|
الكاميرا حالة كونها دبابة (نجلاء سيد أحمد، من شابهه أباه فما ظلم)
|
الكاميرا حالة كونها دبابة (نجلاء سيد أحمد، من شابهه أباه فما ظلم)
سلام يا بتْ أبُوكْ... يا فارسة فوق مُهْرَ الجَسَارهْ وسلام يا بِتْ أبُوكْ... يالما بتكّسِرْعين صُمُودِك محْطّه السوطْ و الحَقَارهْ لأنو تِيلادِّك بقِيلِّكْ وفي عِيُونْ الناس مَقِيلِّكْ يوم جُموع الشعب تمرُق حارهْ حارهْ وإنتى فخراً لِىّ (بثينة) وإنتى تاج فى راس (أمين) وإنتى نيشان لىّ حبِيبة القلبِ (لارا) وقُدْوهْ للزيّتُونه (يارا) ومعاكْ رفِيقْ هَمِّك حِداكِى وباليقين سانِّدْ قفاكِى بىّ صمِيمْ النُصّرة والحُبّ والجدارهْ ومِليُونْ سلام لِىّ شعبِكْ البِلّهِمْ خُطاكِى على طريق الحقِ ومُسّتنِىّ البُشارهْ مِن (كِمِيرة).... زيّ (قِميرة) تضوِىّ عتّماتْ المّغارهْ تجّهر العينْ العمِّية ْ وتلّهِم النّاسْ الجسّارةْ (كِمِيرة) مِنّ عرقاً حَلالْ داخرِنُوّ لِىّ لُعّبْ الجُّهالْ قاسْمِنُّو مِنّ لُقّمة (كلارا).
يا صبّية، يا أخيّة نِحْنّا راضِينْ مِنْ غُبارْ رِجّليكِى فيّ دربَّ الحقِيقهْ... ومِنْ دِمُوعْ ترمِيها فيّ الكْتِفّ الصّديقهْ يا بنّية عفَّية زيّ وردَّ الحدِيقهْ (يا بَنُونّه) ويا (مِهِيّره)، (أمانِيّ رِينَاسْ)، (فاطنه بتّْ أحّمَدْ) ويا كُلّ البِمدّنْ لِىّ شُراعاتِنْ ويجُوسَنْ فيّ الفضَاءاتْ الطّلِيقه سَّيّ أبِشّرِيّ.....سَّيّ أبِشّرِيّ وهِزّيّ رايةَ الحقّْ وأدِفْرِىّ.. يا حبِيبة...ويا صّديقةْ ومِدِّي في السِكّة وأقِـدّلِىّ واسّنِدِىّ الميّيلْ وأعدّلِيّ وأنشُرىّ الوعّي البّصارهْ وبىّ (كِمِيرة) زيّ (قِمِيرة) هِزِّىّ عرْشَ الظُلّمْ...واكِشّفِي وعَرِيّ بالصُوّر الزّفْارَهْ ورُدِّي دينْ الكادِحِينْ... والشُهدا .... والنّاسْ الفّقارى. عافِي مِنِّك... وقامتِى بيكْ تَطّوّلْ.. لأنِكْ ماشّا في الدّربّْ (البِوافِقْ صُوت حوافْرِكْ) وبِتّشيِىّ عيّنْ الضُّلّمَه عُنّوة وبىّ أضْافرِكْ وبِىّ عيون تلك (الكميرة) تنفتح للشمس كُوّهْ وتتردم فى الدربِ هُوّهْ ودمِّك الدّلقُـوّ العساكِرْ هدية ... عربون للأخوهْ لِىّ وطن ساكِن في خاطْرِكْ في يُومْ قرِيبْ نبنيه سووا وينقشع زمن المساخِرّ ويضوي نور الحق يبِينْ والعَدْلّ يزِينْ الدُنّيا باكِرْ ودمّك الدّلقُوّ العساكِرْ وكتّفِكْ الشايِّل المآثِرْ جروحُو دّبُورهْ ووِسَامْ ما أصّلُو منّذُور للمخاطِرْ وفي سبيل (نادُوس) هواكِىْ حَتّْ رِوِيحتِكْ وخُوفْ جناكِىْ ما خَسَارا وما خَسَارا وما خَسَارا.
(أخوك إتى أم فعايِّلِاً ما طَقّ لِهَاة) راشد سيد أحمد
|
|
|
|
|
|