يا عبد الرحمن الحلاوى يعنى ما أمشى ..!

Quote: فامل ان لا يحمل الموضوع اكثر مما يحتمل

Quote: الاخت العزيزة ندى صالح سلام وتحية واحترام شديد قبل ما اجي الحلاوي اطمنك خليني اوريك الحاصل في الجزيرة الجزيرة ما زالت متماسكة بعاداتها وتقاليدها الا القليل الذي غيرته السنين الاخيرة لسع ما وصلنا مرحلة العنصرية القحة التي تحاول الانقاذ زجها بيننا ولكن مازالت بعض العادات او الممارسات القديمة موجودة ومتأصلة فيما يخص العلاقة بين اهل الزوج وزوجته خاصة لاحظي خاصة اذا كانت الزوجة من خارج المنطقة حتى من داخل المنطقة او بت اخت امو ذاتو برضو الحساسية موجودة ولكنها تحتاج بصارة بسييييطة من الزوجة ان كانت ذكية وحريصة على توازن العلاقة ويشاركها في هذه البصارة زوجها اها ان كانت من برة المنطقة والزوج كانت نوارة الحلة تكون المشكلة اكثر تعقيدا طبعا الحلاوي اكيد كان نوارة حلتن وطالع في الكفر ويا اتكسرن فيهو حلاويات وفجعتا جات الشايقية وختفتوا مننا هذا هو لسان حال بنوت الفريق الكانن بلعبن معاهو ام اللركان وغمديت وكان اغبش وخشموا ملان تراب واسع اسمح وبقا دكتور يشار له بالبنان يا وجعة بنات الفريق الكان بلعب معاهن الحيصاحيصا وحولب لب اها ديل الغبينة مازالت تتاورن بين الفينة والاخرى وتشوفي صرة الخشم ولكنها لم تصل لدرجة القطيعة العلنية والحرب الضروس فهو مجرد احساس داخلي نفسي لايرقى لمستوى الحقد والعنصرية وفي المقابل كل الحلة تحترمك وتشيلك في راسا وفي موقف الحصاحيصا ينزلو ليك البقول منو منو ينزلوا ليك من التندة عشان تركبي قدام واجيبوا ليك الحاجة الباردة كان كركدي كان عرديب والسواق اكون في خدمتك حتى تصلي عتبة البيت مكرمة معززة محترمة وعند نزولك يزغردوا ليك وافرحوا بجيتك يا ست اللمنتي ليك وابتهجوا بحضورك وتشوفي بعينك دموع الفرح وكل الناس في خدمتك رجال ونسوان وشباب اخدموك واقولوا ليك شكرا جزيلا امشي بالسلامة يا ندى وعليك الله اذكري كلامي دا

Quote: فكما فال لكم أبو رغيم فإن ودحبوبة له زوجة من كريمة وسكنت شرفت الحلاوين ، ومن الجعلين جدتي زينب بنت عطا المنان القادمة إلى أبوفروع من الزيداب ومن دنقلا الشريفة زينب الدنقلاوي زوجة البطل احمد ودنايل وهؤلاء ثلاثتهم تزوجوا بعد أن خرجوا من سجن رشيد في مصر

Quote: شربت معاكم شاى و اتعشيت في بيتكم فى 2006 اسأل المدام وتحياتى ليها

Quote: انت لامى القبائل كلها زى حالتى