من اين اتى هذا الشعب —-؟؟ April 25, 2012 من اين اتى هؤلاء سؤال وجيه طرحه الاديب الاريب الحسيب الطيب صالح ( عليه رحمة الله )قبل اكثر من عشرون عاماوذلك بعد ان تسلم العسكر وبمساعدة الجبهه الاسلاميه –وجاء السؤال لدههشة اديبنا الطيب صالح من تصرفات القوم ومستوى الخطاب الذى ابتدعوه من اجل الهاء الامه عن قضاياه ومعاناته اليوميه المتكرره من تلك الازمات المختلقه ونظريات المؤامره التى روجوا لها من اجل صرف انظار العالم من حولهم عن التجاوزات والمصائب التى اقترفوها ضد معارضيهم من تعذيب وسحل وبيوت اشباح واخرى –جاء الاستغراب والاندهاش لان ما يفعلوة وما يقولوه لا يشبه هذا الشعب الطيب جدا هذا الشعب صاحب المروءة والشهامة والتاريخ السياسىالناصع والذى كان مثالا للحكم النزيه فى اليد واللسان –جاء الاندهاش لان الحكم باسم الدين يجب ان يكون منزها عن كل كذب او تضليل وبعد عن كل ما يسئ للدين الحنيف المنزه عن الصغائر والفساد وطول اليد فى كل اتجاه . من اين اتى هؤلاء لان تصرفاتهم كانت غريبه وبعيده كل البعد عن صفات واخلاق الشعب السودانى صاحب الثورات النظيفه والمواقف البطوليه التى لا يوجد لها مثيل .هذا الشعب الابى المقدام (الشعب السودانى البطل ) واليوم نكرر السؤال ولكن معكوسا –من اين اتى هذا الشعب –هل هذا هو الشعب السودانى الذى استنكر الاديب الطيب صالح افعال الحكام وعدم مشابهتها للشعب –هل المقارنه كانت لمثل هذا الشعب –شعب لا يهمه نتائج افعال حكامه وتصرفاتهم بل الهم الاوحد هو الهتاف والخروج واحيانا الرقيص –اين ذلك الشعب المعلم الذى لم يرضى يوما بالهوان والذل وترفع الساسه –اين ذلك الشعب الذى كانت تضحياته مثالا ونبراسا يحتذى –اين ذلك الشعب الذى لم يتعود على كلمة نعم الا بقناعه –وعندما قال (لا) قالها برغم كل وسائل القمع المايويه لم يبالى بالدبابات والمصفحات وجيوش الامن القومى –لم يكن النميرى وذبانيته والسدنه اكثر سوءااو فسادا اوافسادا فى الارض ومع ذلك قلنا لا والف لا لكل ما هو مايوى او تابع .
اين الشعب السودانى الابى والمؤامرات تحاك من الحكام وتابعيهم من الهتيفه نهارا جهارا من اجل تفتيت البلاد وتشتيت العباد–اين الشعب من الخطب الحماسيه التى اصبحت السمه الملازمه للساده المتنفذين والتى لا يراعون فيها كرامة ولا حقا لهذا الشعب –يقولون باسمه ما يريدون ويكذبون ليل نهار دون ان ترمش لهم عين فالشعب مغيب ومنقاد ولا يعرف الى اين . الشعب السودانى البطل موجود وقادر على ان يقول لا للظلم وقادر ان يخرج فى وجه النظام ولكن عندما تكون هنالك قياده واعيه متجرده صاحبة مشروع مقنع –اذن من اين اتى هؤلاء القاده ومن اين اتت هذه المعارضه المعطله المعطله لبرامج الشعوب المتطلعه للتغيير والحريه والديمقراطيه . للتاريخ سوف نشاهد نفس هذه الوجوه الشعبيه والملايين التى تخرج يوميا بتوجيهات القاده الساده سوف نجدهم فى اول يوم بعد التغيير وبنفس الاعداد والوجوه –الملايين التى خرجت للنميرى –ايدناك بايعناك –وخرجت فى مليونية الترابى –دعما للشريعه –ثم خرجت فى استقبال جنازة الحاضر الغائب مصطفى سيداحمد –ثم خرجت لملاقاة وفد المقدمه للسيد الحسيب النسيب احمد الميرغنى عليه رحمات الله –ثم توالت وخرجت فى تحرير توريت واستقبال الراحل جون قرنق وسلفاكير -ثم خرجت للتعبير عن افراحهم ببداية الحرب المدمره وزوال السلام الذى ضحينا بجزء عزيز من الوطن والشعب من اجل تحقيقه –السلام يا شعب يا سودانى –السلام الذى سوف لن يتحقق ويستمر طالما هنالك حكام يتصرفون بهذه الطريقه العشوائيه المميته . اللهم يا حنان ويا منان الطف بشعب السودان —-آميــــــــــن محمد حجازى عبد اللطيف
نقلاً عن حريات
04-26-2012, 01:27 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
العوض المسلمي انت احد مظاهر التخلف وجودك، فكرك، طريقة كتابتك و كل ما يتعلق بك هو من مظاهر التخلف! و هو من اسباب المأساة في السودان فلا مرحبا و لا اهلا و قوم فكنا بلا كرور معاك
Quote: العوض المسلمي انت احد مظاهر التخلف وجودك، فكرك، طريقة كتابتك و كل ما يتعلق بك هو من مظاهر التخلف! و هو من اسباب المأساة في السودان فلا مرحبا و لا اهلا و قوم فكنا بلا كرور معاك
طه جعفر
اعصابك يا ديب !!
04-26-2012, 01:37 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
مجاولة للاجابة *استرياف الخرطوم و غالبية مدن السودان العريقة تم الاسترياف نتيجة للهجرة الداخلية و النزوح واضعين في الاعتبار أن ثورة اكتوبر كانت نشاطا مدينياً و كذلك مارس/ابريل و كان لسكان الخرطوم حينها جهدا كبيرا بكثير مقارنة بالجهود غير المهمة لمدن السودان الاخري في انجاز التغيير علي المستوي السياسي. سكان الخرطو تغيروا و هم الان في عهد الركشة و كارو الماء و التدين السطحي غير النافع.
*انعدام التنمية بالريف و هذا العامل هو احد محركات العامل الاول.
* انتشار ثقافة العنف ( العمل الثوري المسلح كرد فعل سطحي و غير مثمر لفلسفة الجهاد( فقهه) و معلوم ان مفهوم الجهاد قادم من عهود غابرة و بدائية)
* القدرية و التفكير الديني الذي يقلل من اهمية فعل الانسان في تحديد مصيره( الله غالب، دا قدر من ربنا، دي ابتلاءات يا اخوانا)
* الدعاية الدينية المكرورة من الاجهزة الاعلامية منذ عام 1983 حيث اصبح الدين الاسلامي السلفي المتخلف هو فكر عامة الناس و يتم تفسير العالم و ظواهر الطبيعة و المجتمع بمنطق محدود و بليد محصور في فكرة حلال و حراممن منظور سني ، سلفيو مالكي بالي
* انتشار عقلية الاستهلاك و الابتعاد عن تحديات الانتاج و الابداع
و عموما التخلف دينامي و اذا ترك فسيعيد انتاج نفسه بنوع من التدهور و هذه هي الآلية النافذة الان باختصار فمحمدين يتقهقر( كما قال الدكتور بشري الفاضل)
احد اصدقائي كان ان غادر السودان في منتصف الثامنينات ليعيش في اوربا لان اعتبر ان الشريعة الاسلامية التي طبقها النميري هي نهاية التاريخ المتمدن في السودان ، عاد للسودان في عام 2009 و كان يقول الشعب السودااني ترك الدنيا و الناس كلهم بقوا بتاعين آخرة ساي يعني ناس ماشين الجنة و بس. و لكم في المنبر العام من الادلة ما يكفي، بوستات دعاء، بوستات صلاة علي النبي ، بوستات تدعو لعودة المرأة الي البيت ، بوستات لترويج ثقافة الحرب، متعلمون حار بهم الدليل فساندوا النظام ، معارضة معارضة و القطر ماش و التتخلف متحرك للوراء
طه جعفر
04-26-2012, 01:52 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
Quote: واليوم نكرر السؤال ولكن معكوسا –من اين اتى هذا الشعب –هل هذا هو الشعب السودانى الذى استنكر الاديب الطيب صالح افعال الحكام وعدم مشابهتها للشعب –هل المقارنه كانت لمثل هذا الشعب –شعب لا يهمه نتائج افعال حكامه وتصرفاتهم بل الهم الاوحد هو الهتاف والخروج واحيانا الرقيص –اين ذلك الشعب المعلم الذى لم يرضى يوما بالهوان والذل وترفع الساسه –اين ذلك الشعب الذى كانت تضحياته مثالا ونبراسا يحتذى –اين ذلك الشعب الذى لم يتعود على كلمة نعم الا بقناعه –وعندما قال (لا) قالها برغم كل وسائل القمع المايويه لم يبالى بالدبابات والمصفحات وجيوش الامن القومى –لم يكن النميرى وذبانيته والسدنه اكثر سوءااو فسادا اوافسادا فى الارض ومع ذلك قلنا لا والف لا لكل ما هو مايوى او تابع .
