|
|
|
 Re: من لم يمت بالغازات مات بالطائرات....!!! (Re: عبدالكريم الامين احمد)
|
وكنا نعتقد بان القتل والموت بالطائرات هو تخصص حصري لحكومة الانقاذ وسلاج جوها كما نري في دارفور وجنوب كردفان والنيل الازرق
ولكن عفوا سادتي فهناك جهات اخري وجدت البلاد التي كان اسمها السودان وكانت مليون ميل مربع وجدتها جالسة وهي حائرة وحزينة (ام فكو) وسلطانها يقتل بالطائرات
فحبت هذه القوي ان تشارك وتمسك للحكومة القطاع الشرقي...وتخنق وتفطس كل ترمبيل مرتحل في الداخل البورتسوداني
| |
  
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
وقد يقول اخر هنالك
الباعوض والكلازار الذي قوم زار كرم الله
وهنالك الادوية الفاسدة التي تدخل البلاد دون ادني معايير طبية
وهنالك الصفوف الذي يقف بين صفوفها مرضي الكلي بوجوه كالحة وحزينة لا تجد من راس الدولة ورهطه سوي الرقص والجبجب علي اجسامهم التي نخرها المرض اللعين...
وهناك وهناك
ووكل ما يجري في ارض السودان هي كارثة بمعني كلمة كارثة....ووكل الطرق والصباحات تحدثنا بان هنالك وطنا في طريقه الي التصدع ومزيدا من التمزق
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: الفاتح علي التوم)
|
Quote: طائرات شنو ؟
وغازات شنو؟
اهم حاجه يا كيكي الحفاظات
لسه فيها فرقه كبيره واسعه
وحيظهر وزير دفاعنا ويحتفظ
بحق الرد في المكان و الزمان
المناسبيين ....والطائرات تضرب
والحافظه بتحفظ والدولار بسته الف |
هلا يا الفاتح
والدولارات دي خلتني اتذكر واحدة من اسباب ازانا كشعب فضل
وخلينا في الاول نقول سيموت القوم ايضا من تعويم وسباحة الدولارات..
-
ابو ر يالة طلع من هجليج وقبل ما يعمل (صفا) كويس بين ليهو البرادو في بورتسودان
وهي فرصة جديدة ليهو هو والبشير لمزيد من الحماس في الرقيص والجبجبة
-
الحل والتبرير بتاع ماحدث في بورتسودان انا كخبير تبريرات سابق بنصحهم انو يواصلو في الرضاعة من شطر (هوجة هجليج)
ويقولو البرادو ده انضرب بصاروخ فكتو الحركة الشعبية ومنذ ايام احتلال هجليج وظل الصاروخ ضالي طريقه عن حامية الخرصانة وماشي وماشي وماشي
واهو الليلة من الصبااااااااااح بين في بورتسودان
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: أبو ساندرا)
|
Quote:
أجواء مستباحة
ووسائل دفاع جوي معطلة
وجيش مهلهل
و وزير دفاع لا يصلح لقيادة سيارة
و رئيس فلاحته فقط على الشعب وعلى الجنوب |
نعم يا كبير
فالحين بس في الفصاحة واللؤم وتقتيل ابناء الشعب والرقيص علي جثثهم
والطيب صالح ترك لنا مقولة معبر ةتعبير عميق وحقيقي عن ماهية هؤلا القوم الرعديد
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
Quote: -
الحل والتبرير بتاع ماحدث في بورتسودان انا كخبير تبريرات سابق بنصحهم انو يواصلو في الرضاعة من شطر (هوجة هجليج)
ويقولو البرادو ده انضرب بصاروخ فكتو الحركة الشعبية ومنذ ايام احتلال هجليج وظل الصاروخ ضالي طريقه عن حامية الخرصانة وماشي وماشي وماشي
واهو الليلة من الصبااااااااااح بين في بورتسودان |
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: Abureesh)
|
| Quote: السيـد وزير الدفاع يريد إستدراج إسرائيل حتى تدخل ام درمان.. فما تخرب الخطط من فضلك. |
هلا يا ابو الريش ومشتاقين يااخ
ولكن المشكلة يا ابو الريش وزير الدفاع ده يوم وااااااحد من شفنا منو خطة او تكتيك او حتي تكنيك
وحتي اليوم الجدعوها ليهو مقشرة وجابو التلفزيون وقالو ليهو كضب للشعب الفضل ده واملاهو فقر
يقعد يتلفت ويتلبك ويتراجف وخلي الشاشة تتراجف وطلع منها بكرامة بليلة اليوم داااك
انها ماساة يا صديقي
عسكرية
وسياسية
واقتصادية
وكل حاجية يااااخ
ولكن الله في
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
سلام يا كيك..
إسرائيل بقت خاتة الجماعة ديل زى الشافع القليل أدب تديه كف فى الجنوب وتقل ليه قش مخاتك وتلصق ليه الكف البعدو
فى الشرق..
إنت كمان ما تبالغ..
يعنى عايز وزير الدفاع
دا يبقى الخفشى!!!
