|
|
|
 Re: كيف تتعرف علي الأمنجية و الغواصات بالبورد !!!! (Re: طلحة عبدالله)
|
طلحة يا حبيب
Quote: والله يا قيقراوي أطعم وأفيد ما في البوست الفارغ دا هو جيتك فيهو  |
ما قلت الا الحق بخصوص الفراغ الدستوري الهنا دا ..
لكن دا (امين) (البعرفو) انا .. خالي الوفاض و الجراب ..
ما عرفتو لمن لبس ليو كاب ناقد، وغز ليو في و قلم رصاص ادبي كلو كلو ..
عشان كدا جينا قلنا (نعمل تعارف) ؤ كدا .. المافي شنو!؟
------
جرجير مالو معاك اليومين ديل ..
اخوك ما متابع اخبار الكورة بعيد عنك
| |
 
|
|
|
|
|
|
|
 Re: كيف تتعرف علي الأمنجية و الغواصات بالبورد !!!! (Re: قيقراوي)
|
يا قيقراوي
جرجير دا مالو معاي اليومين ديل بس ؟؟؟؟
المواطن دا مما توقعاتي بتاعت فوز أسبانيا وخروج البرازيل من دور الثمانية..الخ التفاصيل
التى صدقت بالكربون أيام كأس العالم والأيام التالية، تراهو أيام الله السبعة شايل بقجة حسادتو
دي وجاري وراي..
الحسد قاتل يا قيقراوي
الحسد قاتل شديد والله .
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: طلحة عبدالله)
|
سلام يا حلوين ...
كدي بالله قبل تعريف و كشف الامنجي و الغواصات في المنبر ... أقرو الخبرين ديل .... الخبرين في موضوعين مختلفين و من مصدرين علي طرفي نقيض .... لا يجمع بينهما سوي أن الحكومة و معارضيها بتعاملو مع الشعب السوداني الشقيق كانو مخلوق بقنابير خلقت خصيصا للسودان ؟ هل أصلا نحتاج أمنجية و غواصات مع وجود أمثال من يؤلف هذا الكلام من الطرفين ؟
Quote: الخرطوم (smc)
رفض الكاتب السوداني والروائي العالمي محمد سعيد حامد العرض الذي تقدمت به الحكومة الهولندية مقابل منحه جنسيتها للترشيح لجائزة نوبل العالمية للآداب للعام 2013م التي تمنحها هيئة سويدي غير حكومية (مستقلة) شريطة العداء للسودان.
وكانت مقاطعة روتردام الهولندية قد أعدت ترتيب خاص لترشيح الكاتب السودان مقابل لعب دور ايجابي لصالحهم في التحريض والإساءة للسودان والحزب الحاكم في الخرطوم عبر وسائل الميديا العالمية ولكن الكاتب رفض هذا العرض.
وقال في حديثه للقناة الألمانية (TV.5) (نحن شعب أمة نستطيع أن نعلم الغربيين معنى الكرامة والعزة والكبرياء ولا نلهث من ثدي الكلاب حتى ولو متنا جوعاً).
يذكر أن المقاطعة الهولندية اختارت الكاتب السوداني لأنه يتمتع بموهبة خارقة وذكاء حاد فهو برغم صغر سنه إلا أنه استطاع أن يؤلف أكثر من (7) مطبوعات في الثقافة والأدب والفكر وقد طبعت أعماله وترجمت إلى أكثر من (15) لغة ومن أشهر أعماله مذكرات تموز، فجر الصباح، عيون باكية، أمير الحزن، دموع القمر التي تحولت إلى عمل درامي عربي. |
Quote: الأخبار - أخبار السودان
نفذت طائرة حكومية من طراز انتنوف محاولة لإغتيال الصحفي الامريكي
ريان بويتي المقيم بجبال النوبة ، أمس 11 مايو .
وكان ريان بويتي أحد العاملين في الإغاثة الانسانية بجبال النوبة ، وتزوج من النوبة ، وبعد إندلاع الحرب في يونيو 2011 قرر عدم المغادرة ، فاستقال من المنظمة ، وأسس مع عدد من شباب النوبة منظمة ( عيون وآذان النوبة) ، كشكل من أشكال صحافة المواطن ، تقوم برصد وتوثيق إنتهاكات حقوق الإنسان بالمنطقة .
وروى ريان بويتي في بريد الكتروني ، أرسل نسخة منه لـ (حريات) ، محاولة اغتياله قائلاً ( اليوم في تمام الساعة التاسعة صباحاً استهدفت الحكومة السودانية زوجتي وشخصي في منزلنا . حلقت طائرة انتنوف فوق المنزل وأسقطت (6) قنابل متتالية . سقطت القنبلة الأولى (30) متر غرب منزلنا ، والثانية حوالي (50) متر شرق المنزل ، وبقية القنابل في صف موازي للقنبلتين الأولتين .
كان بعض الأصدقاء يزوروني عندما سمعت ازيز طائرة الإنتنوف . خرجت خارج المنزل ولاحظت ان الطائرة تتجه مباشرة إلى منزلي . وعندما لاحظنا ذلك – انا وأصدقائي – هربنا بأسرع ما يمكن إلى خلف المنزل وانبطحنا . سمعنا صوت دوي القنابل ، وبعد ثواني رأينا انفجاراً لا يبعد عنا سوى (30) متراً . كانت زوجتي تزور الجيران في وقت القصف . وهي أيضاً اختبأت خلف صخرة قريبة من مكان سقوط القنبلة الثالثة) .
