|
|
 ناس مدريد بشرى كبرى تعالو جاي
|
ما داير احلف لكم لكن لو لعبتو نادال والملك خوان كارلوس والملكة صوفيا برضو حتطيرو فمن هسي بطلو الشماتة وجهزو شعوركم
غلاط كتير ما داير البتعشى منكم باكر وبتجيهو الشجاعة يلاقينا هنا باكر ان الله حيانا وانا اتعهد لكم البوست دا اصلو ما يغطس للصفحة التانية
|
|
 
|
|
|
|
|
|
|
|
Re: ناس مدريد بشرى كبرى تعالو جاي (Re: وليد التلب)
|
يا اعوذ بالله يا وليد
فريقكم دا لا كورة لا اخلاق
جري وعريد، لا مهارات لا فنيات لا دا لا دا، عليك الله وريني مهارة واحدة للمدعو بيبي، يشهد الله انا لو عندي عليهو سلطة اكان اشغلو جزار في مسلخ الكدرو
يا اخي قونكم البتجيبهو دا ما بيمرق ابداً من الحاجات دي
1- ضربة جزاء هدية
2- دربكة قدام القوون
3- ضربة ثابتة يشوتها رونالدو "دي اتعلمها عندنا في مانشستر ما لقاها عندكم  "
كورة ممرحلة تمتع الناظرين وتشرح القلب الحزين نهائي ما عندكم
يا اخي عندي عبد الرحمن 4 سنة بس بيكون مشغل توم وجيري بيخليها ويقعد يتفرج لمن يشوف اي قميص ازرق مخطط بأحمر
الدوري حلال عليكم، فرحة اليتيم ليكم تلاتة سنة تكابسوا في كاس اسبانيا الميت مع ناس بيزنطة وممالك الفونس وايزابيلا ديك وشنو ما عارف، اما كاس اوربا وحاة الخوة اخر عهدي بيهو زي ما قال صلاح مصطفى هو الساعة 9 بتوقيت قرينتش مساء اليوم اي بعد انتهاء المباراة مباشرة
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: محمد عمر الفكي)
|
إنت كدا..
الجماعة ديل ما حيقربو صلاتك دي..
ياخي دي المانيا وفرنسا وهولندا..
تقول لي اسبانيا والبرتقال والبرازيل ومش عارف مين!..
أنا غايتو بقول لى ناس ريال اخير ليكم ما تجو بالأبض ..
الليلة حتزلّقو كتير ..
وما عايزين مظهركم قدام أهاليكم يبقى زي الشفع الصغار البرجعوا مطينين.
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: محمد عمر الفكي)
|
الله يستر
من أمس وأنا أدعو الله أن يشغل ود الفكي ببوستات هجليج , أما وقد حصل الحصل فليس لنا إلا
الكنكشة في ... كذب المنجمون ولو صدقو أحيانا .
بعد خروج برشلونة من دوري الابطال ,وخروج سالفاكير من هجليج , اصبح الطريق معبد لمجاهدي الاندلس لفتح الأليانز أرينا .
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: وليد التلب)
|
كدي انا يادوب جيت راجع وبرجع لكم واحد واحد لكن قبل دا جادي معاكم
اياكم والشرك، نحن ناس بنهظر ساهي والله بتكلم جادي
المهم يا معاوية
القالك منو انا ود البشاري دا بقبلو؟ بكتب من الجوال عشان كدا ما عندي طريقة وشوش
لكن بالجنبة كدا زولكم دا نجيض في قطع الجمار (وش فاطس زي فطيستكم دي من الضحك)
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: محمد عمر الفكي)
|
بنزيمة دا حبوبتو الربتو غضبانة عليهو اوعى تخلوهو يشوت ىبيبي داك تور الله في برسيمو ورونالدو حيعتمد علي انه سجل في المباراة وحسب خبرتي اللاعب البكون كويس طوالي بضيع في الترجيحيةديل تلاتة انضمنن باذن الله
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: محمد عمر الفكي)
|
تحياتي صاحب البوست
تخيل انا لمن فتحت بوستيك ده بالنهار وشفت ثقتك بخروج الريال ايقنت ان حمام مورينهو طاير لا محاله
المهم ما فيش حد احسن من حد البارسا و الريال احمد و حاج احمد عشان تعرفو يا مدريداب الكوره ما ليهاش امان هي ما انصفت البارسا الفريق الافضل في تاريخ الكره
و كمان ربنا انصف ميسي بتضييع رونالدو للركله الترجيحيه الاولى
غايتو يا بيب اديتهم افضلية الفوز بالدوري
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: الامين موسى البشاري)
|
ولي
| Quote: شكلنا لحقناكم كورتين بره |
اخجل لك يعني؟ 
ناظم
ياخي انت راجل لذيذ بشكل
يا دودي
ياخي ما تشوف لي طريقة مع ناس الانقاذ ديسل اشتغل معاهم بدل بلة الغائب
يا ابو حريبة
ياخي الكورة دي منصفة بشكل ما طبيعي
يا ود البشرى
Quote: ههههههههههههههه
طلحة تنظير طلع اي كلام يا جدع
اها يا ود الفكي توقعات مازمبي كيف ؟ |
طلحة جدو فكي؟ غايتو الا يكون طلحة اخوي
البشاري
| Quote: السحار خليهو يبعد لينا من المريخ الايامات دي ياخ |
كدي املاء الابريق وتعال نوريك مازيمبي
ولد يا حسين
امش صحي ابوك باصبعو المكسور دا
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: محمد عمر الفكي)
|
هسع عليك الله كان ما يأس منك ساي يا جرجير طلحة مالو ؟
تأكد أنو طلحة لو إتوقع كان توقعاتو صدقت بالكربون
لكن طلحة لا أتوقع ولا عمل حاجة لكن كما قال مترجم مشاعر:
إلا الحسادة أعيت من يداويها.
