|
|
|
 Re: إلي مجدي مع التحية !! (Re: أمين محمد سليمان)
|
مداخلات لا حصر لها و بعض ماسنجرات و أرقام تلفونات متبادلة ... لم نتحدث ابدا و لم اتشرف بلقاءه ... إذن لما هذا الحزن الساكن فيني منذ رحيله ؟
لما كل هذا الوجع و الالم الذي يعصر المقل ؟
| |
  
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
كان أجملنا و أطهرنا و أكثرنا بهاء و نقاء ...نسمة باردة في حر هذا المكان القائظ و دعوة صادقة لما يجب أن نكون عليه : لا يهاتر لا يخاشن و لا يخوض في وحل الخصومة و الفجور مثل ما نفعل ...
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
فلنترحم علي مجدي بدعاء صادق و بقلوب خاشعة في صلواتنا ... و نترجم وجعنا عليه إلي عمل :
صدقة جارية نبث فيها حزننا و نصله بها تماما مثل ما كان يفعل
صدقة جارية نخرج فيها أحسن ما عندنا تماما مثل ما كان يفعل
صدقة جارية يشترك فيها الكيزان و المناضلين ... الصوفية و السلفيين ... الأصدقاء و الفرقاء ... سكان المنبر و عابري سبيله ... نتوحد فيها ... تماما مثلما كان يفعل
صدقة جارية نرسلها إلي مجدي مع التحية ...
فهلا تداعي الناس بالاقتراحات ؟!
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
الاخ امين محمد سليمان
تحياتي الطيبة
الاخ المرحوم انتقل الي والدا احن واحب له منا وهذا ما قاله الاستاذ الشهيد محمود عندما فقد ابنه الوحيد محمد الذي غرق في النيل الازرق برفاعة
واستشهد بها الدكتور منصور خالد قائلا ان الاستاذ محمود بفقده لابنه الوحيد مع ذلك قدم صبرا عظيما ورضاء بالقضاء والقدر
مجدي احمد الشيخ كل المنبر رجال ونساء عدد محاسنه وحلو تعامله وادبه منذ ان كان طالبا في الطب او في الحلفاية او بحري عموما
وكان صاحب هوايات ومحب للرياضة والفنون
رحمه الله واحسن اليه فستبقي سيرته الطيبة
العزاء لاسرته الصغيرة زوجته وعياله والي اسرته الكبيرة وللصحاب
الدنيا تبقي للفرد منا بحسن التعامل وترك اجمل الخصال في القلوب ومساهمة في مساعدة خلق الله
بالتصدي لابعاد الاذي عن الجميع وان يتحسن لسان المرء في القول
المسيح عليه السلام قال السوء البيطلع من الفم مش البخش الفم
الامنيات بان يغفر ربنا لمجدي ويرحم كل العالمين يا رب العالمين
| |
|
|
|
|
|
|
|
|
|
Re: إلي مجدي مع التحية !! (Re: khaleel)
|
| Quote: كان أجملنا و أطهرنا و أكثرنا بهاء و نقاء ...نسمة باردة في حر هذا المكان القائظ و دعوة صادقة لما يجب أن نكون عليه : لا يهاتر لا يخاشن و لا يخوض في وحل الخصومة و الفجور مثل ما نفعل ... |
Quote: يعني ماممكن الزول ينزل بوست بمنتهى الخباثة الفي الدنيا قاصي بيهو لملاسي
يدخلوا ليهو في اول مداخلتين أنقى وأنضف ناس في الدنيا |
دي مداخلتي قبل وفاته بيومين أنا برضو بفتكر إنه كان أنقى وأنضف زول في الدنيا
وندمت فعلا إني ماعرفتو شخصيا
معاكم يا أمين في الانتو تتفقوا عليهو
مجدي فقد غالي
الله يرحمه
| |
|
|
|
|
|
|
|
|
|
Re: إلي مجدي مع التحية !! (Re: Sabri Elshareef)
|
| Quote: الاخ المرحوم انتقل الي والدا احن واحب له منا وهذا ما قاله الاستاذ الشهيد محمود عندما فقد ابنه الوحيد محمد الذي غرق في النيل الازرق برفاعة |
اخي صبري الاف التحايا واحر التعازي في
اخونا مجدي ...
