|
|
 والله دا ما كلامى انا لكنو كلام المناضل اسامة خلف الله ( يوجد جنون)
|
كتب المناضل اسامة خلف الله
Quote: موضوع المؤتمر الشعبى وإنضمامه لتحالف معارضة موضوع يحتاج للدراسة والتأنى وتبادل الاراء والتريث فى الاخكام...
وكما تعلمان أنتم ماذا يعنى وجود كتلة واحدة للمعارضة فى هذا البلد تتحدث من منبر موحد....
فوجد حزب المؤتمر السودانى فى هذة الكتلة هو مكسب للحزب والكتله وللجماهير المتعطشة للتغيير والحرية....
وإرجو أن يكون باب الحوار والمشاركة مفتوحا لحزب المؤتمر فى هذة الكتلة حتى نصل معا لرأى متقارب فى أمر المؤتمر الشعبى والتحديات المقبلة بعيدا عن التعنت وسرعة إصدار البيانات....
رجوعا بتاريخ المؤتمر الشعبى وإفراخه للنظام الحالى هنالك تنظيمات سياسية فى هذة الكتلة شارك قادتها النظام فى تاريخه الاسود....
فهل المنطق هتا أن نعزل من شارك أولا ثم نغض الطرف عن من شارك لاحقا؟؟؟
من السهل جدا والحقيقة أن ننسب الحال للذى كان سببا فيه.....
ولكن أليس من شارك فيه ولو لسويعات يستحق نفس الجزاء؟؟
أهل من المنطق أن نتوقع تنظيمات للمعارضة يخلو تاريخها من مشاركة أو مصالحة أو دخول فى أى عملية سيلسية قامت تحت إشراف هذا النظام؟؟؟
|
|
|
 
|
|
|
|
|
|
|
 Re: والله دا ما كلامى انا لكنو كلام المناضل اسامة خلف الله ( يوجد جنون (Re: حسن حماد محمد)
|
| Quote: فوجد حزب المؤتمر السودانى فى هذة الكتلة هو مكسب للحزب والكتله وللجماهير المتعطشة للتغيير والحرية.... |
والله لو كتب الكلام اعلاه العبد الضعيف لله حسن حماد لأقام المناضل ودخلف الله الدنيا ولم يقعدها
ياجماعة الزول قال يخت ايدو فى ايد من اتى بهذا النظام وشارك فى جرائمة
عليكم الله واحد يكلم حبوبة صلاح قريبة
وواحد تانى يشوف لينا خالتو بظاظا وين
وواح تالت يقول كااااااااااااااااااااااك
وواحد رابع يقول
اححححححححححححححححححححححى يا عوضية
قلنا ليكم زمان الجماعة مهببين ساكت قلتوا علينا مجانين
وتيب يا اسامة ما تختصر الطريق وتتصل بى نافع وله البشر زاتتتتتتتتتتتو وتريحونا وتريحوا البلد الوقفتوا حالها بى معارضتكم الماعندها مبادى ولا اخلاق
ولا حتى بتخجل زاتووووووووووووووووو
اهه يا جماعة ادونى راسى وصدقونى انا بصراحة بصراحة ما قادر اصدق
ولتهنأ بطول اقامة يا عمى البشير
والله انا خايف اكون حلمان لأنى متأكد انى ما سكران وله اكون جنيت زاتو
| |
|
|
|
|
|
|
|
|
|
Re: والله دا ما كلامى انا لكنو كلام المناضل اسامة خلف الله ( يوجد جنون (Re: حسن حماد محمد)
|
| Quote: كدى قول بسم الله واقرا براحه.. الكلام داك ما فيهو شى |
الأخ مكى فعلاً بالنسبة لى وليك ما فيهو اى حاجة وأى دعوة للحوار مرحب بها
بل والمخرج الوحيد لمشاكل السودان هو الحوار بين كل الاطراف بما فيها الانقاذ
ولكن اذا رجعت لمواقف الاخ اسامة سوف ترى عكس ذلك
فليحدثنا عن مواقفه من حوار النظام مع حزب الأمة أو مع الحزب الاتحادى الديموقراطى الذى هو عضو فيه
ولو تذكر عدد البوستات التى فتحها اسامة خلف الله هنا مندداً بمواقف الآخرين لمجرد علاقات اجتماعية مع اى مسئول فى الانقاذ
ويأتى الى هنا ويعلنها على الملا بأن لا ضير مع التنسيق مع من أتى بالانقاذ وشاركها جرائمها وتاريخها الاسود
كيف يستقيم مثل هذا القول
اين المبادئ بل اين الاخلاق فى ان تنادى بمحاكمة بعض رموز النظام وتصافح البعض الآخر وتعطيهم رخصة للعودة للعمل العام
وبعدين لو الأمر بهذه السهولة لماذا لا يتجه اسامة والجبهة التى ينضوى تحت لوائها لحوار مع النظام عديل
يعنى حزب الترابى وحزب المؤتمر الوطنى الفرق بيناتم شنو ما ياهو احمد وحاج احمد
ليه مطولين اللفة ومطولين معاها مآسى الغلابة والمسحوقين
وكلام اسامة عن محاسبتهم فى وقت لاحق ماذا يعنى ؟؟؟
يعنى يتحالف معاهم هسع عشان يزيلوا النظام وبعدين نرجع تانى نتحاسب
ارجو ان تشرح لى حسب فهمى البسيط الأخ اسامة بيقول الآتى
الترابى وحزبه وآخرين فى هذه الجبهة التى يتحدث عنها شاركوا النظام فى جرائمه البشعة ضد الشعب السودانى
ولكنهم الآن خارج منظومة النظام (دى زاتها مشكوك فيها عند البعض) ويسعون لازالته
لا ضير اذاً يمكن ان نتحالف معهم لاسقاط النظام ونغض الطرق عما ارتكبوه من جرائم وتغويض للدستور والتآمر على حكومة ديموقراطية
ولكن يمكن ان نأتى لاحقاً ونحاسبهم على تمكينهم للنظام فوق رقابنا
غايتو دا الفهمتو انا اذا هناك فهم آخر فليأتى اسامة لتوضيحه
انها نفس النغمة القديمة التى اوصلتنا الى ما نحن فيه
عف الله عما سلف
والشعب السودانى شعب مسامح
اشكرك على المرور محمد مكى
| |
|
|
|
|
|
|
|
|
|
Re: والله دا ما كلامى انا لكنو كلام المناضل اسامة خلف الله ( يوجد جنون (Re: حسن حماد محمد)
|
| Quote: موضوع المؤتمر الشعبى وإنضمامه لتحالف معارضة موضوع يحتاج للدراسة والتأنى وتبادل الاراء والتريث فى الاخكام. |
الترابى هو من تآمر على الديموقراطية وكان صاحب مشروع اعادة صياغة الانسان السودانى
وصاحب فكرة عرس الشعيد الذى اصبح بقدرة قادر بعد خروجه من النظام بالفطيس
وهو من شهد عهده اسوأ مرحلة فى حكم السودان كممت فيها الافواه وشرد الابرياء من وظائفهم وقتل البعض فى وضح النهار
ولكن كما يقول المناضل اسامة خلف الله موضوع الترابى يحتاج لدراسة وتبادل الاراء والتريث فى الاحكام
هسع عليك الله تودى وشك من اكامبو وين يا اسامة ومن لفه لفهه
| Quote: رجوعا بتاريخ المؤتمر الشعبى وإفراخه للنظام الحالى هنالك تنظيمات سياسية فى هذة الكتلة شارك قادتها النظام فى تاريخه الاسود.... |
يقول اسامة
ياجماعه كدى قولوا بسم الله كتلتنا دى فيها مجرمين كتيرين غير الترابى وتاريخم اسود وأزلوا الشعب السودانى وأزاقوه الأمرين
دحين دخلوا الترابى وعشيرته لانو الراجل دا داهية والوحيد اللى حا يخارجنا من الانقاذ
كدى يا اسامة للتاريخ منو تانى غير المؤتمر الشعبى تاريخو اسود وشارك النظام فى جرائمو
كنتا عايز اسالك منو تانى فى الجبهة دى مجرم قاتل وتاريخو اسود ، لكن اقوليك خليها مستورة عشان اصحابك ما يزعلوا منك
| Quote: فهل المنطق هتا أن نعزل من شارك أولا ثم نغض الطرف عن من شارك لاحقا؟؟؟ |
لا وحاتك ما من المنظق تب كلامك عديل وفى محلوا
طبعاً ياود خلف الله جماعتك هم من شارك لاحقاً وجماعتم هم من شارك اولاً
عادى بس كلهم شاركوا (بالمناسبة هم الجماعة شاركوا فى شنو ياللخو ؟؟؟)
ما تقول لى فى جرائم وقتل وسحل وتشريد !!!!!
دى طبعاً حاشاهم تب ما سوها ، هم شاركوا كانوا قاصدين يعدلوا الحال لكن غلبم قاموا مرقوا
فى كم الف كدا ماتوا شمالاً وكم مليون كدا ماتوا جنوباً وكم كدا ماتوا شرقاً وغرباً لكن برضو ما مشكلة
عشان مصلحة الكتلة الجديدة كلوا ما يهم ، بس المهم نزيل النظام الزى الوتد دا وغلبنا عديل
سوينالو تجمع ما قدر عليهو
سوينالو جبهة عريضة ما قدرت عليهو
سوينالوا جبهة ثورية هسع مزنوقة وتستنجد بالحشرة الشعبية وبرضو ما قدرت عليهو
اقترح عليكم تشوفوا واحد يكون عارف سرو ان شاء الله يكون الترابى زاتو
وبعدين نقبل عليهو ونحاسبوا ، بس نزيل النظام بأى طريقة ميكيافيلى مجلى أى طريقة
| Quote: أهل من المنطق أن نتوقع تنظيمات للمعارضة يخلو تاريخها من مشاركة أو مصالحة أو دخول فى أى عملية سيلسية قامت تحت إشراف هذا النظام؟؟؟ |
اكرر لو اصلوا الحال من بعضوا وكلو محصل كلو ما نجيبا من اخرتها وندخل معانا النظام زاتو ونفضها سيرة ونريح ونرتاح
لكن نحاسبوا لاحقاً دى هسع نفطها
واقتراح من شخصى الضعيف
ندخل مع النظام فى اتفاق ونشكيهو لى الله
عشان كلنا نعيش فى سلام وبعدين كلوا واحد يقابل ربو وياكل نارو
قال ايه قال بيان من الكتلة الوطنية بواشنطون
كتلة عريضة وجبهة عريضة وجبهة ثورية وما زال محلك سر
ودقى يا مزيكا ويا عمى البشير ابشر بطول سلامة
المعارضة ما زالت كما هى بتحلم وتتمنى وبتعقد فى اجتماعات عبر الكونفرس كول
| |
|
|
|
|
|
|
| |
حسن حماد محمد
محمد مكى محمد
فيس بوك
تويتر
انستقرام
يوتيوب
بنتيريست