|
Re: محكومين بالاعدام يستولون على اسلحة الشرطة بالضعين (Re: أحمد ابن عوف)
|
الهبيب محجوب تحياتي
Quote: و تاني جيت قلتها
يا اخي دي كلمة بتسئ لك انت قبل الاخرين و كل الناس قبل ناس دارفور و لا اعرف قلته تحت اي سياق. عموما يا هبيب هذه الكلمة يستخدمها المبربرين فقط و فأرجو الابتعاد عنها |
ما كتبتبها الا لمن فشلت القى البوست وين واخت الرابط بتاعو وما حبيت عزيزي القارئ بتاع بشاشا يمر وما يكون فاهم انا بعتذر عن شنو فقلت ادق صدري وآتي كتابي بيميني قبل ما يجوك ناس شايلين الاقتباس بشمالهم وانت عارف البورد، الحبة بنكتوها ليك
تسلم يا مان
| |
|
|
|
|
|
|
Re: محكومين بالاعدام يستولون على اسلحة الشرطة بالضعين (Re: أحمد ابن عوف)
|
Quote: طيب ما دام إنت جاهز وبعد إزن أخونا المعتذر له والاخوة المتداخلين عندنا شويتين مع احمد نكبها في البوست دا عشان النفوس تتصافى والرؤية تتضح |
نبدأ من الاول
انا اتهمتك بأنك نصير الجنجويد او جنجويدي عديل كده وبنيت كلامي على تصريحك
"الجنجويد ضحية من ضحايا النقاذ"
اشرح لينا الكلام دا
المايك معاك
| |
|
|
|
|
|
|
Re: محكومين بالاعدام يستولون على اسلحة الشرطة بالضعين (Re: أحمد ابن عوف)
|
Quote: يوم ما سألتو ولا هو يوم سألني انت من وين البنعرفو عن بعض انو قاسم هامش وانا مركز لكن الاتنين سودان جديد وعندنا مشروع واحد |
ايضا بشكل شخصى لست بهامش ( المناطق المنعدمة التنمية ) هكذا اسميها ،،، وهامش ومركز هذى ليست بثابت بل هى متغير واعتقد ان مفردة هامش بها شىء من الاستفزاز والاستسلام الانبطاحى و ،،،، يا سيدى كل اهل السودان قادمين الى المركز (الخرطوم ) من اقاليم السودان المختلفة جغرافيا ،، ولا كـــــــــــيف ؟؟
قاسم المهداوى
| |
|
|
|
|
|
|
Re: محكومين بالاعدام يستولون على اسلحة الشرطة بالضعين (Re: قاسم المهداوى)
|
شكرا ابن عوف ما عارفه الحصل شنو لكن انت واثقين منك كما قالت آمنه.
وضاحه قاسم المهداوي كردفاني اصيل وكمان من عرب كردفان ونتشرف به. وكما قال ابوحميد المهم انه سودان جديد!
انت عارف يا ابو حميد محلات المهداوي زمان بالخرطوم(تتذكر ايام التلفزيون ابي و اسود) دي حقت اهله عشان كده الود فنجري بس متبني قضايا الهامش(ههههههههههههههههههه) عشان كده ما شايفه لبد لك في حتت هامش دي وانك زول مركز(هههههههههههه) تسلموا جميعا!