( هرعت للبحث عن زوجتي ، وكأنما بعثنا من جديد عندما علمنا ألا أحد منا قد أصيب)
ويواصل ريان بويتي في رسالته ( ليس هناك جندي واحد في القرية التي أعيش بها وهي بعيدة عن أية خطوط مواجهة) .
( تيقنت الآن باني صرت هدفاً .. ولم يفاجئني ذلك ، لأن الحكومة السودانية لا تريد للعالم ان يعرف حقيقة ما يجري في السودان) .
( لكن ما يفاجئني ان المجتمع الدولي لا يفعل شيئاً لإيقاف القصف الذي يؤثر على حياة مواطني جبال النوبة . قتل العديدون ، وجرح وشوه كثيرون ، وفي الوقت الذي أكتب هذه الرسالة يموت الناس من الجوع لانهم لم يتمكنوا من الزراعة الموسم السابق بسبب القصف اليومي ) …. ( لماذا استمرت الحرب لـ(21) عاماً بين الشمال والجنوب ، مما قاد إلى الإنفصال ؟ ولماذا تستمر الحرب في دارفور منذ عام 2003 وحتى الآن ؟ ولماذا تندلع التظاهرات في شرق السودان وفي الخرطوم ؟ لقد خذلت حكومة السودان شعبها في جبال النوبة والنيل الأزرق ودارفور ، والأجزاء الأخرى من السودان. وخذلت الأمم المتحدة والإتحاد الافريقي والحكومات الاخرى الشعب السوداني لسماحهم للحكومة بقصف شعبها . وهذا ما يفاجئني .
لقد رأيت كيف تعامل الحكومة السودانية شعبها طيلة السنوات التسعة الماضية ولذا اتوقع منها ما تفعله حالياً ولكن ما يفاجئني ان القادة الأفارقة والآخرين في المجتمع الدولي غير راغبين في إتخاذ موقف ضد ما تفعله هذه الحكومة بالمدنيين من شعبها !)
حريات |
| |
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: Haitham Elsiddiq)
|
تحياتي أمين ......
ننحرف من البوست شويه ما كتير ..... و قبل ما تبدأ تعرفنا عليهم بالله ورينا معنى كل من :
1- غواصه
2- دبّاب
3- ظلامي
4- مستنير
طبعا الأمنجي دا الوحيد العرفتو فيهم و أكيد الكوز برضو .. و ازيد قيقراوي من الشعر بيت ..
الكوز والكوزة عندهم كلمة لا يمكن ان يستغنوا عنها ابداً ابداً .... يا أخ* .. و يا أخت
* "ليس هناك ما هو مُوحش للمرء أكثر من أن ينادي عليه بهذا النداء ( يا أخ )
(يا أخ ) هي تحديدا العبارة التي تُلغي الأخوة !"
مريد البرغوثي _ رأيت رام الله
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: Haitham Elsiddiq)
|
سلام لأمين و ضيوفه
والله يا أمين فعلا الخبرين الجبتهم ديل بفترضوا في الناس قدر غير محدود من البلادة و بوروا للأسف إنه فعلا الكيزان ديل ما جو من السما و إنه في معارضين لو لقوا فينا فرصة حيكونوا امتداد لحكم الإنقاذ. حريات و SMC مجرد انعكاس لبعضهم و كل واحدة أزفت و أكذب من أختها.
بالنسبة لسؤالك في التعرف على العواصات و الأمنجية و أضيف عليهم الإنغاذيين على رواية الأمير بشاشا فدي حاجة ساهلة جدا بس تابع بوستات جادات و هباني و دينق و حتعرف كل مدسوس حايم في المنبر.
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: Elawad)
|
Quote: خد نموذج آخر لكيفية معرفة الأمنجي من الغواصة:
البروف جايب خبر من الـ SMC الذراع الإعلامي لجهاز أمن الحكومة و خاتيه على حد سواء مع خبر من "هريّات" بقرة معارضة البورد المقدسة
هههههااع على مين يا أمين ؟ جننت السم الفي الدسم جن لكن
العب غيرها يا بروف |
يا اخوانا اسمحو لي أرد علي البشرى المغرض ده قبل ما الفهم ده يمشي بعيد ...
يا بشرى ياخي أنا لو رايي إنو ناس حريات غواصات و حبيت أقولو ما بختو في الدسم ... بفرزو مع السم براهو و بقولو عديل ... الخبر منشور في بوست ليهو كم يوم و يمين بالله ما انتبهت إنو من حريات إلا أمس بالليل ...
اوردت الخبرين لبيان القاسم المشترك الأعظم بين إعلام الحكومة و معارضيها و هو السطحية في التعامل مع الناس و إفتراض إنو الشعب السوداني الشقيق عبارة عن قنابير خلقت لها بشر ...
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: هيثم طه)
|
Quote: الأمنجي غالبا بكون لابس بدلة سفاري و الغواصة عويناتو بتكون زايغة و ما مركز.
|
الكلام ده ما صاح يا دوك ... عبدالوهاب علي الحاج كبير أمنجية البورد ما عندو بدلة سفاري و أنا كغواصة سلفية عيوني ثابتة و راكزة !!
------------------
Quote:
سلام يا بروف
يعني مثلا كل غواصة أمنجي
وليس كل امنجي غواصة
|
و عليكم السلام رغيم الاب ... فعلا يا رغيم كل غواصة أمنجي وليس كل امنجي غواصة ... كلاهما ساقطون و (الأسقط ) منهم البتهم بيهم الناس بهم بدون دليل أو كتاب منير !!
