|
كتب الكاتب الفاتح جبرا المتوفرة بمعرض الدوحة
|
|
 Re: سعر الـ$ــدولار اليوم (Re: Ashraf el-Halabi)
|
سلام يازول انت تاجر عملة
سعر الكلاكلة اللفة حتى العاشرة ليلا 5800 للدولار
سعر الريا ل حسب شارع غبيرا العام قفل على 1510
سعر الريا ل فى سوق اب قوته 1550
سعر سواكن 1600
على كدا
سعر دبى
سعر بومبى
سعر كوانزو الصين
دى كلها اسواق تتحكم فى الاقتصاد السودانى مش الانقاذ جاءت من اجل الدولار اها الذى يطيح بها
هو الدولار
اخوك صديق قديم,,متابع لحال البلد المايل
| |
  
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
| Quote: سلام يازول انت تاجر عملة |
يا أبو لدن دا شكل تاجر عملة ياخ!
تاجر العملة هو البحدد السعر، ما بيجي يضهب زينا كدا كايس أعلى سعر
كل الحكاية إنو الساحوتة الاسمها السودان دي دايرة ليها مبلغ كدا وما بقدر أوفيه إلا لو السعر كان فوق الستة
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
دي المواضيع المهمة والمفترض أن تداولها في الإعلام الرسمي بدلآ عن الظواهر الهتافية والحماسية التي يتناولها الإعلام في السودان .. الإقتصاد هو حياة الناس .. الكل يعرف بأن سعر الجنيه الرسمي الآن في السودان لا يعكس السعر الحقيقي له في السوق الحر للعملات (الموازي) .. وواحدة من شروط الإقتصاد الحر هي إبعاد الدولة من تحديد الأسعار بل تحدد بحسب قانون العرض والطلب ..
فالواقع بأن في السودان عجز كبير في ميزان مدفوعاته المعروف بال PAYMENT BALANCE .. وهو الميزان الذي يحكم الصادرات بكفة الواردات .. البلاد في حالة حروبات متصلة منذ ثماني أشهر .. موارد البترول في هجليج تعرضت لتدمير كامل
ومريع غير محددة الفترة لإعادة التشغيل .. إنتاج الجزيرة كمشروع قومي معروف بساهمته في الإقتصاد ضعيف .. وأنا أعتقد بأن الزملاء في سوق الأوراق المالية لايقدمون أسعارآ صحيحة للأسهم في هذا الوقت .. نعم نريد أن نرى نشرة يوميآ على صفحات الموقع بكل الأسعار بدءآ من الذهب الدولار(السعر الحر) لأن سعر السوق الأسود هو السعر الحقيقي وليس بنك السودان.
شكرآ لصاحب البوست.. وتحياتي
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
5800
دي النجيضة لحدي الليلة الساعة 4 عصر ..
لمعلومية الجميع والباحثون عن سعر الدولار حينما لا يجدون ابو نون :
سعر الدولار يساوي سعر طن السيخ ..!!
دي قاعدة ماشين بيها التجار هنا ..
سعر طن السيخ الليلة 5800 جنيه (خمسة مليون وتمنمية بالقديم) ..
ودي بيعادلا ألف دولار ..!!
يعني الزول الماعارف سعر الدولار يسأل عن سعر طن السيخ في السوق وبي كدة بيعرف الحاصل ...!!
دا حساب عرب ساي ..!! لكن أهو ماشي اليومين ديل ..!!
| |
|
|
|
|
|
|
|
|
|
Re: سعر الـ$ــدولار اليوم (Re: ناذر محمد الخليفة)
|
ناذر كيفنك يا حبــوب ..
ياخي ده أخبار شنو دي
إنت قاعد تتاجر في الدولار ولا شنو ؟؟
بعدين ياخ السيخ ده كلللله سعرو واحد ؟
السيخ الصيني زي السيخ الألماني زي المصري ؟؟
ولا كيف ؟؟
بعدين أسعار زي ده أخير نمشي نقضي إجازتنا في (بانكوك) 
| |
|
|
|
|
|
|
|
|
|
Re: سعر الـ$ــدولار اليوم (Re: Dr. Ahmed Amin)
|
Quote: دي قاعدة ماشين بيها التجار هنا ..