Quote: اين الشعب السودانى الابى والمؤامرات تحاك من الحكام وتابعيهم من الهتيفه نهارا جهارا من اجل تفتيت البلاد وتشتيت العباد–اين الشعب من الخطب الحماسيه التى اصبحت السمه الملازمه للساده المتنفذين والتى لا يراعون فيها كرامة ولا حقا لهذا الشعب –يقولون باسمه ما يريدون ويكذبون ليل نهار دون ان ترمش لهم عين فالشعب مغيب ومنقاد ولا يعرف الى اين .
كتب الكاتب الكلام اعلاه ثم اتي يجاوب بنفسه يقول
Quote: الشعب السودانى البطل موجود وقادر على ان يقول لا للظلم وقادر ان يخرج فى وجه النظام
ثم جاء وجعل الشعب تابع فقط بقوله :..
Quote: الشعب السودانى البطل موجود وقادر على ان يقول لا للظلم وقادر ان يخرج فى وجه النظام ولكن عندما تكون هنالك قياده واعيه متجرده صاحبة مشروع مقنع
ولكن عندما تكون هنالك قياده واعيه متجرده صاحبة مشروع مقنع .......................................................... يا طه موضوع النقلته ده مسئ للشعب لو فطنت له .. وتحليلك لا علاقة له بالموضوع اعلاه فعفوا !
04-26-2012, 02:21 PM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: العوض المسلمي انت احد مظاهر التخلف وجودك، فكرك، طريقة كتابتك و كل ما يتعلق بك هو من مظاهر التخلف! و هو من اسباب المأساة في السودان فلا مرحبا و لا اهلا و قوم فكنا بلا كرور معاك
هو بالله في متخلف اكثر منك هنا ؟ انت وناس حريات والزول الانت نقلت كلامو تخم ساي وتردم لي هنا هسي انت شفا الكلمة دي
Quote: سؤال وجيه طرحه الاديب الاريب الحسيب الطيب صالح
ولا خميت ساي وجيت جاري ؟ انت بتستفيد شنو من فتح البوستات دا كل يوم فاتح ليك 90 بوست ولا تساوي كلها مع بعض حبة خردل تقدر تقول لي الزول الخميت كلامو وجيت جاري بيهو قاصد شنو بـ"حسيب" دي ؟ شفت انت متخلف وحمار لياتو درجة ؟ نفرض الطيب صالح دا (عب) عديل هل كان دا بفرق معاك او مع زولك دا ؟ يا زول قوم لف يلفك بلا ياخدك انت وامثالك .. وهم
04-26-2012, 02:29 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
وهبة شخصيا هنا ؟ اها يا طه تضبح تور ويكون عنده قرون عشان وهبة جاك ! اي نعم هو بقعدك في علبك وبذكرك انك مهما حاولت لن تخرج من شاتم لسانك عفن , لانك ما بتفهم وتنقل بس لاغير .. اقرأ اولا ثم انقل !! سلام ابوخالد ..
04-26-2012, 02:08 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
Quote: * انتشار ثقافة العنف ( العمل الثوري المسلح كرد فعل سطحي و غير مثمر لفلسفة الجهاد( فقهه) و معلوم ان مفهوم الجهاد قادم من عهود غابرة و بدائية)
Quote: * القدرية و التفكير الديني الذي يقلل من اهمية فعل الانسان في تحديد مصيره( الله غالب، دا قدر من ربنا، دي ابتلاءات يا اخوانا)
Quote: * الدعاية الدينية المكرورة من الاجهزة الاعلامية منذ عام 1983 حيث اصبح الدين الاسلامي السلفي المتخلف هو فكر عامة الناس و يتم تفسير العالم و ظواهر الطبيعة و المجتمع بمنطق محدود و بليد محصور في فكرة حلال و حراممن منظور سني ، سلفيو مالكي بالي
Quote: احد اصدقائي كان ان غادر السودان في منتصف الثامنينات ليعيش في اوربا لان اعتبر ان الشريعة الاسلامية التي طبقها النميري هي نهاية التاريخ المتمدن في السودان
Quote: و لكم في المنبر العام من الادلة ما يكفي، بوستات دعاء، بوستات صلاة علي النبي ، بوستات تدعو لعودة المرأة الي البيت
فعلا اديب ومحلل كبير !! واكتر كلمة عجبتني استرياف الخرطوم دي عجيبة خالص .. وينك يا وهبة ما يفوتك هذا الابداع
04-26-2012, 02:32 PM
Deng Deng
تاريخ التسجيل: 11-28-2002
مجموع المشاركات: 52569
طبعا ما عندي وكت أقرا الكلام الفارغ الكتير ده لكن بكتفي بالعنوان والقراءة التصويرية السريعة
والشعب السوداني ده ياهو ذاتو الشعب السوداني عارف متين بطلع وعارف بطلع لي شنو وعارف أهدافه الممكن يطلع ليها
الشعب السوداني لن يخرج من أجل سواد عيون كاودا بتاعتكم ولن يستبدل الطغيان الكيزاني الفاسد المفسد بطغيان عنصري وعرقي وحاقد الشعب السوداني ليس مطمئنا لكم ولا لأطروحاتكم ولذلك يفضل أن يموت موتا بطيئا على يد الكيزان - مع أمل بالنجاة على أن يموت موتا سريعا ومجهزا على أيدي أمثالك
الشعب السوداني الذي تحقدون عليه لأنكم عندما طردتم من البرلمان وحظرتم 1965 لم يخرج من أجلكم ولا تحرك ليعيدكم الشعب السوداني الذي تكرهونه لأنه عندما نحركم النميري في 1971 لم يحرك ساكنا ولم يذرف دمعة لأجلكم الشعب السوداني الذي عندما أتيحت له فرصة اختيار ممثليه 1986 لم يختر منكم سوى اثنين فقط
ولذلك تكرهونه وتحقدون عليه وتتمنون موت نصفه بآلة الغزاة من أجل أن تأتوا أنتم وتحكموا النصف الباقي هذا هو الشعب السوداني يعلم مصالحه جيدا ويعلم متى يخرج ويعلم أنكم أنتم العدو له كما الكيزان أيضا عدو له ولذلك لن يخرج من أجلكم مهما تشتتم في الشتات ومهما تشردتم في المنافي فالشعب السوداني باقي ولا يقال له من أين أتى بل يقال لكم: من أين أتيتم ومن أنتم؟؟؟
04-26-2012, 02:53 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
Quote: طبعا ما عندي وكت أقرا الكلام الفارغ الكتير ده لكن بكتفي بالعنوان والقراءة التصويرية السريعة
والشعب السوداني ده ياهو ذاتو الشعب السوداني عارف متين بطلع وعارف بطلع لي شنو وعارف أهدافه الممكن يطلع ليها
الشعب السوداني لن يخرج من أجل سواد عيون كاودا بتاعتكم ولن يستبدل الطغيان الكيزاني الفاسد المفسد بطغيان عنصري وعرقي وحاقد الشعب السوداني ليس مطمئنا لكم ولا لأطروحاتكم ولذلك يفضل أن يموت موتا بطيئا على يد الكيزان - مع أمل بالنجاة على أن يموت موتا سريعا ومجهزا على أيدي أمثالك
الشعب السوداني الذي تحقدون عليه لأنكم عندما طردتم من البرلمان وحظرتم 1965 لم يخرج من أجلكم ولا تحرك ليعيدكم الشعب السوداني الذي تكرهونه لأنه عندما نحركم النميري في 1971 لم يحرك ساكنا ولم يذرف دمعة لأجلكم الشعب السوداني الذي عندما أتيحت له فرصة اختيار ممثليه 1986 لم يختر منكم سوى اثنين فقط
ولذلك تكرهونه وتحقدون عليه وتتمنون موت نصفه بآلة الغزاة من أجل أن تأتوا أنتم وتحكموا النصف الباقي هذا هو الشعب السوداني يعلم مصالحه جيدا ويعلم متى يخرج ويعلم أنكم أنتم العدو له كما الكيزان أيضا عدو له ولذلك لن يخرج من أجلكم مهما تشتتم في الشتات ومهما تشردتم في المنافي فالشعب السوداني باقي ولا يقال له من أين أتى بل يقال لكم: من أين أتيتم ومن أنتم؟؟؟
الطالباني محمد جلال عبد الله عندنا واحد زنديق جيب سكينك و تعال اضبحو لينا شششششخخخخخخخخخخخخ خلينا من الكلام الفارغ
طه جعفر
04-26-2012, 02:46 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
ولا يهمك يا الاديب طه جعفر معاك اساهم في هذا السؤال المعضلة
فمن أين ياتينا الفرح ..!
استمخ مع اللغة العربية الفصحى دي وبتعرف الجواب خاصة وانهم بيقولوا : ولا أتانا مصلح أو مبدع أو كاتب أو شاعر .. الا على وسادة الشعر انذبح من أين .. يأتينا الفرح .. من أين
واقفين معاك يا فردة استمخ معاهم واستمتع لإجابة السؤال الهام انساك من حاج العوض ووهبة ديل امنجية ساكت ..
ـــــ
04-26-2012, 02:37 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
Quote: مجاولة للاجابة *استرياف الخرطوم و غالبية مدن السودان العريقة تم الاسترياف نتيجة للهجرة الداخلية و النزوح واضعين في الاعتبار أن ثورة اكتوبر كانت نشاطا مدينياً و كذلك مارس/ابريل و كان لسكان الخرطوم حينها جهدا كبيرا بكثير مقارنة بالجهود غير المهمة لمدن السودان الاخري في انجاز التغيير علي المستوي السياسي. سكان الخرطو تغيروا و هم الان في عهد الركشة و كارو الماء و التدين السطحي غير النافع.*انعدام التنمية بالريف و هذا العامل هو احد محركات العامل الاول.