رجاء سحب العبارة اعلاه التي تقول ( والدا احن ) ...
| |
|
|
|
|
|
|
|
|
|
Re: إلي مجدي مع التحية !! (Re: العوض المسلمي)
|
Quote: التعازي للجميع يا بروف
أنا شخصيا مشاركـ في أي نتيجة يطلع بيها البوست دا |
واعتقد ان فكرة الاخ محمد المسلمي بخصوص الثلاجات فكرة ممتازة
وعملية ويمكن تنفيذها بسرعة واجر الماء عظيم .....
ياريت لو محمد المسلمي باسرع فرصة ممكنة يورينا سعر الثلاجة كم
وطوالي اى زول راغب في المساهة يحول مساهمته للمسلمي واقترح ان
ينسق المسلمي مع اخونا بدرالدين اسحق (راجل هميم وعملي) في اختيار
المدارس التي توضع بها الثلاجات.
| |
|
|
|
|
|
|
|
|
|
Re: إلي مجدي مع التحية !! (Re: omer osman)
|
سكنت معه فى نفس المدينة لعام كامل وسمعت عنه من زميلنا فى العمل قبل ان اراه,حتى الان اذكر تعليقه
قال عنه"فى زول رحل هنا اسمه مجدى, راجل شيخ عرب ياخ" قابلته بعدها وفتح لى ابواب منزله هو وزجته
الاخت رحاب, كم استضافنى فى منزله "تعال اتغدى معانا يا معز" حين اتعلل بالتعب كان يحمل طعامه وياتينى,بيته
يكاد لا يخلو من الضيوف طوال العام. وقفاته بجانبى لا تحصى ولا تعد ,لم يحدث ان قصدته فردنى خائبأ ستظل افضاله
دينأ تطوق عنقى الى يوم القيامة.
كان يحمل هموم الغير قبل همه واياديه ممدودة بالخير دومأ لكل محتاج سواء هنا فى الغربة او فى السودان (لولا معرفتى
بانه يكره ان ياتى احد بسيرتها لذكرت العديد منها)
اقدر فجيعتك فيه يا محمد عبد الماجد الصائم اذ كان دائمأ ما يذكرك بالخير وكم حكى لى عنك
ربنا يرحمه بقدر حبه للخير والناس ويصبر رحاب ويتولى اولاده بعنايته امين يا رب العالمين.
معاكم فى اي خطوة.
معز حجاز
| |
|
|
|
|
|
|
|
|
|
Re: إلي مجدي مع التحية !! (Re: Elmuiz Haggaz)
|
الأخوان
الصايم
محمد المسلمي
خليل
معتصم
العوض
جنابو عمر
المعز
و الاخت راوية
سلام و بارك الله فيكم جميعا
إقتراح محمد المسلمي جميل و واقعي و زي ما قال جنابو عمر لو تكرم محمد و جاب لينا أسعار التلاجات ( بتركيبها و ترحيلها ) عشان نحدد عددها يكون ما قصر ...
اقترح إنها تتركب في المدارس الدرس فيها المرحوم و يتكتب عليها ( وقف لروح المرحوم مجدي أحمد الشيخ ) عشان كمان لو في زول شرب و دعي ليهو يصله الدعاء باذن الله ... كما و اقترح أن نرسل مساهمتنا للاخ العوض ربنا يجزيه عنا و عن مجدي خير الجزاء
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
تحياتي للجميع
معاكم قلبا" و قالبا" إن شاءالله و فكرة تلاجات الموية دي فكرة عظيمة بس لو سمحتو لي عندي
إقتراح بسيط لتعديل اماكن وضع التلاجات ، أقتراح توزيعها علي المستشفيات بكون افيد و اكثر
أجرا" ، بالجد يا جماعة انا شفت بعيوني كيف الناس في السودان في المستشفيات بحتاجوا لي
موية باردة و ما لاقين !! كيف الاهل بجوا الزيارة شايلين التلج مسافات طويلة و بالمواصلات !!!!
و العجب لو المريض دا جاي من حتة بعيدة و ما عنده اهل و اقارب في الخرطوم معناها بس يشيل كوزه
أو جكه و يجوم علي ناس العنبر كلهم عشان يلقي ليه كباية موية باردة ترد ليهو روحه !!
شئ مؤسف جدا" و يوجع القلب بالجد و انا من تجربة شخصية السنة الفاتت وعدت نفسي متي ما ربنا
يقدرني بنفذ الفكرة دي و بعمل لي تلاجات في المستشفيات صدقة جارية ..
