تستضيف جمعية الصداقة السودانية السويدية بدارها العامر بالخرطوم داخل الحديقة الدولية الاربعاء وكل اربعاء ليلة ثقافية تعنى بابراز المعاني الجميلة وتاريخ اغنيات حقيبة الفن والشعراء والملحننين والمطربين الذين ساهموا في هذه الاعمال الجميلة ...
الفنان الكبير حسن محجوب له القدح المعلى في البحث والتنقيب عن ماهو اجمل في اغنيات حقيبة .. وهو الذي سيقود هذا العمل الجميل ....
نتمنى للاستاذ حسن محجوب والاخوة في جمعية الصداقة الودانية السويدية التوفيق ونتمنى من كل الاخوة البورداب وقراء سودانيز المشاركة في هذا البرنامج ....
05-05-2012, 01:36 PM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
شكرا علاء، شاحد الله الكريم ( وهذه كانت ضمن إبتداءات الحردلو) ان يبقيك هكذا : ماسنجرا" لخبر و شئون الحقيبة
حسان الحرك، الحردلو، ود الفراش، ود اب شوارب، كلهم مثلوا ذلك الخط البديع ، خط الدوباي، و الثابت ان خط الدوباي (دوباي البوادي) هو ضمن ثلاث خطوط أسست لبزوغ فجر أغنية الإتجاه الجديد( الاغنية ماركة العبادي/ابوصلاح) مطلع تلك العشرينات من القرن الماضي
* خط ثاني تمثل في الأشغال الفنية وثيقة الصلة بمحبة السودانين لنبي الإسلام (محمد) أهمها اشغال ود حاج الماحي، و الشيخ العدار، و شيخ المكاوي بالاساس فإن ميلودي ود المكاوي الذى سبق غناء الحقيبة : يا ليلي ليلِك جنا، هو ذات ميلودي و تفعيلة أغنية العبادي يا حليل رياضنا الغنا
* خط ثالث تمثل في المُخرجات القديمة لمارش ود الشريف و غناء ا حمد ود بعشوم في التركية القديمة : الموز روى .. قايم سوا .. فاطرِك ضوا .. يا ناس بالنار قلبي إنشوا : كسر قديم مُقتدر و جميل لضوابط الفراهيدي
- ابحثوا في تاريخ و دور كل من : برهان، عبد العزيز المامون، على الشايقي، ام الحسن الشايقية، بشير الرباطابي، عبد الله الماحي، الجنة حمد، كلهم حملوا بين جوانبهم، و مثلت إجتراحاتهم تلك، جنين تلك الإنعطافة التى قاد مواكبها سرور و كرومة
- السؤال :
لماذا إنتزعت امدرمان قفاز التحدي و الريادة من كبوشية و البجراوية و هما مهد غناء الرميات الاولى .. و لماذا صار (محمد ود الفكي زول كبوشية) فنان الوسط النيلي الاول ضمن حركة الإستيطان الامدرماني الاول القديم و لماذا لم يستطيع بشير الرباطابي و عبد الله الماحي مواصلة الصراع بغرض تحرير الغناء من قبضة عبد الغفار الماحي و بقية طنابرة امدرمان
.. لبوست الزين كلس نعود، فقد إستلمت عبر الفاكس من الرجل النوراني محجوب خال العيال : رسالة الزين كلس لمحجوب ود حليمة رسالة في أدب العُشرة الطيبة، و بانوراما الواقع البسيط، و ذكاء المشاعر، و المحبة الصادقة المُمتدة من برقو للهندي
سلامي لجميع اهل ندوة الاربعاء .. لا زلت في إنتظار بساط الريح الذى نقل على المك من سانتا مونيكا لحي العرب بأمدرمان
05-05-2012, 03:26 PM
عفاف ابوكشوه عفاف ابوكشوه
تاريخ التسجيل: 11-10-2005
مجموع المشاركات: 2016
والاستمرار في برنامج الحقيبه وتأكد انه مهما تغيير المكان
الا ان االحقيبه بتجيب ناسها وعشاقها
اين رحلت وحلت
ستجدني من الحاضرين مبكرا
مساء الاربعاء القادم
ودمت زخرا للحقيبه وعشاقها
مودتي واحترامي
وانا ايضا سعيدا بهذه المداخلة وبهذه الروح الجميلة التي من المؤكد سوف تدفعني برفقة الاخ الفنان حسن محجوب لتقديم المثمر .. شكرا ليك كتير واتمنى التواصل لهذه الامسيات التى لا تكون جميلة الا بكم ...