* انتشار ثقافة العنف ( العمل الثوري المسلح كرد فعل سطحي و غير مثمر لفلسفة الجهاد( فقهه) و معلوم ان مفهوم الجهاد قادم من عهود غابرة و بدائية)
بالله في زول محترم وبيحترم منطقه الاورسطي وكتابته وتحليلاته العجيبة بيجي هراء زي دا بالله براسك الماكنة دي هسع معتبر السودان ياهو الخرطوم وغيروا لا دور له
دا كاتب شنو دا ويكتبوا يقولوا شنو ؟.. لا ادب لا اخلاق لا منط لا كتابة لا فهم .. ويجي يقول ليك اناس مضطهدان وما شغالين بي رغم جائزتي يشتغلوا بيك في شنو كان دا جنس خرمجتك
متع متع نفسك متع نفسك اصلاً اواحد ان مابقي يسمع كلام حلو زي ا ما بيقدر اصلوا يطالع ضبابينك دي قرف يقرفك ..
04-26-2012, 02:46 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
سؤالك ده لو سألته لسكان ربع العالم(الصين) لأجابوا بإجابة واحدة فقط، بأنهم جاؤوا من حيواان التنيّن الخرافي!
بس اللهو تعلم، 2 نفر سوداني يتفقوا على إجابة واحدة بشأن الشعب السوداني.
دعني أهديكم أغنية وحيات الشعب السوداني
الاستاذ آدم صيام شكرا علي المساهمة تحدث جميع الكوارث التي يجب ان تجعل الناس علي الاقل يحاولوا ان يغيروا شيئا و المتعلمون ساكتون لا بل يحاولون الانتفاع من جيفة هذا النظام المنتن حدثت الكوارث و الانتهاكات في كافة انحاء السوداني جيش النظام قتل الناس و سحلهم و المتعلمون ساكتون و الشعب المغيب و الغارق في الجهل تفوت عليه الاعيب النظام ويخرجوا ليهتفوا ضد حكومة الجنوب و يساندوا جيش مجرمي الحرب كأن دارفور مقاطعة في دولة سنترال افريكا! و كأن جبال النوبا و جنوب كردفان مقاطعات في الواقواق! و كأن جنوب النيل الازرق مقاطعة في اثيوبيا! ما يتم هناك لا يهمهم! يهم امر هجليج و فيدبجوا الخطب و يكتبوا الاسفاف و يهتفوا الله اكبر الله اكبر لذلك جاز السؤال من أين أتي هذا الشعب؟
و لكم فيهذا البوست من الادلة ما يكفي!!
طه جعفر
04-26-2012, 02:57 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
يازول ورينا الحسيب دي معناها شنو ؟ يعني الا اكتب ليك الاستاذ اها يا استاذ طه ضبان زولك دا قاصد شنو بحسيب دي ؟ عشان نحن ذاتنا نشوف لينا بلد زيكم
_______ عشان تاني تقرا وتعرف انت شايل شنو قبل ما تجي تردم لينا هنا .. انت بطريقتك دي يوم بتجي تكب لينا جردل خرا لو لقيت الجردل مكتوب فيهو ببرة (معارضة) وانت اصلك وقت بتكره الحكومة قدر دا، ليه قعدت لمحرر صحيفة الرائد وعمل معاك حوار؟ انتو النضال بتاعكم دا بقى (عند اللزوم) زي الاسبرين ولا كيف ؟
04-26-2012, 03:56 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
عندنا تماثيل و منحوتات امشي اهدما لينا و يوجد عدد اتنين زنديق بالله تمشي تجيب سكينك و تشوف شغلك معاهم يوجد بورداب كتار ممكن يساعدوك بالاسماء و العنانوين
04-27-2012, 06:42 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
فكرة المقال المنشور باسم كاتبه لمن فاتتهم الفائدة من البوست واضحة واحدة من مظاهر الاسترياف و التخلف التي انتشرت في زمن الانقاذ و برنامجها الاسلامي و مشروعه الحضاري الزائف هي ظاهرة العزوف عن القراءة، في الخرطوم الان يشهد سوق الكتاب انحسارا و تنعدم المكتبات العامة و العلاقة مع الكتاب ضعيفة جدا. هنالك قلة من المقتدرين ممن لهم علاقة بالانترنت و هؤلاء يبحوث في الانترنت عن تزجية الوقت و لا يتناولون من من موضوعات الانترنت الا مواد الترفيه. مثلا هنا في كندا بمدينة تورنتو برغم وفرة خدمات الاننترنت حتي للعاطلين عن العمل و من هم مشمولين بالاعانة المالية للدولة خدمة مجانية تماما. تلاحظ ان المكتبات العامة مشغولة باستمررار و ان استلاف الكتب المهمة يتطلب انتظارا طويلا حتي تجد دورك مع الكتاب. هذا الشعب قاريء و متثقف بالمعرفة و العلم. و يرتاد الناس صالات السينما و المسارح و يؤمون الحفلات الموسيقية للفنانين الكبار ومن ضمن الخدمات التي تقدمها المكتبة العامة هي فرص التذاكر المخفضة و احيانا المجانية حتي لحديقة الحيوان
واحدة من مظاهر الاسترياف هنا في سودانيزاونلاين هي ظاهرة التهجم علي البوستات و افسادها و حرف مسارها و هذا البوست يقف شاهدا علي هذه الظاهرة الفريدة التي يقوم بها و يسهر علي ممارستها العديد من الاعضاء المشبوهين بعلاقتهم مع النظام او علي الاقل الارتباط به بمصالح ريفية محدودة. هذه الممارسة المنكرة وجدت دواءها و هو الاهمال. ليعلم من يسعون في البوست فسادا انني حقيقة لا أقرا مساهماتهم و هم ان فعلوا خيرا فهو رفعهم للبوست. فليكفوا عن هذه الممارسة الطفلية غير الناضجة
هذه الاعمال السخيفة التي يقوم بها امثال عبد الوهاب علي الحاج العوض المسلمي حيدر الزين و مين كدا حجازي ( أظن النذير حجازي) تجد عندنا استهجانا و هي اعمال لا تصدر الا من اناس عصف بوعيهم العقل الريفي المحدود ذو الطبيعة و الجوهر التناسلي الذي لا يسود فيه شيء غير الاستزلام و عقلية صاحبي و قريبي و ود حلتنا.
فانا لن اقرأ لكم و لن استمع للمواد التي تجلبونها و هنالك العديد من مرتادي المنبر يتندرون بكم و بمدي جهلكم. لان هذه الممارسة تجاوزت حدود الظرف و تحولت الي سماجة مملة و فيها مخالفة لمنطوق الحديث النبوي القائل. "من كان يؤمن بالله و اليوم الآخر فليقل خير او ليصمت" فامضوا الي شغلتكم يرحمكم الله لقد ملأتم المكان بالسماجة و الاملال. نحن لا نمزح يا هؤلاء الا في اوقات الفراغ و الكتابة عندنا امر جدي
طه جعفر
04-27-2012, 02:15 PM
هشام آدم هشام آدم
تاريخ التسجيل: 11-06-2005
مجموع المشاركات: 12249
الشعب السوداني شعب معلم، قام بثورة عام 1964 وثورة اخرى عام 1985 ورفض ان يثور عام 2011 و 2012 يبقى المشكلة ما في الشعب ..المشكلة في طرحكم...
وعلى اي حال وفي كل العهود وكل الإنتخابات التي اعترف الحزب الشيوعي بنتائجها لم يزد متوسط مقاعد الحزب عن مقعدين فقط ومع ذلك فزعمائكم الكبار منذ عهد عبد الخالق مرورا بنقد لم يسأل أحدا منهم هذا السؤال
لكن وحتى لا تكون محبطا هات لنا مواصفاتك المطلوبة لتوريد شعب يجد القبول والرضا التام لدى سعادتكم اهم حاجة في مواصفاتك لتوريد الشعب المطلوب تضع بند يمنع توريد ناس زي المسلمي وعبد الوهاب ومحمد جلال وحيدر وانا شايف انو افضل حاجة نسحب منهم الجنسية ويشوفوا ليهم بلدا طيرو عجمي يتلموا عليه
04-27-2012, 06:37 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
الشعب السوداني شعب معلم، قام بثورة عام 1964 وثورة اخرى عام 1985 ورفض ان يثور عام 2011 و 2012 يبقى المشكلة ما في الشعب ..المشكلة في طرحكم...
