|
|
 الشيّة والمرارة النيّة .. باربكيو علي الهواء صورة
|
لا شئ يهيّج علي المرارة أكثر من الحديث عن الشيّة والمرارة النيّة . أقولها وكيس الفول الخاص بمعدتي يكاد أن ينفرط فؤاده من شدة صقيع الجزء الأعلي من الثلاجة .
وبعد أن تلقيت تلك المكالمة الخبيثة من أخوةٍ لي في المنافي أظنهم الآن يتلمّظون ويقشقشون خشومهم المترعة بالأتّي والشطوط ومطايب الحِلل والقدور؛ وجدتني في حالٍ بائس
لا أتمناه لأحدٍ في هذه البسيطة . وأخالهم فقط من أجلِ إيجاد العذر أخبروني بأمر هذه الوليمة من باب أما بنعمة ربك فحدث . وليتهم لم يفعلوا . وقبل أن نخوض مع الخائضين
يجب أن أذكركم بأن حكمة البوست ( الحلّة بصل ) ومافي زول يجي يقول لي و ( المرا كرعين ) عشان ح يكون أووف بوينت وبنعتبرا ليه محاولة لخرمجة مسار البوست :)
أتذكر إجابة طريفة من صديق يعتبر من أحدي خبثاء المدينة عندما سألته : ( أها أخبار الحِلل والمطايب شنو ؟ ) فلم يتردد أبداً وقال لي : يا زول حِلل شنو ؟ أنا بتعشي بي مزّة البارات . :)
أكتفيت بإبتسامةٍ صغيرة حتي لا يطمع هذا الخبيث في نيل إبتسامةٍ أعرض ويبدأ يحكي لي عن التدهور المريع في أحوال السكرجية كما يحلو له دائماً . فأنا لن أنجو من حكاياته إلا بي طلاع الروح .
لعنة الله علي المشاوي .. حقيقة هيجتني الذكري مصطصحباً معي في هذا الأمر عدة قصص وحكاوي شديدة الطرافة؛ فكم من الخراف والتيوس والعتّان أهرقت دماءها الطاهرة قرباناً .
لجلسات وقعدات . وأذكر أن لي صديقاً كان متخصصاً في إعداد الشطوط المدنكلة التي تتزامن مع الحِلل ومهرجانات الشواء المتعددة في بيت العزابة الذي كان يتشارك فيه السكن مع آخرين
ويقال أن الخير كان وفير إلي حينٍ من الدهر . ولكن بعد فترة أنقطعت المؤن وشحّت الموارد وتقطّعت بالقوم السبُل . وعندما أجتمعوا كعادتهم إيزاناً برفع الكاسات المحمولة جواً ذهب
صاحبنا لإعداد الشطة كالمعتاد . ودارت الكؤوس دورتها الطبيعية والقوم في أنسٍ ولهوٍ غارقين . وبعد قليل بدأت الورجعة وقلبت السين شيناً والقصة باظت والبشتنة حصلت . وهذه
هي ملامح النهاية الطبيعية التي تختتم بالعشاء وكان . جئ بالفول بجلالة قدره يتأرجح صحنه الوحيد في الصينية مبشراً بما لا يحمد عقباه من عسر الهضم و( كيتوب ) الصباح .
فما كان من صاحبنا إلا أن قال وهو متجهماً وفي ضيقٍ شديد ( هسه ده عشاء داير ليه شطة ؟؟ ) :)
عموماً سنعود للحديث عن الشواء والضبايح والمطايب دي حبة حبة وأتوقع إنو البوست ده يستقطب المعلمين والأئمة العظام وحسن أولئك رفيقا :)
|
|
  
|
|
|
|
|
|
|
 Re: الشيّة والمرارة النيّة .. باربكيو علي الهواء صورة (Re: عاصم ابوبكر حامد)
|
تحايا يا جميل وسلام لكل رواد البوست .
أعجبتني الطريقة الساخرة في إستعراض اللحمة و مرارة الخروف وطريقة رص الصحون( أعجبتني كصور من رجلٍ مصور) ولا أخفيك سراً؛ ضحكت .
هذا من ناحية . ولكن عندما وضعت نفسي موضع الخروف وجدت ما كتب هنا مؤذٍ جداً وقاس . كانت ستكون مقبولة علي الأقل في نظري لو كتبتها كمداخلة في السلخانة . أقول لك أنه شديد القسوة لأن للحيوانات إحساس ويؤلمه جداً أن يُراق احساسه ويُهدر بهذه الطريقة الساخرة التي قد تعجب أمثالي بإعتبار أن ( كراعي في الموية ) مافي النار .