-----------------
Quote: بسيطة يا عمكـ
الأمنجي غالباً بكون بروف و ود أختو عندو صلعة ...
|
يا ابوعبدالله ... ياخي الامنجية كان بقو بروفات و أولاد اخواتهم عندهم صلع ما كان بقي في مشكلة ذاتو !!
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
Quote: بسيطة...
بالتلفونات و مباراة القوالات
|
يا البشرى ... التلفونات و القوالات ديل اسمهم عدة الشغل ... أنا بتكلم عن الشغل ذاتو !!
أدينا الصبر بوضح ليك الحاصل كلو ...
------------
Quote: بي بي بي *
ـــــــــــــــــــــــــــــــــــــــ
* بكون بروف بلال
|
يا ولي ... هسي كان إتعصرتو علي كان بقيت ليكم غواصة شيعية !!
------------
يا كونت ...خليك قاعد كده يا حبيبنا لحدي ما يطلوعك إنت ذاتك أمنجي ولا غواصة ...
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
Quote: الاتنين بشيلوا رواتبهم من الحكومة
سلام بروف امين
|
و عليك السلام يا حبيبا ...
كلامك ده ما صاح يا العوض ... في غواصات معارضة داخل الحكومة و المنبر ملااااان ...
---------------
Quote: غايتو الأمنجية بيكون عندهم طبنجات
|
يا طبنجة ... كان كده غالبا إنت الأمنجي الوحيد هنا !!
--------------
Quote: ما نعمل تعارف ياخي
|
تعرف يا قيقا نحن فعلا محتاجين تعارف من أول و جديد ...
| |
|
|
|
|
|
|
|
|
 Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
Quote: يا بروف سلامات -
فاهم قصدك و بل شايف وجوب نقد خطاب اي زول بينتمي للمعارضة كعملية طبيعية - لكن من جانب تاني
وضع (الحكومة) في مقابل (المعارضة) - خاصة في سياقنا الحالي ممكن يعمل تشويش - و لتشابه الواقع السوداني
اي زول بتختلف معاهو في الرأي ممكن يختك في النقيض الاخلاقي تماما -حكومة اومعارض او اي زول او هلالابي (غالبا!)
لكن برضو من الافضل الوضع في الاعتبار انو الحكومة بتمارس (سلطة وخطاب ) وجسم واحد و واضح(بمعني امكانية المحاسبة ) - (المعارضة) جسم عريض بتمارس (خطاب) بس =(صعوبة المحاسبة )
كلامك -في نظري -كان ممكن يكون ملائم لو الحكومة (حاكمة تنفيذيا ) و (المعارضة) بتعارض
في (البرلمان) لكن التعامل مع قطاع يشمل الاف الناس و اي زول بطريقتو بعارض في مصطلح
واحد باسم (معارضين ) او المعارضة سوت والمعارضة عملت ممكن يكون ميسلدينق !
اضافة للاستنتاجات الساهلة لنوع كلامك دا و الممكن بستخدموها الناس و يقولوا : طيب دي لو المعارضة لو جات الحكم ح تعمل شنو !
والاستنتاج الزي دا بستبطن انو الزول المعارض دا هو الـ ح يجي يحكم ! و بتغافل انو اصلا الحكومة لو ازيحت و
جات المعارضة دي او اي زول تاني بالانتخاب في حاجة اسمها محاسبة و نظام ديمقراطي (علي الاقل نظريا )
ختاما المقاربة الاخلاقية بين خطاب الحكومة و خطاب المعارضة غير متكافئة
و بتتجاهل عوامل كتيرة و اختلاف السياقات -
و في النهاية كلامي ما دعوة لعدم نقد الخطاب المعارض - ابدا ! بل وجوب النقد نقدا لازعا في سياق الثقافة
السودانية و ليس في سياق المقابل او المقارنة بالحكومة ! |
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: مرتضى احمد عبد القادر)
|
Quote:
سلامات يا بروف الامنجية تعرفهم بملاحقاتهم المستمرة للمتأدبين والمبدعين( من بدعة) |
يا طلحة ما تلخبت بالله ... بتاعين ملاحقات المبدعين ديل اسمهم ضبابين !!
-----------
Quote: واللة ياقيقي ضكت لمن داير أقع
|
هيثم الما ساي ... إن شاء الله تكون بتضحك في مداخلة قيقا الأولي ... ما التانية !!
-----------
Quote: ننحرف من البوست شويه ما كتير ..... و قبل ما تبدأ تعرفنا عليهم بالله ورينا معنى كل من :
1- غواصه
2- دبّاب
3- ظلامي
4- مستنير
|
يا رشا يا كحيل ... يا زوله إنحرفي زي ما عايزة ... هاك التعريفات :
- الغواصة هو كل من إختلف مع صلاح جادات في راي ...
- الدبّاب و هو لقب اطلقه الكيزان علي الانتحاريين/الأستشهاديين ( حسب شوفك ) الكانو بفجرو نفسهم عشان يعطلو الدبابات ... لكن شايف بشاشا قدس الله سرة بقولو لاساسي ... رغم إنو أساسي حي يرزق و غير ما بفجر فينا ما بعمل في شي !!
- ظلامي و ديل الناس البقولو لا إله إلا الله محمد رسول الله و بصلو و يصومو و بيؤمنو بالبعث و باقي الحاجات دي و مرات بقولو كويس في حق الحكومة ..