سعر طن السيخ الليلة 5800 جنيه (خمسة مليون وتمنمية بالقديم) ..
ودي بيعادلا ألف دولار ..!! |
كلام صاح مية المية
كلمني تاجر سيخ قال لي بكون عندنا كم سعر للسيخ في اليوم
سعر افتتاح
وسعر نص اليوم
وسعر اغلاق !!!!
| |
|
|
|
|
|
|
|
|
|
Re: سعر الـ$ــدولار اليوم (Re: Dr. Ahmed Amin)
|
سلام دكتور أحمد أمين ..
Quote: بعدين ياخ السيخ ده كلللله سعرو واحد ؟
السيخ الصيني زي السيخ الألماني زي المصري ؟؟
ولا كيف ؟؟
|
شوف... نحنا في البلد دي ما شين بي قاعدة كلو عند العرب سيخ ..!!
بعدين نحن ما عندنا لا صيني لا ألماني لا مصري ..!
السوق فيهو زي خمسة أنواع .. اشهرها الأمجد والأسعد ...!!
في واحد رخيص كان إسمو (سيخ دبي) ..!
هسي بقى كلو سعرو واحد ...!
لكن عشان اكون معاك دقيق أكتر : أسأل في الخرطوم عن سعر طن سيخ الأسعد 5 لينية ..!
وسعرو بيديك بالضبط سعر الدولار في السوق الموازي ..!
عرفت ليه أنا لحدي يوم الليلة ما قادر أديك اسعار لي شغلانيتك ديك ؟!
أهوندي قدامي بتاعاتك وقياساتك بتقرا في كلامي دا ؟ لكن بس تقول شنو ؟؟!!
نسأل الله السلامة بس ..!!
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
سلام اشرف ..
Quote: ما قدرت أعرف العلاقة شنو بين سعر السيخ وسعر الدولار، إلا كان الحديد هو الغطاء النقدي لعملتنا!!
|
أنا برضو ما عارف العلاقة (بط إت ووركس) ..!!
احمد موسى مكتبك على بعد شارعين من تجار السيخ وكلامك صاح سعر الصباح براو وسعر الضهر براو وسعر نهاية اليوم براو ..
زي الدولار بالضبط ..
دكتور احمد امين .. يعني ضروري تشد (سلك) في ظروف اليومين دي ههههههههه
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
Quote: لكن عشان اكون معاك دقيق أكتر : أسأل في الخرطوم عن سعر طن سيخ الأسعد 5 لينية ..!
وسعرو بيديك بالضبط سعر الدولار في السوق الموازي ..! |
يا ناذر
أها لو الدولار نزل , الجماعة بنزلو الســعر
ولا خلا بكونوا صبوا على الســعر دا
| |
|
|
|
|
|
|
|
|
|
Re: سعر الـ$ــدولار اليوم (Re: ابن عفان)
|
الواحد خاتى قروشو تحت المخدة ومتابع بوستيكم ده
ما عارف ساعة الصفر متين شايف كل دقيقة بلقى لي خبرا ملفوف
الواحد ما فضل ليهو الا يلف القريشات دي سيجارة !
محروق ابوالدولار ( الريال لا )
كلما ( اتبن) القريشات القى بالاً تاني
الله يهون ..
عندنا بُنا وعاوزين نشتري سيخ
يعنى هسي نشتري دولار بدل السيخ واللا شنو؟
طيب المعلمين بقتنعوا بانو الدولار دا هو السيخ زاتو كيف؟
غايتو جنس جن !!
| |
|
|
|
|
|
|
|
|
|
Re: سعر الـ$ــدولار اليوم (Re: هيثم التوم)
|
عبد الله احيمر ..
Quote: يا ناذر
أها لو الدولار نزل , الجماعة بنزلو الســعر
ولا خلا بكونوا صبوا على الســعر دا |
صدق بينزل معاو ..! ودا عن تجربة مش كلام ساي ..!!
أبو عفان ..
Quote: نقة كتيره و ما عرفنا لا سعر الدولار و لا الريال.
|
مش عرفت سعر طن السيخ ؟!!
وتيب ؟!!!!
هيثم التوم ..
Quote: عندنا بُنا وعاوزين نشتري سيخ
يعنى هسي نشتري دولار بدل السيخ واللا شنو؟
|
بالمناسبة ..
سعر سيخة الأقاشي بي خمسة جنيه .. ودا سعر بورصة الشامية في محطة سبعة ..!!
| |
|
|
|
|
|
|
|
|
|
Re: سعر الـ$ــدولار اليوم (Re: أيمن دياب)
|
عبد الله احيمر
ابن عفان
هيثم التوم
Al Sunda
د. قرشي
Hisham Ibrahim
أيمن دياب
سلامات يا شباب
حتى الآن السعر القالو محمد قرشي دا هو السعر الأخدتو في اتصال بالخرطوم
ـــــــــــــــــــــــــــــ
| Quote: لو كان سألت من السيخ يا دوك حا تلقاهو نفس الشي |
زكرتني الضفدع "ونجيب بنات!" في النكتة.. ههههه
قلت لي مكتب أحمد سيخة قريب من السيخ!
الزول دا يكون كوز!
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
كشف الأمن الجغمسي أن السر في إرتفاع الدولار هو في إختفاء السيخ من الأسواق - وفي تتبع سري لهذه السلعة الحيوية والمرتبطة إرتباط أخلاقي روحي بالنظام الحاكم (وفي عملية سرية سميت "يستسلخون") وجد أن هناك جهة عليا تشتري السيخ بكميات مهولة في ثلاث أوقات من اليوم(عقب صلاة الصبح والظهر والمغرب - وفي كل وقت بسعر مختلف، وفق فتوى مجمع العلماء) وبالتتبع الدقيق والمكثف تم اكتشاف طبقة سيخية نايمة في المجتمع هم
طلبة الحزب الحاكم
في
الجامعات.
وقد تم رفع توصية عاجلة لرئاسة الحزب الحاكم بقفل الجامعات حتى تهدأ أسعار الدولار.
| |
|
|
|
|
|
|
|
|
|
Re: سعر الـ$ــدولار اليوم (Re: هيثم التوم)
|
Quote:
سعر الريال في الرياض اليوم 1530 جنيه |
سالت منو يازول كلامك د مو صالح
ما بين 1515- 1520 ,,,مهما يكون المبلغ
على حسب سعر شارع غبيرا والبطحاء
الا زولك دا عندو قروش هناك عاوز يلمها
لكن ناس الامن الاقتصادى ما خلو زول بشترى عملة فى السودان الا عكشوه
وما زال الدولار مكنكش والريال كذالك,,,
عموما الريال دا ما بنزل من ال 1500 دى تانى
بس حقو يقيفوا ليه فوق عشان ما يرتفع
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
يا هيثم لو لقينا مراسل للبوست من أمام وول ستريت (بس يكون مدردح زي مراسلنا من شارع غبيراء الشهير بأبو لدن) بـ "ننجض" ليك أمر أبو الجورج
لكن لغاية الآن كلام قرشي هو السعر المعتمد في بورصة البوست
ـــــــــــــــــــــــــــــــ
يا معتصم أظهر، فعندك الخبر اليقين
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
أنتو الطيب سيخة وين ؟؟
وعلاقتو شنو بي صلاح دولار !!
بلد عجيبة ما تفهم فيها اي حاجة
واي حاجة ما عندها أي قاعدة
اشاعه ساكت ممكن تزيد سعر الدلاور وممكن تنقصوا
مافي اي فهم للاقتصاد
علي العموم سعر الدرهم الاماراتي اليوم فى دبي اليوم 5\5\2012 يساموي 1570 جنية
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
ashraf
متابعين
Quote: يا هيثم لو لقينا مراسل للبوست من أمام وول ستريت (بس يكون مدردح زي مراسلنا من شارع غبيراء الشهير بأبو لدن) بـ "ننجض" ليك أمر أبو الجورج
لكن لغاية الآن كلام قرشي هو السعر المعتمد في بورصة البوست
|
وماقصرت طب !
غبيرا من هنا (فنة حجر)
والريال تشم ريحة شيتو من هنا
كلما اقول اختف لي لقمة منو
اقول الشية اطعما المجمرة
ونلوك الصبر!
شغالين بالقطارة لا هسي غايتو!
متابعين هنا برضو..
