كتب الكاتب الفاتح جبرا المتوفرة بمعرض الدوحة
|
|
 يا بوردابيات ويا بوردابيين ... متشكرين ومقدرين!!
|
بعد التحية ليكم ولصاحب هذا الحوش الواسع أود أن أطلب منكم طلب وهو كالتالي:
بعد ما أصبح هذا الحوش هو متنفسنا الوحيد خاصة بالنسبة لينا نحن المغتربين الحوش ده بقى وطنا التاني يعني وطنا الإفتراضي الذي حل محل وطني السودان الضيعوه الكيزان... بنتلاقى فيه وبنسلم على بعض من مسافات بعيدة من أركان الدنيا الأربعة نهني بعضنا ونعزي بعضنا .... الخ الخ .. شماراتنا فيه وثقافتنا فيه وتفريج همومنا ومعاناتنا كذلك... بدون ما يجي واحد يقول ليك أنت جنسك شنو ولا قبيلتك شنو ولا هويتك شنو.... يعني ماخدين راحتنا ع الآخر... لذلك طالما الأمر كذلك لي رجاء خاص أرجو مراعاة عدم تقبيح البورد ببعض الممارسات الغير محببة حتى يصبح هذا البورد مثل عالم زين جميل بأهله وموضوعاتو " طبعا زين عالمها جميل من إتجاه واحد... عارفنه أه؟؟" ... ومنها على سبيل المثال لا الحصر:
1- ترك سياسة الإغراق ... وهي تتمثل في ضخ كميات كبيرة من البوستات بفترات متقاربة جداً مثل الذي حدث مع أخونا ذواليد.. بالجد لو عايز أرش البورد ده كل يوم بعشرات البوستات لما كلفني ذلك كثير عناء
2- زي ما عارفين الأكل لمن يبيت لأيام كتيرة ببوظ وحتى لو ختيته في التلاجة بمسخ لذلك البوستات البتاخد زمن زيادة من اللازم مافي لزوم ليها لأنها بتصبح بايتة وبايرة وما نقعد نرفع فيها نرفع فيها ( مرمي الله ما بنرفع) عشرات المرات، خاصة تلك التي لا تتمتع بحضور كبير ولا أهمية قصوى وأكل عليها الدهر وشرب
3- تحري الدقة في النقل والإستوثاق ، يعني الواحد ما يشوف ليه حاجة أو يسمع بيها وجري على سودانيز أون لاين يقول كدي النقشر بالموضوع ده
4- بعدين أبعدونا من القطيعة في الناس والضرب من تحت الأحزمة وتصفية الحسابات الشخصية
5- نتيح الفرصة لعودة أقلام رصينة ويعول عليها آثرت الإبتعاد بحجة أنه البورد بقى فيه الغث أكثر من السمين
6- ترك خداع القراء بعناوين جذابة وبراقة ولكن بمضمون فارغ زي واحد كتب فلان مين موش عارف خليفة البشير وفي النهاية قال بحلم!!! أو واحد يكتب ليك " فضيحة كبرى" عشان يلم بيها الناس طبعاً الناس بتحب الفضائح وكده تجي جارية بالآلاف ....
المهم الحاجات كتيرة وممكن الناس عندها ملاحظات أكثر ولو إتبعنا شروط وسياسة البورد ممكن الناس تتحاشى كتير من هذه الممارسات... وبكدة يبقى عالمنا أجمل .... يا بورداب ويا بوردابيين متشكرين ومقدرين
|
|
 
|
|
|
|
|
|
|
|
Re: يا بوردابيات ويا بوردابيين ... متشكرين ومقدرين!! (Re: الطيب مصطفى)
|
خلينا حدنا في الحبيب بس
والله الباقي دا شعراً ما عندنا ليهو رقبة
والوارد في أخرو دا زاتو كان انفكينا منو ما بنابا
المهم علامات تبارك
يشهد الله زعلان منك
عارف
الواحد اشتاق لي
مالك منقطع النظير
يا اخي بتحسسك بي حاجات كويسة
وكدا يعني
المهم (تاني)
كيف أخبارك والعيال والريال (أقصد الرياض)
| |
|
|
|
|
|
|
|
|
Re: يا بوردابيات ويا بوردابيين ... متشكرين ومقدرين!! (Re: بله محمد الفاضل)
|
الأخ كمال ياخ انت ذاتك إزيك وكيف حالك لينا زمن ما سمعنا ولا شفنا منك لا على الشرق الأوسط ولا سودانيز أون لاين كنت ياخي عندك ريبورتات ماتعة بالجد والله ما مجاملة والله إمكن أنا الماقاعد أقرأ؟؟؟؟
حبيبنا بلة ما سعل منك بلا... والله جدة واحشانا وناسا وبوردابها وجوها الحلو طول السنة بخلاف جو الرياض بإستثناء هذه الأيام لك تحياتي مثنى وثلاث ورباع لك وللعائلة الكريمة
اما حكاية الأديب والشعر دي أرجو أن تفرق بين التواضع والثقة بالنفس .. وفقك الله
| |
|
|
|
|
|
|
| |
بله محمد الفاضل
كمال ادريس
فيس بوك
تويتر
انستقرام
يوتيوب
بنتيريست