تسلمي
05-05-2012, 03:35 PM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
سعيد جدا بأن تكون اول المتداخلين وسعيد باهتمامك بهذا الارث الجميل من الفن السوداني ... سوف استأذنك بان تكون كل معلوماتك مرجع سوف نأخذ به لاثراء الحوار وتمليك المعلومة لك رواد الامسيات التي تهتم بالحفاظ على لونية الحقيبة المتفردة في الكلمات والالحان وطرق الاداء ...
Quote: شكرا علاء، شاحد الله الكريم ( وهذه كانت ضمن إبتداءات الحردلو) ان يبقيك هكذا : ماسنجرا" لخبر و شئون الحقيبة
لك كل الود ولقناعتي التامة بان ما جاء به شعراء الحقيبة قد لا يتكرر مرة اخرى خاصة ومع ايقاع الحياة والمتغيرات التي صاحبت انفاس الشعر السوداني .. سوف اهتم بهذا الجانب من الفن وسوف اكون كما تريد في ايصال كل ما يتعلق بما يطرح في الساحة ...
Quote: لبوست الزين كلس نعود، فقد إستلمت عبر الفاكس من الرجل النوراني محجوب خال العيال : رسالة الزين كلس لمحجوب ود حليمة رسالة في أدب العُشرة الطيبة، و بانوراما الواقع البسيط، و ذكاء المشاعر، و المحبة الصادقة المُمتدة من برقو للهندي
وللمرحوم الزين المغفرة وحقيقة افتقدته الساحة الفنية فكان شريان الحقية النابض وسوف نواصل مشواره ونكون دعامة لايصال رسالته للذين لم تصلهم ...
وجودك في هذا البوست مهم جدا واتمنى ان ينضم الينا احمد القرشي ...
ونواصل ..
05-05-2012, 04:20 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
يا علاء واحدة من اتنين يا تطلب من بكري يسحب البوست دا يا تنزل لنا هنا الاغاني البتسمعوها براكم دي دا اسمو عذاب بس معظم ناس المنبر في الخارج فاحرمونا ولا تحرمونا والله ما صاح منكم
05-05-2012, 04:34 PM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
Quote: واحدة من اتنين يا تطلب من بكري يسحب البوست دا يا تنزل لنا هنا الاغاني البتسمعوها براكم دي دا اسمو عذاب بس معظم ناس المنبر في الخارج فاحرمونا ولا تحرمونا والله ما صاح منكم
بحب اطمئنك بأننا بنعد لان توثق هذه الحلقات والمفاجأة الاكبر وهي اعدادنا لان تبث هذه الحلقات على الهواء مباشرة وسوف ننزل الرابط ليتابع معنا كل بعيد عن الوطن والذين يتواجدون في ولايات السودان المختلفة ...
اصبر لينا حبة بس ...
الف عافية يارب
05-05-2012, 04:48 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
ما بعرفوا الفكري دا الفكي الفكي يا علاء بتاع البخرات والمحايات "مع انه جدي دا يوم واحد في حياتو لا عزم لزول لا مشى لشيخ"
وعد الحر دين عليه وما تقول بننسى والله نبقا لكم في رقبتكم يا عمران انت صاحي؟ ما براي يا علاء في الطلب والمتابعة ناس كتار اشعر انني قد عبرت عنهم تماماً تحياتي
كسرة: حسن محجوب دا الصحفي المريخابي ولا واحد تاني؟
05-05-2012, 05:39 PM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
ود حيمورة ود الفكى .....سلام حسن محجوب التوم ابونخيله ده ود خالى محجوب علاء الدين انت حولت من حديقة القرشى واللا 110/220 واللا بتعمل حفله هنا واوفر نايت هناك ؟؟ موفق كتر خيرك فى البتعمل فيه ده ومنتظر اللنك اجدع هنا بس اقل شى كان فاتنا الميرى نتمرغ فى ترابه،،،
05-05-2012, 06:09 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
Quote: علاء الدين انت حولت من حديقة القرشى واللا 110/220 واللا بتعمل حفله هنا واوفر نايت هناك ؟؟
والله فعلا حولت من القرشي من الاربعاء المضت وتم الاتفاق مع الفنان الرائع حسن محجوب على ابتداع شكل جديد لتوصيل ثقافة الحقيبة وان ادرى بمقدرات الفنان الرائع حسن محجوب في توصيل المعلومة مع نمازج الغناء ....
