كيف مات طفل فى دنقلا .... ..يا وزير الصحة

Quote: (حريات) توفى طفل يبلغ من العمر (7) أشهر بدنقلا لرفض مستشفى المدينة استلامه بحجة عدم وجود حضانة جاهزة ، أمس الأول 24 مايو . وقال مراسل (حريات) ان الأسرة ذهبت بالطفل لمستشفى دنقلا الذي رفض استلامه ، فانتقلوا إلى المستشفى العسكرى الذين ذكروا ايضا انهم لن يستطيعوا استلامة قبل 3 ايام بدعوى ان الحضانة فى مرحلة التعقيم ، ثم تحركت الأسرة الى مستشفى الشرطة ولم يكن هناك تيار كهربائي بالمستشفى . وأضاف ان الطفل توفي بعد عدة جولات على مستشفيات المدينة . وطالبت الأسرة بتقديم المسئوليين عن الاهمال للمحاكمة و المحاسبة . وحاول والد الطفل شهاب عبدون الاتصال بوزير الصحة الولائي لابلاغة بالحادثة إلا ان الوزير لم يرد على الاتصالات . وولد الطفل المتوفي قبل (7) أشهر بمستشفى الترعة 100 كلم شمال دنقلا حيث لا تتوفر حضانة للاطفال ناقصى النمو مما اضطر الاسرة للذهاب لمستشفيات دنقلا والتي فشلت بدورها في انقاذ حياة الطفل

Quote: لايوجد ما اهو أقسى على الوالدين من انقاذ طفلهم وهو يحتضر امامهم . لايضيع حق وراءه مطالب .. اصلو مايسكتو مش عشان طفلهم اول واحد او اخر واحد عشان يكون درس للمسئولين ومايتلاعبو بارواح المواطنين والروح مش بعزقة . ربنا يعوضهم ويرزقهم شفاعتو .

Quote: حسبنا الله ونعم الوكيل .. نسأل الله أن يعوض والديه عوضاً صالحاً وان يجعله شفيعاً لهم .. -------------------------------------- اتفق مع الحبيبة نجلاء ألحق ينزع ولا يمنح.. وان يتضافر ويتضامن أبناء المنطقة مع والديه حتى لا تموت قضيتهم في مهدها متل كثير من القضايا المماثلة.. شكراً الأخ نايف محمد ودمت بالف خير ..

(عدل بواسطة نايف محمد حامد on 05-27-2012, 10:15 PM)

Quote: دنقلا بطولها وعرضها ما فيها حضانة اطفال شغالة ان شاء الله يحضنكم جهنم يا حكومة السجم

Quote: دنقلا بطولها وعرضها ما فيها حضانة اطفال شغالة ان شاء الله يحضنكم جهنم يا حكومة السجم

Quote: Mohammed Abbas Hussein Ahmed [email protected] 7:52 ص (قبل 8 ساعة) لي اخي الكريم السلام عليكم ورحمة الله يموت الملايين من اطفالنا ولا يهمهم غير انفسهم انهم يكنزون الذهب من مناجم ابوصاري وعائد البترول ولا نري في ارض الواقع غير الفساد وسرقة مال الاوقاف انهم يسرقون مال الله ام كان اجدي لهم تجهيز حضانة واحدة كم تكلفتها مقارنة بما ينفقونه علي انفسهم واسرهم انهم فاشية ومافيا اراضي وياكلون اموال الناس بينهم بالباطل كل الولاية الشمالية من وادي حلفا وحتي دنقلا تعاني من عدم توفر خدمات المياه والصحة ووالكهرباء رغم السدين العالي وسد مروي بحجة الامكانيات - يمهل ولا يهمل -

Quote: خشيت البوست عشرة مرات وطلعت ما عرفت اكتب شنو ؟؟!!! لانوا العبرة خانقانى موجوعة شديد شديد والدموع ما عاوزة تخلينى اشوف مفاتيح الكى بورد فى الاب توب مالوا الوجع دا كتر كده وماعاوز ينتهى ؟؟؟ غير الماسي ما بنقرى شى فى المنتدى دا ليه الانسان فى السودان ماعندوا قيمة ؟ ولمتين حا نكون كده ؟؟؟؟؟؟؟؟؟؟؟؟؟؟؟؟؟ ولية ربنا ماعاوز يرحمنا ويخلينا دولة مطورة والانسان عندوا قيمة

Quote: عزيزى نايف والله العظيم تأثرت جدا لحال هذه الاسرة المسكينة ودعوت الله ان يقصر عمر هذا النظام الظالم و(يوريهم قدرتو) .. بالله معقول المديرية الشمالية كلها ما في حاضنة أطفال واحدة فى مستشفياتها...يا فتحى خليل إن الله سائلك يوم القيامة عن رعاياك.. قال الفاروق: لو عثرت بغلة فى العراق خشيت ان يسألنى الله عليها: لِمَ لَمْ أسو لها الطريق؟؟؟؟؟ يا نايف إن المليارات التى تمتصها الدولة من أموال النوبيين فى السعودية تكفى لتعمير كل مستشفيات السودان وطرق السودان... الله يورينا فيهم يوم... تحياتى للأسرة النوبية الصابرة وربنا يعوضهم خيرا..وليس بين المظلوم وربه حجاب... أحزنتنى والله يا نايف بهذا الخبر المؤلم..