وعلى اي حال وفي كل العهود وكل الإنتخابات التي اعترف الحزب الشيوعي بنتائجها لم يزد متوسط مقاعد الحزب عن مقعدين فقط ومع ذلك فزعمائكم الكبار منذ عهد عبد الخالق مرورا بنقد لم يسأل أحدا منهم هذا السؤال
لكن وحتى لا تكون محبطا هات لنا مواصفاتك المطلوبة لتوريد شعب يجد القبول والرضا التام لدى سعادتكم اهم حاجة في مواصفاتك لتوريد الشعب المطلوب تضع بند يمنع توريد ناس زي المسلمي وعبد الوهاب ومحمد جلال وحيدر وانا شايف انو افضل حاجة نسحب منهم الجنسية ويشوفوا ليهم بلدا طيرو عجمي يتلموا عليه
الفهم قسم يا الاخو والله قسم
اقرأ ربما تستطيع الفهم و اذا اشكل عليك شيء فاسأل اهل العلم و هؤلاء فقط فيمن حولك لان السؤال موش عيب ، فقط اسأل من تثق فيهم فبلا شك بينهم من يستطيع تسهيل مهمة الفهم لدي جلالتكم يا صاحب المعالي و السمو الملكي .
Quote: واحدة من مظاهر الاسترياف هنا في سودانيزاونلاين هي ظاهرة التهجم علي البوستات و افسادها و حرف مسارها و هذا البوست يقف شاهدا علي هذه الظاهرة الفريدة التي يقوم بها و يسهر علي ممارستها العديد من الاعضاء المشبوهين بعلاقتهم مع النظام او علي الاقل الارتباط به بمصالح ريفية محدودة. هذه الممارسة المنكرة وجدت دواءها و هو الاهمال. ليعلم من يسعون في البوست فسادا انني حقيقة لا أقرا مساهماتهم و هم ان فعلوا خيرا فهو رفعهم للبوست. فليكفوا عن هذه الممارسة الطفلية غير الناضجة
هذه الاعمال السخيفة التي يقوم بها امثال عبد الوهاب علي الحاج العوض المسلمي حيدر الزين و مين كدا حجازي ( أظن النذير حجازي) تجد عندنا استهجانا و هي اعمال لا تصدر الا من اناس عصف بوعيهم العقل الريفي المحدود ذو الطبيعة و الجوهر التناسلي الذي لا يسود فيه شيء غير الاستزلام و عقلية صاحبي و قريبي و ود حلتنا.
مالو كلامك بقي لي كدة زي بيانات الاتحاد الإشتراكي
شوف يا ولدنا حلك وااحد بس..!! شفت الصقعة الاسمها السودان دي.. وعشان مافي زول عايش فيها غيرك غير البجم والبهائم البيفسدوا ليك بوستاتك ؛) تقوم تمشي تستورد ليك شعب من كندا العاجباك دي .. شعب بكون بيقرأ وبيدخل انترنت ومثقف ومطلع مش زي الغنم بتاعين الأرياف الجو ضايقكوكم في خرطومكم دي.. وتعمل عملية احلال وإبدال .. منها تتخلص من البجم ناس وهبة والعوض وحيدر ومين كدة حجازي ومنها تكون حليت معضلة سؤالكم ( من ان اتي هذا الشعب ) وتكون تاني عارفم كلهم جو من وين من تشوف ليك واحد مابيقرأ طوالي حاتكون عارفه تكورك فيهو .. هووي انت يا ابتفة بتاع تورنتو قوم خش المكتبة العامة اتثقف عامل تفتك زي ياسر طيفور كدة.. تلقى ليك واحدة عاملة غاغة في محطة بنزين وتشاكل فب عامل التعبيئة الريفي الجاهل طوالى تسكتها هووي انتي ياحاجة امشي اشتري جريدة اليوم تعرفي الاخبار بدل تلفحي الكلام عاملة شفشوفتك دي زي تراجي بطل لبط في الجاهل الجايي من الريف دا.. بدلهم وبالمرة تحقق حلم انه تلقي شعب مثقف و يهتم بالمثقفين والمبدعين مثلك..
ناس كندا لو قالوا ما جايين كلمنا نفاوض ليك شعوب بلجيكا ؛)
04-27-2012, 09:22 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
العوض حيدر كتبت حولكما الكثير فلا تتذاكيان و لا تسرفا في السماجة و كلما هذا الجديد اننا لامثالكم بالمرصاد و عليكما ان تنتبها للاتي اولا اذالم يعجبكما موضوع البوست فليس بالضرورة ان تسهما فيه بالرأي لان ما تقولانه او يقوله امثالكما هو عادة من الاراء السخيفة وعير المنتجة. لن تكونا من ظرفاء المنبر لانكما لا تتوفرا علي مواهب الظرفاء. انتما اكثر سماجة من عبد الوهاب علي الحاج.
الامر الثاني اذا كنتما تعتقدان ان لكما فكرة محددة في موضوع البوست عليكما صياغتها بلغة مهذبة و الا تتذاكيان لان هذه الممارسة تظهر في الحقيقة تبلد مشاعركما و ضحالة فكركما.
ما اود ان اركز عليه الان انكما تمارسان سخفا و قلة عقل لا طائل من ورائها و هي محل استهجان عندي و عند الكثيرين من رواد المنبر و عليكما ان تعرفا ان هنالك قراء من اهل المقام الثقافي و الفكري و السياسي السامق و يصفونكم بالانصرافيين او الجهلاء فخففا علي نفسيكما هذا الجلد. ان اعرف ان لكما و لامثالكما جلودا أثخن من جلود البقر لكني لا افقد الامل في أن يتعلم امثالكم من تجاربهم ما يفيد "و بارك الله في من زار و خف" انا اعرف ان القيمة التي يتكلم عنها هذا المقال " بارك الله في من زار و خف" قيمة مدينية و انتم كريفيين بعقلية تناسلية استزلامية لا تعرفانها و لكن كما قيل فالدين النصيحة فاقبلا مني هذا الكلام هنا في منبر قبل ان يقال لكم في الحياة العامة.
Quote: ما اود ان اركز عليه الان انكما تمارسان سخفا و قلة عقل لا طائل من ورائها و هي محل استهجان عندي و عند الكثيرين من رواد المنبر و عليكما ان تعرفا ان هنالك قراء من اهل المقام الثقافي و الفكري و السياسي السامق و يصفونكم بالانصرافيين او الجهلاء
غايتو عندك دي انا ما سائل فيها يا ضبابينو لكن العوض كيف ماعارفه اهم شئ بالله اهل المقام الثقافي والفكري والسياسي السامق ديل اصحابك؟ وبلغوك كيف ..؟ في شفاهياً ولا كتابة ؟! عندك ما يثبت والا من بنات ضبابيين راسك ..
Quote: انا اعرف ان القيمة التي يتكلم عنها هذا المقال " بارك الله في من زار و خف" قيمة مدينية و انتم كريفيين بعقلية تناسلية استزلامية لا تعرفانها و لكن كما قيل فالدين النصيحة فاقبلا مني هذا الكلام هنا في منبر قبل ان يقال لكم في الحياة العامة.
انت قبال يومين كنت بتقول السودانيين عبيــد .. وشاني حملة على الشعب هسع شايفك تراجعت شوية وانحصرت شتيمتك للسودان في الشعب الريفي من السودان ياود المدينة.. غايتو وقت بقت في الريــف دي ساهلة تب بجيك راجع ليها بمهلة يا المطور ..يا طااه يا خليفة الكندي ؛)
هسع خليك في لافي كدة في فلك فكرة اصحاب المقام الفكري السامق ديل يا الدلاهة بكرة الله كريم..
ــــــ شايف اقتراحي ماعلقت عليهو نزيدو ليك كمان هو في اقتراح بفلوس؟ .. خلاص بدل الريف السوداني بالريف الانجليزي منه منظر يبهج روحك الكالحة الكئيبة دي .. ومنه ناس سينستيف وحساسيين ومشاعرهم مرهفة وقت يتأفف طه ضبابينو حايحسو بيهو ويمشو على امشاط رجولهم عشان سعادتو ما ينزعج مش بجم زي ناس الارياف بتاعننا .. رايك شنو؟
04-28-2012, 00:35 AM
طه جعفر طه جعفر
تاريخ التسجيل: 09-14-2009
مجموع المشاركات: 7335
حيدر الزين عبد الوهاب علي الحاج مين بركات وششششخخخخخخخخخخخ الطالباني و كم واحد عبيط كدا يا شباب البورد مليان ناس نوعيتكم وبشبهوكم ممكن تحاوروهم و تداخلوا معاهم ربنا ان انشاء الله يهنيكم بي بعض يا شباب ليست عندي رغبة في محاورتكم او التداخل معكم و لا بعرفكم و لا عاوز بعدين يا حيدر الزين ما كترتها شوية؟؟ كونك تفرض نفسك علي كدا دي اسمها الثقالة و العوارة يا اخينا اكبر شوية و بطل عباطة
اما انك سخيف و غير مهذب و عبيط
يا استاذ شوف ليك وزول تاني اتشلعق فيهو انا ما عاوز اتعامل معاك يا خينا اتخارج و بطل عباطة
يا حيدر الزين انت عاوز إيه؟ اذا كان هدفك اني اطلع من المنبر و اخليهو دا ما ح يتم اذا كان هدفك اني اغير اسلوبي دا برضو ما حي يتم اذا كان ههدفك اني اغيير افكاري دا ما ح يتم اذا كان هدفك اني اتحاور معاك انا مش عاوز هل بامكانك تبطل العباطة و تتوقف و لا كيف.؟ يا اخي دا نوع غريب من العبط
طه جعفر
04-28-2012, 06:55 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
الطالباني محمد جلال عبد الله صاحب السكين المسنونة للذبح
تعرف فكرة طه الدلاها دي كانت بتزعلني لمن طفل صغير و في ذلك الحين كان عقلي اكبر من عقلك يا ارهابي يا بتاع السكاكين و لقد سبقك في مجال استخدامها ضدنا كل من فحول السماجة وهم أساسي عبد الوهاب علي الحاج حيدر الزين
تكرارها بهذه الوتيرة يعكس فكرة وواحدة و هي الافلاس و الضيق بما اكتبه هنا و هنا اود ان اقول للتاريخ فعلا المنبر العام لسوادنيزاونلاين بقي لامي كل اوساخ الدنياامثالك و امثال الكائنات المنبرية الموصوفة اعلاه فانت لم تأتي بجديد
المهم يا كوز و طبعا كلمة " كوز" اكبر في مدلولها كشتيمة من اي شتمية يمكن ان يتفوه بها المراهقون سييء التربية
و اود ان اكرر يقرأ هذا المنبر العديد من اهل المقام و سيجدونك تستخدمون مثل هذا الشتائم الطفلية الساذجة و هنا سيكون الموقف كالاتي
مالذي يجعل " طه جعفر" يتداخل مع امثال هؤلاء؟ و هنا انا مخطيء لكن السؤال هو هل انا اتداخل مع امثالك ام انتم من تعترضون طريق الناس علي طريقة الفتوات.