آللهم المستعان و يااااربي ترحم مجدي و تجعل مثواه الجنة
| |
|
|
|
|
|
|
|
|
|
Re: إلي مجدي مع التحية !! (Re: heba Elmahi)
|
الأخوة المشاركون السلام عليكم ورحمة الله
اتصلت بوكيل شركة كولدير وكانت الأسعار كالاتي
1- تلاجة كولر 10 قدم 1800 جنيه شامل الضريبة وضمان خمسة سنة
2- وتلاجة كولر12 قدم 2210 جنيه شامل الضريبة وضمان خمسة سنة
شامل التوصيل للموقع
| |
|
|
|
|
|
|
|
|
|
Re: إلي مجدي مع التحية !! (Re: heba Elmahi)
|
سلام يا شباب
انا شايف انو الناس ما تكتفي بالتلاجات بس ..
مرة و خلاس كلو زول يكسح!
بعد كم سنة تبقى اثر من بعد عين ..
مكتبة
دار رعاية (لأي فئة)
جمعية خيرية/ثقافية
المهم انو يكون مستمر .. و تظل شعلة الامل و الخير البذلها و غرسها الراحل متقدة
تستلهم الخير الكامن في قلوب الناس .. زي ما كان بشوفو مجدي .. حتى فينا نحنا ديل!
سلام و سلام لروح مجدي في عليائها
| |
|
|
|
|
|
|
|
|
|
Re: إلي مجدي مع التحية !! (Re: احلام وهبي)
|
الحزن عم البوادي و الحضر ..
رحم الله أموات المسلمين جميعا"
إستعجلوا لينا يا جماعة فعمل الخير يغسل الحزن من القلوب ، أنا عن نفسي
جأهزة لأي تكليف للتنسيق مع من يود المشاركة من بورداب واشنطون ، و أرشح
برضو العمدة عبدالله عبدالله لحسن علاقاته الاجتماعية مع الجميع للتنسيق مع كل
من يود المشاركة في هذا العمل النبيل
:
:
:
:
:
:
:
:
و فوووووق
| |
|
|
|
|
|
|
|
|
|
Re: إلي مجدي مع التحية !! (Re: قيقراوي)
|
سلام للجميع
شكرا يا هبة و قيقا علي الاقتراحات و يا أبو المسلمي علي الأسعار ... و يا بدر و أحلام علي الدعوات ...نسال الله أن يتقبل من الجميع
شخصيا اؤيد إقتراح هبة باعتبار إنو كمية الناس البتحتاج لموية باردة في المستشفيات أكتر بما لا يقاس من المدارس .... بالنسبة لاقتراح قيقا بحاجة دائمة و مستمرة فده كلام جميل و دي الفكرة الأساسية و في البال جناح المرحوم خالد الحاج في مستشفي الأطفال لكن الحاجات دي - فيما أري - دايره دعم كبير و مستمر و هذا ما لا أراه هنا .... لو ما عملنا حاجة و سريع كمان .... التلاجات دي ذاتها ما بتتعمل ... فاري إنو نعمل التلاجات و ممكن واحدة أو اتنين يمشو لمصحة شمبات دي ذاتها ... طبعا ده رايي الشخصي لكن لو الناس رأت أي راي تاني فمعاكم باذن الله ...
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
| Quote: كان أجملنا و أطهرنا و أكثرنا بهاء و نقاء ...نسمة باردة في حر هذا المكان القائظ و دعوة صادقة لما يجب أن نكون عليه : لا يهاتر لا يخاشن و لا يخوض في وحل الخصومة و الفجور مثل ما نفعل ... |
اسال الله ان يوسع مدخله وان يتقبله قبولا حسنا
التعازي الحارة مجددا لاهله واصحابه
لك التحية يا بروف
انا لله وانا اليه راجعون
| |
|
|
|
|
|
|
|
|
|
Re: إلي مجدي مع التحية !! (Re: عمر عبد الله فضل المولى)
|
Quote:
بالنسبة لاقتراح قيقا بحاجة دائمة و مستمرة فده كلام جميل و دي الفكرة الأساسية و في البال جناح المرحوم خالد الحاج في مستشفي الأطفال لكن الحاجات دي - فيما أري - دايره دعم كبير و مستمر و هذا ما لا أراه هنا .... لو ما عملنا حاجة و سريع كمان .... التلاجات دي ذاتها ما بتتعمل ... فاري إنو نعمل التلاجات و ممكن واحدة أو اتنين يمشو لمصحة شمبات دي ذاتها ... طبعا ده رايي الشخصي لكن لو الناس رأت أي راي تاني فمعاكم باذن الله ...
|
ليه ما بتراه هنا؟
انا برضو قلت ما قلت و في بالي تجربة عنبر خالد الحاج
و ما اشبههما في كتير من وجوه حب الخير للناس .. و حب الناس
و حب الناس لهما ..