يضارب فى دارفور ويضارب فى هجليج ويضارب فى جبال النوبة وكمان يضارب ليكم إسرائيل وقوى الإستكبار والعمالة!!!
ياخ رأفة بالرجل وكفاهو الإسهال الهو فيهو..
تعددت الأسباب والموت واحد يا رجل فااا شنو؟؟؟
أرخى المان دا يامان..
بلد ما عندو دفاعات تنضرب فيهو العربات,,
ويظل الفاعل مجهولا لحين إعلانه عن نفسه...
بكون الجماعة هسه شغالين يحفروا فى إيديعوت أحرونعوت سااااى
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: أيمن الطيب)
|
| Quote: بكون الجماعة هسه شغالين يحفروا فى إيديعوت أحرونعوت سااااى |
هلا يا ايمنوف
وزي ماقال لي قمر بوبا قبل شوية في حارة مجاورة
الهواء كلو بجو من نواحي احرونعوت دي
لانو لو بقت علي الكيزان ديل مستعدين ياكلونا حنك ويقولو انو البرادو ده انفجر لانو اللستك الامامي طرشق والطرشقة دي عملت احتكاك مع الصخور الرسوبية في طرق بورتسودان دي وحصل البممممممممم...
ولكن احرونعوت مشكلتها خشمها خفيف
بكرة حتجيب ليك صورة البرادو واحتمال تجيب رقم الشاسي زاااتو وتفجر الخبر
------------
نتوقع مسيرة كبري في شوارع الخرطوم يردد فيها القوم
الموت الموت لاحرونعوت
كونها قاعد ليهم برة للمضرة
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
فلترتاح مقولة المافي شنو ..؟؟ تلك المقولة الاسفيرية ولو قليلا
وكدي خلونا نقول الباقي شنوووووووووووو..؟؟؟
الباقي شنو وما لحق غنم زهرة ايها القوم الفضل
-اقتصاد راقد برش الدولار عايم وسابح في بحور السودان الفضل ولو كل رجالةالشعب الفضل ده ركب مكنة (كيجاب) ما بقدر يحصلو تاني
ولو كل نساء الشعب الفضل ركبن مكنات سارة جاد الله تلك السباحة النحريرة برضو تحصيل دولاري نهيييي زندقي
-سياسة خارجية
هنالك الامم المتحدة واقفة بالمفاوضات وابيي بالعكاز والفصل السابع علي الابواب
هنالك رئيس دولة مزنوق زنقة بوبي اليومين دي والايام الجاية في فريق ناس (كالوشابوليا) في نواحي زامبيا والافارقة ركبو خلاص وش كرتون
القرعات تتطاقش عربيا ونواحي تركيا وتعود خالية الوفاض
وسنعود الي بواقي الملامح الغنم زهرية
حتي بستفات (كرتي) للبشير والانشقاقات وحديث عن كرم الله وورجغة مسار وفساد دقانة الاوقاف الاكلو قروش الشعب
-----
وتابعونا وفالكم طيب
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
| Quote: تحياتي - الله يرحم من رحل . لكن شوف لينا تفاصيل القصة دي شنو !! وما هو رد فعل الحكومة |
هلا يا البحيراوي
ونترحم معاك علي ارواح كل ابناء هذا الشعب الذين رحلو باثر عمايل هذه السلطة السمبلة السبهلل..
-
وغايتو شايفهم قالو عندهم موتمر صحفي ناس الحكومة بكونو حسسع قاعدين ينجرو ليهم في كضبة تعشيهم يومين ثلاثة
ولكن النجيضة مافي لينا حتة قريبة الا احرونعوت فعندها الخبر اليقين..!!
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: البحيراوي)
|
| Quote: والله يا عبد الكريم النجر عند الجماعة ديل زي شراب الموية كك كرك طق طق يجيبوها ليك ملييييييسة |
هلا يا بحيراوي
واخر الخبريات من نواحي بورتسودان بتقول انو الناس ديل (غمتو) الشهود
واستدعوهم لمكاتب الاجهزة الامنية ودي دلالة واضحة انهم بحاولو يدغمسو الامور عشان يكضبو علي راحتهم..
واتوقع ان يسخروا السخانة المدورة في بورتسودان ويطلعو ليهم بكضبة تسر الهتيفة والمغبشين من الذين لايزال في عينهم رمد
من هذا الشعب الفضل الذين يعتقدون بان قبة الحرامية ديل فيها فكي
وسنتابع
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
كخبير اسفيري ومن تحليلي للصور المبثوثة عن الحادثة
المرة دي اولاد يعقوب ديل نوعو اللعب وشكلهم جو بتحت وختو المتفجرات في في الماكينة وتم تفجيرها عن بعد
الصورة التحت دي بتوري انو كبوت البرادو ده طاير لفوق والعربية من شكل الابواب المفتحة دي انو الانفجار تم الداخل للخارج
يبقى عنوان البوست يضاف ليه والسيارات المفخخة
ـــــــــــــــــــ
طبعا مداخلتي دي عادي جدا ممكن ابلعها لو ظهر عكس ذلك في ايدوعوت احرونوت
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
Quote: المرة دي اولاد يعقوب ديل نوعو اللعب وشكلهم جو بتحت وختو المتفجرات في في الماكينة وتم تفجيرها عن بعد
الصورة التحت دي بتوري انو كبوت البرادو ده طاير لفوق والعربية من شكل الابواب المفتحة دي انو الانفجار تم الداخل للخارج
|
كيكي وضيوفه تحياتى
من الصوره الكبيره الماكينه شبه سليمة. الانفجار حدث من أعلى يا باشمهندس .
