ياهيثم... نيابة عن حفيدَيّ معتز وبدر حاتم وإصالة عن نفسي الجَدّة المكلفة جليسة لهما بناءً على زيارة "كريمة" للملكة من والديهما، نشكرك كثيراً على المختارات الرائعة من العبقريات الطفولية! فقد استمتعنا كثيراً بالمشاهدة خاصة أكيم لمارا وحلا تركي ، ومستر بينز وسقطت كل الخيارات الاخرى من حلوى وعصاير وماشابه. وبدر ومعتز يطلبان الإذن لينزلا صورتيهما(وانا براء من الاجراءات الفنية) في البوست؟
لك التحية.
والمجد للأطفال رُسُل المحبة والسلام.
"حبوبة عشة"
04-21-2012, 01:05 PM
هيثم طه
هيثم طه
تاريخ التسجيل: 08-30-2011
مجموع المشاركات: 1153
مرحب مرحب يا "حبوبة" عشة !! الخيط سعيد بطلتك وطلة الاطفال الحلوين
تعرفي قاعدة تزعجني جدا تسمية الفيديوهات (بالطفلة المعجزة) و الحاجات دي ! قاعد اتخيل انو الاطفال كلهم اصلا عباقرة وممكن اي طفل يعمل حاجة من الحاجات الفوق دي ! لكن شكلو نحن الناس الكبار قاعدين نسمي ابداعات وجمال الاطفال بـ(المعجزة ) حسادة مننا ساكت ! و غرضنا الما نبيل واضح !
ولدي الصغير عجبتو رقصة الطفل الحلفاوي اكتر ! ---
البوست بيتشرف باطفالك الحلوين يا ستهم --و البوست تحت الرعاية الكاملة بتاعتهم ! يتصرفوا فيهو زيما عاوزين !
تقديري الممتد
04-22-2012, 00:07 AM
rummana
rummana
تاريخ التسجيل: 02-05-2002
مجموع المشاركات: 3537
اختيارات كلها جميلة وموفقة هيثم أما الطفل المصري فمستحيل يعني!! ازاي ندايأ ما دي اسمها ديمقراطية..:) أراهنك إنه البورد ده بعضويته كلها ما فيه حد شارب معنى الديمقراطية زيه.. ما شاء الله وبمناسبة رقص الطفل النوبي.. أي شخص "أشتر" في الرقص في شك كبير في أفريقيته..!
الفيديو تسجيل قديم عثرت عليه مرة بالصدفة.. عقدتني الطفلة عشان أنا ما بعرف أحفظ.. تحياتي
04-22-2012, 04:33 AM
أمير عثمان
أمير عثمان
تاريخ التسجيل: 08-11-2009
مجموع المشاركات: 805
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة