|
Re: ***الزول دا ودوه الضل يا جماعة*** (Re: الامين موسى البشاري)
|
Quote: دعا الأستاذ احمد إبراهيم الطاهر رئيس الهيئة التشريعية القومية البرلمانات العربية وفي إطار الجهود الوطنية للتصدي لمشكلة البطالة الي النظر في تجربة السودان الفريدة في الإسهام في تحفيف حدة الفقر ومكافحة البطالة والاهتمام بقضايا الشباب . وثمن لدى مخاطبته امس بفندق كورنيثيا (برج الفاتح) فاتحة أعمال اجتماع اللجنة المالية والاقتصادية للإتحاد البرلماني العربي ، جهود السودان في هذا الشأن من خلال برامج التمويل الأصغر وإنشاء صندوق دعم الخريجين وبنك الأسرة وتخصيص نسبة مقدرة من التمويل المصرفي لهذا الغرض مع إنفاذ برامج التدريب للشباب مؤكدا ضرورة تبني إستراتيجية عربية شاملة تأخذ في الاعتبار تأهيل الشباب وإنشاء قاعدة معلومات قومية للوظائف المطروحة في القطاعين العام والخاص والاستفادة من تجربة بعض الدول بفتح الأسواق والتجارة البينية وتقوية التكتل الاقتصادي العربي المشترك بإنشاء السوق العربية المشتركة وانتقال رؤوس الاموال بين الدول العربية وتحسين مناخ الاستثمار وإزالة القيود التنظيمية والقانونية مما يساهم من الحد من هذه الظاهرة . |
يعني كضب زي دا من الله خلقني ما لاقاني ياخ حيرته مسيلمه زاتووووووووووو والله صحي
| |
|
|
|
|
|
|
Re: ***الزول دا ودوه الضل يا جماعة*** (Re: الامين موسى البشاري)
|
Quote: كما دعا البرلمانات الوطنية أن تؤدي دورا هاما في دراستها وسن التشريعات ومراقبة السياسات التي يطرحها الجهاز التنفيذي في الدول العربية من اجل التصدي لها . وتطرق الطاهر الي أهمية دور البرلمانيين العرب في قضية البطالة التي تعاني منها كافة الدول العربية والإسهام في الحلول الناجعة عن هذه الظاهرة التي تتفاقم يوما بعد يوم ووصفها بأنها أصبحت مخيفة لسكان المنطقة العربية ومؤشرا لاتساع دائرة الفقر . |
المصدر
| |
|
|
|
|
|
|
Re: ***الزول دا ودوه الضل يا جماعة*** (Re: الامين موسى البشاري)
|
Quote: ياخ حيرته مسيلمه زاتووووووووووو
|
الان مسيلمة محتار وراسو ضاااارب ومحرج غاية الاحراج وسط موتى كفار قريش !!
ثم سلامات يا مواطن اريتك عافية
الوزير ده قبل الضل مفروض يشوفوا .الملاريا احتمال الملاريا تكون طلعت واحتكرت فى صنقعو .....
