي الوحيدة هي النضيفة وناعمة
وكلها جرايد ومجلات وكتب وافلام وسيدي هات
يوم نادوني للغداء
قلت ليهم والله الليلة انا تعبان جدا وعندي { قطيعة } !!
واحد رد وقال لي يازول عافية ان شاء الله الليلة شلت ليك جريدة وللا شنو ؟؟؟
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: الامين موسى البشاري)
|
ابو حراز ...سلام ..
انت جادي ؟!!!
يااخوى الزولة دي شغالة عكس ولا شنو ؟
في السعودية حيث البيك والطارج بتتوحم بالاقاشي ؟!!
اديك الحل اليطير الوحم ويولد مبكر ...
خلي صاحبك يلوح ليها بورقة الطلاق
على العرس زولتك تتوحم بموية عادية وتلد امبارح ..
ــــــــــــــــــــ
وبعد ده ماعندي مانع لو صحبك في جدة اشوف ليهو الاقاشي ..
ولو جرب التلويح ونفع انا وهو ناكل الاقاشي والدفع على ..
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: عبدالله احيمر)
|
مكة المكرمة و مدينة جدة مليئة بمحلات " الساري " اي الاقاشي , حيث يعمل فيها اسياد الشيئ ذاتا , من النيجيرين
قول ليهو اطلع بيها عمرة مكة بتلقي طلبك جاهز ومن " ناره"
او خلي يجي بيها جدة وعلي الكورنيش يقزقزو اسياخ الاقاشي
ياخ ذكرتني اول سنة زواج , عندنا كان دوامين رجعت من الدوام الاول حاولي الساعة الثانية ظهرا , اساسية راسها والف سيف الا تاكل " فتة بوش"
هي يا اخوانا فتة فول الساعة اتنين ظهر في السعودية ؟
اخوك ما كضب مشي البقالة واشتري علبتين فول وجبنة وبصل وطماطم وظبطا فتة بمزاااج
قلت ليها لكن اديتني احساس اني اتزوجت لي طُلبة ^_^
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: اساسي)
|
الموضووووووووووووووع ساهل شديد
اتصل بناس الحجه وخليهم يوصفوا ليك الخلطه
وجيب منقد وولعه بالفحم فى نص البيت
العيدان بهناك متوفره
اعمل الخلطه بالبسكومات واقعد اعجن فيها واخلط - منها لصقاه فى العيدان وقعدها تشم جنبك وانت بتشويهم
لكن لنصيحه ما تاكلها قبال تجربه فى نفسك وبعد مرور 24 ساعه اديها قضمه لو ليسه عايش
:))))))))
يا شوف مطعم سودانيين وادفع كده اكراميه كاربه خليهم يعملوا ليك مخصوص
يا شوف سودانيه نجيضه فى السعوديه بتعرف تعلموا
واخيرا قول لمرتك ارحمى ناس سودانيز ما انا
واياهاااااااااا تتوحم تانى
وربنا يرزقك الزريه الصالحه ويقومها بالسلامه
| |
|
|
|
|
|
|
|
|
 Re: عاجل لبورداب السعودية والسودان 00 لايحتمل التأجيل !!! (Re: اساسي)
|
Quote: ياخ ذكرتني اول سنة زواج , عندنا كان دوامين رجعت من الدوام الاول حاولي الساعة الثانية ظهرا , اساسية راسها والف سيف الا تاكل " فتة بوش"
هي يا اخوانا فتة فول الساعة اتنين ظهر في السعودية ؟
اخوك ما كضب مشي البقالة واشتري علبتين فول وجبنة وبصل وطماطم وظبطا فتة بمزاااج
قلت ليها لكن اديتني احساس اني اتزوجت لي طُلبة ^_^ |
للتوثيق فلنا زيارة في الايام القادمة ..
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: حمزاوي)
|
مرحب ياقشاش
Quote: يقشوك بمقشاشة
انت كنت مختفي فين
اقاشي وفي الظروف الصعبة دي
يا اللخو انت اشتغلت داية
الحمل وصل كم اصبع
اسمع
شوفوا ليها الطيب سيخة |
يمكن يقوم بالواجب
بالله انت من زمن المقشاشة
تاريك زول قديم جداً
عندي صاحب نسيبتو جنها مقاشيش
ياخي دي لو سافرت سنجة تجيب مقاشيش معاها
تقول ليك سعف سنجة أحسن من سعف مدني
ولو سافرت الأبيض تجيب معاها مقاشيش
وتقول ليك سعف الأبيض طري وناعم !!