- مستنير و ديل صبري الشريف و أصحابو !!
| |
|
|
|
|
|
|
|
|
 Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
Quote: جرجير دا مالو معاي اليومين ديل بس ؟؟؟؟
المواطن دا مما توقعاتي بتاعت فوز أسبانيا وخروج البرازيل من دور الثمانية..الخ التفاصيل
التى صدقت بالكربون أيام كأس العالم والأيام التالية، تراهو أيام الله السبعة شايل بقجة حسادتو
|
الشهادة لله يا طلحة ... البشرى أثبت إنو هو ذاتو بيري بنور الله ... تلفز كورة المريخ قبل ما تبدأ بساعات ... و يمين بالله لمن كلتشي درن إتخيلت الطوب نزل !!
---------------
Quote: سلام لأمين و ضيوفه
والله يا أمين فعلا الخبرين الجبتهم ديل بفترضوا في الناس قدر غير محدود من البلادة و بوروا للأسف إنه فعلا الكيزان ديل ما جو من السما و إنه في معارضين لو لقوا فينا فرصة حيكونوا امتداد لحكم الإنقاذ. حريات و SMC مجرد انعكاس لبعضهم و كل واحدة أزفت و أكذب من أختها.
|
و عليكم السلام يا ياسر
الخبرين ديل و غيرهم كتير جدا بيورو إنو إستوساخ الناس في كل أجهزة الاعلام الحكومية و المعارضة قد بلغ شأوا بعيدا و إنو مافي زول حريص علي مصداقيتو !!
--------------
Quote: لا يا بروف انا قصدي ان كون مجرد انتقاد حريات كاف لوضعك انت - منتقد حريات - في مصاف الأمنجية و الغواصين كما جرت العادة في البورد
|
ما يقدرو يا البشرى ... و كان قدرو الشغال بيهم منو ؟!
واحدة من مشاكل هذا المكان و سبب من أسباب طفو القبح فيهو إنو مرات كتيرة جدا ... الناس بتخاف تقول رايها خوفا من التصنيف و الأساءات ...
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
Quote: باين عليك فايق ورايق. عموما تعال مر علينا فى ولاية التارهيل.
|
المعز يا حبيبنا ...
والله ما فايق و لا رايق لكن مستغرب في كمية القبح الكل يوم بشوفو فينا ده ... ياخي دي قباحة فاتت حد الممكن و المعقول ....
ياخي ما ممكن ناس شغالين عمل عام أول ما يختلفو ... يطلعو بيان إنو فلان غواصة ... بعدها بدقايق يطلع بيان تاني إنو فلان و فلان و فلان كتبو البيان الأول و هم الغواصات ... و بعداك كمية مستمرة من القباحة و الكلام الشخصي العجيب ... هناي كان ساكن مع هناي و ما كان عندو قروش ... ساكن ... ماكل ... شارب ملح .... و هناي ده أنا الجبتو أمريكا و ترجمت ليه و أديتو قروش ... هنايه جات الحفلة ما معزومة .... و هناي شال كتابي و ما رجعو لي .... قباحة ... قباحة ... قباحة .... و لحدي اللحظة دي القباحة ما وقفت .... ياخي ما جدوي العمل العام إذا كان الزول البحارب معاك من نفس الفكرة و المنطلق يومو البختلف معاك في راي أول حاجة بعملها إنو بمن عليك بالشخصي و يشوه سمعتك بدون دليل و لا يتورع إنو يخلق من عندو و يكذب عشان يغتالك في نظر الناس !!
و الحاجات دي ما بقت حوادث معزولة يا معز ... ده خبز البورد الشبه يومي ... و دي ممارسات بتم هنا بصورة دورية و مستمرة و تحت أسماعنا و أبصارنا أجمعين ... يمين بالله بقيت أخاف من علاقات المنبر و تلفونات الزملاء من الشفتو في أرض الموت الهنا دي ... هل نحن فعلا بهذا القبح و هذا السوء ولا أنا ما شايف كويس ؟
-------------
التارهيل ستيت من قلايل الولايات الما شفتها ... كان ربنا هون بجي عليكم ... بس عليك الله كان يوم اختلفنا ما تقول لي أنا أستضفتك في بيتي تلاته يوم !!!
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
ساي يا حبيبنا ... سلام ياخي Quote: فاهم قصدك و بل شايف وجوب نقد خطاب اي زول بينتمي للمعارضة كعملية طبيعية - لكن من جانب تاني
وضع (الحكومة) في مقابل (المعارضة) - خاصة في سياقنا الحالي ممكن يعمل تشويش - و لتشابه الواقع السوداني
اي زول بتختلف معاهو في الرأي ممكن يختك في النقيض الاخلاقي تماما -حكومة اومعارض او اي زول او هلالابي (غالبا!)
لكن برضو من الافضل الوضع في الاعتبار انو الحكومة بتمارس (سلطة وخطاب ) وجسم واحد و واضح(بمعني امكانية المحاسبة ) - (المعارضة) جسم عريض بتمارس (خطاب) بس =(صعوبة المحاسبة )
كلامك -في نظري -كان ممكن يكون ملائم لو الحكومة (حاكمة تنفيذيا ) و (المعارضة) بتعارض
في (البرلمان) لكن التعامل مع قطاع يشمل الاف الناس و اي زول بطريقتو بعارض في مصطلح
واحد باسم (معارضين ) او المعارضة سوت والمعارضة عملت ممكن يكون ميسلدينق !
اضافة للاستنتاجات الساهلة لنوع كلامك دا و الممكن بستخدموها الناس و يقولوا : طيب دي لو المعارضة لو جات الحكم ح تعمل شنو !
