|
|
 نحن والاخرون جيشنا للقتال قادرون
|
الاخرون هم المؤتمر الوطني ومليشياته بكافة مسمياته
الجنوبيون حكومة وشعبا ليسوا فى عدا مع الشعب السوداني ولن يكونوا يوماً ما
عندما لا يستطيع جارك الاستماع اليك وانت تحدثه فى كيفية الجيرة وضرورة احترامه حرمة بيتك وتحثه الى مفاوضتك فى امور مشتركة بينكم فلا يجيبك بل ياخذ ادواته الحربية ويستفزك فهذا ان دل يدل على جنون الجار ولابد لك ان تضع حداً لسلوكه هذا لانه اعتقد ان طلبك للتحاور ضعف وخوف ولكنه لا يعلم ان مفهومك للتفاوض يختلف عنه لان الطغاة دوماً يعتقدون انهم الاقوي ولا يعترفون بالضعف حتى انهم على فراش الموت ذاك هو حالة الطغمة الحاكمة فى جارتنا السودانية فهم حتى هذه اللحظة يعتقدون انهم يمكنهم سحق الجنوبيين حكومة وشعباً فى سويعات قليلة رغم انهم لم يستطيعوا ذلك فى سنوات النضال عندما كانت جيشنا الشعبي يحاربهم بعتاد اقل تطور وتقنية فكيف لا يزالون يعتقدون انهم يستطيعون ذلك الان رغم ان الجنوب اصبحت دولة وحدثت جيشها ووحدت صفها ليس ضد الشعب السوداني الذي نكن له كل احترام وتقدير بل لحماية فقط ارض اجدادنا وحفظ كرامة شعبنا
فى كل المعارك التى دارت بين الجيش الشعبي وجيوش المؤتمر الوطني ومليشياته كان الجنوب دوماً يدافع عن نفسه ولم يهاجم قط ولكن الاستفزازت المتكررة للطغاة جعلت جيشنا يعدل من استراتجيته ويقول لهم (البيان بالعمل) لانهم لا يفهمون الا صوت الذخيرة وكما قال احد مصاصي دماء الشعب السوداني (انحنا جينا بالسلاح والداير يقلعنا يشيل سلاحو) فكم اشفق عليه واشفق على الشعب السوداني المتبقي ان كان مفهوم حكام البلاد بهذه العقلية الطفولية والدموية
رغم ان الحكومة السودانية مازالت تستغل الدين فى تجييش الشعب السوداني منذ امد بعيد ولكن الشعب اصبح واعياً لهذا الاستغلال البغيض لان من يجلسون على الحكم اليوم هم ابعد الخلق عن الدين الاسلامي فهم يقتلون فى اكثر الاشهر حرمة وهو شهر رمضان كما الفساد الاخلاقي والمالي تفشي بينهم وكذلك المحسوبية كما ان سياسة التهجير التعسفي هي احد اسلحة النظام الحاكم فى الخرطوم لمحاربة المجتمعات التى ادركت ظلمهم وتطالب بحقوقها المشروعة من تنمية وحرية تعبير وما يحدث فى دارفور والنيل الازرق وجنوب كردفان والشرق والشمال ايضا الذي كنا نعتقد انهم الحكام لم تسلم من القتل فما يحدث فى كجبار ومروي لهو اكبر دليل ان هولاء الطغاة لا ينتمون الى اى بقعة فى السودان ولا يقدرون حياة الانسان الذي كرمه الله
ومن اكثر ما يحزن القلوب هي الابواق التى تنفث سمومها فى المجتمع يومياً ويطلقون على انفسهم المثقفون وكانهم فى تنويم مغنطيسي (لا يرون , لا يسمعون) وقصر النظر وعدم الفهم هو ما يسيطر عليهم فما ان تنتقد النظام الحاكم فى السودان حتى يحورون الامر انك فى عداء مع الشماليين (العرب) والاسلام ان كنت من الجنوب وان كنت شمالياً مسلماً فانهم يرمونك بانك تعمل وفقاً للاجندة الخارجية وعميل اسرائيلى رغم ان احد قادتها وهو والى القضارف نادي علانياً ببناء علاقات مع اسرائيل وهذا يدل انه ليست لديهم حجج منطقية لاقناعك وان ساروا معك فى هذا الدرب لسوف يتكشف للعامة مدي فقرهم فى المنطق لذا فانهم يحتمون خلف العروبة والاسلام لكسب مشاعر السودانيين البسطاء