الشكل جديد وسوف يتيح مساحة اكبر للتعريف باغنيات الحقيبة ...
05-07-2012, 09:20 AM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
الفنان حسن محجوب والفنان مرزوق محمود هما اعمدة الغناء في منتدى الحقيبة بدار السويد ( الاربعاءوكل اربعاء ) ...
اصوات طروبة سوف اتحدث عن كل واحد على حدة مع نمازج لاداءه ...
بالاضافة الى الفنانون احمد عوض ( عجوز ) والفنان خالد نحل والنحاس والفنان حسن شرف الدين وحبيب حسن وغيرهم من الاصوات الطروبة التي تحافظ على اداء اغنيات الحقيبة بقالبها المميز ....
امسية الاربعاء سيشارك فيها الفنانون احمد عوض ( بوردابي ) والفنان خالد نحل والفنان حسن شرف الدين ...
للاستفسار تلفون 0111444488
05-09-2012, 00:02 AM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
قطعا" في إنتظارك، .. إلا خايف تبقي فيك البقت في (مُرسال) خليفة المهدي للنور عنقرة، قصدى ذاك الأنصاري المُجاهد العجبو الحال في قعدة الخليفة و نسى الرجعة،
عُد لنا عودة هدهد سيدنا سليمان، عُد لنا بالياقوت و الزبرجد من أمسية دار السويد، شوف شدة ابوصلاح، فارز جمال و ألق الإخضرار في حجر الزبرجد الكريم :
.. زبرجد لونِك و إخضرا .. لخبط أفكاري و لي ضرا جسمي فدايتِك و ما ضرا .. لو كان يدقق و يضرا
ظل اهل بلاد السودان و حتى عهد قريب، ( يضّرون ) العيوش في الهواء قبل أخذها للطواحين
05-09-2012, 07:55 AM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
يا علاء حيمورة احفظ ليك اغاني ود الرضي والجاغريو كمان والله الحفظ بقى قااااسي شديد مع الغربة دي وانت عارف الراس كلو اتملا حاجات كتييييييييرة مهنا تجديد الإقامة ودفع الايجار وتجديد الرخصة وتجديد التامين الطبي ودفع الكهرباء والموية ومجارات تخفيضات الاسواق المترامية في الرياض دي وده غير نظام ساهر البقى تلقاه صاحي 25 ساعة وغير وغير وغير ، اها بعد ده تقول لي احفظ ياخ والله العظيم يا حيمورة انا في حاجات واغاني كتيرة نسيتها عديييييييييييل كده والذاكرة بقت خربة جدا لكن غايتو الواحد لما يجي الاجازة بيحاول يعمل up date للشي الحافظو وما طار من راسو وربك يسهل ان شاء الله ...
تحياتي : ياسر العيلفون
05-09-2012, 11:06 AM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
سعيدين ونحن في المنتى ان نستضيف فنانة الحقيبة الصاعدة بقوة الاستاذة ميادة قمر الدين .... بجانب الفنان محمود صداح وحسن محجوب وكوكبة من مطربي الحقيبة .....................
05-21-2012, 10:17 PM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
Quote: يااخي طلبت منك قبل كده تجيب لينا عجوز هنا في واحده من جلساتك الفنيه...الزول ده انا مشتاق اسمع صوته يااخ...
حقيقة سجلنا للاخ احمد عوض اعمال كثيرة وجميلة جدا ... نحن في مساعي لنقل الامسيات مباشرة وبنرتب لذلك حتى لا نحرم البعيدين عن الوطن وعن الخرطوم من الاستمتاع بهذه الامسيات ...
سوف ننزل ليه اعمال في هذا البوست ...
خليك قريب مننا بس
05-22-2012, 07:27 AM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علاء الدين حيموره
أحمد طراوه
عفاف ابوكشوه
ياسر السر
محمد عمر الفكي
صديق الموج
احمد محمد بشير
عماد شمت
فيس بوك
تويتر
انستقرام
يوتيوب
بنتيريست