والاستنتاج الزي دا بستبطن انو الزول المعارض دا هو الـ ح يجي يحكم ! و بتغافل انو اصلا الحكومة لو ازيحت و
جات المعارضة دي او اي زول تاني بالانتخاب في حاجة اسمها محاسبة و نظام ديمقراطي (علي الاقل نظريا )
ختاما المقاربة الاخلاقية بين خطاب الحكومة و خطاب المعارضة غير متكافئة
و بتتجاهل عوامل كتيرة و اختلاف السياقات -
و في النهاية كلامي ما دعوة لعدم نقد الخطاب المعارض - ابدا ! بل وجوب النقد نقدا لازعا في سياق الثقافة
السودانية و ليس في سياق المقابل او المقارنة بالحكومة !
|
متفق مع كلامك ده كجزء من واقع حاصل و في نفس الوقت شايفو سبب لقصور معارضة الناس للانقاذ ... اوريك كيف :
حقيقة ما بعرف زول أو مجموعة من الناس مؤيدين الانقاذ ما لم يكونو مستفيدين بصورة شخصية منها ... كل الناس ضد الانقاذ... و سفينة الانقاذ (لا تبالي بالرياح )... قاعدين و نافشين البلاد و العباد ... لا بد يكون في سبب ... السبب - في تقديري - انهم تسربو كالنمل من عيوبنا ... و عيوبنا دي ياها الشايفنها و ساكتين عليها دي ... و كان اتكلمت يقولو ليك نفس كلامك ده رغم انك كررت انك لا تري المعارضة و المعارضين فوق النقد و ده لو أحسنو فيك الظن و ما قالو ليك إنت ذاتك أمنجي و غواصة !!
مشكلتنا أكبر من موضوع حكومة و معارضة و اختلافات في رؤي الناس .... مشكلتنا اننا شعب لا يعرف معني الاختلاف ...و لا سقف لعداوتنا و فجورنا في الخصومة ...
و مثلك الضربتو بتاع هلال مريخ ده ذاتو بيؤكد الكلام ده ... بسبب نقاشات بتاعة كورة في أرض الموت دي هنا .. الشتيمة و المنابذات وصلت الأهل ... و هسي كان مشيت بوست محمد جمال بتاع السلفيين تلقي الشتيمة و المنابذات فاتت الأهل.... و الأمر أمر دين !!
من ناحية نظرية ... أفهم تماما إنو الزول الحاكم يقتل و يكذب و يفعل كل ما هو لا أخلاقي عشان يواصل الحكم ... الما قدرت أفهمو ليه الزول البعارض نظام لا أخلاقي زي الانقاذ يغرف من نفس بحر اللا أخلاق ده ... نفس الخسة و نفس العفن ... كل هذا و الناس تسمع و تري ... كدي وريني سبب واحد يخلي زول عاقل نصيح يصطف مع الناس الشفنها دي حتي لو كان ال cause ازاحة الانقاذ !!!
الناس الحادبة بالجد علي مصلحة البلد و فعلا عايزين الانقاذ دي تمشي ... مفروض يرفعو صوتهم عااااالي ضد القبح... كان من المعارضين كان من الحكومة ... دي الخطوة الأولي ... هذا و إلا الشايفو قدامك ده ... يومنا البنختلف أول حاجة أجي أقولها إنو ساي ده غواصة و من شدة ما مقطع بعمل لي مس كول عشان اضرب ليه باك ... ده كان ما ساعدتها بانو كنت برسل ليك حق الصعوط ... و الامنجية و الغواصات الصحي صحي يقرو و يستمتعو !!
------------
القبح ملة واحدة ... لا يهم من أين جاء !!
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: رشا احمد)
|
بنفسجي مين يا حبة
Quote: الما قدرت أفهمو ليه الزول البعارض نظام لا أخلاقي زي الانقاذ يغرف من نفس بحر اللا أخلاق ده ... نفس الخسة و نفس العفن ... كل هذا و الناس تسمع و تري ... كدي وريني سبب واحد يخلي زول عاقل نصيح يصطف مع الناس الشفنها دي حتي لو كان ال cause ازاحة الانقاذ !!!
الناس الحادبة بالجد علي مصلحة البلد و فعلا عايزين الانقاذ دي تمشي ... مفروض يرفعو صوتهم عااااالي ضد القبح... كان من المعارضين كان من الحكومة |
دا المانفستو بتاع الرماديين زي ما هو :)
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: محمد البشرى الخضر)
|
Quote: الما قدرت أفهمو ليه الزول البعارض نظام لا أخلاقي زي الانقاذ يغرف من
نفس بحر اللا أخلاق ده ... نفس الخسة و نفس العفن ... كل هذا و الناس تسمع و تري
... كدي وريني سبب واحد يخلي زول عاقل نصيح يصطف مع الناس الشفنها دي حتي لو كان
ال cause ازاحة الانقاذ !!!
الناس الحادبة بالجد علي مصلحة البلد و فعلا عايزين الانقاذ دي تمشي ...
مفروض يرفعو صوتهم عااااالي ضد القبح... كان من المعارضين كان من الحكومة |
100% شكرا" يا بروف
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: قيقراوي)
|
سلامات يا صحاب.... سلام يا أمين يا بروف.
رشا أحمد (إزيك):
Quote: عفواً ^__^
لكن انتهى وين ؟ هنا والا هناكـ ... ؟ |
مافي حاجة بتنتهي... بننتهي نحن ديل: ).
---
"أنتهى" المعني بها إني جيت أسلم وأسالم على البروف وعلى الضيوف الكرام وبس... وأشوف القصة شنو!. لكن قلت ما أطلع ساي أقول شيء على هامش القصة الغميسة دي وأواجب البروف في أحزانو. : )... شكرآ ليك يا رشا "العزيزة". إنتهى.
أتمنى يكون "إنتهى" بقت واضحة وأنتهينا.