بالامس استعادت قواتنا الباسلة منطقة وانطاو (هجليج) الجنوبية وهذا للمرة الثانية فى اقل من شهر وكانت المرة الاولى انسحبت منها طواعية امتثالاً لتعليمات القائد العام للجيش الشعبي الفريق سلفا كير ولكن الجارة الشمالية التقطت الاشارة الخطاء وظنت ان الجيش الشعبي انسحب لانها لا تستطيع المكوث هناك ولكن كانت جنوب السودان تريد ان ترسل رسالتين الاولى ان الجيش الشعبي قوي وانها تستطيع فعل الكثير ان ارادت والرسالة الثانية هي ان السلاح لن يحل المشاكل العالقة وعلينا العودة للتفاوض ولكن انصاف العقول اعتقدوا غير ذلك واليوم يتباكون بعد ان سال الدم محل البترول
نحن كجنوبيين حكومة وشعباً لا نريد ان ندخل فى حرب اخري مع جارتنا الشمالية (الا اذا اجبرنا) وعدم رغبتنا فى الحرب ليس جبنا ولكن لاننا نعرف ماذا تعني الحروب ونقدر قيمة الانسان وحياته اغلي من كل كنوز الارض ويمكن حل اكثر الامور تعقيداً بالحوار اذا كانت هناك رغبه للطرف الاخر
ونجد ان حكومة الشمال المتمثلة المؤتمر الوطني لا يقيم اى وزن ولا يلتزم بالاتفاقيات التى تصب فى مصلحتها ولسوف يستعمل اليوم النظام الحاكم فى السودان اسلحته القديمة فى استغلال الدين وسوف يعتقل بعض رموز المعارضة فى العاصمة السودانية الخرطوم واتهامهم بالعمالة والخيانة وذلك لمحاولة كسب الراي العام السوداني وصرف الانظار عن المازق الذى وضعت نفسها فيه وربما يتمادون اكثر ويعيدون التجنيد الاجباري وقبض الشباب من الشوارع وسيطلقون ايادي المليشيات الجنوبية التى تحتضنها الخرطوم للقبض على الطلاب الجنوبيين ولاستعمالهم كدروع بشرية فى مناطق التماس
اتمني ان يفهم القوم ان الحرب اختلفت عن سابقتها ومع مرور كل يوم هناك الجديد لدينا لذا الافضل ان نعود للتحاور لانك تري كل اسبوع مليشياتك تهرول تاركة خلفها عتادها ومناطقها التى تتدعي زوراً ملكيتها وهنا نري الاختلاف عندما تحارب من اجل حقوقك وعندما تحارب لسرقة ونهب الاخرين
ختاما نحن لسنا فى عدا مع الشعب السوداني ولكن ان اجبرنا على القتال سنخوضها بطرق تجعل الكيزان يهربون فواجاً ووجداناً الى ماليزيا العاصمة السودانية الجديدة
تعيش انتصارات جيشنا الشعب
دوت مجاك
الاربعاء 11 ابريل 2012
من منطقة وانطاو (هجليج)
|
|
  
|
|
|
|
|
|
|
 Re: نحن والاخرون جيشنا للقتال قادرون (Re: دوت مجاك)
|
| Quote: الجنوبيون حكومة وشعبا ليسوا فى عدا مع الشعب السوداني ولن يكونوا يوماً ما |
من حقكم تاخدو حقوقكم بس ما علي حساب شعب الشمال المغلوب علي امره
وكلام زي ده عشان تحيدوا الشعب السوداني بتقلوا كما انك لم تكن سوداني
الوطن خط احمر ما بنفرق الواقف جنبي اخ مسلم ولا شيوعي
والمعتدي اخ قديم او صهيوني
بنعرف نفرز بين الخطوط والوانها
بنتمني جيرة كويسه ومستعدين لكعوبيتها
السمح بنعرف ليهو والكعوبية نحن اسيادها(مش كنا مستعبدنكم كما تدعون)
| |
|
|
|
|
|
|
|
|
|
Re: نحن والاخرون جيشنا للقتال قادرون (Re: دوت مجاك)
|
الفاضل دوت مجاك
التحيه لكم وانتم تلقنون جيش الانقاذ درسا!
