|
|
 هروب عروس من شقة العسل ليلة الزفاف
|
Quote: هروب عروس من شقة العسل ليلة الزفاف
فوجئ عريس بإختفاء عروسه في الليلة الاولى لشهر العسل ، بعد ان استأذنته الذهاب لعروسة أخرى في الشقة المجاورة ( عشان تستلف منها بخور )
غير انها غادرت الشقة بلا رجعة .
وعثر العريس على عروسه بعد اربعة ايام بأحد احياء امدرمان بصحبة شاب كانت تربطه بها علاقة سابقة فإقتادهما العريس المصدوم سويا لقسم الشرطة ، التي استكتبت الشاب تعهداً بعدم التعرض للعروس ، نظير تنازل العريس عن أي إجراءات ضده ، واصطحب العريس عروسه مجدداً لشقته لقضاء عسله متمنياً ألا يعكر صفوه (بخور) .
|
المصدر:-حكايات
|
|
 
|
|
|
|
|
|
|
|
Re: هروب عروس من شقة العسل ليلة الزفاف (Re: بلدى يا حبوب)
|
وامراة تبحث عن عريس توجد صور
Quote: جيهان - أقوى امرأة في العالم : أنا رومانسية .أتمنى عريسًا يقدر حبي للمصارعة ..
قالت المصرية جيهان مصطفى الحاصلة على لقب أقوى شابة في العالم، بفوزها ببطولة العالم 9 مرات في مصارعة الذراعين النسائية،
منها 4 مرات متتالية؛ إنها سعيدة بهذا التتويج العالمي، ولكنها في الوقت نفسه تبحث عن زوج يقدر هوايتها بعد فشل زيجاتها الأولى.
وقالت جيهان (31 عامًا): “أنا مطلقة بعدما انفصلت عن زوجي بسبب غيرته من شهرتي. وأنا أتمنى الزواج بشخص يقدر طبيعة هوايتي، خصوصًا أني رومانسية وعطوفة جدًّا عكس ما يبدو من شكلي الخارجي”.
واستطردت جيهان التي تعيش يتيمة منذ 15 عامًا بعد وفاة والدها وقبله والدتها: “سأكون مع زوجي مجرد سيدة فقط، لا بطلة العالم في مصارعة الذراعين”.
|
وامراة تبحث عن عريس
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: سجيمان)
|
اشمعنى الركشة "صالحة للإستخدام" وبتأكل عيش؛ والعروس لأ؟
انتو بتعرّسوا ليه أصلو؟
انا متأكد انو الخيارات كانت صعبة جداً للأطراف التلاتة ... تعال يا بتاع "الحب من طرف تالت" شوف الجماعة ديل ...
شباب عاقل وواعي وبيشوف الدنيا بمعايير مختلفة عن أجيالنا بتاعة إدمان الفشل ...
اتمنى ليهم بيت مال وعيال وربنا يهدّي سرهم انشالله ...
... المهم ....
| |
|
|
|
|
|
|
|
 Re: هروب عروس من شقة العسل ليلة الزفاف (Re: محمد سنى دفع الله)
|
عريس كبر دماغه ,
او لعله من النوع اموت ولا اخليها له ساكت
اربع ايام غياب , لم تشر الصحيفة لتفاصليها ...
ازمة حقيقية لازالت تواجه هذه الزيجة !..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: نادر النور آدم)
|
من الله خلقنا في الدنيا دي وخلقكم شفت ليكم زول ريالتو سايلة لحد رجليه بعرسو ليهو ؟؟
هذا الشخص لديه عوارة غير طبيعية 00 انا لا اتحدث طبعا عن العريس بل عن زولنا
والله لدرجة ترسلو الديوان يقوم يمشي الادبخانة
والجماعة لمن قرروا يتزوجوا ليهو كان محتارين سنتين
مين اللي بتقبل برجل بهذا الشكل
يعني بكل بساطة ممكن العوير دا تختف مرتو من قدامو وتمشي بيها
وبعد كل دا يقوم يصفق ليك !!!