علا الــ 5800 دا سعر صحي ؟
| |
|
|
|
|
|
|
|
|
|
Re: سعر الـ$ــدولار اليوم (Re: هيثم التوم)
|
يا ود التوم: شيتكم دي جمر ولا سيخ؟
ناس البيت كل إجازة بسيب ليهم مبلغ وأقول ليهم أصرفوا منه قدر حاجتكم
يقوم يرتفع ارتفاع طفيف يروحوا فاكين القروش كلها
ليه عملتوا كدا؟: خفنا يقوم ينزل تاني
أبو الجورج دا لا خوف عليه ولا هم يحزنون، لو نزل الليلة سنت بكرة بيرتفع إتنين
القعد ينزل بس هو جنيهكم السجمان دا
فنصيحتي ليك يا هيثم: قدر ما تقدر أصبر، فالريـالات الصابرات روابح
| |
|
|
|
|
|
|
|
|
|
Re: سعر الـ$ــدولار اليوم (Re: خال فاطمة)
|
سلام خال فاطنة .. وينك يا راجل مطول من البورد ..! جيت المسلمية ولا شنو ههههه
| Quote: لي 4 لينية اغلى من 5 لينة ؟ |
الأصل في السيخ إنو كلو سعرو واحد الفرق في عدد السيخات .. لكن احيانا سعر 4 لينية أو تلاتة لينية بيكون ارخص بي فارق بسيط ودا مردو سبب واحد الوفرة مع إنعدام الطلب حيث يكون الطلب متركزا فقط في خمسة لينية ..
| |
|
|
|
|
|
|
|
|
|
Re: سعر الـ$ــدولار اليوم (Re: محمد إبراهيم علي)
|
Quote: الليله الدولار 5.700
وفي توقعات كبيره إنو سعر الدولار حينزل شديد |
صاحبنا ود فرح:
ينزل شديد كمان.. يعني ما براحة.. ولا حتى نزول متدرج..
انت قلت توقعات.. يعني مافي حاجة حسابية ولا منطقية ولا صادر ولا إنتاج..
صديقي العزيز ود فرح..
شكلك ما سمعت (الشمطة) الكانت في البرلمان أمبارح..
العضو القال البلد ما معقول تمشي بالضرائب والتوقعات..
والوزير القال ما بقدر يوقفل ارتفاع الأسعار..
والزول التاني القال ليكم استغفروا استغفروا استغفروا..
الفشل ما مشكلة.. المصيبة الكبرى الإصرار على الفشل..
| |
|
|
|
|
|
|
|
|
|
Re: سعر الـ$ــدولار اليوم (Re: محمد إبراهيم علي)
|
محمد فرح إنت بالذات ما تتكلم ..!!
ما دام قلت حا ينخفض كدة بتكون كجيتا وبكرة سعر الدولار بيصل 15 جنيه ...
إنت فاكر ناس المنبر دا نسوا ليك كلامك في كهربة سد مروي ولا شنو هههههههههه
| |
|
|
|
|
|
|
|
|
|
Re: سعر الـ$ــدولار اليوم (Re: ناذر محمد الخليفة)
|
Quote: الليله الدولار 5.700
وفي توقعات كبيره إنو سعر الدولار حينزل شديد |
يا محمد فرح ما في توقعات لنزول شديد لأنو الأسباب البتنزل نزول شديد غير موجودة ، يعني ما في عائد من التصدير يؤدي لتوفر نقد اجنبي و كل المتوفر ياتي من قروض و دا حبل قصير لا يعول عليه في نزول سعر الدولار ، الدولار لو نزل نزول بطئ ح ينزل اذا كان في انتاج و تصدير زراعي و صادر مواشي و صمغ عربي مع ازدياد في الانتاج البترولي و دا كلو ما موجود.
| |
|
|
|
|
|
|
|
|
|
Re: سعر الـ$ــدولار اليوم (Re: هيثم التوم)
|
خال فاطمة: أساساً (لينيا) دي تبع ياتو وحدة قياس؟
ناذر: شايفك متبحر في السيخ يا شيخنا، معناتو معلومة المغلق دي ما إشاعة!