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: محمد مكى محمد)
|
| Quote: من الصوره الكبيره الماكينه شبه سليمة. الانفجار حدث من أعلى يا باشمهندس |
تحياتي يامحمد
وبالفعل من الصورة المكبرة يظهر بان الجزء الاعلي من مقدمة العربية هو من تاثر
بالاضافة الي الاجزاء العليا ايضا من العربة بصورة عامة وهنالك ايضا افادات قراتها تقول بان هنالك (حفرتين كبار جدا بالقرب من العربة المضروبة)
ضف الي ذلك الهستري بتاع العلميات الزي دي في الشرق بتقول انو الرش ده بحصل بطيارة او صاروخ ...
ويظهر جليا بان هنالك جهة في الارض هي من تساعد في مثل هذه العمليات عبر زرع اجهزة تعمل بطريقة او باخري علي تحديد احداثيات الهدف حتي وهو متحرك.
وكل التقدير
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: محمد إبراهيم علي)
|
هلا يا ود ابراهيم
ومن الملاحظات يامحمد في تصريح عبدالرحيم محمد حسين ابان الضربة الاولي قال المضادات ما اشتغلت لانو الضربة كانت بالليل والانوار مطفية
واها المرة دي الشغل دي دورت الصبااااح الشمس فوووووووووق ماعارفو حيورجغ ويقو ل شنوووووووو المرة دي....
---------------ونشكر ياااخ الفيس بوووك الذي اتي بالعربية وحديدها مسسسسسسسسحن وبكل الزوايا الممكنة
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
وقبل ما نواصل ونمد في بلاوي الانقاذ تلكم السلطة القاتلة..
كدي خلونا نشوف ونشوف ووين الحكاية واقفة بعد(هوجة هجليج) التي حسبها النظام رطبا جنيا تساقط اليها من هزة جذع نخل هذا الشعب الذي متعنا
الدكتور الاسلامي الطيب زين العابدين في حكاية ثنائية(الرجالة والدين)عند السوداني ودورها في تلك الهوجة....
-ريمة الامور الان رجعت لقديمها وبمجرد انقشاع هوجة هجليج رجعت الامور وبكل سلاسة الي حالتها الاولي
1-الضائقة الاقتصادية وعلو سيرة الحديث عن ارتفاع الدولار والغلاء
2-الفساد وما ادراك ما الفساد وهذه المضرةاتت الفضائح وفي معيتها دقانة(من نواحي الاوقاف) دقونهم اطول من ساعة الصوارمي ابان احداث هجليج
3-نذر الانشقاقات والدشمان والانتقادات (العلي كرتية) علي اعقاب تصريحات البشير الموغلة في الورجغة
4-الرجوع الي التفاوض بالبوت والشلوت الاممي (ونقرطة) تيار الطيب مصطفي واخرين من الذين وقعت لهم هجليج في جرح وصاحو عاليا (الله اكبر الله اكبر وجدتها وجدتها)
5- الضربات الافريقية الاتية من نواحي ديار (كالوشابوليا) حيت زامبيا وملاوي وبتسوانا مما زاد الامر زرنقة
6- ضربة بورتسودان الاخيرة التي اكدت علي الجلوس (الميطي) للاجواء السودانية في زمانات التردي والضياع وسطوة وزير الخارجية الشهير بابو ر يالة
وسنعود
| |
|
|
|
|
|
|
|
|
|
Re: من لم يمت بالغازات مات بالطائرات....!!! (Re: عبدالكريم الامين احمد)
|
ومنذ مجي الانقاذ في 89 تحول السودان بكلياته الي ارض كوارث وكركبات دائمة
والموت يحصد عبر الطائرات والغازات والدبابات والفيضانات واللاند كروزات والدوشكات والدولارات والفساد وجد من الجبايات والكروبات
والعطاات وتفطيس وخنق المشروعات واي حاحة نتهي بالات وغيرها وجد ت لها مساحة وزمن حتي تساهم في حفلة شواء الشعب السوداني الفضل...
واما الاعلام الحكومي من تلفزيون واذاعة وجرائد و اي حنفية حايمة فلقد تفرغو لضرب الوعي الشعبي السوداني الفضل عبر الكضوبات والجاكات والمسرحيات الكيزانية الهزيلة سيئة الصيت والاخراج..!!
| |
|
|
|
|
|
|
| |
عبدالكريم الامين احمد
)
الفاتح علي التوم
أبو ساندرا
Abureesh
أيمن الطيب
البحيراوي
محمد إبراهيم علي
محمد مكى محمد
فيس بوك
تويتر
انستقرام
يوتيوب
بنتيريست