---
ممكن أسلم على قيقا وعيدروس... محسوبية ساكت ... سلام.
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: محمد جمال الدين)
|
ازيك يا رشا يا بت كوستينا*
Quote:
* "ليس هناك ما هو مُوحش للمرء أكثر من أن ينادي عليه بهذا النداء ( يا أخ )
(يا أخ ) هي تحديدا العبارة التي تُلغي الأخوة !"
مريد البرغوثي _ رأيت رام الله
|
صدقت .. واحسن مريد البرغوثي
اصلاً لو جردتي المسألة ح تلقي انو (الاخوة) رباط قسري .. ليس لك فيه خيار
سمبلي قارنيها بـ(صديقـ/ـة)!!
انا شخصياً بتحسس منها .. افضل مليون مرة قيقراوي من الاخ قيقراوي
الذ زول هنا طبعاً عمر فضل المولى .. مرة قال لتراجي: الاخت البائسة تراجي
خليتا خل ياخي .. وجاي تقول البينا خوة!!!
غايتو حتى كتابة سطوري البائسة هذه (والعبارة مستلفة من نفس المصدر) لم اجد امتع من عبارة (الاخت البائسة) دي .. ديل متناقضين الديالكتيك ما يعجنن في عبارة واحدة!
-----
يا امين هون عليك ياخي
وما تدي الاسافير دي اكتر من حقها .. هي مجرد فضاء افتراضي في الاخر
ما تشغل بالك كتير
ياخي يا ريت لو كان الواقع فيو خيارات الاسافير دي ..
مجرد كلك على (اكس) في ركن قصي .. تزيح من مدى رؤيتك شاشة مزعجة جداً
وتبقى بعض طيوف رحيمة جداً .. لها الحب و الاحترام
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: قيقراوي)
|
Quote: ياخي يا ريت لو كان الواقع فيو خيارات الاسافير دي ..
مجرد كلك على (اكس) في ركن قصي .. تزيح من مدى رؤيتك شاشة مزعجة جداً
وتبقى بعض طيوف رحيمة جداً .. لها الحب و الاحترام |
إنتا قايل يا قيقاعارف المصبرنا علي طرطشتك شنو غير الشطحات العرفانية
البي تعاودك زي الكلام الفوق دا
________________________________
و لكن إختار البروف أن يعافر و يدافر القبح حتي يوسع شبابيك
الرحمة و الحب و الإحترام
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
Quote:
سلام للجميع و عذرا .. شغلتنا أموالنا و أهلونا عن هذا البوست ... ساعود لاحقا إن شاء الله ..
|
لسنا من نورٍ لنغفر .. نحن من طينٍ لنبني
اها قصرت معاك في مشوار (التعارف) المقترح؟
فاااا شنو:
ابني لنا بيتاً .. لك .. للصغار القادمين
وحاول انسى
ياهو حال الطين عاد .. نجيب عنصر تاني من وين!؟
-------
لقيتك قلبك اسود!!
دا هو الحاتي ليك شعر راسك بالمناسبة، ومخليك اصلع
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: قيقراوي)
|
و عليكم السلام يا ابوحميد ... Quote: سلام يا أمين
Quote: كيف تتعرف علي الأمنجية و الغواصات بالبورد !!!!
انك تفتح بوست عنوانه:
Quote: كيف تتعرف علي الأمنجية و الغواصات بالبورد !!!!
|
زي ما بقولو المصريين : ما كنش حد غلب ...
بالمناسبة : إنت وين لبشري ابنعوف و هاشم و وهاب و سلمي و عمك دكتور محمد سليمان ؟ ولا في أبنعوفات كتار في بلدنا دي ؟
---------------
مورتا يا وهم ...يا أخوي أنا بنفسجي ... كعبين الما عندهم لون !!
غايتو أنا ما عارف لو ما كنت كل مرة بجي السودان بجيب ليك هدية ...كنت سويت شنو ؟
--------------
Quote: بنفسجي مين يا حبة
دا المانفستو بتاع الرماديين زي ما هو :) |
تعرف يا البشرى ... جزء من المشكلة ... تصنيف الحاجات ... و عارف تماما إنو ما ده ما تصنيفك ...
كل العلينا إنو نحاول نوضح وجهة نظرنا كما هي ... و يكون عندنا من المنطق و الحجة ما يكفي لتوضيح الفكرة لا لاقناع أحد ... بعداك لازم يكون عندك مخزون كبير جدا من المياه يكفي لبل البتعرض ليك !!
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
Quote: مورتا يا وهم ...يا أخوي أنا بنفسجي ... كعبين الما عندهم لون !!
غايتو أنا ما عارف لو ما كنت كل مرة بجي السودان بجيب ليك هدية ...كنت سويت شنو ؟ |
سلامات امين وبنفسجي شكر بس ما شكر شديد :) هو في زول بجيب آي باد هدية و ما بشكروهو
ود البشرى أمين يبرا من الرمادي داير تدخلو معاكم ساي
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: مرتضى احمد عبد القادر)
|
سلام يا محمد جمال و لعلك بخير ياخي ...
Quote: 1- شكرآ لك في المساهمة الكبيرة والعملية في إثراء البوست المعني (والبوست للمهتمين يحتوي نقاش ساخن وهام في تقديري حول إمور الدين والدنيا، ما نبذ بس، الشكل "النبذ أنا لست جزءآ منه" كان في الصفحتين الأولين وبس، وربنا حلانا منه بقدرة قادر، والآن بحمده تعالى ننعم برفاهية نقاش جميل خالص)... دا اللنك:
|
يا سيدي لا شكر علي واجب و أنا بالذات كنت مركز علي نقطة واحدة في النقاش ... و حقيقة البوست كان فيهو نقاشات ماتعة ... و لو لم يكن فيه غير كاركتير عمر دفع الله لكفاه ...