طبعا بعد العوارة واليرالة كمان هو { الجن } يعني ما بيعرف يتكلم كويس
الغريب في الأمر واحدة جميلة وبت ناس وافقت على الزواج
لدرجة انو الناس طوالي قالوا اكيد الزولة دي ما طبيعية
المهم صاحبك عرس
والريالة بدأت تنشف وتقل شوية شوية
بعد سبعة شهور من الزواج العروس كانت مع اقاربها
ورجعت متاخرة تقريبا الساعة التاسعة مساءا
وعمنا ماشاء الله اغلق كل الأبواب
وهي تطرق من باب الى باب
ومن شباك الى شباك
فرد عليها 00
البحليك تتحاومي زي العنماية شنو { الترجمة 00 البخليك تتحاومي زي الغنماية شنو }
وحلف بالتكتلو انو ما يفتح ليها الباب
بل زاد على ذلك : ان ساء الله تددت مترة { ان شاء الله تدقك مطرة } !!!
وفعلاً دقتها المطرة حتى احتمت باحد الجيران
والله العظيم الحلة كلها وماجاورها كانوا يحنسون في هذا المخلوق بان يسامح الزوجة
وكان متمسكا برأيه أن الزوجة حينما تطلع لابد ان تعود باكرا
ودي مشت للبخور
وقعدت تتحاوم اربعة ايام مع شاب
وتم العثور عليها !!!
وتم الزام الشاب بكتابة تعهد
وبعد دا كلو رجعوا لإكمال شهر العسل
الله ياخي يدينا زي برووووووووووووووود هذا العريس !!!
غايتو لو رجع لنفس الشقة يكون بالغ عديل
لازم يمشي لشقة منفصلة مافيها بخور بيشحدوووووووووووووه !!!
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: امير عوض الجمري)
|
| Quote: وعثر العريس على عروسه بعد اربعة ايام بأحد احياء امدرمان بصحبة شاب كانت تربطه بها علاقة سابقة فإقتادهما العريس المصدوم سويا لقسم الشرطة ، التي استكتبت الشاب تعهداً بعدم التعرض للعروس ، نظير تنازل العريس عن أي إجراءات ضده ، واصطحب العريس عروسه مجدداً لشقته لقضاء عسله متمنياً ألا يعكر صفوه (بخور |
تحياتي للجميع
عرفنا العريس العوير المسنوح المرخرخ دا تنازل عن حقه . بس وين الحق العام وهل للمتهم أي أسباب تجعله محصناً من المساءلة العامة .
بحيراوي
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: امير عوض الجمري)
|
عروس شنو الما شايله معاه بخور وماشه شهر العرس دي جابوها مربوطه بحبل ولا شنــو
وخلوا العويــــر
أبوها وامها واخوانه رأيهم شنـو ؟؟؟؟؟؟؟؟؟؟؟
وهذا أوله أخرها حيكون شنــو ؟؟؟
الأنسان بحس الأشياء دي من خيال جريدتي حكايات والدار لأنها قصص شبه خياليـه وكانها مادة لإجتذاب الجمهور من أجل الشراء
وياحليــل سودانا .. شقه وشهر عسل وبخـور وشحده من أول يوم شهر عسل وبعد اربعة يوم بصحبة عاشق قديـم أفلام خياليـة
طيب الأربعة يوم دي الحصل فيها شنــو.. زولنا دا بدل ما كان يمشي الشرطة أول مفروض يمشي الفحص الطبي ؟؟؟؟
نقـول ممكن تكون دي ريــده للدرجـة دي ما نظلم العويــر.. عاشـق ولهان مهما كان
معقـوله يابلـــد
أبومصطفى
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: المسافر)
|
سبقتني يا كيغا 2000.. عروس جديدة ماشة تشحد بخور من الشقة المجاورة..؟ والعريس رضيان يشحدوا ليهو البخور؟
اها ان شاء الله كمان كان في الخطة تشحد معاه مبخر بجمراته؟ ياخي السيناريو بتاع البخور ده بايخ شديد..
