كتب الكاتب الفاتح جبرا المتوفرة بمعرض الدوحة
|
Re: دلاليك العرس داقات ... حنة ملخوخة طاسات ... (Re: العوض المسلمي)
|
الدُّخـْرِى يا ود اختِـى عِـز الدين بآكـر تزور بيتنا وتشوف صورتى وتقول : حبوبه ديييك صورة مِـنـُو الملصـُوقـَه فى الحيطه ؟ ! ... يقولوا ليك : دى صورة خالك آ ولدى ... حليل خالك ! ... أكان زولاً بشد الحـيل يونسنا وكلامو لذيذ ... عديل بلحيل .... كتير الناس تقول مجنون .. وما مجنون ...! فى شيتاً جُـوّه فى قلبو يزاول ليهو حَامِى النـوم يبـرِّم فى سبيب راسو ويساهر لى هوايد اللـيل يقوم من نومو ضربة ديك يفوت من بيتو بى ِريقـو زى الضيف يشيل مُحْجَانو فى كتفو .. وِيطـُـب مُخـْلاتـُو فى باطو.. وِيفارق الحله مستعجل مع هبة نسايم الصيف وحفيان ساى ! .. يبارى القيف يضُـرب الغابه وِتـْوَكـَّـر.. يحـِتْ فى ( السـّعَـفـه و العـُـلـّيف ) يهـز شـدراً فروعـو حديد ولمّا العين تكون شافت قريب وبعيد , بهايم الحله تتوجه عشان ما تاكـُل المحتوت .. يعاين ليها وِتـْبسم .. وما يحاحيها .. يمشى يفوت حشاهُـو ضَـمرْ تقـول عجلاً مكـَدَّن فى الوِتِـد مربوط بعد ماتـْغيب يقوم يرجع .. . يجيب نبقـاً تقول ياقوت مغـسـَّـل بى دموع الحـُور .. معلـّق فى رِقيبة السمحه فى البنوت يخـُتـُّـو حداهـُو وِتـْـلـفــّتْ .. وجيهـو حزين .. بدل مايقول بدور آكل .. يقول بس نادوا عز الدين حليل خالك ... ! * * * * * * * * * *
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: العوض المسلمي)
|
أكان زولاً بريد الجوطه والحفلاتْ محل مايسمع النـّقره , يخت طاقيتو فى راسو ويشيل طمبورو فى ايدو وِيدِجْ حفيان برا نعلات... دلاليك العرس داقات ... ريحة المحلب المخلوط مع الصندل ... حنة ملخوخة فى طاسات.. ضـريرتاً ماليه خشم ( الحـُق) ... وام العريس مشغوله بس بالدخله والمرقه وبنات عم العريس واقفات يسالمن ديل ... ويعزمن ديل .. ويجاملن ديل ... وشايلات جرتقاً ما غـَشْ ! خرز منضوم مع اللولى .. وهلالاً زى هلال شوال .. حرير يلمَعْ ! زغاريت البنات طاقات .. عريس بالفرحه داير انشق .. محصن نفسو بى ياسين وجايبين ليهو عضم الحوت ومالى ضراعو بالحجبات .. حجاب جلادو ( ود فراج ) .. غـليد وَاحَمَـرْ .. مَـتقــّـله بطنو بالآيات وهـاك يا زغبره وْجـُوطه .. وناس داخلين وناس مارقين وناس قاعدين وناس واقفين وناس نايمين وناس صاحيين وناس ضاحكين وناس باسمين وناس رايقين وناس جايطين وضيفاً جا وضيفاً فاتْ .. وخالك منسى فى طرف الصريف واقف .. لا زولاً يقولـُّو أمش .. ولا زولاً يقولـُّـو تعال .. دموعو تسيل مطر صابـّات طبق طمبورو قبـّـل صاد وجاك راجع .. يغنى ليك .. غـُنـَاهـُو حزييييين ...... غـُناياً يبعث الميتين حليل خالك ..! ** *
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: العوض المسلمي)
|
عمار الدنيا مهما زاد , مصيرو زوال تـُرُبـْتـَا الـزول تنادِيهـُـو وعـُمر الزول تتم ايامُـو مهما طال وخالك كان اظن عارف سنينو قلال .. وناجع ديما فوق سيقانو ودّر عمـرو بالترحال عصاتو (سَلـَم ) .. شرابو سموم قـدُرْ ما يزيد عليهو الجـوع , يقـرِّط ( تِكـّـة ) السروال دريبو وَعَـرْ مـلان بالشـوك كِضِـبْ كان قـالو كـاس لـي نعـال ! هو خالك خال ؟! .. دا من جـِنـُّـو .. يسافر فى الفيافى بَـرَا .. وشاغل بالو سك الصيد .. مخلى قليبو ناسى ورا .. ضلام الدنيا فى عيونو ويفتش لى منابع النور لسـانو انسـل .. ريقـو فـتيت .. وسـاكن ديمه فى العَـتـْمُـور .. مشـَرِّك للغـزال بالخيت .. وزارع فى الاراضى الـبور .. دا قمحان من بنات آدم وراجـى يمـوت يهاجـر لى بنات الحـور .. حـليل خـالك ..! * * * * * * * * * *