نسمع رأي الباقين
| |
|
|
|
|
|
|
|
|
|
Re: إلي مجدي مع التحية !! (Re: قيقراوي)
|
الأخوان أسامة و عمر ... بارك الله فيكم و تقبل دعائكم ...
-------------
ما شايفو يا قيقا حسب شوفي ... إنت كان شايف ختني معاك أول زول ... أخاف إنو نكبر الأحلام و ما نعمل حاجة لا كبيرة لا صغيرة ... لكن زي ما قلت (نسمع رأي الباقين ) ..
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
| Quote: لكن زي ما قلت (نسمع رأي الباقين ) .. |
هم وينهم الباقين ديل ؟؟؟ عاوزين نبدأ خطوة عملية
Quote: شكرا يا هبة و قيقا علي الاقتراحات و يا أبو المسلمي علي الأسعار ... و يا بدر و أحلام علي الدعوات ...نسال الله أن يتقبل من الجميع
شخصيا اؤيد إقتراح هبة باعتبار إنو كمية الناس البتحتاج لموية باردة في المستشفيات أكتر بما لا يقاس من المدارس |
بالجد يا جماعة و صدقوني رغم إنه من سمع ليس كمن رأي أنا شفت كيف الناس بتتعب وراء كباية موية نضيفة و باردة و الكلام
دا في مستشفي احمد قاسم الممكن يكون من المستشفيات الكويسة في الخرطوم و اقل ضغطا" فما بالك مثلا" بمستشفي الخرطوم ولا الشعب
ولا مستشفي امدرمان ولا مستشفي امبدة داك ولا حتي مستشفي في الاقاليم ؟؟؟ صدقوني الاجر حيكون اكبر لانه عدد المستفيدين اكبر و اشد
حوجة من طلاب المدارس ، المدارس بقت كلها قريبة للبيوت و الطلبة الحمدلله كلهم بكامل صحتهم و عافيتهم و كلهم ساكنين مع اهلهم في بيوتهم
ما زي المريض و المرافق الجايين من اخر الدنيا عشان يفتشوا العلاج في الخرطوم و ضواحيها !!
ساعدونا بالمعلومات المفيدة ، الدولار عمل كم في السودان يا ود المسلمي ؟؟
تحياتي لكل من رفع كفه سائلا" الله رحمة و غفرانا" لمجدي و لجميع موتي المسلمين
تحياتي لكم جميعا" وسلاما"
| |
|
|
|
|
|
|
|
|
 Re: إلي مجدي مع التحية !! (Re: heba Elmahi)
|
بورداب واشنطون الكبري و المناطق المجاورة الدعوة مقدمة لكم جميعا" للمساهمة في هذا
العمل الانساني عسي و لعل يشفع لينا يوم لا ينفع مال ولا بنون !!
مع كل الامنيات ان تتوسع هذه الفكرة و تبقي نوأة لعمل خيري غير منقطع
حتي بعد إنقطاع عملنا في الدنيا.
تعالوا نسابق بورادب السعودية و ناس الخليج و نثبت ليهم إنه ناس امريكا
برودة الجو و الجليد ما قست قلوبهم و لسة بفكروا في أخوانهم الاحياء منهم و الأموات.
رقم تلفوني متاح عند غالبية بورداب واشنطون و الما عنده يرسل لي رسالة
في الماسنجر ..
| |
|
|
|
|
|
|
|
|
 Re: إلي مجدي مع التحية !! (Re: محمد المسلمي)
|
خلونا نحوّل الموضوع من طور الاقترحات للتنفيذ
ولو بأقل الأشياء الممكنة
شخصيا مستعد لتلقي مساهمات الرياض أو المملكة عامة
تلفوني 00966505347474
حساباتي في (سامبا .. العربي .. الأهلي)
من أراد المشاركة إرسال sms وسيتم تزويده بأرقام الحسابات!