الموقف الثاني سيكون موجها ضدك و ضد امثالك و سيتم وصفكم بأنكم مازلتم في عهد الطفولة و الصبا يفعا في العقل و المبدأ
اراك قدجربت معي طريقة جربها غيرك و هم من اشباهك جهلاء ، قليلي العقل و لا ثمرة ترتجي من ورائهم.
و اكرر مهما فعلتم فسأكتب ما اكتبه و لن أغير شيئا مهما تعالت اصواتكم و ملأتم الدنيا زعيق.
تعرف لقد وصف العرب الذين حضروا بعثة النبي (ص) اوصافا كثيرة منها انهم وصفوه بأنه أبتر و الابتر هو منقطع النسل و الدابر و من لا ولد له علي حسب ما جاء في الاية " إن شانئك هو الابتر" و معناها يا بليد يا ارهابي ان يشتمك هو الابتر و لا نقول لك الا ما يتيحه ما قال النبي (ص) " تخلقوا باخلاق الله" و تمام كما قال الله لذامي الرسول (ص) فلا نقول لك ما قدر شتيمتك فانت يا محمد جلال عبد الله لست اكثر من ارهابي و جاهل و لم تستفد من هذا المنبر شيئا غير مشابهة البلهاء امثال اساسي عبد الوهاب علي الحاج حيدر الزين و بقية الكيزان و ناقصي المروءة
Quote: يا حيدر الزين انت عاوز إيه؟ اذا كان هدفك اني اطلع من المنبر و اخليهو دا ما ح يتم اذا كان هدفك اني اغير اسلوبي دا برضو ما حي يتم اذا كان ههدفك اني اغيير افكاري دا ما ح يتم اذا كان هدفك اني اتحاور معاك انا مش عاوز هل بامكانك تبطل العباطة و تتوقف و لا كيف.؟ يا اخي دا نوع غريب من العبط
الأديب المفكر يا ايها المُديني الحسيب طه ضبابينو ..
كويس انك سألت انا عاوز شنو .. شوف يا حبيبنا المثقف .. هدفى واحد هو راحة الانسانية من الغثاء والورم مهما كان مصدره.. وحقيقة يا ضبابينو انت (جُمامة) للغثاء والسماجة والســخف وهزال الفكر والافكار مع نفخة كضابة زايدة وتوهم بالأهمية لا يعاني منه الا من انتفخ هراءاً ثم اصطدم بواقع تـفـاهـته وسط الناس فحاول ان يلملم اشتات نفسه بإدعاء هذه الاهمية الفارغة .. وأهو هبشناك في بوست بوستين طلعت لا قبة لا فكي حايم ام فكو ساكت لا ادب لا اخلاق لا احترام لا فكرة لا اسلوب وفوق دا كله شايف نفسك اعظم من السودانيين وكمان بتقسمهم اهل ريف وريفيين بجم ولا يفهمون وغير مثقفين وزاحموك في خرطومكم دي وتسببوا في تدهور كل مناحي الحياة السودانية خاصة الفكرية والثقافية التي تحمل سعادتك لواء تطهيرها واستعادتها من تهجم الكرور من العبيطيين من اهل الارياف والسذج حتى تخلو لك خالصة يا صاحب الحظوة المدينية.. اول خطوة يا ضبابينو تتلخص في الإثبات لك انك : أولاً : غير مؤدب ولا محترم وتفتقر للإسلوب في مخاطبتك للناس عموماً والمرأة خصوصاً.. وهذه تحتاج لعلاج نفسي مكثف يجب اخضاعك له كما ملاحظ فانت قد بدات في خطوات العلاج وكففت عن تضبيين الناس كخطوة اولى .. ثانياً : تعليمك ان خطوات علاجك تبتدئ بانك تبطل كتابة بوستات او مداخلات فطيرة فالقراءة اولاً والتركيز مع القراءة حتى تحاول ان تتشبع من الناس المحترمة بإسلوب محترم ولائق مع غيرك ثالثاً : بعد تعلم القراءة والمحاكاة لابد ان تتعلم ان تفهم المكتوب وما المُراد منه وليس تفهم فهمك القمئ انت وتجي كانها افكار الكاتب وتورجغ حولها.. رابعاً : بعد تعلم القراءة لازم تتعلم ابجديات الكتابة وكخطوات اولى لابد ان تكتب تحت وصاية احدهم وبرقابة مشددة حتى تلتزم بمحددات العلاج وارشح الاستاذ عبد الوهاب على الحاج ليكون الوصى عليك بالفترة القادمة.. خامساً : لا نطلب منك تغيير افكارك ولكن سنعمل على تطويرها لك فانت محتاج تاهيل شامل وإعادة عَمّرة وعرض بعض افكارك المستساغة والتستر على جميع الافكار الساذجة والغبية مثل فكرة هذا البوست وتقولك على اهل الارياف وانهم سبب كوارث السودان بهمجيتهم وعدم ثقافتهم وتهجمهم على المدنية وبوستك الآخر بتاع عـبوديــة السودانيين فمثل هذه يا اديبنا ضبابينو لا يُصرح بها اديب مفكر مثلك لانه لن يستطيع الدفاع عنها بل يتركها تغوص في لا وعييه لتظهر لنا في شكل ادبي مجيد يلقى به جائزة او صرفية صندوق آخر السنة ..
نتابع معاك بعد شوية يا ضبو..
04-28-2012, 07:30 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: يا شباب البورد مليان ناس نوعيتكم وبشبهوكم ممكن تحاوروهم و تداخلوا معاهم ربنا ان انشاء الله يهنيكم بي بعض
انت كمان ما تبالغ يا مفكر .. كيف يعني كل زول يمشي للبيشبهو؟ امال الريفيين السذج البجم الجهلاء ديل الحايطورهم ويعلمهم منو لو ما اختلطوا باهل المدينة زيك كدة.. والناس العندهم اخلاق ومحترمين وعندهم اسلوب وفكرة وهدف في الحياة يطوروا منو لو ما اختلطوا بالسـاقطـين والمُفلسيين زيك كدة عشان ينتشلوهم من وهدتهم.. يا اديبنا ضبابينو الحياة تلاقُح وتبادل خبرات وهدفي اني (القحك) عسى يطلع من نافوخك شئ غير الضبان.. تقولي امشي لغيرك.. هو في زول محتاج للتلاقح غيرك خاصة بعد تجربتك القاسيـة جداً بالخليج الخلتك تهرب منه وانت محمل بكل هذا الكم من الكراهيـة والدونيـة وإنكار الذات تجاه واقعك المحطم،،
هون عليك عزيزي الأديب طه جعفر فإني وايم الله لاظن فيك خيراً مخبوء تحت هذا هذا الركام من احتقار الذات والاحباط .. لا تبتئس يا حبيب ستأخذ آلهة النيل بيديك باذن رع ..
04-28-2012, 10:18 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
حيدر الزين* يا "صديقي" أستحلفك بحق كل مقدّس لديك وبحق العُشرة التي جمعتنا، والعيش والملح أن تتوقف عن هذا الفعل الذي لا يشبهك أبدًا هو إنتا فكّوك متين زاتو قمت تقابض من طرف؟ (وجه هازل) توقف لأن ما تقوم به في هذا النبر يخصم من رصيدك جدًا. اعتبرها آخر نصيحة صادقة مني .. وأتمنى بكل صدق أن تقبلها وألا يأخذك العناد والكبر أبعد مما أنت عليه الآن.
--------------- (*) أخصك بهذا لأن البقية لا يهمني أمرهم، فهم لديّ مجرّد أرجوزات ، فلا تفعل فعلهم (أرجوك)
مرحب يا هشام ادم ومشكور على النصيحة يا عزيزي .. وعشان الواحد يتوقف عن البوست وضميرو مرتاح .. ولانه الاديب طه جعفر ممن يعز عليك ايضاً .. وانت باعتبارك لست بريفي وبتفهم احسن من الريفيين..