كلامي عن الشتايم الحصلت فيهو ما جاء في سياق نقد البوست انما في سياق إنو نحن ممكن نشتم و نسئ لبعضنا لمن نختلف حتي لو كان الأمر أمر دين و ضربت مثل ببوستك لانو أمر الجاب الشتايم و الأساءات كان في أمر دين و جميل إنو في الأخر الناس شوية اتصافت و إستمر النقاش !!
Quote: 2- الغواصات والأمنجية يعرفون بثمارهم كما يعرف الأنبياء الكذبة من الحقيقيين (إشارة إلى حكمة المسيح) والناس الساي برضو وكل الناس (بما يتضمن هيثم طه طبعآ، وعلى ذكر ساي دي أنظر نقطة 3).
|
ثمارهم وين يا جيمي ياخي ؟!
الغواصات و الأمنجية في البورد هم نحن ذاتنا و إن شئت الدقة هم نحن لحظة الاختلاف ... يعني هسي دي لو دورنا أنا و إنت... بكرة بجي أقول إنو محمد جمال ده غواصة و أمنجي ...و أطلع بيان انفش حنانك بالحق و الباطل ... و لمن أخلص اقفل الكومبيوتر و أتعشي و أنوم أحلم بسقوط الانقاذ !!
هذا بالطبع لا يعني أن هذا المكان خالي من الأمنجية و الغواصات ... بالعكس ... راقدين أكتر من الهم ... لكن زي السيناريو القلتو ليك ده و كترة تكرارو بخلي معرفة الأمنجية و الغواصات شبه مستحيل .
Quote: 3- إعلان حاسم: يتم إرجاع لقب دكتور إلى هيثم "ساي سابقآ" بإعتبار أن الدكتوراة هي أعلى درجة علمية
ممكنة اما الاستاذية بالعربي وبالأفرنجي البروفيسورية فهي رتبة اكاديمية ساي (فالبروف زول "أستاذ" ساي) وليست درجة علمية... وبما أن هيثم طه (هيثم ساي سابقآ) هو عالم وليس أستاذ ساي فقط (عالم في شئون الدين والدنيا) وبجدارة فائقة فقد سميناه منذ اللحظة: دكتور هيثم طه مع إحتفاظه بكرسي الحسم والوضوح بالبورد وهذه أيضآ درجة بروف "أستاذية"... فهو إذن بروف دكتور أستاذ مستشار "هيثم طه". صدر تحت توقيعي... محمد جمال... بروف وعالم شهير معادي للسلفية والكوزية والسامية والستلينية والعنصرية والنبذية (نبذية من نبذ).
|
إرجاع وين يا زول ؟
موضوع دكتوراة هيثم ده أتعبني جدا .... كل زول شابكني لازم ترجع ليه الدكتورة ... طيب ياخي لو انتو بتعرفو قدر ده ... ما تجو تقعدو في حتتي ؟
هيثم ده أنعمنا عليه بالدكتورراة ... بعدها بشوية سحبناها منو و بقي اسمو "ساي" ... و ده تقليد علمي و عادي جدا .... العايز يديه الدكتوراة ياهوديك الشهادات راااااقده ... لكن زول بعترف ليكم بيها مافي ....
روقو المنقة... كان صلح أداءو شوية بنرجعها ليه تاني ...
الدكتور الوحيد المعترف بيه الان هو دكتور محمد قرشي عباس ... فتش بوستاتو بتستفيد !!
Quote: 4- وأخيرآ... مافي حاجة إسمها معارضة (دا مجرد مجاز يجوز لغوآ ولغة ولكن لا معنى له في الواقع)... المعارضة في البرلمان "بتاع الكيزان" أي معارضة فهي جزءآ من نظام تعترف به ويعترف بها (زي أحزاب التوالي كدا وزي البرلمان الفرنسي مثلآ، المعارضة في البرلمان مافي الغابات والجبال والصحاري والمنافي)... نحن عندنا إسمها "مقاومة" مقاومة سلمية أو/و مسلحة مثل ما تقول المقاومة الفلسطينية ولا تقول المعارضة الفلسطينية لأننا لا نعترف بالإنقاذ كنظام شرعي وإنما نعتبرها مستعمر معتد على بلادنا مثلها وإسرائيل بالنسبة للفلسطينين الأحرار... ودا كلام جد وصاح ما ساي.
|
أراك حملت الكلام ما لا يحتمل يا عم جمال ... أنا ما بكتب في بحث أكاديمي أو في ورقة علمية عشان التزم بتعريفات موجودة في بطون الكتب و ما عندها علاقة بالواقع بتاع السودان .... لمن أقول المعارضة أو المعارضين أي زول بقرأ هنا ح يعرف تماما أنا قاصد شنو ... و أنا هنا ما بقول إنو تعريفك ما صحيح ... لكن بالتاكيد ده ما محلو ....
أقعد عافيه يا زول يا زين و الاختلاف معاك ذاتو سمح ...و صحي قبل ما أنسي ... أنا ح أبل ليك خلق الله دي ب (انتهي ) بتاعتك دي حتي يستغيثو .... انتهي !!
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: esam gabralla)
|
عيدروس يا حبيبنا ... شكرا علي الدعم و المؤازرة ياخي ..