فرح: "ينزل شديد" دي تقولها لي زول ما عندو سيخة
ود أبراهيم: إنتا فاقس الفولة
أيمن دياب والحاج حمد: كلامكم سليم مية المية. حكومتنا أهملت أي مصدر للنقد الأجنبي خلاف البترول،بقى هو البجيب لينا أبو الجورج، والبترول تلتينه مشت مع الدولة المشت، والمشكلة ناسنا ديل كانوا بيصرفوا صرف من لا يخشى الفقر، يبقى ما في أي سبب ينزل دولار الجن دا، لا نزول شديد لا بالراحة، وفوق فوق دولارنا فوق
يا ود التوم "كان غلبك الصبر أصبر" هههههه
| |
|
|
|
|
|
|
|
|
|
Re: سعر الـ$ــدولار اليوم (Re: ناذر محمد الخليفة)
|
ناذر ود اخت استاذنا احمد على بابكر ازيك يا المافي زيك
الربه الربه مسليمة خور نوى جبنا
| Quote: الأصل في السيخ إنو كلو سعرو واحد الفرق في عدد السيخات |
كيف يعني موش طن 4 لينية و 5 لينية (52 سيخة) في كل طن ؟ ولا عدد 5 لينية اكثر من 4 لينية؟
| Quote: لكن احيانا سعر 4 لينية أو تلاتة لينية بيكون ارخص بي فارق بسيط ودا مردو سبب واحد الوفرة مع إنعدام الطلب حيث يكون الطلب متركزا فقط في خمسة لينية .. |
تصدق لقيت 4 لينية للطن بي (5450) و 5 لينية للطن بي (5350) و الاسعد كمان كما قلت الفرق ما كبير (100) بين الاثنين .. بس الظاهر طلب 4 اكثر من 5 عشان رخوووووووص لوووووووو رخوص
سيد الحوش أشرف معليش كلو من ناذر الشين دا ملينا ليك حوش سييييييييييييخك
زمان يا ناذر الواحد بقو ليك انا راكب سيخ في اللوري بدفع نص التمن بتاع المواصلات في اللوري
| |
|
|
|
|
|
|
|
|
|
Re: سعر الـ$ــدولار اليوم (Re: خال فاطمة)
|
سلام خال فاطنة ..
Quote: كيف يعني موش طن 4 لينية و 5 لينية (52 سيخة) في كل طن ؟ ولا عدد 5 لينية اكثر من 4 لينية؟
|
طبعا لا ... القصة قصة وزن .. اسأل ود خالي محمد في سوق المسلمية في مغلق شبك النور يوريك الفرق هههههه
طبعا أسم المغلق (شبك النور) ودي حبوبتي والدة والدتي ووالدة خالي أحمد علي بابكر ..
4 لينية عدد السيخ فيهو اكتر .. لكن لمن نجي نوزن 5لينية و4 لينية بنلقى وزن الطن واحد لكن عدد سيخات 4 لينية أكتر من سيخات خمسة لينية بحكم وزن السيخة في كل مقاس ..
Quote: تصدق لقيت 4 لينية للطن بي (5450) و 5 لينية للطن بي (5350) و الاسعد كمان كما قلت الفرق ما كبير (100) بين الاثنين .. بس الظاهر طلب 4 اكثر من 5 عشان رخوووووووص لوووووووو رخوص
|
زي ما كتبت فوق .. الإختلاف في السعر عندو علاقة بي مواسم الشغل وبي المشاريع المنفذة وكمية الطلب .. أحيانا الطلب على خمسة لينية كتير وأحيانا على 4 لينية اكتر .. بحسب المشاريع والعطاءات ومواصفات العطاءات ..
| Quote: سيد الحوش أشرف معليش كلو من ناذر الشين دا ملينا ليك حوش سييييييييييييخك |
انت يا اشرف البوست دا اسمو سعر الدولار اليوم ولا سعر السيخ اليوم ؟؟!!