Quote: انتو انصار السنة قلتوا زاهدين فى السلطة و دايرين تخدموا الناس وينا خدمتكم ؟ الاطفال يموتو لعدم الحضانه !!! انت الوزير جابك من خارج الخدمة المدنية كمدير مكتبوا قعدت تاكل و نسيت واجبك ؟ اقضوا للمستشفيات متطلباتا قبل منصرفات المكتب من يناصر دولة المفسدين و الظلمة هو ظالم و مفسد برضو

Quote: الله يحرق قلبهم ذى ما حرقوا قلب اهله...... سلام الاخ نايف يشتكو منو لمنو!!!!!!!! مافى اى واحد منهم عندوا احساس بالمسؤلية تفكيرهم داخل جيوبهم وبس الله يخلصنا وربنا ينتقم منهم جميعآ.

Quote: الوالي فتحي خليل اسوأ من مشى على الارض في هذه الولاية لا يعرف غير التهليل للمؤتمر الوطني رجل يخاف الرئيس اكثر من خوفه للمولى عز وجل حكومة تصرف الملايين في احتفالات سوق ادرمان لا يهمها توفير حضانة للاطفال الهي ارنا فيهم عجائب مقدرتك تسقط تسقط حكومة السجم الهي ينتقم منهم في اولادهم

Quote: فاجعة ان يموت طفل امام والديه لعدم وجود حضانة اللهم الهم والديه الصبر ولاية بطولها وعرضها ووالى ومعتمدين طالعين نازلين وتبرعات ماشة للمركز وما فيها حضانة الحضانة تجدها في اقل مستوصف في الدول المجاورة وهذه الولاية هي التي قال عناا انها مدللة وولاية الحكومة نعم معظم قادة الحكومة من هذه الولاية لكن هولاء لا يمثلون الا انفسهم ولا هم لهم غير اشباع رغباتهم

Quote: أخي نايف تحياتي وحزني بلا حدود... منذ فترة وبوستيك دا معلق في راسي ماقادر اقول فيهو شئ تملأنى الحيرة بين حزن الفراق لهذا الطفل وفرحة انتظاري لطفلى الحسن الوليد هواجس الابوة ابحرت بي الى شواطئ الم كبير بين الترقب (لمولودي) وانتظار مستحيل من مستشفى دنقلا حمدت الله ان طفلى كان باحد مستشفيات الرياض وعندما تم الميلاد قبل يومين اختلطت دموع فرحى بحزن اسرة طفلنا بدنقلا اااااااااااااااااه من الحزن،،،

Quote: يا جماعة بالعقل ودون التحيز إلى أي جهة في طفل بلغ من العمر 7 شهور بدخلو حضانة حتى لو فرضنا إنو إتولد ناقص وبلغ السبعة شهور تاني ما بحتاج يدخل حضانة مما ممكن يا نس حريات إحترموا عقولنا

Quote: طفل اختشو ياكيزان يموت طقل وينو حق المستشقيان اختشو يالقلتو بتخافو الله يموت طقل وينو حقو مشى وين وليه وكيف الاهمال ده وين حق الشعب وين حق الشباك تزكره لكل داخل رسوم على كل سرير وحق الدواء برضو المواطن بدفعو حار من عرقه وعرقنا غالى لانو جاي بالتعب عرفنا غالى لانو من شقانا لاسارقينو لاشايلنو لاحالبنو من دم الناس ولاصارفنو ببنود مسهله من حق البلد السايب صدقتو نفسكم وقلتو احنا شعب الله المختار صدقتو كلامكم فى المنابر ونصبتو انفسكم انبياء ولكنكم شياطين الانس البياكل حق الناس حرامى البظلم الشعب مجرم البياكل حف الحضانه قاتل قروش الحضانه وين مكوعه فى سويسرا ولا ماليزيا ولافلا فى المنشيه ولا جنينه على النيل ولا ؟ انا خايف يكونو عرسو بيهو والله ديل ناس بعرسو كل يوم واولاد البلد اسياد البلد جعانين تموت الاسود جوعا ولحم الضان تاكله الحراميه اشبعو بالحرام ياكيزان اخر الزمن بس فى يوم حساب فى رب اسمه الله لو نسيتو بنزكركم انتو ظلمتونا ومرمطونا وجرجرتونا والله حق

Quote: البوكس دبل كابينه الواحد يجيب 10 حضانات و7 أسطوانات أوكسجين ...! يعني لو فرتكت الموكب حقهم البجري وراهم ويخدمهم ، لي كاش بتلقاهو يعمل زي السلاح الطبي 3 ونص ... غايتو مسدار النصيحه داك ما للبشير بس لعينة ديل برضــو ... يا مان الكيزان في دينهم البيطبقوا فينا دا ما اظن يوم القيامه وارد فيهو ( أستغفر الله ) .. ربنا يجعلو سلف لوالديه .... ربنا أغفر لنا وأرحمنا يا كريم ...