البشارى ..فرصة سعيدة
| |
|
|
|
|
|
|
Re: ***الزول دا ودوه الضل يا جماعة*** (Re: معاوية عبيد الصائم)
|
Quote: الان مسيلمة محتار وراسو ضاااارب ومحرج غاية الاحراج وسط موتى كفار قريش !! |
مرحب يا معاوية
ياخ ديل حيروا ليكـ ابليس زاتو خلي مسليمة يعني الزول دا لا بسمع جرايد ولا بشـــوف اذاعـــة ولا بقرأ تلفزيون اقسم بالله أنا خجلت ليهو غايتو يا معاوية من دربكـ دا وطوالي تدق تأشيرة خروج نهائي عشان تمشي تنعم بالرفاهية دي
كن بخير
| |
|
|
|
|
|
|
Re: ***الزول دا ودوه الضل يا جماعة*** (Re: محمد علي شقدي)
|
Quote: بمناسبة جرووو دي واحد من حلتنا واقع في حفرة الرمل لي صدرو الجامعة بجروو فيهو وهو يكورك (ما تجروني جر احفروني حفر)
الجماعة ديل دايرين (ام بحتي ) يا اخوي اللمين |
حبيبنا محمد علي شقدي
سلامي وتحياتي،،، ياخ انا قريت الخبر قعدته اضحكـ يعني معقول الناس بتكضب للدرجة دي؟ وبلا خجلة كمان اها دفتوا السودان دفن ياخ
كن بخير
| |
|
|
|
|
|
|
Re: ***الزول دا ودوه الضل يا جماعة*** (Re: محمد علي شقدي)
|
Quote: (ما تجروني جر احفروني حفر) |
شقدييييييييييييي ....... الله امتعك دنيا وآخرة ضحكت لمن شرقت . . دي برضو في حلتنا عبدالجليل عرس وصاحبو انور ختا ليهو طرادة في عرسو انور عرس وصاحبو عبدالجليل عمل فيها حميل انور في اللنداية وقع عندو ملاريا السكارا شبحوهو شايلنو مودنو الضل واحد شايل كراع وواحد شايل ايد تخيل المنظر عزيزي شقدي وايضا كذلك عزيزي البشاري والقارئ الكريم ونسوا الراس متدلدل عبدالجليل حنا عليهو وجاء مسك الراس انور صنقع شاف عبدالجليل ماسك راسو فصاح فيهو بباقي الملاريا يا معاوية وحمدا لله على سلامتك وحقك دفتر والله خسارتك فادحة لكن الجاتك في حديدك سامحتك نرجع لموضوع الجبنة اها انور شاف عبدالجليل ماسك راسو فصاح عبدالجليل فك الراس دا فكو خليهو اتكسر مالك ومالو رزية ونطاحة يا بشاري محن والله محن جعفر نميري الله يرحمو زمان جاء السعودية فاستقبله الملك خالد له الرحمة وعرفو بالوزراء ومن ضمنهم وزير الزراعة السعودي نميري قاليهو ربنا قال ما معناهو وجلعناهو في وادي غير ذي زرع انت عامليك وزير زراعة كمان؟ قرد عليه ماانت برضو عندك وزير مالية
| |
|
|
|
|
|
|
Re: ***الزول دا ودوه الضل يا جماعة*** (Re: محمد علي شقدي)
|
سلامات يا بشارى,,,
"فلنعد صياغة الأشياء ونحاول الولوج أكثر فى خفايا الفهم والإدراك علنا بتغيير زوايا النظر ننجح فى تحويل ألوان الرؤى من السواد إلى بعض من بنفسج,,,,"
أنا أفتكر نحن المفروض برااانا نشيل عفشنا ونمشى نفتش الضل دا زاتو دربو بي وين...
ألمصيبة الكبرى إنو عمك دا يكون مقتنع بإنو البقول فيهو دا حقيقة وواقع... لكن أقول ليك حاجة الرجفة ماشة زايدة الأيام ديل وكلما الحمى زادت كلما كترت معاها الهضربة من النوع البخليك واقف فاتح خشمك غالبك حتى الكلام دا,,
ياخ ديل قالوا فيصل عميل دول أوروبية ويساعد على تنفيذ مخططات وأجندات أجنبية!!!!
إسرائيل نفشت البرادو بصاروخ Disposable وعبدالرحيم ما قادر يفارق الحمام من الصباح وإحتمال يطلع يقول لينا كل القوة إسرائييييل جوووووووووووة خالس خالس..
