|
يا عبد الرحمن الحلاوى يعنى ما أمشى ..!
|
زمان فى السودان على زمن الحبوبات يحكى انه الواحدة ممكن ما تزور نسابتا
تقول ليك ممكن يكتبوها يعنى يعملوا ليها عمل فى شاى او قهوة
شوف فى زمن الانقاذ الواحدة ممكن تقول لى زوجها شنو بري ما بمشى
امكن اهلك يصفونى (بالشدة حرف الفاء) ما اصله قبيلتكم
عندها مشاكل ومشاحنات مع قبيلتنا
يعنى أنا مثلا لو عايزة أمشى الحلاويين شفت
كيف الا اجى بى بودى غاردز ، و ديل اجيبم من وووووين ؟
من قبيلتى طبعا ! و بما انه أبوى شايقى ( صرف ) وأمى لأبوها
محسية وأمها عبدلابية ( وهم اولاد خالات ) حيكون البودى غاردز من التلاته قبائل ديل
وبما انه زوجى حلاوى بالعربى كده أولادى حيكون فيهم دم من
الحلاوين و الشايقية و المحس و العبدلاب ، و لو استمرينا بطريقتنا دى
الماشين بيها فى العنصرية و التقسيم زى ما مشى الجنوب حيكون
عندنا الجمهوريات دى :
1-جمهورية شمال السودان
2-جمهورية شرق السودان
3-جمهورية غرب السودان
4-جمهورية وسط السودان
5-جمهورية جنوب شمال السودان القديم (دى عشان ناس الحلو وعقار)
و ناس الخرطوم ديل ( وانا منهم الان ) نسميهم
جمهورية المركز القديم للسودان لانهم اسياد الشئ ذاتووو
يعنى نحفظ ليهم حقهم وكده
( الشئ ذاتوو مقتبسة من الإغانى الهابطة فى الزمن اياه )
يعنى زى ناس أولادى و حيدر الزين و تراجى مصطفى لو
حبت ترجع الا نعمل ليهم اتفاقية الحريات الاربعة
بين كل الدول دى عشان ما يتظلموا و ما حيكونوا براااهم
90 ٪ فى المئة من الشعب السودانى القديم حيستفيد منها
و سودانيين المهاجر ديل زى ناس بكرى ابو بكر وواصل على
و النصرى امين ومن لف لفهم (العبارة الاخيرة اول مره استعملا
شايفاها فى المنابر كتيرة ع ا ج ب ان ى ) ساحات الفداء ذاااتها
ما حيتفرجوا عليها فى زمن دويلات السودان لانه الجماعة
كلهم بعافيتهم شغالين حروب ماف زول يصور ذاتو
فهم اقصد ناس بكرى وأولادهم وأحفادهم حيكونوا
من يكتب تاريخ لامة كانت فى بلاد اسمها السودان
لانه شعوب السوادن حيكونوا ماشين فى انقراض !!
بس عليكم الله اوصيكم يا بكرى ما تزوروا في التاريخ من تانى .
شكرًا حكومة الانقاذ لأنك عصرتي علينا لحدى ما خليتينا
نكتب بتهكم و سخرية وبمناسبتها تحية لاستاذنا الكبير
جبرة شيخ الكتابة الساخرة .
شكرًا باشمهندس بكرى ابو بكر لانك جعلتنا نكتب و نتواصل
مع الاخرين فى موقعك .
اعتذار مقدما للأسماء المذكورة من البورداب اذا ما عجبهم
ذكر أسمائهم .