يا ود الفكي قلتا ليك عايز ليك سنين ضوئية عشان تفكر ( لا حظ مجرد التفكير)
تكون زي الأخطبوط العظيم طلحة عبدالله طال عمرو .
ما تحاول يا جدع تقوم تقع تتزلط واللا يجيك إشقدي في المصران الأعور لأنو المسألة ما
ضربو رمي ساي .
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: طلحة عبدالله)
|
Quote: هسع عليك الله كان ما يأس منك ساي يا جرجير طلحة مالو ؟
تأكد أنو طلحة لو إتوقع كان توقعاتو صدقت بالكربون
لكن طلحة لا أتوقع ولا عمل حاجة لكن كما قال مترجم مشاعر:
إلا الحسادة أعيت من يداويها.
يا ود الفكي قلتا ليك عايز ليك سنين ضوئية عشان تفكر ( لا حظ مجرد التفكير)
تكون زي الأخطبوط العظيم طلحة عبدالله طال عمرو .
ما تحاول يا جدع تقوم تقع تتزلط واللا يجيك إشقدي في المصران الأعور لأنو المسألة ما
ضربو رمي ساي . |
يا طويل العمر عليك الله امسحها لقصير العمر دا في وشو
| |
|
|
|
|
|
|
|
|
|
Re: ناس مدريد بشرى كبرى تعالو جاي (Re: محمد عمر الفكي)
|
الاخ محمد عمر الفكى و ضيوفه الكرام
سلامات
سوف اقوم ب اعادة نقل مداخله لى فى بوست الاخ نبيل عسى و لعل تعيدو النظر فى الانديه الاسبانيه
(كم اكره الانديه الاسبانيه و ب الذات المشجعين الاسبان فهم الاكثر عنصريه فى اوروبا على الاطلاق
هل تذكر المباراة الوديه بين انجلترا و اسبانيا التى كانت تحت شعار let's kick racism out of football..........فى تلك المباراة ب التحديد كلما لمس الكرة لاعب اسود انجليزى كانو المشجعين الاسبان يصدرون اصوات القرود لمن جهجهو اشلى كول و روونى اتغاظ و مشى دفر الحارس
حادثة اخرى برشلونه كانت تلعب ضد فريق اسبانى آخر لا اذكر اسمه................ سامويل اتو كل ما يلمس الكره مشجعين الفريق الخصم يصدرو اصوات القرود لغايت ما حرد اللعب و طلع من الميدان و كانو جميع اللعيبه حتى الحكم يترجونه ب العوده وطناش العنصريين
كمان ما تنسى المدرب الاسبانى الذى قال عن هنرى black s h i t عديييل كدا
الحادثه الاخيره هى الاولمبياد الاخيره فى الصين..........قام المنافسين الاسبان ب هذه الصوره..........يعنى بحاكو فى عيون الصينيين)
| |
|
|
|
|
|
|
| |
محمد عمر الفكي
وليد التلب
محمد على طه الملك
الامين موسى البشاري
معاوية الأرباب
ناظم ابراهيم
Mohamed Doudi
مجدي عبدالله أبوحريبة
محمد البشرى الخضر
طلحة عبدالله
Amin Salim
ABUHUSSEIN
فيس بوك
تويتر
انستقرام
يوتيوب
بنتيريست