|
Re: تقرير لجنة القاضي د. أمين محمد سليمان (نوتة) للتحقيق في انقلاب 25 (Re: محمد عبد الماجد الصايم)
|
Quote: هذا التقرير أغفل جزءا هاما من تاريخنا الوطني مما يجعله ـ أي التقرير ـ كلام خارم بارم ساي!! |
في نسخة من التقرير منسوخة باليد (تم نسخها بالليل اثناء عاصفة بحرية في جزر طرطوقا وكانت اشباح الكابتن جاك سبارو وطاقمه الموصوم بلعنة البحر تحوم حول الكاتب الشجاع وهو ينسخ التقرير في كراسة تأكدت بنفسي من استخدامها في "وليع" الكانون بعد أن ذهبت وأرسلت نسخة من النسخة المنسوخة عن طريق البريد إلى غنماية في الحلة الجديدة لتحلل بها صيامها) ...
تقول النسخة المنسوخة باليد: أن هذا التقرير اغفل جزءًا ### من تاريخنا الوطني مما يجعله - أي تاريخنا الوطني - كلام خارم بارم ساي!!!
فأرجو مراجعة النسخة التي بحوزة الدكتور عبدالماجد محمد الصايم راستا ... الذي سيصدر مجلة ماجد قريبًا في الأسواق ...
... المهم ... ®Tabaruk2012©
| |
|
|
|
|
|
|
Re: تقرير لجنة القاضي د. أمين محمد سليمان (نوتة) للتحقيق في انقلاب 25 (Re: تبارك شيخ الدين جبريل)
|
Quote: معاك أحلى مايك يا بروف ....
(لأنو البوست دبّل ... خش لينا بى دا في انقلاب 30 يونيو 1989)
|
لمن جاء إنقلاب 89 ... عندي خالي كان مسافر بره السودان ... رجع نفس يوم الأنقلاب و في السكة لبيتو في ابوروف لقي الكبري مقفول خلي بتاع التاكسي جابو البيت في المنشية ...هو الكلم ناس البيت إنو في إنقلاب .... كنت نايم في البيت ... صحيت ماشي الجامعة .... قبل ما أخش الحمام ... قالو لي في إنقلاب ... بالنسبة لي الكلام ده كان زيو و زي ( عوضية بت جيرانا جابت بت ) ... إستحميت .... قشرت .... مشيت الجامعة .... كان في شوية حركة زايدة في النشاط لكن ما كان في أي شئ ملفت ... كل شئ كان عادي ... مخاطبات زايدة من كتير من الأحزاب لكن إجمالا ... الموقف كان عادي .... محاضرات مدكوكة و ناس خالطة في المين ... و حبة إزعاج لو جيت ماري بالنشاط ...
| |
|
|
|
|
|
|
Re: تقرير لجنة القاضي د. أمين محمد سليمان (نوتة) للتحقيق في انقلاب 25 (Re: أمين محمد سليمان)
|
كانت هناك لا مبالاة عجيبة ... لم يهتم أحد بهذا الانقلاب و كانه حدث في كوالامبور .... حظر التجول كان أكتر من ما أثر في الناس في ذلك الوقت .... بدأ من الساعة خمسة مساء لستة صباحا و شوية شوية بقى من 11 بالليل لخمسة صباحا و إستمر لفترة طويلة جدا ... صادف في نفس الفترة سفر أهل صاحبنا ... فسكنا كلنا في هذا المكان ... لم يكن هناك قنوات فضائية و لا موبايل ولا أي من وسائل الاتصال الحديثة ... قبل الساعة 11 تكون في بيت ناس هشام السر .... من محاسن إنقلاب 89 إنو في فترة حظر التجول ... تعرف كثير من الرجال علي ابنائهم و بناتهم .... ربما لاول مرة منذ سنوات تواجد هؤلاء الناس مع اولادهم تحت سقف واحد كل هذا الوقت ...
| |
|
|
|
|
|
|
Re: تقرير لجنة القاضي د. أمين محمد سليمان (نوتة) للتحقيق في انقلاب 25 (Re: أمين محمد سليمان)
|
الكيزان لم ينزلو من السماء ... هم سودانيون و من كل القبائل و الجهات .... و لفظة سودانيون باتت تعني عندي الفشل .... سيذهب الكيزان يوما ما و سياتي اخرون .. لا أتخيلهم أسوأ من الكيزان ... ---------------- إنقلاب 89 يتحمل مسؤليته من قامو به ... و من عرفو به و صمتو ... و من ائتمنهم الناس عن الديموقراطية فشاركو في نحرها ....
-------------- يا تبارك ... القاضي عندو شغل كان ما تماه الليلة ... الرجل الأبيض بزعل ... و نحن كل شئ ولا زعل الرجل الأبيض ده ...
| |
|
|
|
|
|
|
Re: تقرير لجنة القاضي د. أمين محمد سليمان (نوتة) للتحقيق في انقلاب 25 (Re: الوليد الرشيد وراق)
|
Quote: يا تبارك ... القاضي عندو شغل كان ما تماه الليلة ... الرجل الأبيض بزعل ... و نحن كل شئ ولا زعل الرجل الأبيض ده ... |
والله برضك ما بتقصّر يا مولانا دكتور امين ... انا مشيت لى "الرجل الأبيض المتوسط" وجيت ... لقيت التقرير خطير ومثير ...
البوست دا ما اظن يقعد لى الخميس الجاي ... لأنو التقرير ما بيتقري إلاّ يكون في حظر تجوّل ...
والبادي أظلم ....
... المهم ... ®Tabaruk2012©
| |
|
|
|
|
|
|
Re: تقرير لجنة القاضي د. أمين محمد سليمان (نوتة) للتحقيق في انقلاب 25 (Re: تبارك شيخ الدين جبريل)
|
Quote: اقترح انو الدكتور نوتة يبدا لينا بانقلاب عبود 1958 بحكم انو نحن سغار وما حضرناهو |
هسي عليك الله يا باش ما بتخجل من كلامك ده ؟ ياخي علامة الصلاة حقتك براها قاعدة قبل عبود ... ---------------
Quote: هذا التقرير أغفل جزءا هاما من تاريخنا الوطني مما يجعله ـ أي التقرير ـ كلام خارم بارم ساي!! |
ده كلام سليم يا الصايم ... التقرير اغفل ماذا كان يحدث أثناء ساعات حبس التجوال !! ---------------
Quote: ياريت برضو يابروف تحكى لينا شوية عن كورتى حملات الدفتردار ووووو الحاجات الفى زمنكم ديك |
يا ولي ... الكلام ده أنا ما حاضرو ... أنا لمن إتخرجت من الجامعة الخليفة عبدالله كان ماسك و البلد خاضعة تماما .... ناس الدفتردار ديل أسأل منهم عمك تبارك ده !! --------------
Quote: البوست دا ما اظن يقعد لى الخميس الجاي ... لأنو التقرير ما بيتقري إلاّ يكون في حظر تجوّل |
اسمو حبس التجوال يا تبارك... الدقة في التقارير الذي دي مهمة جدا .. !!
| |
|
|
|
|
|
|
Re: تقرير لجنة القاضي د. أمين محمد سليمان (نوتة) للتحقيق في انقلاب 25 (Re: أمين محمد سليمان)
|
ازيكم
Quote: جابو البيت في المنشية |
في 89 امين ابصلعة الشين كان (حنكوشة ساكن المنشية)
ابصلعة العجوز كان لحدي سنة 89 طالب في الجامعة
كان بيستحمى كل يوم
Quote: ناس خالطة في المين |
ابصلعة اتخرج من جامعة الخرطوم
------------------- انا حضرت البيان الاول داخل استديوهات التلفزيون وكنت سادي وردية مهندس استوديو لدي معلومات لم تكتب او تقال من قبل، ربما ستقال في وقت لاحق
| |
|
|
|
|
|
|
Re: تقرير لجنة القاضي د. أمين محمد سليمان (نوتة) للتحقيق في انقلاب 25 (Re: الشفيع وراق عبد الرحمن)
|
Quote: في 89 امين ابصلعة الشين كان (حنكوشة ساكن المنشية) |
المنشية دي بيت عمي عليه رحمة و اللي في نفس الوقت متزوج خالتي شقيقة أمي ... تعرف يا الشفيع أنا كنت ساكن في ابوروف و المنشية في نفس الوقت ... بطلع الصباح من البيت ما بكون عارف ذاتو ح أبيت وين ... لانو غير البيتين ديل... في بيوت الفرد و في الداخلية ... صياعة نسال الله منها السلامة والله .......
Quote: انا حضرت البيان الاول داخل استديوهات التلفزيون وكنت سادي وردية مهندس استوديو لدي معلومات لم تكتب او تقال من قبل، ربما ستقال في وقت لاحق |
يا زول وقت لاحق ليه ؟ الموت من الحياة ما معروف ... تعال كب العندك هنا عشان نضمنو في التقرير ...
| |
|
|
|
|
|
|
|