هذه الحكومه لا تمثلنا ولا هذه القوات المتحرشه بجيرنها.
لقد تمادوا وقلوا ادبهم ويعرف الجميع و مرصود باقمار ناس جورج كلوني
كم مره قصفت حكومة الخرطوم الحدود وقتلت الابرياء؟!
ظلت تدعم امثال جورج آتور....وغيره وتدعم مليشيات المورلي!!
يا دوت هذه حرب واضح انه النصر لكم فيها....
فبينما ينطلق سلفاكير بشباب تواقين للدفاع عن اهلهم وعن ثرواتهم المنهوبه
وبشباب حاسين انها بلدهم و الدفاع عنها مشروع....وبقائد شعب الجنوب يراهو مخلصهم
من نار عبودية حكام الشمال.
في المقابل.....يتحرك البشير....
بشعب بطش بثلاث ارباعه شعب يقتل طلابه بالمعتقلات
شعب اذله في وطنه وجوعه في ماله.....شعب تقتل نسائه امام منازلهن مثل عوضيه عجبنا النوباويه.
ويمنع تشيع طلابه الشهداء......الشهيد عبد الحكيم الدارفوري يا دوت مجاك لو سمعت عنه
تخيل بانه....كان آخر وولد حي لابيه!!
تخيل رجلا هرب آخر ابنائه الناجين من محارق التطهير العرقي بدارفور يبعثه ابيه
للتعليم في الخرطوم فيقتله البشير وأمنجيته في شوارع الخرطوم!!
النوبه الذين يود القتال بهم يقتل اهلهم ويسحلهم بشوارع الخرطوم
ناهيك عن قصف باقيهم بالانتونوف و الكيماوي!
هذا جيش مهزوم يا دوت فمبروك لكم انتصاراتكم
ومعا لتحرير ما تبقى من سودان من هؤلاء السفاحين.
| |
|
|
|
|
|
|
|
|
|
Re: نحن والاخرون جيشنا للقتال قادرون (Re: دوت مجاك)
|
قعادا ما حيطول
الساعه خمسه بتوقيت الخرطوم لسه بهناك
بالمناسبه العبد لله ابعد ما يكون عن الكيزان
لكن مافي شي بيلمني معاهم غير سودانيتي وسودانيتهم ما يغوك كلام المعارضه الفاقده البصيرة
......................................................................
بتهني اجنبي وقوات اجنبيه علي احتلال بلدك يا تراجي!!!!!!!!!
فرقي بين الوطنيه والمعارضه
حاولت كتير ما ارد علي سخفك معاي لكن ده بيمس قيمه اتمني ترجع ليك
لوكانت عندك
| |
|
|
|
|
|
|
|
|
|
Re: نحن والاخرون جيشنا للقتال قادرون (Re: Tragie Mustafa)
|
انت غبي وللا شنو
إنتو أقدروا أكلوا شعبكم أول بعدين تعالوا إتفاصحوا
دمرتوا بلدكم ########توا روحكم
الآن فقط ثبت إنو حوار مع مقاطيع زيكم لن يجدي
خطتكم بقت مكشوفه وكما قال الرئيس تاني يانحنا في جوبا وللا إنتو في الخرطوم
نشوف البنتصر منو
| |
|
|
|
|
|
|
|
|
 Re: نحن والاخرون جيشنا للقتال قادرون (Re: waleed dawash)
|
..
| Quote: نحن والاخرون جيشنا للقتال قادرون |
..
غريبة انو تراجي قالت مع الجيش السوداني اريتريين وتشاديين ..
وانت حسع دي من داخل هجليج .. معاكم اخرين قلتو .. ..
لكن امتع حاجة انو من داخل هجليج دي ..
