|
|
|
 Re: شكرا للاخت عفاف الصادق ( اكرمها الله ) (Re: ismeil abbas)
|
Quote: لأخت/عفاف الصادق بابكر......ربنا يحفظها ويمتعها بالصحة والعافية..لكى نتخطى ألأحزان لابد ان نمر ببوابة الصبر.
الله يعينك أختى.. شكراً أخى الشبلى.والتحايا لكم. |
الغالى اسماعيل ود عباس ... كيفك انت وكيف احوالك وكل المعاك
كتر خيرك وتسلم يارب ..
والله يا اسماعيل يا اخوي امتحان صعب صعب صعب الحصل ما قادره استوعبه حتى الان ..
لكن اعمل شنو ... قدر الله وما شاء فعل ومافى اعتراض ...
بس الموضوع بدل حياتنا 360 درجه ومهما شرحته وقلته ما بقدر اوصف الحاصل ..
بس الصبر ثم الصبر ثم الصبر ... والرضاء بقضاء الله وقدره ....
تسلم يا اخوي وربنا يحفظك من كل شر ويديك طولت العمر
| |
 
|
|
|
|
|
|
|
|
Re: شكرا للاخت عفاف الصادق ( اكرمها الله ) (Re: عماد الشبلي)
|
Quote: لمحتها
مشاركة في بوست الاخت ماجدة عوض خوجلي
شكرا لهما
بالصبر نتخطي المواقف الصعبة |
بنات خوجلي مهما قلته فيهم لا اكفيهم حقهم ... ما قصروا معاي فى كل المحن ... ربنا يطول عمرهم
وفقد الخوه حاااار وكله يا عماد ياخوي جربناهو فقد الام وفقد الاخت وفقد الزوج ...
والله كل فقد طعمه براهو .... الحمدلله على كل شيئ
ربنا يصبرهم على فقدهم العظيم والله فقد الاخ قطعه من قلبك واتقطعت ..
أسأل الله ان يرحمهم جميعا وان يلزم اخواتى بنات خوجلى وماما جاره الصبر الجميل ..
والله مافى شيء غير الصبر ان شئنا او ابينا الصبر وبس ...
وربنا يجعلها اخر الاحزان ...
وما يحرمنا من بعض يارب
| |
|
|
|
|
|
|
|
|
|
Re: شكرا للاخت عفاف الصادق ( اكرمها الله ) (Re: عماد الشبلي)
|
Quote: بنات خوجلي مهما قلته فيهم لا اكفيهم حقهم ... ما قصروا معاي فى كل المحن ... ربنا يطول عمرهم
وفقد الخوه حاااار وكله يا عماد ياخوي جربناهو فقد الام وفقد الاخت وفقد الزوج ...
والله كل فقد طعمه براهو .... الحمدلله على كل شيئ |
الاخت عفاف
بنات خوجلي نعم البنات ويستاهلو كل خير
وربنا يصبرهم
اجمل ما في السودانين انهم لبعض
في الثراء والضراء
والحمد لله
| |
|
|
|
|
|
|
|
|
Re: شكرا للاخت عفاف الصادق ( اكرمها الله ) (Re: عماد الشبلي)
|
Quote: كنت موقن
انك بقوة هذا
الكلام واكثر واكثر .... |
تعرف يا الشبلي ياخوي الحصل لي ده طبعا شيء لابد منه ومافى منه مفر نهائي ....
لكن لمن ما تكون واضع فى الحسبان الاقدارحا تعمل فيك شيء فى يوم من الايام تقبلك للامر بكون صعب ...
غايتو الحمدلله على كل شيء ... لكن كانت مفأجاة داويه ..
تعرف لمن امشي السودان وازور طارق فى مقابر بري طبعا ده بكون اول مشوار من المطار ..