مرة انتظرناها في مدني وكانت قادمة من سنار
وكنت كلما اشاهد بص قادم من سنار اريد الذهاب اليه
فيمسكني بقوة ويقول 00 لسه زولتي مابتكون في البص ده
والله اكثر من 6 باصات من سنار
وفي كل مرة يقول الزولة دي ماهنا
في البص السابع قال لي خلاص نسيبتي هنا
سالته عرفتها كيف
قال لي شايف المقاشيش بالزجاج
والله فعلاً الوحيدة الكانت نازلة بالمقاشيش !!
قال داية قال
ذكرتنا قريبنا المترجم ومالقوا ليهو وظيفة شاغرة في المستشفى
وكانوا محتاجين ليهو شديد في السعودية
اخيراً مالقوا الا وظيفة { داية }
ومرة سافرت السودان وجماعتي في الشغل كانوا عاوزين يجددوا عقد واحد مصري
فتشوا لنماذج العقد مالقوها
المهم في النهاية استلفوا نموذج عقد من المستشفى
ووقع عليه صاحبنا
انا أتيت في اللحظات الأخيرة وطلبوا مني مراجعة العقد
القى ليك الفقرة دي في العقد
{ تعطى المذكورة اجازة وضع مدتها 45 يوماً مدفوعة الأجر }} !!
المصري جاء يسأل من العقد
طوالي قلت ليهو مبرووووووووووووك 00 عندك اجازة ولادة !!!
فرد باستغراب 00 يالهوي !!!
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: فايزودالقاضي)
|
سلام أخي ود القاضي بكل أعداد أسياخ الأقاشي في السودان والعالم أجمع
Quote: انت جادي ؟!!!
يااخوى الزولة دي شغالة عكس ولا شنو ؟
في السعودية حيث البيك والطارج بتتوحم بالاقاشي ؟!!
اديك الحل اليطير الوحم ويولد مبكر ...
خلي صاحبك يلوح ليها بورقة الطلاق
على العرس زولتك تتوحم بموية عادية وتلد امبارح .. |
قال طلاق قال !!!
يازول انت مفتكر نسوان الزمن دا زي نسوان زمان
بدري كان الواحدة لمن تشاكلها طوالي تمشي بيت ابوها
وهاك يا أجاويد لحدت ماترجع ليك بشروط
هسي عليك أمان الله تشاكلها وتلقاها نامت ليك في سريرك
بروووووووووووود غير عادي
والمشكلة البتغيظ الواحد 00 تلقى الواحدة يموت راجلها
تطلع ليك من الحبس سمينة وبيضاء !!
قريبي هو ومرتو متشاكلين
بالنهار المدام حردانة
وهو حردان
ولا اي واحد فيهم ما بيتكلم مع التاني
المشكلة البتحر ابليس بالليل حياتهم عادية
ويفعلون كل شيء من وضوء وتيمم وخلافه
اول ما شمس الله دي تشرق يتحاربو تاني !!!
يعني انا حرد مثل هذا لم قابلني في حياتي نهائي
وحتى تضايقت منه وقلت ليهو يا قريب
اما تتخاصموا بالليل والنهار
واما أن تنفتحوا على الآخر
فرد قائلا 00 دا براهو 00 ودا براهو !!!
يعني كما يقول فطاحلة اللغة { لكل حادثة حديث }} !!
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: الامين موسى البشاري)
|
أخي البشاري 00 سلامات
Quote: كامل التضامن مع زميلكـ ياخ
أختف رجلكـ على الكرنتينة وهناكـ كل شـــئ في
الاقاشي والقدو قدو ولو دايره تحبس ببيره برضو ماف مشكلة |
أشكرك كتير واشكر كل الذين تضامنوا معنا في هذه المشكلة
لم اتصل بالأخ منذ يوم أمس
ولكن أحد اصدقائه ذكر لي أن زوجته تعرف طريقة عمل الأقاشي
ولو تأزم الموقف وزاد الاستفراغ سوف يقومون بعمل اللازم
وسوف يقولون لها أن هذا هو أقاشي حاج ابكر !!!
هجمة مرتدة
اعرف واحدة في السودان تتوحم على { الصاعود}
والمشكلة لو جبت عماري دارفور كلو في كيس ما بتشتعل بيك شغلة
الا تجيب ليها التمباك في { حقة } !!!