اهــا
حسع بعدما تجي . ح تكتب لينا من داخل هجليج برضو .. واللا من راس بيت هجليج .. واللا من خشم باب هجليج ..؟
| |
|
|
|
|
|
|
|
|
|
Re: نحن والاخرون جيشنا للقتال قادرون (Re: tmbis)
|
غايتو يا دوت مجاك
اهو ابز الزيك ختاهم لك كلهم في علبهم بشهادته هذه!!
كتب زكريا جوزيف رد على جني الآتي حول تحرير هجليج المزعوم:
Quote:
بالله يا جنى بقيت زول الله ساى. هزيمة شنو و معارك شنو. امشى و شوف ساتلايت بتاع كلونى حيث ان لجيش aالشعبى انسحب من الساعة الثامنة الليلة البارحة "اها اقول لك تحت غطاء جوى اميركى" و الجيش السودانى كان قاعد فى كيلو 23 و خرسانة و بيتناوش مع خلايا صغيرة. الطبخة من مستر ليمان و الصينين و قالو لصاحبك البشير ال اسمارت ان يكف عن ضرب الجنوب و سوف ينسحب الجيش الشعبى و قالو له ارقص لو عايز. كيف يحرر هجليج و كلها منشات بترول و خطوط انابيب.
حتى الجيش الشعبى لم يهزم الجيش السودانى لانهم فروا قبل قدومهم الى المدينة و اظنهم كانوا خائفهم من ان تنفجر عليها البترول و الكيميات.
ابلد من الجنوبين مافيشين و اذكاءكم الله لم خلق مثلهم!!! |
| |
|
|
|
|
|
|
|
|
|
Re: نحن والاخرون جيشنا للقتال قادرون (Re: Tragie Mustafa)
|
| Quote: كتب زكريا جوزيف رد على جني الآتي حول تحرير هجليج المزع |
ياتراجي
زكريا جوزيف يكتب ما يكتب
او بالاصح فليكذب كما يكذب
وزكريا جوزيف ما نبي عشان تشيلي كتابتو
تحومي بيها البوستات كلها
الناس اتجرسو وجرو عدييييييييييل
وتاني في دق بس
| |
|
|
|
|
|
|
|
|
|
Re: نحن والاخرون جيشنا للقتال قادرون (Re: 7abib_alkul)
|
زمان مالكوم اكس قال في محاضرة من محاضراته القوية أن (العبودية تكمن في عقل الرجل الأسود)
هو يعتقد ذلك أنه (عبد) ولكن لو تحرر منها فهو ليس بعبد لأنه انسان سوي كامل له عقل ودم وروح
لمن يجي دوت مجاك يقول تحت غطاء أمريكي ومن تخطيط المستر ليبرمان تبقى المشكلة هنا
المشكلة أن هؤلاء لن ينفكوا أن يكونوا عبيداً لغيرهم يفكروا لهم ويقرروا لهم ويقولوا ليهم أعملوا كدا يعملوا كدا
لكن نحن يا مستر مجاك لا نخاف من ليبرمان ولا من طائرات أمريكا
والموت عندنا واحد وكمان نحن وجنودنا البواسل نؤمن تماماً أن الموت دفاعاً عن الأرض يدخل الميت الجنة طوالي
وهذا اعتقادنا صدقت به أم لم تصدق ودخولكم هجليج أعطى فرص كبيرة لأناس مشتاقون إلى الجنة ولقاء الشهداء الكرام
أجدادنا العرب الذين نشروا الدين الاسلامي وحرروا البشرية من نير العبودية
انتو خلوكم مع أمريكا وليبرمان ونتقابل قدام يازول
أرمي بعيد يا مجاك والمرة الجاية حا تلقوا كل الشعب السوداني بنسائه واطفاله في جوبا
الصادق
| |
|
|
|
|
|
|
| |
دوت مجاك
walid shingrai
Tragie Mustafa
محمد جلال عبدالله
عمر التاج
محمد فرح
waleed dawash
tmbis
جمال محمود
Medhat Osman
Hassan Makkawi
7abib_alkul
الصادق صديق سلمان
عمر صديق
فيس بوك
تويتر
انستقرام
يوتيوب
بنتيريست