متى ستستحى شركة المؤتمر الوطنى وملّاكها؟؟؟؟
تحياتى,,,
| |
|
|
|
|
|
|
Re: ***الزول دا ودوه الضل يا جماعة*** (Re: أيمن الطيب)
|
Quote: إسرائيل نفشت البرادو بصاروخ Disposable وعبدالرحيم ما قادر يفارق الحمام من الصباح وإحتمال يطلع يقول لينا كل القوة إسرائييييل جوووووووووووة خالس خالس.. |
ايمن الطيب
سلامي وتحياتي،،، وممنون لمروركـ الجميل هذا لو عايز الضل يا ايمن الضل ثمنه تبيع نفسكـ وتحكم على ضميرك بالموت .. وما ظنيتنا بنقدر على جنس دا يا ايمن ياخ غايتو انا لو لقيت طريقة بتربس باب الحمام من بره في الزول دا
| |
|
|
|
|
|
|
Re: ***الزول دا ودوه الضل يا جماعة*** (Re: الامين موسى البشاري)
|
Quote: الي النظر في تجربة السودان الفريدة في الإسهام في تحفيف حدة الفقر ومكافحة البطالة والاهتمام بقضايا الشباب . |
يا النبى نوح!!!! والتجربه الفريده دى نحن يا كافى البلاء لا سمعنا ولا شفناها . الظاهر عملوها كسامبل sample فى جخانين المؤتمر الوطنى وسوف يتم تعميمها للجميع وانت ولد ابا البشارى الصبر الببل الابرى ما عندك .
والله صحى
| |
|
|
|
|
|
|
Re: ***الزول دا ودوه الضل يا جماعة*** (Re: مها عبد الله)
|
.
الأمين موسي البشاري بعد التحايا وكتير السلام
نفس المواطن ده كنا بنعلق قبل كم يوم في الفيسبوك على تصريحوا القال فيهو _ قدس الله سره _ تدين المسؤلين في السودان هو البقلل من وجود الفساد .............. فتأمل
قوم أتخيل لو ما المسئولين ديل كانو متدينين وخائفين فينا الله كانو عملوا شنو ؟؟؟؟؟؟؟؟؟ نصيحة لله ما تتابع كلام الزول ده بالجد ما حتقدر تفهم العالم العائش فيهو ولا عوز يصل لشنو إحطياطا كده : جهنم الناس فيها ألف تصريح ز ي ده ما بقنعهم أنهم في ................. الجنة
تحياتي
| |
|
|
|
|
|
|
Re: ***الزول دا ودوه الضل يا جماعة*** (Re: مها عبد الله)
|
Quote: يكون قاصد تجربة الزول دا فى قرم وبلع الدجاج يا بشاري ياخ |
بالجد للمتعافي دا تجربة فريدة في بلع كل ما هو حرام
دا حبيبي ياخ على قولة المصريين .. ..
__ الاجازة بدأت ولا لسه؟ شنو ياخ ما منتظرين وعودكـ بالخرمجة الشديدة يا صفيحة
| |
|
|
|
|
|
|
Re: ***الزول دا ودوه الضل يا جماعة*** (Re: الامين موسى البشاري)
|
هسه يا بشاري حصل سمعت بدمغة البترول فى أي بلد عربي ، من صفحة الأصدقاء بيوميات البشير ، مع بشة مش ح تقدر تغمض عينيك ، شفت إحنا ما عندنا فقر كلو كلو وبننتج بترول كمان ، يلا يا عرب قلدونا فى كل حاجة بالله
Quote: الاجازة بدأت ولا لسه؟ شنو ياخ ما منتظرين وعودكـ بالخرمجة الشديدة يا صفيحة
|
إبن عمي منعني من الخرمجة ، وقال بعصايتو ح يجئ يكعكع ليك الناس دي علشان كدا سمح لي بمداخلة ببوستات بشاري فقط
| |
|
|
|
|
|
|
Re: ***الزول دا ودوه الضل يا جماعة*** (Re: مهيرة)
|
Quote: والله الزول دة مابنزل من الزور
ياربى ماقاعد يشوف قناة الجزيرة؟؟!! |
مهيرة نفس الشعور والله
في الانتخابات الاخيرة المخجوجة اهله فلقوه وكسروا ليهو عربيتو
اها بالطريقة دي نحن لينا حق نشمو لله في لله
حتى بدون كضبو دا
كوني بخير
| |
|
|
|
|
|
|
|