_
اللهم لا سهل إلا ما جعلته سهلا
| |
|
|
|
|
|
|
|
|
|
Re: إلي مجدي مع التحية !! (Re: محمد عبد الماجد الصايم)
|
Quote: شخصيا مستعد لتلقي مساهمات الرياض أو المملكة عامة
تلفوني 00966505347474
حساباتي في (سامبا .. العربي .. الأهلي)
من أراد المشاركة إرسال sms وسيتم تزويده بأرقام الحسابات!
|
و انا حساباتي في Bank of America و Wells Fargo
و عندي زول مسافر خلال 10 أو 15 يوم خلونا نستفيد من فرق العملة و تقليل
مصاريف التحويل علي أن يسلم المبلغ للأخ عوض / محمد المسلمي
:
:
:
:
:
:
:
:
:
:
فوق لعناية الجميع
| |
|
|
|
|
|
|
|
|
|
Re: إلي مجدي مع التحية !! (Re: heba Elmahi)
|
سلام بروف امين وضيوفه الكرام
زي ما قال ودالصايم خلونا ندي النجيضة اولا في موضوع الجمع للمال لمقترح محمد المسلمي المعدل بمقترح هبة الماحي
وهو شراء ثلاجات للمستشفيات خاصة ان المدارس هذه الايام تبدأ اجازتها السنوية الطويلة
وفي راي ان نبدأ المرحلة الاولي بشراء عشرين ثلاجة توزع علي خمس مستشفيات
وللمعلومية حسابي في امدرمان الوطني وفيصل الاسلامي
وده رقم جوال لاستقبال اي تبرع من خلال الرصيد 0900606005
وعلي بركة الله نبدأ
اللهم اغفر لمجدي وادخله اعلي الجنان ووفق اخوان واصدقاء مجدي للخير
| |
|
|
|
|
|
|
|
|
|
Re: إلي مجدي مع التحية !! (Re: قيقراوي)
|
سلم للجميع ...
يبدو إنو الناس اتفقت علي الاتي :
تلاجات في المستشفيات ..
ناس السودان يدو مساهماتهم لمحمد المسلمي أو العوض
ناس السعودية يرسلو للصايم
ناس أمريكا لهبة
----------
لو في زول في الامارات أو أي لندن أو أي مكان فيهو بورداب تبرع باستلام مساهمات الناس في منطقتو نكن له من الشاكرين و لصنيعه من الممنونين ...و جزي الله الجميع كل الخير
----------
بالمناسبة يا قيقا
بكري رفع البوست لساعات و بعدين نزلو
| |
|
|
|
|
|
|
|
|
|
Re: إلي مجدي مع التحية !! (Re: مها عبد الله)
|
الحمد لله وحده ونسأل الله الرحمة والمغفرة
لأخى وزميلى الوفى الدكتور مجدى .. كم كان فقده فاجعة وفقـــد ليس لأسرته وحسب
ولكن لنا جميعا زملائه وكافة أبناء السودان الذى أحبه ...
وإن كنا لا نملك الا أن ندعو ,, بعد الرحمة له والصبر الجميل لأسرته ,, فإننى أدعو الجميع
للوقوف مع هذا الإقتراح أملا أن يكون صدقة جارية له ..
| |
|
|
|
|
|
|
|
|
|
Re: إلي مجدي مع التحية !! (Re: طه كروم)
|
لكم ما تشاؤون من الافكار ...
لكن ..
المرحوم له ايادى سابقات على ابناء سكان شمبات
عايزين تكون سيرتـه عامرة على لســان كبارنا
ويشكل قدوة ونموذج يحتذى لابنائنــا
عندنا فى شمبات الحلــة 4 مدارس اساس بين و 4 مدارس بنات
ناس جامعة السودان لديهم مشروع ثلاجات عبر تبريد المواسير فى شكل بناء دائرى مبنى بالطوب الاحمر
اكثر نقاءاً وصحــى هو ما يبحث عنــه ابناء شمبات وتكلفته شى يسير لا ادرى كم هو !!
ثم لدينــا مشروعات إكمال وبناء فصــل فى احد مدارس شمبات باسم المرحوم بيظل اكثر حضوراً
وربنــا يبارك فى ولده واهله ووالديه ...
| |
|
|
|
|
|
|
|
|
|
Re: إلي مجدي مع التحية !! (Re: بدر الدين اسحاق احمد)
|
سلامات امين.
ممكن استلم تبرعات ناس ايرلندا وما جاورها
واحولها للعوض المسلمى او من ترشحوه.
الموبايل 00353870907751
شايف فكرة تلاجات المواسير عملية اكتر
وبتتجنب مشكلة الصيانة والاعطال في
التلاجات بتاعت الكهرباء. شفتها شغالة
في كم مكان بالسنين.