غايتو عندي طلو صابون ههههههههه
| |
|
|
|
|
|
|
|
|
|
Re: سعر الـ$ــدولار اليوم (Re: خال فاطمة)
|
| Quote: اشرف اتا موش حلبي ? مفروض تكون بتاع سيخ ياخ هههههه |
اييييه، حليل زمن (سراير حديد) يا خال
ياخي السراير في السودان بقت معمولة من مصيبة كدا اسمها سكسبندا ولا شنو ما عارف
| |
|
|
|
|
|
|
|
|
|
Re: سعر الـ$ــدولار اليوم (Re: ناذر محمد الخليفة)
|
| Quote: وأحيانا 94 سيخة لجذب الزبائن ..! |
اي يا ناذر اجذبنا لمن يصل الطن (4000) ما تنسا جر لي سيخة ياخ قصدي سلك ههههه موش سلك كانات عارف راسك كلو سيخ ههههههههههه
والحلبي دا رشو بسيخة هههههههه
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
العلاقة بين السيخ والدولار علاقة طردية قوية بمعنى كلما زاد سعر الدولار زاد سعر السيخ والعكس صحيح ، وهذا ما اتفق عليهالمتداخلون
السبب يعود الى ان السيخ سلعة مستوردة والاستيراد يتم بالعملة الاجنبية والمستوردون قلة من الناس ولديهم المعلومات الكاملة عن اتجاهات سعر الصرف ومعلوماتهم تتفوق على ادارة النقد الاجنبي ببنك السودان .
الحديد المصنع محليا هو في الواقع مستورد حيث لا توجد صناعة حديد حقيقية في السودان وما يوجد هو عملية تدوير للخام ليس الا recycling
وبالتالي فالخام ايضا يتم استيراده ويجب ان يباع بسعر يوم الاستيراد على الاقل.
الموردون ومنذ تحرير الاقتصاد السوداني والتحرير بالمعني الاجرائي وليس الاقتصادي البحت أي بمعنى رفع الدعم الحكومي عن السلع وعدم تركيز العملة- منذ ذلك اليوم- المورد يبيع لكبار التجار والموزعين المعتمدين السلعة بسعر الدولار وليس بالجنيه السوداني ، لذلك التاجر المشتري يدفع السعر للمورد اجلا ولكن بالسعر الحقيقي للدولار في السوق ، ومن هنا اصبح تجار السوق اعلم الناس باتجاهات اسعار النقد الاجنبي هبوطا وارتفاعا.ومن يدقس في ذلك يخرج من السوق فورا لان المورد لن يعطيه سيخ مرة اخرى .
لذلك وخلال سنوات التحرير الاقتصادي اصبح لدينا علماء في التحليل الاقتصادي وتحليل اتجاهات النقد الاجنبي ولكن خططهم لمصلحة انفسهم وليس للدولة وهؤلاء لا يحملون اي مؤهل علمي يذكر لكنهم يحملون اخطر مؤهل هو الخبرة الطويلة الممتازة.
والسبب الاخير ان السيخ والحديد أو حديد التسليح كما يطلق عليه احيانا سلعة راسمالية ومخزن للعملة وليس سلعة استهلاكية والنشاط الاقتصادي الراسمالي يرتبط مباشرة بالسيولة وبالسياسات الاقتصادية الكلية.
| |
|
|
|
|
|
|
|
|
|
Re: سعر الـ$ــدولار اليوم (Re: د.عبد المطلب صديق)
|
يا سلام عليك يا دكتور عبد المطلب ..!!
صدق كلامك المرتب دا غلبني اصيغوا .. لكن الحمد لله إنت وضحت بالضبط العلاقة بين سعر السيخ وسعر الدولار ..!
لكن بعد شرحك عن حال السوق داير أسألك سؤال محيرني ..!!
إنت دكتور في ياتو مجال ؟؟!
| |
|
|
|
|
|
|
|
|
|
Re: سعر الـ$ــدولار اليوم (Re: وضاحة)
|
سلامات د. عبد المطلب
تحليل سليم
في 2008 دخلت شراكة في مشروع صغير مع صديق في السودان، لحال السودان المعلوم المشروع خستك وبقى دخله أقل من المنصرف.
قررنا نفض المشروع وكل زول يشيل نصيبه. لما جينا لحتة أصول رأس المال بقى المبلغ الحأسترده بالسوداني مقابل سهمي في رأس المال يعادل أقل من نص المبلغ بقيمة الدولارات الساهمت بيها
من ديك قررت أي تعامل تاني لقدام أحسبه بالدولار
ـــــــــــــــ
بالمناسبة يا ناذر مشروعك الزمان داك وصل وين؟
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
Quote:
ما قدرت أعرف العلاقة شنو بين سعر السيخ وسعر الدولار، إلا كان الحديد هو الغطاء النقدي لعملتنا!! |
ههههههههههههههههههههههههه
يا أشرف
انت تحفة ومكانك بوست الموج ولا شنو كدا نورة!!!!!!!!!!