| |
|
|
|
|
|
|
محكومين بالاعدام يستولون على اسلحة الشرطة بالضعين (Re: محمد ادم الحسن)
|
أولا صباح الخير احمد وكل المتداخلين
بالنسبة للمرافعة القدمتها بخصوص الجنجويد مسبقا يا سيدي العزيز البعرفو إنو عصابات الجنجويد أغلبهم من عرب دارفور وكردفان (هامش) إستغلتهم عصابة الانقاذ من منطلق عنصري بحت لينفذوا أجندتها السيئة ضد قبائل دارفور الاصلية مقابل وعود كاذبة وقد نفذوا المخططات كما عاهدو الحكومة ولم يجدوا منها سوى أنهم (مجرمون) أمام المجتمع المحلي والدولي أتفق معك في أنهم مجرمون ولكني أضيف لذلك أنهم ايضا ضحايا
بخصوص التغيير رؤيتي الشخصية للتغير الذي أنادي به هنو التغيير المدني كما حدث في دول الربيع العربي .. وأرى في ذلك تحضرا كبيرا وما يجعلني أختلف مع الحركات المسلحة أعمالها العسكرية التي تضر بالمدنيين والبنى التحتية النتهية أصلا كما حدث قبل أيام لمدينة أم دافوق التي أصبحت محلية قبل أشهر فقط عزيزي أحمد من أين تأتي الحركات المسلحة بالشرعية وهي تفتح من غرب وجنوبه عسكريا حتى الخرطوم؟؟؟؟ كيف لنا أن نقبل بها ؟؟؟
...... معليش لو إحتديت في اللغة
| |
|
|
|
|
|
|
Re: محكومين بالاعدام يستولون على اسلحة الشرطة بالضعين (Re: أحمد ابن عوف)
|
انقابو
قبل ما ندخل في نقاش ونستدعى كل المختصين في علم الجريمة من محامين وقانونيين وعلماء نفس واجتماع بالبورد لمناقشة اطروحتك دي
في الاول قول لي:
انت مصلحتك شنو في انك تدافع عن الجنجويد؟؟
Quote: يا سيدي العزيز البعرفو إنو عصابات الجنجويد أغلبهم من عرب دارفور وكردفان (هامش) إستغلتهم عصابة الانقاذ من منطلق عنصري بحت لينفذوا أجندتها السيئة ضد قبائل دارفور الاصلية مقابل وعود كاذبة وقد نفذوا المخططات كما عاهدو الحكومة ولم يجدوا منها سوى أنهم (مجرمون) أمام المجتمع المحلي والدولي أتفق معك في أنهم مجرمون ولكني أضيف لذلك أنهم ايضا ضحايا |
| |
|
|
|
|
|
|
Re: محكومين بالاعدام يستولون على اسلحة الشرطة بالضعين (Re: أحمد ابن عوف)
|
محمد ادم الحسن سلااامات ياخ وينك غاطس فى البامية !!
Quote: خيب ظنك ولا شنو؟
شئ عجيب.. |
يا سيدى وضاحة بتهظر معاااى وبس ،،، حساسيتكم بقت زايدة شديد وبى كدا ورقكم برضو ح يزيد وان زاد الورق عيييييييييك عموما مشتاقين ياخ ،،، وبقيت ما زى زمان ،، لا على ماسنجر ولا اميل ولا اسكاى الحاصل شنو ؟؟؟؟؟ ورقك زاد ولا كــــــــيف ؟؟؟
قاسم المهداوى
| |
|
|
|
|
|
|
Re: محكومين بالاعدام يستولون على اسلحة الشرطة بالضعين (Re: ناصر المحسى)
|
ناصر المحساوى سلاام يا صديقى واشواق كموج البحر الهادر فى ريدو
Quote: بالمناسبة مهداوى زول قلبو زى القشطة الابيض
انسان حبوب واخو اخوان |
الجبنة البيضاء والزيتون ( الاسمر والاخضر) مالم كدا عيبم لى برضو مش عوامل مساعدة ،،، ولا انتا بقيت قشطاوى على طول سؤال جنباوى كدا ،، لندن كيف هى والضباب والصقيع مودتى وتقديرى
قاسم المهداوى
| |
|
|
|
|
|
|
Re: محكومين بالاعدام يستولون على اسلحة الشرطة بالضعين (Re: قاسم المهداوى)
|
Quote: وضاحه قاسم المهداوي كردفاني اصيل وكمان من عرب كردفان ونتشرف به. وكما قال ابوحميد المهم انه سودان جديد |
فيما يختص بسؤال الهوية ولو داخليا او فى السر ؟؟ لم يكن ذا اهمية بالنسبة لى فى اى يوم من الايام وتحديدا مذ ان اصابنى الوعى لسبب بسيط جدا هو انى انسان ، لان الانسان قبل الاديان وفى ذلك دلالة على اهمية ان تكون انسانا فى المقام الاول ومن ثم الانطلاق الى باقى الاسئلة .ويكفينى انى سودانى ، ما يلى ذلك غير مهم بالنسبة لى
قاسم المهداوى
| |
|
|
|
|
|
|
Re: محكومين بالاعدام يستولون على اسلحة الشرطة بالضعين (Re: أحمد ابن عوف)
|
سلام يا قاسم
Quote: دى محتاجة لى شرح يا بن عوف |
يا زول هه، انا لي زي عشرين دقيقة ولسه مواصل بسمع في محاضرة للمجرم البشير في العلوم السياسية وتاريخ السودان في لقاء له مع قادة الاحزاب السياسية في جنوب كريدفان وقال ليهم جنوب كردفان دي المركز زاتو، وهسع بتكلم ممثل حزب البعث (بعث منو ما عارف) ما مكتوب.
اشرح شنو يا قاسم؟ جلي الموضوع دا، خلينا نشوف المصيبة الاحنا فيها دي
| |
|
|
|
|
|
|
|