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: العوض المسلمي)
|
وآآآآخــر عـمرو يا ولـدى .. مرض مرضـاً ..! مرض مرضـاً ..! مرض مرضـاً ..! .. رقد خـالك تلاته سـنين .. وكـُلّ الشافتو تسكلج .. تقـول : كـُـر.. كـُـر .. دا ما بـِحيَا .. ! ومـلك يامـين يقـول يامـييين ..! كتير البطـّـل الشغله وقعد حرسو .. يشـهدو فـيهو بالتلـقين وكم كم مره جـبنا المـويه فى القـرعه عشـان ما نـْغـَـمـِّد العـينين ومـاتن تب اديـَّاتـُو جـلد ملصـوق على عضـامو وْحَـطب مدّاهِـن الكـُرعـين
وجبنا (حَنـُوطنـَا ) للتجهيز بقينا نعد ضليعاتو ونقول : يا الروح سكونك وين ؟! لقينا الروح تطق مسجونه فى الحلقوم مربـّطه بى سلاسل (كـُنْ ).. وطايعه الواحد القيوم .. تقول : يارب .. متين امرق .. متين امرق .. متين امرق ونحن قعدنا فى ( الدلجه ) وحرسنا (ايوب) شهور وشهور ... بقينا ( سُـقـُد ) وما ضاقت عيونـَّا النوم .. وكل الحله منكسره ومجاملانا : ناس ( التايه بت منشار) وبت حمدون بنات طه .. وبنات التوم واخوات كمال الدين .. عمتك كلتوم وبت حاج احمد ( السـُرّه ) وبنات طيبه وبخيته الرايقه بت جادين .. دموعن بلــَّنْ الواطا .. وتيابـِن جَرْجَرَنْ دمـُّـور .. وحزنانين على خالك .. عشان خالك قليبو حنين .. وشال فى كتفو هم الناس .. يشيل ويردُم يشـيل ويردُم ويدس فى همـو فى قلـبو ويقاسى براهو حر النار دا شيتاً مابْـتشوفو العين وهمـُّـو كِـتِرْ .. وقلبو انقد يوم العيد وخالك مات .. مـات ماضـاق العـديل والـزين .. حـليل خـالك .. حـليل خـالك يا عـزالدين ..!! * * *
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: العوض المسلمي)
|
Quote: دلاليك العرس داقات ... ريحة المحلب المخلوط مع الصندل ... حنة ملخوخة فى طاسات.. ضـريرتاً ماليه خشم ( الحـُق) ... وام العريس مشغوله بس بالدخله والمرقه وبنات عم العريس واقفات يسالمن ديل ... ويعزمن ديل .. ويجاملن ديل ... وشايلات جرتقاً ما غـَشْ ! خرز منضوم مع اللولى .. وهلالاً زى هلال شوال .. حرير يلمَعْ ! زغاريت البنات طاقات .. عريس بالفرحه داير انشق ..
|
ده وصف اكثر من رائع لبيت العرس في السودان والله كاني شايف ام العريس وبنات عمو قدامي اسي وحلوات كمان اها رايكم شنو
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: العوض المسلمي)
|
أكان زولاً بريد الجوطه والحفلاتْ محل مايسمع النـّقره , يخت طاقيتو فى راسو ويشيل طمبورو فى ايدو وِيدِجْ حفيان برا نعلات... دلاليك العرس داقات ... ريحة المحلب المخلوط مع الصندل ... حنة ملخوخة فى طاسات..
-&&&&&
زغاريت البنات طاقات .. عريس بالفرحه داير انشق .. محصن نفسو بى ياسين وجايبين ليهو عضم الحوت ومالى ضراعو بالحجبات .. حجاب جلادو ( ود فراج ) .. غـليد وَاحَمَـرْ .. مَـتقــّـله بطنو بالآيات
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: العوض المسلمي)
|
وخالك منسى فى طرف الصريف واقف .. لا زولاً يقولـُّو أمش .. ولا زولاً يقولـُّـو تعال .. دموعو تسيل مطر صابـّات طبق طمبورو قبـّـل صاد وجاك راجع .. يغنى ليك .. غـُنـَاهـُو حزييييين ...... غـُناياً يبعث الميتين
&&&&&& وخالك كان اظن عارف سنينو قلال .. وناجع ديما فوق سيقانو ودّر عمـرو بالترحال عصاتو (سَلـَم ) .. شرابو سموم قـدُرْ ما يزيد عليهو الجـوع , يقـرِّط ( تِكـّـة ) السروال دريبو وَعَـرْ مـلان بالشـوك كِضِـبْ كان قـالو كـاس لـي نعـال !