لو العروس دي عرسوها في اوروبا كان نقول الناس خافت من الدخاخين ما سوت البخور... ل
كن عروس معسلة في الخرطوم من غير بخور؟ دي ما بتنبلع.. اها ان شاء الله العريس شال من راسو حكاية البخور اب زوغة ده؟
قال بخور قال. شوفوا لينا يا ناس سيناريو يدخل الراس غير البخور ده.. التقول ما شة تشحد بخور صندل...
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: حليمة محمد عبد الرحمن)
|
يا جماعة
بخور شنو
دي مكنة ساكت
هي ما لقت راجل معاها
مشت تشحد راجل
لقته
السؤال
في امدرمان دي
البقت مليانة بيوت وناس من دنقلا ولحدي جبل اولياء
العريس ده لقى العروس دي كيف
لو ما هو عارف محلها وين
ما بيمشي ويلقاها
حقو ناس البوليس يشغلوا العريس ده في قسم البحث عن المفقودين
عشان يلاقو الطفلة بانة الليها سنة ما لاقينها
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: جمال السنوسي)
|
- لو نحينا جانباً أن القصة "منجورة" وتعاملنا معها على إنها واقع:
ما عارف محاول احلل نفسيات العريس "الأهبل : العوير : الدلاهة : الـ ..... "
ممكن من الرواية الضعيفة دي نستنتج:
- الفتاة كانت على علاقة بأحدهم ، والزوج يعلم بهذه العلاقة قبل أن يتقدم إليها.
- تقدم الرجل وربما ضغط أهل الفتاة عليها لتتزوجه.
- الرجل يبدو أنه من خلفية دينية (لأن قصة ساقها معاه شهر العسل تاني وكأن شيء لم تكن؟، تذكرك بقصص الكتب عن العافين عن الناس البقولوها الشيوخ في المساجد ديك).
- هربت الفتاة إلى بيت حبيبها الأولاني. والزوج يعرف المكان. لذا تمكن من العثور عليها بسرعة.
- هو أصلاً يعلم أنها على علاقة بأحدهم ورغم ذلك اراد الزواج منها. فعشان كدا سكت. وقال خلاص لقدام بتنسى.
---
فيا ناس لو سمحتو : ما تعرسو حبيبات الناس التانين :)
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: Kabar)
|
غايتو الرقيب ده طلع عينا ظاتو...!!!
طبعا كنا نتمثل قول العريس:
ببقى صريح معاكا..
اقول ليك بأمانة..عمليتك ما ظــريفة.. دي حركتك جبـــــــانة..!
غايتو الظروف ما معروفة..انا متضامن مع العريس و اهديه نزار المهندس (لأنو بحكي حكاية العريس من الألف للياء)..
صحي كده ، انتو بتعرسو حبيبات التانين ليه؟.....
كبر
ــــــــــ
الرقيب شطب كلمة (جبــــــانة)..
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: Kabar)
|
يا اخوانا في الموضوع دا كلو ( صاحب الحق راضي شن دخل القاضي ) ....
المشكلة انو يكون ناوي لشر دا اذا كان انسان سوي طبعا وسوف تكون الكارثة اكبر لانو ممكن يروحو الثلاثة ضحايا ...
________________________
غايتو حاجة تحير الما بحتار ..
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: محمد مختار جعفر)
|
| Quote: ان شاء الله لقت البخور؟؟؟؟ |
صديق الموج ، الله يلعن شيطانك !!!
أضحكت من يبكون !!!
***************************
كتب احد الزملاء:
| Quote: يمكن خايفه من البتاع |
وعلق عليه زميل آخر:
| Quote: والمخلوق المشت إتدست عندو أربعة أيام داك ما عندو بتاع ؟ |
والله عيب يا شباب ، قليل من الحياء ، معنا أخوات في المنبر ، الكتابة في النت تختلف تماما عن كل انواع الكاتابات !!!