معز حجاز
| |
|
|
|
|
|
|
|
|
|
Re: إلي مجدي مع التحية !! (Re: Elmuiz Haggaz)
|
Quote:
ثم لدينــا مشروعات إكمال وبناء فصــل فى احد مدارس شمبات باسم المرحوم بيظل اكثر حضوراً
|
دا كلام جيد يا شيخ بدر الدين
بس اتمنى انو تتربط كل الافكار الهنا مع بعض ..
و مسألة يسيرة جداً ..
ليه ما يتم انشاء جسم وليكن نفس الاسماء الاقترحت هنا يتواصلوا مع بعض و يتدارسوا آلية لجمع التبرعات و يدرسوا الاقتراحات الهنا ويحددوا الاولوليات تبعاً لما يتفقون عليه ..
Quote:
شايف فكرة تلاجات المواسير عملية اكتر
وبتتجنب مشكلة الصيانة والاعطال في
التلاجات بتاعت الكهرباء. شفتها شغالة
في كم مكان بالسنين.
معز حجاز
|
معز اشار لنقطة مهمة كانت مقلقاني من الاول ..
عمل تلاجات تعمل بالكهرباء ما شغلة بعملوها مرة و خلاس
ح تحتاج صيانة و متابعة ..
واحتمال فاتورة الكهرباء ذاتا لو الجهة الاتخت فيها ما عندها قدرة تتحمل عبئه!
ببقى وجود جسم يتابع مهمة جداً
مجرد اقتراح
| |
|
|
|
|
|
|
|
|
|
Re: إلي مجدي مع التحية !! (Re: قيقراوي)
|
Quote: عمل تلاجات تعمل بالكهرباء ما شغلة بعملوها مرة و خلاس
ح تحتاج صيانة و متابعة ..
واحتمال فاتورة الكهرباء ذاتا لو الجهة الاتخت فيها ما عندها قدرة تتحمل عبئه! |
ثلاجات جامعة السودان تم عملها بالتنسيق مع وزارة التربية والتعليم وهى لا تعمل بالكهرباء ..
نظام مواسير بتمر عبر الطوب الاحمر ( هندسسسسسسسسسسسسسسسسسسسسسسسسسسسسسسسه ) يشرحو لينا الثلاجة دا
صحيــة / غير مكلفة ابداً / تمت إجازتها من المجلس القومى للبحوث
__________
آليــة لهذا الجمع الكريم بتكون اكثر تنسيقاً للجهود ..
وهناك اهل خير اياديهم ممدودة لهذا الرجل السابق بالخيرات لــه الرحمــة
| |
|
|
|
|
|
|
|
|
|
Re: إلي مجدي مع التحية !! (Re: بدر الدين اسحاق احمد)
|
شكرا يا معز و مها و طه و نسال الله أن يتقبله فيمن عنده ...
----------
قيقا و بدر ... سلام
أفكاركم نيرة .... و فاهم تماما انكم عايزين تعملو حاجة كبيرة و دائمة ... المشكلة فيما أري إنو إذا مشينا في الاتجاه ده و كبرنا الموضوع و عملناها اليات و لجان و قصص و حكاوي ... ما نعمل أي شئ ...
و بالتأكيد لو يا بدر شفت لينا ثلاجات جامعة السودان دي و فعلا طلعت صحية و تكلفتها أقل...حقو نبقي عليها و نعملها في مستوصف شمبات الأسسو المرحوم و في مستشفيات تانية ...بس أهم حاجة إنو نعمل شئ مهما كان صغير بعداك ممكن الناس تعمل العمل الكبير البتكلمو عنو قيقا و بدر...
| |
|
|
|
|
|
|
|
|
|
Re: إلي مجدي مع التحية !! (Re: احلام وهبي)
|
Quote: قيقا و بدر ... سلام
أفكاركم نيرة .... و فاهم تماما انكم عايزين تعملو حاجة كبيرة و دائمة ... المشكلة فيما أري إنو إذا مشينا في الاتجاه ده و كبرنا الموضوع و عملناها اليات و لجان و قصص و حكاوي ... ما نعمل أي شئ ...
|
أمين تحياتي
الرقم وصل ؟
| |
|
|
|
|
|
|
|
|
|
Re: إلي مجدي مع التحية !! (Re: محمد المسلمي)
|
امس كنت وكان المرحوم مجدى حاضراً والقوم يلهجون لـــه بالدعاء ..
فى شمبات ...