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: العوض المسلمي)
|
هو خالك خال ؟! .. دا من جـِنـُّـو .. يسافر فى الفيافى بَـرَا .. وشاغل بالو سك الصيد .. مخلى قليبو ناسى ورا .. ضلام الدنيا فى عيونو ويفتش لى منابع النور لسـانو انسـل .. ريقـو فـتيت .. وسـاكن ديمه فى العَـتـْمُـور .. مشـَرِّك للغـزال بالخيت .. وزارع فى الاراضى الـبور .. دا قمحان من بنات آدم وراجـى يمـوت يهاجـر لى بنات الحـور ..
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: عائشة موسي السعيد)
|
شكرا يا عائشة علي التواصل والعزاء في الخال ، وفعلا خالنا يستاهل وشوفي المقاطع التالية تتحدث عن المحبة حتي للحيوانات مع حنو ظاهر في الطبع
وتقول : حبوبه ديييك صورة مِـنـُو الملصـُوقـَه فى الحيطه ؟ ! ... يقولوا ليك : دى صورة خالك آ ولدى ... حليل خالك ! ... أكان زولاً بشد الحـيل يونسنا وكلامو لذيذ ... عديل بلحيل .... كتير الناس تقول مجنون .. وما مجنون ...! فى شيتاً جُـوّه فى قلبو يزاول ليهو حَامِى النـوم يبـرِّم فى سبيب راسو ويساهر لى هوايد اللـيل يقوم من نومو ضربة ديك يفوت من بيتو بى ِريقـو زى الضيف يشيل مُحْجَانو فى كتفو .. وِيطـُـب مُخـْلاتـُو فى باطو.. وِيفارق الحله مستعجل مع هبة نسايم الصيف وحفيان ساى ! .. يبارى القيف يضُـرب الغابه وِتـْوَكـَّـر.. يحـِتْ فى ( السـّعَـفـه و العـُـلـّيف ) يهـز شـدراً فروعـو حديد ولمّا العين تكون شافت قريب وبعيد , بهايم الحله تتوجه عشان ما تاكـُل المحتوت .. يعاين ليها وِتـْبسم .. وما يحاحيها .. يمشى يفوت
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: خال فاطمة)
|
وكل الحله منكسره ومجاملانا : ناس ( التايه بت منشار) وبت حمدون بنات طه .. وبنات التوم واخوات كمال الدين .. عمتك كلتوم وبت حاج احمد ( السـُرّه ) وبنات طيبه وبخيته الرايقه بت جادين .. دموعن بلــَّنْ الواطا .. وتيابـِن جَرْجَرَنْ دمـُّـور .. وحزنانين على خالك .. عشان خالك قليبو حنين .. وشال فى كتفو هم الناس .. يشيل ويردُم يشـيل ويردُم ويدس فى همـو فى قلـبو ويقاسى براهو حر النار دا شيتاً مابْـتشوفو العين وهمـُّـو كِـتِرْ .. وقلبو انقد يوم العيد وخالك مات .. مـات ماضـاق العـديل والـزين .. حـليل خـالك .. حـليل خـالك يا عـزالدين ..!! * * *
العوض اخوي
العبرة حنفتني يا العوض
حليل الخال و حليل الخال الدائماً قليبو حنين
قصيدة معبرة و مليانه نضم موغل في البيئة و الوصف الجميل
شكرا جميلا لاشراكنا في هذا النضم ولك الف ود وتحية
| |
|
|
|
|
|
|
Re: دلاليك العرس داقات ... حنة ملخوخة طاسات ... (Re: الصادق خليفة)
|
الشاعر الأستاذ المتشعلق بن المنبرش
الشهير بـ محمد الجاك الصرّاف
شاعر متفرد ... ومرهف الإحساس
وصاحب كلمات مميزة وشعر يجمع بين
الفكاهة والطرب مع رنة الحزن التي لا تخلو
منها معظم اعماله ... كل ذلك في مزيج
عجيب بين اللغة الفصحى والدارجة
في تجانس يجعلك تقف متأملاً
في هذا النسق المعتق من السهل الممتنع
وما أروع هذه التحفة الفنية
يا شيخ العوض إن سمعتها منه
فاللرجل أسلوب مميز في الالقاء
ونبرة جميلة في صوته
تجعلك تعيد السماع مرات ومرات
وللأسف كان عندي شريط كاسيت
به هذه القصيدة منذ سنوات
ولكن تحصلت على هذه القصيدة
له في اليوتيوب
وهي أيضاً جميلة جداً
ولا تخلو من إبداع في الوصف
والإتيان بجديد المعاني والصور اللغوية
تحياتي ليك يا شيخ العوض
وآسف للإطالة
| |
|
|
|
|
|
|
|