عاوز تعليقك على ما خطه يراع الاديب الحسيب طه جعفر الخليفة :
اولاً جلب مقال بيتساءل كاتبه فيه من اين اتي هذا الشعب:
Quote: هل هذا هو الشعب السودانى الذى استنكر الاديب الطيب صالح افعال الحكام وعدم مشابهتها للشعب –هل المقارنه كانت لمثل هذا الشعب –شعب لا يهمه نتائج افعال حكامه وتصرفاتهم بل الهم الاوحد هو الهتاف والخروج واحيانا الرقيص
وكانت الاجابة المجيدة من الكاتب طه جعفر :
Quote: مجاولة للاجابة *استرياف الخرطوم و غالبية مدن السودان العريقة تم الاسترياف نتيجة للهجرة الداخلية و النزوح
قلنا يمكن تعليق اولي رغم ما جاء في نفس المداخلة من رصد اوجه الجهل والتخلف والرجعية والتدين السطحي بالسودان وانه مرده لأهل الريف لكن قلنا غلطة ساي وطه جعفر اديب نفوتها اها تاني جاءت الاراء دي :
Quote: واحدة من مظاهر الاسترياف و التخلف التي انتشرت في زمن الانقاذ و برنامجها الاسلامي و مشروعه الحضاري الزائف هي ظاهرة العزوف عن القراءة، في الخرطوم الان يشهد سوق الكتاب انحسارا و تنعدم المكتبات العامة و العلاقة مع الكتاب ضعيفة جدا. هنالك قلة من المقتدرين ممن لهم علاقة بالانترنت و هؤلاء يبحوث في الانترنت عن تزجية الوقت و لا يتناولون من من موضوعات الانترنت الا مواد الترفيه
و..
Quote: تجد عندنا استهجانا و هي اعمال لا تصدر الا من اناس عصف بوعيهم العقل الريفي المحدود ذو الطبيعة و الجوهر التناسلي الذي لا يسود فيه شيء غير الاستزلام و عقلية صاحبي و قريبي و ود حلتنا.
و...
Quote: قيمة مدينية و انتم كريفيين بعقلية تناسلية استزلامية لا تعرفانها و لكن كما قيل فالدين النصيحة فاقبلا مني هذا الكلام هنا في منبر قبل ان يقال لكم في الحياة العامة.
عاوزين نعرف الراي وقراءة ونظرة الكاتب الاديب الحسيب طه جعفر الخليفة للريف والريفيين .. وتعليقك انت حول فكرته دي شنو؟
وعشان الناس ما تقول اتهجم عليه احد قبال قبل ما يسألو اهو اخونا العوض المسلمي وجه ليهو سؤال استنكتري في اول مداخلة للبوست عن صحيفة حريات بتقول:
Quote: بالله مازالت مصدر ؟؟
فماذا كانت اجابة الاديب الحسيب المديني المتحضر طه جعفر؟! كتب رداً على هذا الاستفسار:
Quote: العوض المسلمي انت احد مظاهر التخلف وجودك، فكرك، طريقة كتابتك و كل ما يتعلق بك هو من مظاهر التخلف! و هو من اسباب المأساة في السودان فلا مرحبا و لا اهلا و قوم فكنا بلا كرور معاك
شفت كيف يا هشام.. دا زول كمان بيكسبو فيهو حسنة والا فيهو شفاعة !! والاغرب من كدة شايفك فوق كاتب ليهو احسنت.. احسن في ارائه وفكره يا هشام ادم ام احسن في انه نبذ الناس وشتمها..
04-28-2012, 11:39 AM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: أخصك بهذا لأن البقية لا يهمني أمرهم، فهم لديّ مجرّد أرجوزات
الزنديق الملحد الخبيث .. هشيم آدم أها ما وريتنا إساءتك الأخيرة لعرض رسول الله صلى الله عليه وسلم كان هدفك يا ترى وراها شنو؟ لجوء سياسي في دولة ما وللا عايز أعضاء منتدى الملاحدة العرب يلموا ليك الشيرنق؟؟ زي العلمية الوسـخـة العلمتها قبل كده في البورد وادعيت إنو كفيلك فنشك وإنو ما أداك حقوقك وقال ليك لا حق للكفار عندي!!! يا كافي البلا لا دين لا أخلاق عشان الناس بس تعرف إنو الإيمان = الصدق = الأمانة
يا لبؤسك وسواد طريقك .. لقد دعوت الله عليك وأوصيت جمعا من الصالحين بذلك والله بيننا وبينك ستعلم حين يفجأك ملك الموت أنك قد أضعت عمرك في الأوهام
(مين بركات) على الخط يا الاخو أتقصد (استسلامية) أم تقصد (استظلامية) ..؟؟ لعلك يا فتى تريد القول (استبلامية) من البلامة ولا اخالك تقصد البلوم الذي في فرعه غنى ولا حتى بلوم عبد الرحمن عبد الله ام انك يا اخا العرب تشير من طرف خفي إشارة لطيفة إلى (الأزلام)، و الإشارة اللطيفة لا يفهم (بضم الياء) سرها إلا بالرياضات الروحية وارتقاء الذوق، وهو ما يفتقر إليه اجلاف الريف أكلة القديد واللحم الناشف المشرور فوق الحبل ولا نريد كتابة اسم هذا اللحم درءا للشبهات وأولها ( العقلية التناسلية). لأننا لو كتبناه فانما نثبت التهمة على انفسنا. ولا نريد ان نلقي بانفسنا للتهلكة ثم نضرب الكوراك طلبا للنجاة والإستزلام (ونحن هنا نبحث مأجورين باذن الله عن مخارجة للأخ) ..أو بالأحرى نبحث عن مخارجة لإنفسنا تقينا شر الوصم بالتخلف وعدم الفهم...الإستزلام هو النظر إلى الازلام الاغريقية والرومانية وغيرها من التماثيل وكأنهاا حجارة فقط وتناسي القيم الجمالية التي فيها فتمثال فينوس مثلا قد يكون مثيرا للشهوة للريفيين الذين يفكرون بعقلية تناسلية، ومن يفعل ذلك فهذا هو الإستزلام بعينه... ومعها اضانه، ومن الإستزلام جاء الوصف أن فلان متحجر عقليا وأن فلانة متحجرة تنبيه (حقوق الطبع محفوظة للمؤلف)
ولم نك نفرغ من امر الأستزلام إلا وتوالت الأخبار تترى تفيد بان لفظ اراجوز قد اطل برأسه فطاف بالخاطر القذافي وجرذانه خصوصا ان عنوان البوست يكاد يقول (من أنتم؟) فشعرت بالضياع وأن أمامنا سنوات ضوئية كثيرة لنلحق بركب غير المستزلمين واللامتأرجزين وان نعلف ما يشاء الله لنا علفه من الأعلاف المستوردة والمحلية نعلفها اجترارا أو نستفها سفوفة كما تستف الإبل حب الخمخم .. وإلى ذلك الحين وإن سأل سائل (من أين أتى هذا الشعب؟) اشرنا إلى الكهوف والجحور وطلبنا منه ان يتقبل قضاء الله الذي ابتلاه بشعب من الأوباش مثل هذا الذي نحن منه.
Quote: حيدر الزين* يا "صديقي" أستحلفك بحق كل مقدّس لديك وبحق العُشرة التي جمعتنا، والعيش والملح أن تتوقف عن هذا الفعل الذي لا يشبهك أبدًا هو إنتا فكّوك متين زاتو قمت تقابض من طرف؟ (وجه هازل) توقف لأن ما تقوم به في هذا النبر يخصم من رصيدك جدًا. اعتبرها آخر نصيحة صادقة مني .. وأتمنى بكل صدق أن تقبلها وألا يأخذك العناد والكبر أبعد مما أنت عليه الآن.
--------------- (*) أخصك بهذا لأن البقية لا يهمني أمرهم، فهم لديّ مجرّد أرجوزات ، فلا تفعل فعلهم (أرجوك)
الصديق الفاضل هشام و زميل مهنة الشقاء ( الكتابة) نحن رفاق وزملاء في مهنة شقية في زمن أعجف جهول يتسيده ناقصي الراي و ضعاف العقول و الاخلاق امثال علي عثمان محمد طه (الدلاها) علي حسب طريقة اساسي عبد الوهاب علي الحاج حيدر الزين و الجديد بتاع السكاكين الارهابي محمد جلال عبد الله في التعامل مع الاسم( طه) و اود ان اقول ان حيدر الزين لا يستحق فهو اشد سماجة من الارجوزات ارجوك شاكرا ان تضيفه الي قائمة الارجوزات و الرجال البلهاء
طه جعفر
04-28-2012, 01:55 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
علي عكس ما تريد السماء! كيف لا و اذا كان يحكمنا امثال علي عثمان محمد طه (الدلاها) علي طريقة اساسي عبد الوهاب علي الحاج حيدر الزين محمد جلال عبد الله في التعامل مع الاسم(طه)
مع الاعتذار لجد نائب رئيس النظام المجرم لكن ايها الجد هذا قليل مما نتعلمه هنا في منبر الحوار العام بموقع سودانيزاونلاين الذي يديره صديقنا بكري ابوبكر
فمعذرة ايها الجد طه( الدلاها) جد نائب الرئيس السوداني عمر البشير المطلوب لدي محكمة الجنايات الدولية.