الكتابة على الورق ، تحترق ، تغرق ، تتمزق ، تلتهمه دابة ، تحرقه الشمس ، يذوب ، يزول ، إلخ .....
الكتابة على الجدار يمكن ان يمحوه الطلاء ، لا يمكن نسخه ولصقه وإقتباسه ، يزول بالمطر ، بالرياح ، بالتراب ، بإتكاءة محتار !!!
والكتابة على الشبكة تنتشر بلا حدود او قيود مسجلة ما لك وما عليك ، والعداد شغال ، كم من ميت يكتب بيننا ونتناقل ما كتب وهو عنا بعيد لا نعرف حاله.
وصدق من قال:
وما من كــاتب إلا سيفنى … ويبقى الدهر ما كتبت يداه
فلا تكتب بكفك غير شىء … يسرك يوم القيامه ان تراه
أرجو من أصحاب مثل هذه العليقات ان يراجعوا ما يكتبون لأسحب إقتباساتى تبعا لهم.
تحياتي
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: ولياب)
|
العريس دا غالبا ما يكون Cuckold
و لا اعتقدان كانت كلمة ديوث العربى تفى تماما بمتطلبات ترجمتها للعربية
و هو الشخص الذى يجد لذة ما فى تخيل او مشاهدة زوجته فى ممارسات جنسية مع اخرين
و قد يكونون بكامل قواهم الجنسية
و بعضهم يستخدم ال cuckolding كوسيلة لاشعال الاثارة الجنسية
ما يؤكد هذه الفرضية هو رد الفعل المتهاون تجاه غياب العروس لمدة اربعة ايام بلياليها
و سهولة عثوره عليها: اذ ربما ركز البحث فى منطقة سكن عشيقها او ربما ذهب اليه مباشرة
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: عوض محمد احمد)
|
تذكرت خبراً منشوراً هنا قبل شهور قليلة وأبحث عن البوست الآن:
الخبر يقول أن عروساً اختفت من شقة شهر العسل لمدة أيام ثم وجدها ذووها لدى إحدى الأسر السودانية وذكرت لهم أنها تاهت ووصلت إلى بيت تلك الأسرة.
هل هي نفس القصة ؟
هل توضحت حقائق جديدة في القصة وتمت إعادة نشرها.
أو كل ما تم هو نجر قصة جديدة مستوحاة من تلك القصة؟
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: صديق الموج)
|
Quote:
يا جماعة أرجوكم خذوا دائماً النصف الملىء من الكوب
يمكن العروس دى مشت تجيب البخور وشالتا نـ...................................................ـة
كملوا النقط بالحروف الناقصة حسب حسن او سوء ظنكم،،،، |
نسمة
يا نسمة يا جاية من الحبيب
| |
|
|
|
|
|
|
|
|
|
Re: هروب عروس من شقة العسل ليلة الزفاف (Re: وضاحة)
|
Quote: نسمة
يا نسمة يا جاية من الحبيب |
المسافر قربت يلا حود شمال او اخد يمين ايو ايو على رأى يونس شلبى
غايتو خيبت سوء الظن العريض..
عموماً الناقصات حرفين محل النقط وما بقدر اساعدكم اكتر من كده،،،
| |
|
|
|
|
|
|
| |
بلدى يا حبوب
محمد البشرى الخضر
Hani Arabi Mohamed
سجيمان
تبارك شيخ الدين جبريل
نادر الفضلى
صديق الموج
محمد سنى دفع الله
شهاب الفاتح عثمان
المسافر
اسماعيل عبد الله محمد
نادر النور آدم
ابوحراز
امير عوض الجمري
البحيراوي
keiga2000
حليمة محمد عبد الرحمن
جمال السنوسي
نوفل عبد الرحيم حسن
Ashraf el-Halabi
كمال ادريس
نجلاء قرافي
Kabar
علاء الدين حيموره
محمد مختار جعفر
ولياب
وضاحة
فايزودالقاضي
فيس بوك
تويتر
انستقرام
يوتيوب
بنتيريست