كتب الكاتب الفاتح جبرا المتوفرة بمعرض الدوحة
|
|
 بيتر / زين العابدين .. حالة وطن
|
منقول من :لا حاو لا هش لا تك لا جر لاعي
-"زين العابدين ... من وين في الأهل؟"
-"من السيالة ... أنا جنوبي من السيالة"
-"مي نا السيالة؟! السيالة دي مي حقت الرباطاب؟"
-"هاهاها ... و إنت قايل شنو أنا رباطابي من منازلهم"
بيتر جا من الجنوب و عمره كان 14 كان 15 سنة و إشتغل غسال في الحلة
و شوية شوية بقي يلعب الدافوري مع الوليدات، طيبتو و إخلاقو دخلنو
القلوب و البيوت.
نفاجات السيالة ولفت عليهو، شايل حزمة برسيم لي الخالة فلانة
يكسر في الحطب لي العمة فلانة، شايل طوريتو يسد في لبقة معانا
و لا يساعد في بناء كرنق.
بيتر شاف الناس بي يروحو الخلوة ،سال أصحابو ولما أتيقن
مشي لي سيدنا براهو و قال"أنا داير أسلم" وسيدنا أداهو أسم
"زين العابدين".
زين العابدين كبر مع أعمامنا و أخوالنا، حضر معاهم لقيط الدفيق
العوم للرملة ، جية نميري في راس القطر، قطع التوتو كورة و خسر كم مرة
و لمن فاز إتقاودو لي مطعم السمك في السوق الكبير.
زين العابدين بيقا عامل في السكة حديد
و خش اللجنة بتاعة النادي، ولما النادي خش الدرجة
رقصنا معاهو جنوبي و عرضة
زين العابدين أديناهو مننا عرس بنية رباطابية
و جابلو وليدات
"الحال يا عابدين؟"
"كويسين.. علا البنية مورودة شوية"
الحال يا عابدين ؟
و الله تمام بس الحافز إتاخر علينا
الحال يا عابدين
و الله تمام بس البلد فصلوه علينا
و ما عارفين الناس شمال و جنوب
هم زين العابدين
_______________________
*الشخصية و الأحداث حقيقية
*السيالة قرية في مدينة عطبرة
* يلا أحكو عن أخوانكم
|
|
  
|
|
|
|
|
|
|
|
Re: بيتر / زين العابدين .. حالة وطن (Re: aydaroos)
|
دكتور مارتن صاحبي كان شغال طبيب في مستشفى ابوقوتة ومستشفى الربع في آن واحد
وكان ذلك في الفترة من 1990 وحتى 1994 تقريبا
الزيارات الاسرية بيننا مستمرة وتكاد تكون اسبوعية لو ما كل يومين تلاتة وبالكتير اخر الاسبوع
هو مسيحي وكل اسرته مسيحية ولكن اطفاله يرددون مع اطفالي كل ما يسمعونه في التلفزيون
وكان وقتها التهليل كثيرا والتكبير
وعادي يرددون مع اطفالي ومع التلفزيون لا اله الا الله محمدا رسول الله
فاقول له يا مارتن ديل خلاص نطقوا الشهادتين واسلموا فيضحك ضحكته القوية المجلجلة
ولايعير للامر انتباها وتمر الايام وتتفرق بنا السبل
وعمل في هذه المنطقة في الوقت الذي يعمل به ابناء المنطقة في العاصمة لانها منطقة شدة
.
.
.
ومن خلال هذا البوست اتمنى ان اعرف مكان اخونا مارتن
اين انت يا دكتور مارتن ؟؟؟؟؟؟؟؟؟
| |
|
|
|
|
|
|
|
|
|
Re: بيتر / زين العابدين .. حالة وطن (Re: aydaroos)
|
مينقا الخياط الوجيه في سوق عطبرة
زول حريف حرفنة مبالغة، توصف ليهو داير شنو
يعملو ليك زي ما عاوز، شباب الحلة كلهم زباينو
لانو غير الحرفنة كان امين و صادق و مبتسم خلقة
عمري ما شفتو مكشر.
اعمامي و اخوالي خيطو عندو الشارلستون، جيناهو نحنا
بالبنطلون كيس البندقية و الإستريت و جوهو البعدنا
كل زول و موضتو، بالكاش و بالدين
و اصلو ما بغلط علي زول
و بس يخيط و ينكت و يبتسم
مشتاقين يا مينقا
| |
|
|
|
|
|
|
| |
aydaroos
عبدالله ود البوش
باسط المكي
بله محمد الفاضل
فيس بوك
تويتر
انستقرام
يوتيوب
بنتيريست