لحسن الحظ كان معنا د. عبد المحمود من جامعة السودان وبعض من مسئولى اللجان الشعبية
والاخ محمود خلف الله مسئول التعليم بمدارس الاساس بشمبات الجنوبية ( الديم )
طرحت موضوع هذا البوســت ..
وجاءت الاراء كما اسطرها هنا
احببت ان نتشاركها
* ان تكلفة الفصل الواحد وفقاً للمواصفات التى اعدتها ادارة التنمية العمرانية بوزارة الشئون الهندسية
كما يلى 4x8 للفصل البناء بقواعد خرسانية ( اعمدة ) والسقف خرسانــة تبلغ تكلفتها 39 ألف جنية
* تكلفة الفصل الواحد وفقاً للمواصفات التى اعدتها نفس الادارة للفصل الواحد غير مسلح والسقف زنك
تبلغ حوالى 16 - 17 ألف جنيه
( رؤيتى ان هذه التكلفة عالية ولا قبل لنـا فى الوقت الحالى بها - عــلا رحمة الله واسعة )
* الثلاجات تحدث عنها د. عبد المحمود واوضح انها من إختراع دكتور فى جامعة السودان وتمت اجازتها
وتعميمها كنموذج يجب ان يعمم على كل مدارس التعليم فى السودان ..
* تكلفتها قليلة .. ووعدنى بأن يتصل بشخص قام بالتنفيذ ويبلغنى التكلفة المالية ..
___________
قبلنا التحدى كحضور لان يكون لنــا سهم جارى التوافق عليــه بيننــا وسنبلغكم بــه حال الانتهاء منــه
إقتراح ..
كل بورداب دولة مــا يمكنهم لتوافق على مشروع ما وعلى الاخوة بورداب الخرطوم المساعدة بالتنفيذ وتقديم يد العون
يا رب اجعل قبره روضة من رياض الجنــة ...
| |
|
|
|
|
|
|
|
|
|
Re: إلي مجدي مع التحية !! (Re: بدر الدين اسحاق احمد)
|
الاخ محمد المسلمي ... تحياتي
معليش انا كنت قاصداك انت وبالغلط كتبيتة
اسم العوض وياسيدي معليش انتوا الانتنين واحد
وانا اليومين ديل بره الشبكة لانو ولدي سامي الايام الفاتت
طوالي عندو حمي وبكي من غير سبب والله كل يوم في الطواري
وهسة عرفتة انو هو بيسنن وطبعا اختك جديدة في الشغلة دي
والعوض يمشي ويجي بالسلامة وعمرة مقبولة ان شاءالله
ولك احتراماتي
| |
|
|
|
|
|
|
|
|
|
Re: إلي مجدي مع التحية !! (Re: محمد المسلمي)
|
سلام يا بدر و تحيات طيبات ... و ياخي عليك الله سك لينا قصة تلاجات جامعة السودان دي ....
----------
الرقم وصل يا هبة و كتر خيرك
---------
ربنا يوالي سامي بالعافية يا أحلام
| |
|
|
|
|
|
|
|
|
|
Re: إلي مجدي مع التحية !! (Re: jini)
|
تقبل الله الدعاء يا جني ...
----------
طول بالك يا الصايم ... حاسي بال frustration حقك و مشاركك فيه ...لكن علي ثقة إنو طالما النية خالصة القصة دي بحول الله بتتعمل ...
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
| Quote: معقول .. ما قادرين نعمل لينا (تلاجة)؟ |
انا شخصيا" شايفة الاسعار الجابها محمد المسلمي دي مناسبة جدا"
و خصوصا" مع الضمان 5 سنوات دا شئ ممتاز .. خلونا نبدأ يا جماعة
لانه موضوع تلاجات جامعة السودان دا غالبا" حيكون طووويل !!!
تحياتي
| |
|
|
|
|
|
|
|
|
|
Re: إلي مجدي مع التحية !! (Re: heba Elmahi)
|
بدر يا حبيبنا ... ياخي ما تستعجل لينا موضوع تلاجات جامعة السودان ده ... عشان لو القصة دي ما ماشة لقدام... نعمل تلاجات الكهرباء زي ما إقترح محمد المسلمي ... مشكلة العمل الزي ده إنو كل ما الوقت يمر عزيمة الناس بتفتر ... فياخي الله يرضي عليك أصل لينا لنهاية الفلم ده سريع
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
| Quote: بدر يا حبيبنا ... ياخي ما تستعجل لينا موضوع تلاجات جامعة السودان ده ... عشان لو القصة دي ما ماشة لقدام... نعمل تلاجات الكهرباء زي ما إقترح محمد المسلمي ... مشكلة العمل الزي ده إنو كل ما الوقت يمر عزيمة الناس بتفتر ... فياخي الله يرضي عليك أصل لينا لنهاية الفلم ده سريع |
| |
|
|
|
|
|
|
|
|
|
Re: إلي مجدي مع التحية !! (Re: heba Elmahi)
|
هبه / امين
االله يقدرنى ..