أنت تعرف أني لست وصياً عليك وتعرف أكثر مودتي وحبي وإحترامي ولك أن تكتب ما شئت؛ ولكني أري أن ما يحدث هنا عبارة عن محرقة باردة .
كمن يقتلك برفقٍ وإنسانية وتتعدد الأسباب والموت واحدُ . أشكرك يا حبيبها وتحياتي لك وللجميع . شكرن كتيرن .
بروفسير أمين محمد سليمان ناشط في حقوق الحيوان !!
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: أمين محمد سليمان)
|
Quote: أعجبتني الطريقة الساخرة في إستعراض اللحمة و مرارة الخروف وطريقة رص الصحون( أعجبتني كصور من رجلٍ مصور) ولا أخفيك سراً؛ ضحكت .
هذا من ناحية . ولكن عندما وضعت نفسي موضع الخروف وجدت ما كتب هنا مؤذٍ جداً وقاس . كانت ستكون مقبولة علي الأقل في نظري لو كتبتها كمداخلة في السلخانة . أقول لك أنه شديد القسوة لأن للحيوانات إحساس ويؤلمه جداً أن يُراق احساسه ويُهدر بهذه الطريقة الساخرة التي قد تعجب أمثالي بإعتبار أن ( كراعي في الموية ) مافي النار .
أنت تعرف أني لست وصياً عليك وتعرف أكثر مودتي وحبي وإحترامي ولك أن تكتب ما شئت؛ ولكني أري أن ما يحدث هنا عبارة عن محرقة باردة .
كمن يقتلك برفقٍ وإنسانية وتتعدد الأسباب والموت واحدُ . أشكرك يا حبيبها وتحياتي لك وللجميع . شكرن كتيرن .
بروفسير أمين محمد سليمان ناشط في حقوق الحيوان !! |
عزيزي البروف أمين نوتة الناشط المعروف في حقوق الحيوان والخرفان
يا راجل مداخلتك الأخيرة دي بتكون أغضبت ناس كتار عديل كده وما بعيد يكونوا حردوا البوست
الناس ديل ناس شواشِو ياخ
تجي تقول ليهم مؤذِ وقاسٍ وشوية كده ح تستدل بحديث دخلت امرأة النار في هرّة وكده :)
ياخ كان تجيب ليك صورة إنشاء الله صحين شطة نتمطق بيه ساهي علي اليمين كان أسبغنا عليك لقب العالم بالله إضافة للأستاذية ودرجة البروف مع مرتبة الشرف ذاتو ههههههههههه
تسلم يا جميل وشكرن كتيرن
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: صديق الموج)
|
Quote: خالتى بتسلم عليك يا حبيب وقالت ليك واللله ده اخر شى فى الزير كان ملان لما فيه
الادروب ابو كرش ده ما خلا الا الحبه دى الله ينعل فايز فى القبل الاربعه،،، |
ادروب بتاع جبنات بس ...الشربوت ده فتشه محل مايزرعوا التمر هناااااااااااااك حيث كان موسم الهجرة ..
ينعل الشربوت في القبل التلاتة بع حذف القبلة الشرقية ههههههههه
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: صديق الموج)
|
Quote: حبيب نورة بالله خلى لى بالك من البتاعات ديل خسوساً بت الجنيد دى بقت
زى كدايس المطاعم عين فى الزبون وعين فى الماعون خلينى اتناول ليك البتاع
البدليهن من الحلق،،، |
هاهاهاهاهاهاهاهاااااااااااااااااااا
والله لكن دي مسعلة عجيييييييييبة
خليني أفضي وأديها نفضة وأحكي ليك قصة الزولة المقلبت الجماعة في عشاهم وحشت كلاهم ههههههههههههههههه
لوك الصبُر بس
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: اسماء الجنيد)
|
Quote: شية ومرارة نية برا شربوت مااااااا بنفعن تب ,, والله صحي
دحين صلح قعدتك واطلب الشربوت ولا الغباشة وبالهناء والشفاء يا يابا
|
سوووووومة يا رشاشة
والله عرفت ود القاضي الشليق بجيك طاير
باقي اليومين ديل مركب مكنة حافظ أنقابو
أنقابو وجابوا :) هههههههههههههههههههههههههههه والله صحي
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: أمين محمد سليمان)
|
Quote: والله يا حبيبها طلعت داقس دقسة السواد ... ياخي أنا كتبت ليك مداخلتك الكتبتها لي في بوست البلالات و جبتها ليك كوبي بيست ..كل العملتو إنو غيرت كلمة كاتب بكلمة خروف ... تجي تقول لي أغضبت ناس كتار ؟!!