والله التمباك كوم
والأقاشي كووووووووووووم
تقوم واحدة هنا في السعودية الكلها وضوء وتيمم دي
تقوم تتوحم ليك على المريسة
والله محل تمشي ما تعرف !!!
قال أقاشي قال !!!!
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: ابو جهينة)
|
عليك بمعاوية عبيد الصايم يرسل لك طلب اقاشي
من الجمر مباشرة الى الرياض ...
الكرن فيها احلة اقاشي في الكرة الارضية عليك به
وللأمانة في المدينة المنورة والزميل الخطير ود الجمام
برضو داك 70 نجمة .اها رأيك شنو ؟؟
الكرن اسم الدلع للكرنتينة وفي رواية اخرى حي المصفاة
بالله تخيل ليلى المغربي بصوتها الجميل داك لما تقول استديو
كسلا بحي المصفاة كنت بفتكر الاستديو خمسة عشر ( نجوم)نجمة
نجمة الليل نعدو جيت لقيتو الكرن او بترومين او المصفاة
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: الرفاعي عبدالعاطي حجر)
|
أب حراز حبابك .
المشكلة محلولة تب اازول ..من السودان راس .. وعبر سودا بوست
أقرا الخبر دا
Quote: اتَّفق جهاز تنظيم شؤون السودانيين بالخارج وشركة البريد السوداني (سودا بوست) على تنفيذ أول المشروعات المشتركة بين الجانبين وهو مشروع طرد رمضان للسودانيين العاملين بالخارج.وأكَّد الدكتور كرار التهامي «الأمين العام لجهاز المغتربين» لدى لقائه وفد الشركة ضرورة إنفاذ هذا المشروع بصورة عاجلة، ومن ثم الترتيب لإنفاذ المشروعات الأخرى، كما يعمل البريد في نقل الأدوية لأكثر من (800) صيدلية في السودان وهناك خطة لنقل وتسويق طرود رمضان لتوفير احتياجات شهر رمضان للمغتربين.
أكَّد أعضاء الوفد استعداد الشركة لخدمات المغتربين بتوفير ناقل سريع يلبي احتياجاتهم وفقاً للمعايير الدولية. |
ووفق المعايير الدولية كمان .. ! !
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: فتحي الصديق)
|
الله سهلها
وأقاشيها وصلها
قول تم...
تعرف وأنا في ليبيا
طالع من الصباح الشغل
المدام قالت لي جيب معاك منقة...
سمعتها قالت شنو
لكن كنت مستعجل شوية...
وأنا في الطريق ...
قالت شنو الما نصيحة دي
الليبيين حاظرين أية فواكه غير الموز والتفاح
مرة مرة في الجمعية...
من وين المنقة ؟
وشنو الداعي؟
أوع يكون زي قبل يومين قالت جيب معاك جبنة
ما جبناها
حاسب حاسب ... الشغل شغل وحم
أيه اللي بحصل ده
وأنا جالس في المكتب جاء واحد مصري
كيفك ياحمام؟؟؟
انا ماشي الأسكندرية وقاي بكرة مش عاوز حاقة؟
مننننننننننننقققققققققققققققققققققققققققققققققققققة
وتاني يوم وصل صندوق مانجو تأكل وحمك وراه
| |
|
|
|
|
|
|
|
|
|
Re: عاجل لبورداب السعودية والسودان 00 لايحتمل التأجيل !!! (Re: المسافر)
|
اولاً اعتذاري الشديد عن الغياب والتأخير في الرد
واشكر بحرارة كل الأخوة المشاركين في وجبة الأقاشي
كما اشكر كل الذين اتصلوا من السعودية ومن خارج السعودية
والتحية لأصحاب الايميلات الجميلة المصحوبة بصور اقاشي الرياض والنهود
طبعا ما يحز في النفس ان كل المتصلين كانوا من الرجاااااااااااااااال !!
ساعود باذن الله للرد عليكم
| |
|
|
|
|
|
|
| |
ابوحراز
Elmosley
نادر النور آدم
الامين موسى البشاري
فايزودالقاضي
عبدالرحيم أبراهيم العبيد
اساسي
ابو جهينة
الرفاعي عبدالعاطي حجر
المسافر
فيس بوك
تويتر
انستقرام
يوتيوب
بنتيريست