| |
|
|
|
|
|
|
|
|
|
Re: سعر الـ$ــدولار اليوم (Re: Abdlaziz Eisa)
|
| Quote: خال فاطمة: أساساً (لينيا) دي تبع ياتو وحدة قياس؟ |
اشــرف
خلينا نخت لينا ســيخة مع خال فاطنة
اللينية هي من البوصــة
البوصـة فيها 8 لينيات , و على كدا الينيا = واحد / تمانية من البوصة
يعني لما يقول ليك 4 لينيا يقصـد نص بوصـة = 12.7 ملم ( تقريبا )
و الله اعلم
| |
|
|
|
|
|
|
|
|
|
Re: سعر الـ$ــدولار اليوم (Re: خال فاطمة)
|
دققان الدلجة المفاجيء للدولار ده شنو ؟
ارتفاع كبير للدولار ...... $$$$$$
يا ناذر بوسـتين واحد عن دققان و الآخـر عن رفعان
يلا جيب خبـر الســيخ عشــان نشـوف هل في دققان و لأ رفعان
| |
|
|
|
|
|
|
|
|
|
Re: سعر الـ$ــدولار اليوم (Re: Ashraf el-Halabi)
|
آهٍ لو تَصْدُق الحكومة.... ماذا إذا انخفض الدولار؟ عادل الباز أمس الأول بشّرنا السيد وزير المالية بأن الدولار سيشهد انخفاضاً هائلاً وقال إن الدولار يمكن أن يصل إلى ثلاثة جنيهات!!. وبحسب الوزير بناء على ما أوردته الغراء (المجهر) أن جهة ما أو دولة ما ضخّت في شرايين الاقتصاد مبلغاً مالياً ضخماً وهو ما من شأنه أن يؤدي إلى انهيار سعر الدولار في السوق الأسود. أمس الأول أكد البنك المركزي تصريحات السيد الوزير وأشار لقدرته على توفير النقد الأجنبي للقطاع الخاص بما يكفي وارداته. ماذا لوصحت هذه التصريحات التي يبدو أن هناك ما يؤكدها خاصة بعدما راجت معلومات حول مبلغ مالي ضخم أودعته الحكومة الليبية في خزنة الدولة، لو صحت المعلومة فإن أهدافاً كثيرة ستتحقق عاجلاً وأخرى آجلاً. على المدى القصير ستنخفض أسعار الدولار في السوق الأسود وقد يصل لحدود ثلاثة جنيهات ونصف أو أربعة وهو انخفاض كبير سيكون وبالاً على المضاربين في الدولار والذين اتخذوا منه سلعه لتخزين القيمة. ولكن الأثر الآخر غير المباشر هو استقرار أسعار كثير من السلع وربما أدى خروجها من المخازن وطرحها في الأسواق لانخفاض مقدر في أسعارها خاصة إذا ما ضمن المستوردون استقرار سعر الدولار واستطاعت البنوك الإيفاء بالتزاماتها تجاه البنوك الخارجية؛ والتي ظلت تشكو في الفترة الماضية من تعثر البنوك السودانية من الوفاء بالتزاماتها. إذا صدقت وعود الحكومة الخاصة بتمويل القطاع الخاص يعني ألا أحد سيسعى لشراء الدولار من السوق الأسود الذي مهما وصل سعره لن يكون في إغراء السعر الرسمي ولو ارتفع قليلاً. ما يجب الإشارة إليه هنا هو أن الحكومة قد استطاعت من خلال عائدات الذهب وبعض القروض الأخرى منها القطري (اثنين مليار دولار المستلم منه 400 مليون دولار) أن توفر تمويلاً منتظماً لاستيراد السلع الأساسية والتي حصرتها في ثماني سلع أهمها السكر والقمح والأدوية والجازولين.. ولذا فإن احتياطياتها من هذه السلع يجعل وضعها جيداً ولن تنافس القطاع الخاص في أخذ نصيب كبير من الدولارات التي ضُخت في خزينة البنك المركزي. مع استقرار سعر الصرف لفترة معقولة بالإمكان تدفق مزيد من الدولارات في خزينة الدولة؛ فالمستثمرون الذين أحجموا عن البدء عن مشاريعهم في انتظار استقرار الأوضاع بإمكانهم ضخها إذا اطمأنوا إلى ذلك. المستثمرون ليسوا بمجانين ليدلقوا مليارات الدولارات في بلد تحفها الحروب من كل حدب وصوب.. ومن يشاهد التلفزيون يظن أن البلد كلها مشتعلة من أقصاها لأقصاها، ثم على أي أساس يمكن للاستثمارات أن تنجذب لبلد عملته غير مستقرة؟!. ليس ذلك فحسب بل إن المستثمرين يشكون بأنهم لا يستطيعون تحويل أرباح استثماراتهم للخارج فمن هو ذلك المستثمر المجنون الذي يستثمر في بلد لا يستطيع أن يحول منها مليماً من عائداته؟!. الغريب أن هناك شكوى من شركات الاتصال التي تحول ملايين الدولارات إلى الخارج رغم أن هذا ليس صحيحاً مطلقاً بشهادة بنك السودان، ولكن السؤال أليس من حق المستثمرين الكويتيين مثلاً الذين دفعوا مليارات الدولارات في (زين) أن يأخذوا عوائد أموالهم تلك؟. حاجة عجيبة. من أكثر القطاعات التي ستستفيد من استقرار سعر الصرف هو القطاع العقاري. فبعد ارتفاع سعر الدولار شهد هذا القطاع تدنياً ملحوظاً في حركته بيعاً وشراءً، وتكاد تكون أسعاره تجمدت في نقطة معنية، فأسعار الأراضي ظلت كما هي منذ مدة طويلة وتوقف البناء لتأثره بارتفاع أسعار الأسمنت الذي شهد ارتفاعاً جنونياً رغم تدفق إنتاج أكثر من مصنع للأسواق. إضافة لتجميد الإنشاءات الحكومية الجديدة مما أدى لتوقف كثير من شركات هذا القطاع عن العمل وخاصة بعد أن تراكمت مديونياتها على الحكومية وأصحبت سنداتها وضماناتها بلا قيمة. أكبر الخاسرين من تراجع أسعار الدولار في المدى القصير هم المضاربون والمغتربون الذين استفادوا من زيادة سعر الدولار في السوق الأسود في تحويلاهم لذويهم بالداخل. العجيب أن بعضهم رغم الارتفاع الذي شهده الدولار فضّل الاحتفاظ بمدّخراته بالخارج ريثما تتضح الرؤية أكثر في انتظار فوائد أكبر. إذا انخفض الدولار بحسب وعود الحكومة فإن ضرراً بالغاً سيصيب هؤلاء الذي فضّلوا بقاء دولاراتهم بالخارج. لو صدقت الحكومة فإن أوضاعاً شتى ستتحسن وتعود لطبيعتها.... آه لو تصدق الحكومة. الاحداث
عادل الباز
| |
|
|
|
|
|
|
|
|
|
Re: سعر الـ$ــدولار اليوم (Re: خال فاطمة)
|
سلام شباب ..
خال فاطنة كيفك ...
رأي موجود في ثنايا مداخلة اشرف ..
| Quote: لكن يا ناذر لو الدولار نزل والسيخ ما نزل دا طيبعي، لأنو السيخ أكيد جا بقيمة الدولار قبل الاستعانة بصديق |
وطبعا دي من عيوب التخزين لسلعة خالية الثمن وغير مضمون ثبات أسعارها
لكن هنالك انباء عن انخفاض مؤكد خلال الايام القادمة في أسعار السيخ والحديد عموما ..
| |
|
|
|
|
|
|
| |
Ashraf el-Halabi
elhilayla
abuguta
ناذر محمد الخليفة
Ahmed musa
هيثم التوم
Al Sunda
محمد قرشي عباس
Hisham Ibrahim
معتصم مصطفي الجبلابي
الزنجي
عبدالرحمن الحلاوي
خال فاطمة
محمد فرح
محمد إبراهيم علي
الحاج حمد الحاج
د.عبد المطلب صديق
وضاحة
ashraf mukhtar
Abdlaziz Eisa
الامين جبارة الله التوم
فيس بوك
تويتر
انستقرام
يوتيوب
بنتيريست