و هل يجوز لي ايها الرب القدير المتعال ان اضيف تعديلا علي سورة في القرآن الذي انزلته علي رسولك محمد(ص) و اسميها سورة
طه ( الدلاها) ايضا لانني عرفت من شيوخي هنا في المنبر و هم اساسي عبد الوهاب علي الحاج حيدر الزين و الطالباني محمد جلال عبدالله صاحب السكين المسننة لذبح كل زنديق
أن الاسم (طه) يجب ان تتبعه كلمة( الدلاها) او الدلاهة
و هذا غيض من فيض سودانيزاونلاين العظيم و سؤال هل الاسم (طه) هو أحد اسماء الرسول محمد بن عبد الله (ص) هل يجوز ان نقول ايضا طه (الدلاهة) او (الدلاها) له. افتونا قبل الذبح ايها الطالبانيون
Quote: هل يجوز لي ايها الرب القدير المتعال ان اضيف تعديلا علي سورة في القرآن الذي انزلته علي رسولك محمد(ص) و اسميها سورة
طه ( الدلاها) ايضا لانني عرفت من شيوخي هنا في المنبر و هم اساسي عبد الوهاب علي الحاج حيدر الزين و الطالباني محمد جلال عبدالله صاحب السكين المسننة لذبح كل زنديق
أن الاسم (طه) يجب ان تتبعه كلمة( الدلاها) او الدلاهة
و هذا غيض من فيض سودانيزاونلاين العظيم و سؤال هل الاسم (طه) هو أحد اسماء الرسول محمد بن عبد الله (ص) هل يجوز ان نقول ايضا طه (الدلاهة) او (الدلاها) له. افتونا قبل الذبح ايها الطالبانيون
يا طاااها .. والله إن نياط قلبي لتتقطع بعد ان قرأت إسترحامك اعلاه..
تجدني أيها الاديب طااااها في اشد الحزن واللوعة لما آل اليه امرك
وابشرك يا طاااها ،،، لقد قبل إلتماس الشيخ عبد الوهاب على الحاج فيكم واعتقناكم ( بهذا البوست ) لوجه الله لا نريد جزاءاً ولا شكورا..
فأفرح ياعزيزي ولا تبتئس وتكب الجرسة اكتر من كدة فانت في حمانا وتحت وصايتنا حتى يبلغ هذا البوست محله
لكن تذكر وختها حلقة في ودنك يا طااااها .. اي بوست ماراكب عدله ( كعاداتك طبعا) لو جيت ختيت ليك فيهو نقطة تفهم وتنحاش منه طوااالي .. لأن ذلك يعني انه ليس محل رضانا وموافقتنا يبقي تسحبه
يبقي هسع في باقي البوست دا افرح ،، انبسط ،، امرح ،، غني وارقص ،، فإنك من العتقاء
04-28-2012, 03:30 PM
محمد قرشي عباس محمد قرشي عباس
تاريخ التسجيل: 03-19-2010
مجموع المشاركات: 3195
مقولة : "تخلقوا بأخلاق الله" ليست حديثا نبويا شريفا و قد تتبعتها قديما في بعض مقولات الصالحين .. رغم إنتشارها في كتب التفاسير بلا سند !!
القرآن لا يثبت العقم على الرسول الكريم (ص) الآية تقول : "إِنَّ شَانِئَكَ هُوَ الْأَبْتَرُ (3)"سورة الكوثر و الشانيء في اللغة معناه "شنا: شنئته تقذرته بغضا له. ومنه اشتق أزد شنوءة وقوله: (شنآن قوم) أي بغضهم وقرئ شنان فمن خفف أراد بغيض قوم ومن ثقل جعله مصدرا ومنه (إن شانئك هو الابتر)." المصدر : مفردات غريب القرآن للأصفهاني
و الموصوف بالأبتر هو من شنأ الرسول الكريم فليس بالقرآن الكريم وصف للرسول الكريم بـ (الأبتر) بل هو حكاية على ما حصل بالروايات التاريخية .. التي منها : " حدثنا ابن المثنى، قال: ثنا عبد الوهاب، قال: ثنا داود، عن عكرمة، في هذه الآية:( أَلَمْ تَرَ إِلَى الَّذِينَ أُوتُوا نَصِيبًا مِنَ الْكِتَابِ يُؤْمِنُونَ بِالْجِبْتِ وَالطَّاغُوتِ وَيَقُولُونَ لِلَّذِينَ كَفَرُوا هَؤُلاءِ أَهْدَى مِنَ الَّذِينَ آمَنُوا سَبِيلا ) قال: نزلت في كعب بن الأشرف، أتى مكة فقال لها أهلها: نحن خير أم هذا الصنبور المنبتر من قومه، ونحن أهل الحجيج، وعندنا منحر البدن، قال: أنتم خير. فأنزل الله فيه هذه الآية، وأنزل في الذين قالوا للنبي صلى الله عليه وسلم ما قالوا:( إِنَّ شَانِئَكَ هُوَ الأبْتَرُ ) . حدثنا أبو كُرَيب، قال: ثنا وكيع، عن بدر بن عثمان، عن عكرمة( إِنَّ شَانِئَكَ هُوَ الأبْتَرُ ) . قال: لما أوحي إلى النبي صلى الله عليه وسلم قالت قريش: بَتِرَ محمد منا، فنزلت:( إِنَّ شَانِئَكَ هُوَ الأبْتَرُ ) قال: الذي رماك بالبتر هو الأبتر. حدثنا ابن بشار، قال: ثنا ابن أبى عديّ، قال: أنبأنا داود بن أبي هند، عن عكرمة، عن ابن عباس قال: لما قَدِم كعب بن الأشرف مكة أتَوْه، فقالوا له: نحن أهل السقاية والسدانة، وأنت سيد أهل المدينة، فنحن خير أم هذا الصنبور المنبتر من قومه، يزعم أنه خير منا؟ قال: بل أنتم خير منه، فنزلت عليه:( إِنَّ شَانِئَكَ هُوَ الأبْتَرُ ) قال: وأنزلت عليه:( أَلَمْ تَرَ إِلَى الَّذِينَ أُوتُوا نَصِيبًا مِنَ الْكِتَابِ )... إلى قوله( نَصِيرًا ) ." المصدر : تفسير الطبري
أما الروايات التي جاء فيها أن العاص بن وائل أو عقبة بن أبي معيط قد شنئوا الرسول الكريم بالقول أنه أبتر (أي منقطع العقب) ، فمن المعروف أن الرمي بإنقطاع العقب عند العرب هو إنقطاع الولد الذكر سواء بالموت أو عدم إنجاب الذكور (و ليس الإناث) و لا علاقه له بالعقم من الأساس !! ففي المخيلة العربية في ذلك الزمان كان عدم وجود ذكور يحملون إسمك و يزودون عنك مدعاة للإنتقاص و ما قصة جد الرسول الكريم ببعيد، فقد نذر أن يذبح أحد أبناءه إن أنعم الله عليه بعشرة ذكور و ذلك بعد نظرة مماثلة من المجتمع المكي في نزاع قديم .. و القصة معروفة !!
هذا فقط لتوضيح بعضا من (جوبكة) هشام آدم في القضية الجنائية التي (قذف) فيها بلا بينه كل من يرجع نسبهم اليوم للرسول الكريم !! عسى أن نتوقف عن الخوض في الأعراض بلا علم و لا هدى و لا كتاب منير .. فـ(الجوبكة) بطريقة تصادم حتى القانون الإنساني في كل مكان ناهيك عن إستفزازها للمقدسات بخراقه .. ليست من الفكر في شيء !!
_______________________________________________________ هشام زي الكيزان واحد ، الإتنين بيتاجروا بالدين الكيزان بحجة الدفاع عنه و هشام بحجة كونه ضحيته
04-28-2012, 05:08 PM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
Quote: تكرارها بهذه الوتيرة يعكس فكرة وواحدة و هي الافلاس و الضيق بما اكتبه هنا
والله انت فاكيها في روحك جنس فكة ياخ شنو تكتب وما تكتب .. انت قايل نفسك كاتب؟؟ بالله عليك انت هسي البتكتبو ده اسمه كتابة؟؟؟ ياخ انت والله عندي ولا شيء ولا أذكر إني بالغلط دخلت بوست من بوستاتك ولا بتمثل لي أي حاجة انت عندي كأنك لست موجودا
انت إنسان مصاب بمزيج من النرجسية وجنون العظمة وقايل نفسك حاجة كبيرة .. عندك عقدة ما في حياتك .. ما هي ؟؟ الله أعلم!!! لكن انت فيك مركب نقص بتحاول تكمله بأساليب مكشوفة عامل فيها كاتب!! وكل لحظة والتانية تقول أنا كاتب وأنا أمتهن الكتابة والله انت فعلا بتمتهن الكتابة من ( الامتهان بمعنى الإهانة ) وليس الامتهان بمعنى الاحتراف قوم لف عليك الله .. وللا أقول ليك قوم لف تاني
Quote: مالذي يجعل " طه جعفر" يتداخل مع امثال هؤلاء؟ و هنا انا مخطيء لكن السؤال هو هل انا اتداخل مع امثالك ام انتم من تعترضون طريق الناس علي طريقة الفتوات.
أهااااا تعترضون طريق الناس دي ما عندك فيها حق لأني ماحصل يوم من الأيام دخلت ليك موضوع بالغلط .. أبدا أبدا جيت انت في موضوع الدعاء على أخيك في الإجرام هشيم آدم وداير تخرب لي البوست وتعمل لي فيها أبو عرام الما بينام لكن على منو!! خلاص من ديك أنا ختيتك في راسي وبعرف أأدبك كويس!!