او ل ما اقيف فى قبره بسألو واقول ليهو لي يا طارق فاجأءتنى ؟ .... استغفر الله ... استغفر الله ...
| |
|
|
|
|
|
|
|
|
|
Re: شكرا للاخت عفاف الصادق ( اكرمها الله ) (Re: عبدالله ود البوش)
|
Quote: الاخت عفاف الصادق
سلام وتحية واحترام
المصيبة كبيرة ولكن عشمنا في صبرك الكبير
فشكرا لك لتجاوزك للمحنة ونحن شركاء معك في مصيبتك
حزنك احزننا وتجاوزك طمننا وعيالك سندك قوتك تمدهم قوة فلاتجزعي والله معك
. |
مولانا ود البوش
تحية عطرة
وشكرا علي الكلام الطيب
وجعلنا الله جميعا من الصابرين
| |
|
|
|
|
|
|
|
|
|
Re: شكرا للاخت عفاف الصادق ( اكرمها الله ) (Re: محمد عبد الماجد الصايم)
|
Quote: كراً للأخ عماد الأديتنا طاقه نحيي بيها أختنا الدره أم الدره
أم الدره ليل ولا أولادك حبنا وأحترامانا وتحيانا وربنا يحفظم ويرعاكم ويلمنا بيكم قريب إن شاء الله
الحمد لله على ما اراد
حباب في البورد |
محمد يا ود عبدالماجد الصايم .... انشاءالله انت طيب وكل الاسره ...
مشكور يا محمد على الاتصال والسؤال والله انا سعيده جدا بوجودكم فى حياتى ...
تسلم يا الغالى من كل بلاء ..
تحياتى لكل الحلوين المعاك
| |
|
|
|
|
|
|
|
|
|
Re: شكرا للاخت عفاف الصادق ( اكرمها الله ) (Re: عبدالعزيز حسين عبدالرحيم)
|
Quote: كراً للأخ عماد الأديتنا طاقه نحيي بيها أختنا الدره أم الدره
أم الدره ليل ولا أولادك حبنا وأحترامانا وتحيانا وربنا يحفظم ويرعاكم ويلمنا بيكم قريب إن شاء الله
الحمد لله على ما اراد
حباب في البورد |
عبد العزيز ..... كيف إنك ياخ .... والله مشتاقوووووووووون ..
تسلم يا عبد العزيز يا اصيل والله انت ما قصرته وكل الحبايب فى عاصمة الامارات ... تسلمو لى كووولكم
وجزاكم الله كل الخير يارب ...
| |
|
|
|
|
|
|
|
|
|
Re: شكرا للاخت عفاف الصادق ( اكرمها الله ) (Re: عماد الشبلي)
|
Quote: المهم
طمني الزميلات
وازملاء
علي الصحة والعافية
انشاء الله
|
انا بخير والحمدلله و درة وحمودي بخير وصحة جيده
شويه شويه اتفهمو الحاصل وانه الموت لا بد منه ولازم يكونو قويين فى المحن ...
دائما بقولو لي يا ماما نحن التلاته لابد من واحد فينا يمشي يوما ما ..
والحمدلله بقراءة القران والمحاضرات اتفهمو انه لازم يتجاوزو المحن ..
والحمدلله مستواهم الاكاديمي ما تغير هم الاوائل الاوائل ... رغم وفاة طارق قبل اسبوع من الامتحان الاخير ..
لكن الحمدلله رب العالمين الامور مشت تمام ..
كل حبايبي وحبيباتى ... نحن بخير والحمدلله ...
وبنتهز الفرصه واشكركم كووولكم لانه والله ما مر علي يوم وإلا استقبلته مكالمه من حبايبى والحمدلله ..
شكرا تانى يا الشبلي
| |
|
|
|
|
|
|
| |
عماد الشبلي
ismeil abbas
عفاف الصادق بابكر
محمد عبد الماجد الصايم
عبدالله ود البوش
هاشم نوريت
فيس بوك
تويتر
انستقرام
يوتيوب
بنتيريست