|
والله يا بروف فعلاً داقس :)
يا راجل لمن مشيت أخضعت المداخلة لإختبار الحامض النووي حتين أكتشفت معدل التطابق الوراثي الكبير
الله ياذاك وياذي يومك هههههههههههههههه
مبالغة لكن
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: يسرى معتصم)
|
Quote: حبيب نورا
السلام عليكم ورحمة الله وبركاته
قطعت الشارع ولا منتظرنى
وين صاحبى ودالكلاكله |
يسري معتصم
وين ياااااااااااا ؟ مشتاقين يا حبيب
يا راجل إنت من زمن قطع الشوارع ؟ هسه بعيد عنك بقينا قطاع طرق ساهي
لكن بس في الفترة التي تسبق منتصف الليل
بعد داك الجوة جوة والبرة برة :) هههههههههههههه
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: خالد المحرب)
|
Quote: معقوله يا حبيب نوره ريقك جرى لى الدرجه دى
فعلا كبدة نوق بروك خصيان كانت عندنا ع البحر مع صحبه جميله
وكنا بعيدين عن السياسيه وكل شى .غير البحر والشواء
واعطينا الطريق حقه بمعنى الكلمه او كما قال الحبيب (صلعم) |
والله يا شيخ العرب أول ما عرفت خبر مشاويكم وكبدة الإبل والشطوط والبصل الأخدر حالتي بقت صعبة خلاص
لكن لو إنتو أعطيتوا الطريق حقه قطع شك كترابتكم دي أتعبت ناس كتاااااااااااااار
والمسألة بتتفاوت يا حبيب
غايتو الله يسهل الأمر
في قصص كتار بجيكم بي رواقة وأحكيها ليكم
شكرن كتيرن
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: مها عبد الله)
|
Quote: كُر كُر يا يمة ود القاضي وحبيب نورة وسوما بعاعييييت وبياكلو لحمة نية !
سجمي خالص
ووب علي جدا
كُر علي شديد
المرارة النية بالهناء بس الشية ما تنفعكم |
هوي ها يا مها :) أنا نبااااااتي ومقاطع أم فت فت لكن ما عندي مشكلة في أم جِنقِر
البعاعيت ديل بعيد عنك ود القاضي وصديق الموج وخالد المحرب وسوما :) هههههههههههههه
وبعدين في أقول بتؤكد إنك بعاتية في السر
ما أقوالك ؟ 
| |
|
|
|
|
|
|
|
|
|
Re: الشيّة والمرارة النيّة .. باربكيو علي الهواء صورة (Re: الفاتح ميرغني)
|
Quote: حبيب السمحة وسمرية.
في شنو إنت اليومين ديل؟
مرة إمام ومرة سلطان ومرة حفلات في باطن الأرض وجاي هسع بشيات في الهواء الطلق!
شيء عجيب في غرامك! |
سيدي الفاتح لدين الحب الميرغني
وحاتك كنت عاوز أنبهك للحاجات دي عشان تديني غشوة عشان عارف مشاغلك
لغاية ما كنت عايز أهدي ليك أغنية نسانا حبيبنا الما منظور ينسانا
بس قلت أسيبو بكرة الشوق بجيبو
عموماً بركة الجيت بركة الجيت آء أي سمح إنت وبسكويت
وما تغيب ولا تكتّر الطلّة :)
| |
|
|
|
|
|
|
| |
حبيب نورة
عباس محمود
فاروق أبوحوه
Haju Muktar
فايزودالقاضي
ناذر محمد الخليفة
أمير عثمان
abas
الامين موسى البشاري
اسماء الجنيد
عمار عوض
عاصم ابوبكر حامد
أمين محمد سليمان
صديق الموج
يسرى معتصم
خالد المحرب
مها عبد الله
الفاتح ميرغني
فيس بوك
تويتر
انستقرام
يوتيوب
بنتيريست