|
|
|
|
|
|
|
|
Re: يا عبد الرحمن الحلاوى يعنى ما أمشى ..! (Re: ندى صالح الطيب)
|
سلام وتحية
معليش اخش في الموضوع بالعرض واظن هو امتداد لبوست عنصرية يروف زين العابدين انا لا اري ان في موضوعه انفاس عنصرية ولكن غبن لم يوجه الاتجاه الصحيح وحكاية ناس الشمالية جو اشتعلوا غفرا وحراس ترع ممكن تردي عليها عشان ناس المنطقة فشلوا حتي في وظيف غفير
تاني لو الحلاوي اصدر اي تهديد ينظر و يفاد ويجي الحلاوي هنا ويقوليك الحلاوين اصلا كانو من سكان شمال منطقة ابو حمد و حبوبتهم شايقية
والسودان ده العنصرية فيه اتأصلت واتجزرت في ظل من قالوا زورا هي لله لان الله لم يقل بذلك
| |
|
|
|
|
|
|
Re: يا عبد الرحمن الحلاوى يعنى ما أمشى ..! (Re: ندى صالح الطيب)
|
Quote: وبما انه زوجى حلاوى |
يا دكتورة ندي طالما جبت سيرة البحر انسلم عليهو زوجك الحلاوي دا... يا ندي سلام كتير لابصلعة,انا في البوست داك كت عايز اجيب سيرة عاطف السماني الحلاوي وكمان كت عايز اقول لي ناس كدة إنك من اسرة دييمقراطية,طلعت من اسرة متعددة القبائل والاعراق.
حقيقي نحن في السودان محتاجين نقعد واطة ونفكر في ما ال إليه الحال بسبب سياسات العصابة اياها.
تحياتي يا دكتورة للحلاوي والاولاد.
| |
|
|
|
|
|
|
Re: يا عبد الرحمن الحلاوى يعنى ما أمشى ..! (Re: أمجد الزين)
|
سلامات الأخت ندى ولجميع المتداخلين ...
Quote: ويجي الحلاوي هنا ويقوليك الحلاوين اصلا كانو من سكان شمال منطقة ابو حمد |
جايز جداً .... أنا سمعت إنو في علاقة ما بين الحلاوين ومنطقة أبو حمد . ننتظر عبد الرحمن يفتينا.
تحياتي للجميع
| |
|
|
|
|
|
|
Re: يا عبد الرحمن الحلاوى يعنى ما أمشى ..! (Re: أمجد الزين)
|
Quote: ومن غير ما اعرف هو الموضوع ذاتو شنو؟ لكن كيف ما تمشى؟؟ يا زولة حبابك الف والدار ترحب بيك تب |
سلام يا امجد اول حاجة البطل الصغير كيف
بعدين كلامك الفوق ده ارفع فوقه ستارة اهلك الحلاوين
لو شافوه بدوقوك دق العيش ( وجه ضاحك )
| |
|
|
|
|
|
|
Re: يا عبد الرحمن الحلاوى يعنى ما أمشى ..! (Re: مرتضي عبد الجليل)
|
Quote:
طلعت من اسرة متعددة القبائل والاعراق. |
سلام يا دكتور ،شفت كيف لو ما اتداركنا الموضوع لو
بعدين ناس جمهورية وسط السودان عايزين يرسلوا
لى اهلهم فى جمهورية المركز القديم للسودان
(و ديل هم ناس الخرطوم )عيش ولا قول خضار حتى
حينتظرم واحد من ناس shoot to kill
الحلاوى تمام وبالله سجلوا لينا زيارة
تحياتنا المدام والأولاد
| |
|
|
|
|
|
|
Re: يا عبد الرحمن الحلاوى يعنى ما أمشى ..! (Re: ندى صالح الطيب)
|
تحياتى يادكتورة وتحية لاخونا د.عاطف السمانى
يا عبد الرحمن الحلاوى يعنى ما أمشى تجى منطقة الحلاوين فى اى وقت وتستقبلى بالاهازيج والافراح يادكتورة ومتاكد انك لن تنسى استقبال اهل قرية مصطفى قرشى لك لمن زورتهيم اول مرة.
الحلاوين عمرهم ماكانوا عنصريين وعمرى تجاوز الخمسين وولدت فى هذة المنطقة وولد ابى وجدى بهذة المنطقة ولا انتمى لهذة القبيلة وعمرى لم احس اننى عوملت على اساس قبلى ( واللة العظيم)لا اعرف ماهى قبيلة ممن يسكنون جيرانا بالحيطة ولم تكن اولوية لى ولا لغيرى فامل ان لا يحمل الموضوع اكثر مما يحتمل مع تحياتى لعاطف السمانى.
| |
|
|
|
|
|
| |