أيها الدلاااااها
04-28-2012, 05:27 PM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
Quote: كيف لا و اذا كان يحكمنا امثال علي عثمان محمد طه (الدلاها)
حرقوووووووووووووووو حرقوووووووووووو اسم طاااها الدلاها حرقوووووووووووووو
Quote: و هل يجوز لي ايها الرب القدير المتعال ان اضيف تعديلا علي سورة في القرآن الذي انزلته علي رسولك محمد(ص) و اسميها سورة طه ( الدلاها) ايضا
والله تعرف يا دلاها كلامك ده ذكرني بآية من القرآن أدتنا دستور التعامل مع أهل الكتاب وهي قول الحق عز وجل: {وَلاَ تَسُبُّواْ الَّذِينَ يَدْعُونَ مِن دُونِ اللّهِ فَيَسُبُّواْ اللّهَ عَدْواً بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِم مَّرْجِعُهُمْ فَيُنَبِّئُهُم بِمَا كَانُواْ يَعْمَلُونَ }الأنعام108
فيا اللخو لو كنت من أهل الكتاب اللي هم لمن يسبهم المسلمون يقوموا طوالي يسبوا رب المسلمين وقرآن المسلمين .. كلمنا لو كنت منهم عشان تاني ما نشتمك ونتعامل معاك بتعامل أهل الكتاب غايتو أنا ما عارف الفاخورة بتاعتك دي فيها مخ وللا مواد حافظة ساكت!! زول يشتموهو يقوم يمشي طوالي يتخابث في القرآن لكن ما مشكلة متوقعة منك لأنك دلاااااها
Quote: و سؤال هل الاسم (طه) هو أحد اسماء الرسول محمد بن عبد الله (ص) هل يجوز ان نقول ايضا طه (الدلاهة) او (الدلاها) له.
اسم طه ليس من أسماء الرسول صلى الله عليه وسلم .. لم يثبت في دليل من كتاب أو سنة وإنما هي من الحروف المقطعة، والخطاب الموجه للنبي صلى الله عليه وسلم في أول السورة لا يدل على أنه اسم من أسمائه لأن سورة الأعراف التي بدأت ب {المص } وجه بعدها الخطاب للنبي صلى الله عليه وسلم
Quote: هل يجوز ان نقول ايضا طه (الدلاهة) او (الدلاها) له.
والله انت ممكن جدا تقولها ما دام متابع الخبيث هشام آدم ممكن تقولها عااااادي مافي شي مستبعد عليك
04-28-2012, 07:25 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
Quote: أهااااا تعترضون طريق الناس دي ما عندك فيها حق لأني ماحصل يوم من الأيام دخلت ليك موضوع بالغلط .. أبدا أبدا جيت انت في موضوع الدعاء على أخيك في الإجرام هشيم آدم وداير تخرب لي البوست وتعمل لي فيها أبو عرام الما بينام لكن على منو!! خلاص من ديك أنا ختيتك في راسي وبعرف أأدبك كويس!!
أيها الدلاااااها
الطالباني سؤال تاني هل يجوز ان نقول سورة (طه) الدلاااااها لنصف سورة القرآن الكريم
هل يجوز ان نستخدم هذه الكلمة( الدلاااااها) لوصف النبي (ص) لانه من المعلوم ان (طه) هي من اسمائه عليه افضل الصلاة و السلام
ارجو الا تهرب من الاجابة
طه جعفر
04-28-2012, 07:05 PM
طه جعفر طه جعفر
تاريخ التسجيل: 09-14-2009
مجموع المشاركات: 7335
الصفارة عنكم بي كم يا محمد عبد الله يا بياع بعدين يا طالباني اجب علي الاسئلة الاتية هل يمكن ان نقول سوورة طه (الدلاهة) او (الدلاها) تعلم ان (طه) هو اسماء الرسول (ص) هل يجوز ان نقول ايضا سيدنا (طه الدلاهة او الدلاها) و كدا؟ أجب علي هذه الاسئلة اولا لا تنسي انك وصفتني بالدلاهة (الدلاها) و هذه اسئلة للاستزادة لان الكلمة ( دلاها) موسيقية جدا ترا.. را .. او للا.. لا.. قبل ان تفكر في استخدام السكين
طه جعفر
04-28-2012, 07:56 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: هل يجوز ان نستخدم هذه الكلمة( الدلاااااها) لوصف النبي (ص) لانه من المعلوم ان (طه) هي من اسمائه عليه افضل الصلاة و السلام
قال ابن القيم : في تحفة المودود: وأما ما يذكره العوام أن يس وطه من أسماء النبي صلى الله عليه وسلم فغير صحيح ولا حسن ولا مرسل، ولا أثر عن صاحب، وإنما هذه الحروف مثل: الم، وحم، والمر، والر ونحوها.
....... وقال ابن القيم رحمه الله: ومما يمنع منه التسمية بأسماء القرآن وسوره، مثل: طه، ويس، وحم، وقد نص مالك على كراهة التسمية بـ يس ذكره السهيلي، وأما ما يذكره العوام أن يس وطه من أسماء النبي صلى الله عليه وسلم فغير صحيح، ولا حسن، ولا مرسل، ولا أثر عن صاحب، وإنما هذه الحروف مثل: ألم، وحم، الر، ونحوها. اهـ. وانظر لمزيد الفائدة معجم المناهي اللفظية للشيخ بكر بن عبد الله أبو زيد ص: 360، 565، 581 .
ـــــــ اتمني انه الناس المثقفة الواعية تكف عن ترديد مايردده (العوام) من الناس
04-28-2012, 08:07 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
روي عن عكرمة عن ابن عباس أنه قال طَه : بالنَّبَطيَّة : يَا رَجُل
قلت رواه ابن جرير (18076 ) وفي سنده محمد بن حميد الرازي وهو متكلمٌ فيه
وجاء أيضاً عن عكرمة عن ابن عباس أنه قال طَه : يَا رَجُل بالسُّرْيَانيَّة
رواه ابن جرير (18078) وفي سنده زمعة بن صالح وهو ضعيف
وروي العوفيون عن ابن عباس أنه قال { طَه مَا أَنْزَلْنَا عَلَيْك الْقُرْآن لتَشْقَى } فَإنَّ قَوْمه قَالُوا : لَقَدْ شَقيَ هَذَا الرَّجُل برَبّه , فَأَنْزَلَ اللَّه تَعَالَى ذكْره { طَه } يَعْني : يَا رَجُل { مَا أَنْزَلْنَا عَلَيْك الْقُرْآن لتَشْقَى }
قلت رواه ابن جرير( 18077) وسلسلة العوفيين معروفة بالضعف كما لا يخفى على المطلع في هذا الشأن
ورواه ابن أبي حاتم في تفسيره( 14241)
وروى علي بن أبي طلحة عن ابن عباس أنه قال { طَه } قَالَ : فَإنَّهُ قَسَم أَقْسَمَ اللَّه به , وَهُوَ اسْم منْ أَسْمَاء اللَّه
رواه ابن جرير( 18083) وقد فسره بعض السلف بأن الطاء تعني الطاهر والهاء تعني الهادي ولعل هذا هو معنى قول ابن عباس هذا
وقد روي تفسير (طه ) ب( يا رجل ) عن عكرمة من طرق أوردها ابن جرير في تفسيره (18079)
وقد روي تفسير طه ب (( يا رجل )) عن الحسن البصري عند ابن جرير(18082)
وهو من رواية معمر عن الحسن وهي منقطعة
وأما قتادة فقد روى سعيد بن أبي عروبة أنه فسرها ب (( يا رجل ))
رواه ابن جرير( 18081) وكذا رواه من طريق معمر عنه ( 18082)
وقد رجح ابن جرير تفسير (طه ) ب ( يا رجل )
والقول بأن طه من الأحرف المقطعة منقول عن مجاهد_ وقد نقل عنه موافقة المشهور عن ابن عباس _ وذكر ابن جرير أن هناك من قال به _ ولعله قصد مجاهد _
وأما القول بأن ( طه ) من أسماء النبي صلى الله عليه وسلم فلم ينقل عن معتبر من السلف وعمدته حديث ساقط وهو حديث (( لِي عِنْد رَبِّي عَشَرَة أَسْمَاء ) فَذَكَرَ أَنَّ فِيهَا " طَه " و " يس " )) ولولا أنني وجدت بعض من يتصدر لتفسير كتاب الله عز وجل يختار هذا القول الشاذ لما تعنيت وكتبت هذه المقالة هذا وصل اللهم على محمد وعلى آله وصحبه وسلم
يا حيدر الزين ياخ ربنا يجزيك خير انت والأخ محمد قرشي بس انتو بتكتبوا وتجيبوا في العلم ده لي منو؟ لو للسادة القراء أهلا ومرحب لكن لو لي جوز الحمام ده .. ما تتعبوا نفسكم
04-28-2012, 09:24 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طه جعفر
العوض المسلمي
عبدالوهاب علي الحاج
Deng
محمد جلال عبدالله
HAIDER ALZAIN
آدم صيام
هشام آدم
محمد قرشي عباس
ABUHUSSEIN
فيس بوك
تويتر
انستقرام
يوتيوب
بنتيريست