-------------
Quote: يا امين هون عليك ياخي
وما تدي الاسافير دي اكتر من حقها .. هي مجرد فضاء افتراضي في الاخر
ما تشغل بالك كتير
|
يا قيقا ده حنك ساي منك ... الواحد قاعد في الاسافير أكتر من قعادو في الواقع ... و يزعل منك رسمي و شعبي كان إنتقدتو ساي ... لمن البل يكتر ... يقول ليك زي كلامك ده
-----------
| Quote: ود البشرى أمين يبرا من الرمادي داير تدخلو معاكم ساي |
شكرا يا مورتا علي الدعم و المؤازرة مدفوعة التمن !!
-----------
Quote: الغواصات بيعملو فيها جادين و بتاعين بحوث و أوراق علميه زيك كده
الأمنجيه بتظارفو و بتخففو زى مورتا
|
يا كعوجة ... متفقين في تعريف الامنجية و تظارف مورتا و خفتو ... و متفقين في تعريف الغواصات ... لكن بتاعين (البحوث و الأوراق العلمية ) ديل ما أنا ... ديل ناس محمد جمال !!
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: أمين محمد سليمان)
|
| Quote: يا كعوجة ... متفقين في تعريف الامنجية و تظارف مورتا و خفتو ... و متفقين في تعريف الغواصات ... لكن بتاعين (البحوث و الأوراق العلمية ) ديل ما أنا ... ديل ناس محمد جمال |
دا إسمو إصطياد في المياه العذبة : )... أو بالأحرى تعكير "العذبة" أي خجها خجآ خجيجآ ومن ثمة الإصطياد فيها ... يا بروف يا سلفي بالتعاطف والعطف:).
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: Rawia)
|
| Quote: هذا بالطبع لا يعني أن هذا المكان خالي من الأمنجية و الغواصات ... بالعكس ... راقدين أكتر من الهم ... لكن زي السيناريو القلتو ليك ده و كترة تكرارو بخلي معرفة الأمنجية و الغواصات شبه مستحيل |
يعني يا أمين في الآخر ح نطلع من المولد بدون حمص؟!
وانا لحدي الان ماعرفت يعني شنو غواصة ... أي والله
لكن ح استعملها وقتما ناسبني
------------------------------------------------
قيقا بالله طلعت من كوستي .... و النعم والله ^__^
ومرتضى ... طلع غواصة مرتشي ^_^
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: رشا احمد)
|
Quote:
يا قيقا ده حنك ساي منك ... الواحد قاعد في الاسافير أكتر من قعادو في الواقع ... و يزعل منك رسمي و شعبي كان إنتقدتو ساي ... لمن البل يكتر ... يقول ليك زي كلامك ده
|
قسماً بالله العظيم ثلاثاً جادي في اي كلمة كتبتها هنا ... شنو ليك!؟
وكان قلبك الاسود دا محدثك .. افصح ابن
او اقول ليك قولة .. هاك شيك على بياااااااض من الاعتذارات
اكتب البدك اياه .. قصرت معاك؟
بس مشكلة السلفي الجواك بعتقد انو الناس مسجونين وجدانياً و مفاهيمياً
كل يومٍ هو في شأن يا عمك!
الحركة ذروة سنام الناموس .. بين السيرورة و الزوال
آخرتا كوم تراب .. اتعب روحي فوق ام كم!؟
--------
لا حول ولا قوة الا بالله يا رشا!!
متين جاك زهايمر!؟
مش بوست منال كان اسمو بنات كوستي بالدرب العدييييل داك!؟
وجيت (وصفت ليكم بيتنا عديييل كدا)
(البروف معانا ود الصائم ما يجي حايم بجاي)!
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: قيقراوي)
|
Quote:
لا حول ولا قوة الا بالله يا رشا!!
متين جاك زهايمر!؟
مش بوست منال كان اسمو بنات كوستي بالدرب العدييييل داك!؟
وجيت (وصفت ليكم بيتنا عديييل كدا) |
والله ما متذكرهـ يا قيقا .. خليني امشي اعيد قرايتو .. لكن بتذكر الوقت الدخلت فيهو البوست ..
كنت مزنوقة في سمنار وقراية و حاجات كدا ... دخلت البوست عشان افك الزقنة شوية .. بكون تاني غبت زززززمن
بعدين الزهايمر انا الجيتو مش هو الجاني .....
بيتكم بي وين ثمح؟ ^__^
| |
|
|
|
|
|
|
|
|
|
Re: كيف تتعرف علي الأمنجية و الغواصات بالبورد !!!! (Re: رشا احمد)
|
معليش للغياب يابروفبل
| Quote: يا ولي ... هسي كان إتعصرتو علي كان بقيت ليكم غواصة شيعية !! |
انت عارف دينياً اي زول غواصة شيعية جوة نفسو وبتجيهو اسئلة مابقدر يجاوب عليها منذ السقيفة والي اليوم
اتخيل ( نوريت ) السلفي الايامات دي ناكر ليهم عقوبة الرجم بالله واحد وقرب يقول ليهم : لقد كفرت بسلفيتكم العرجاء
صراحة مرات مرات البورد ده يمحنك عديييل .
| |
|
|
|
|
|
|
| |
أمين محمد سليمان
سيف النصر محي الدين
osman righeem
خالد عبد الله محمود
محمد البشرى الخضر
وليد التلب
العوض المسلمي
Mohammed Awad
قيقراوي
طلحة عبدالله
رشا احمد
Elawad
Elmoiz Abunura
هيثم طه
أحمد ابن عوف
مرتضى احمد عبد القادر
محمد جمال الدين
aydaroos
Abdlaziz Eisa
Rawia
فيس بوك
تويتر
انستقرام
يوتيوب
بنتيريست