بيبحثو لى عن الزول البينفذ التصميم ...
والموضوع دا بيبقـى بحول الله وعونــه ..
بى البورداب بيبقى ..
بلا البورداب بيبقى ..
بناس شمبات بيبقى ..
انا برأى ان شاء الله بسويهو ..
ليكم على ان شاء الله اجيب ليكم الصور هنا وتكلفتها بالجنيــة والمدة الزمنية لتنفيذها قبال الخميس ان شاء الله
ربنا يرحم الغالى مجدى ..
| |
|
|
|
|
|
|
|
|
|
Re: إلي مجدي مع التحية !! (Re: Amani Al Ajab)
|
ياجماعةالبقيتو عليهو معاكم
تلاجة
مظلة
عنبر
له الرحمة والمغفرة ولكم حسن العزاء
كان يحب الناس فاي عمل يسعد الناس هو فكرته واي عمل يصب في منفعة الناس هو حلمه
مكانه في عال الجنان بين الصديقين والشهداء
وسلمت يا امين محبتي يا خال
| |
|
|
|
|
|
|
|
|
|
Re: إلي مجدي مع التحية !! (Re: محمد سنى دفع الله)
|
أماني و السني ... تقبل الله دعائكم و انزل علي مجدي سحائب رحمته ...
---------------
يا بدر .. الخميس ما بعيد بحول الله ... في نفس الوقت و بغض النظر عن انها تبقي ثلاجات جامعة السودان أو ثلاجات كهربائية نحتاج إرسال المساهمات عشان أول ما الناس تحدد... القروش تبقي جاهزة و ناس السودان يشرعو في التنفيذ ...
| |
|
|
|
|
|
|
|
|
|
Re: إلي مجدي مع التحية !! (Re: عبدالفتاح أبوشيمة)
|
فتاح أبو البنات السمحات ... تقبل الله دعائك ياخي ...
--------------
بالنسبة لناس قطر ... عمر بوب حا ياخد مساهمات الناس و يرسلها لمحمد المسلمي ... نسال الله أن يتقبل من الجميع ...
--------------
الاتنين خلص يا بدر و دخلنا في التلاتاء .. الخميس إن شاء الله فضل ليه يومين ... عندها لا تقبل أعذار بتاتا ...
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
الاخ البروف امين والاخوان المشاركون السلام عليكم ورحمةالله
في اتصال من الاخ عمر بوب تبرع بقيمة تلاجة وسوف اقوم باستلام المبلغ غدا ان شاءالله
ـــــــــــــــــــــــــــــــــــــــــــــــــــــــــــــ
الاخ عمر نقبل الله منكم وعفوا لذكر التبرع ولكن لكي يتسابق الاخوان
في فعل الخير ومواصلة الصدقة الجارية للراحل الحبيب الدكتور مجدي
| |
|
|
|
|
|
|
|
|
|
Re: إلي مجدي مع التحية !! (Re: أمين محمد سليمان)
|
الحمد لله البوست فتح معاى ..
قابلت أ.د. عبد المحمود اليوم فى جلسة شمباتية وفقاً لاتفاق سابق حول الموضوع ..
قابلت اليوم أ. خالد محمد عبد الله مدير مدرسـة اساس بالشعبية جنوب معاذ بن جبل واطلعت على الثلاجتين
فى المدرســة ..
وتعملان حتى اليوم بصورة جيدة دون اى اعطال لمدة 9 سنوات .
وكانت التكلفة فى ذاك الوقت 2100 جنية ونفذها الدكتور صاحب الاختراع من جامعة السودان شخصياً
اليوم التكلفة تبلغ حوالى ( 3000 الى 3300 جنية لللاجة الواحدة )
افادنى د. عبد المحمود ان استخدام المواسير القلفنايز فيها بعض المخاطر من ترسب الصدا عليها من الداخل
وانه يوصــى ان نستخدم الكولر العادى مع تكلفته التشغيلية الكهرباء
التزمت للاخ محمد المسلمى ان نذهب بحول الله يوم السبت لاستلام ثلاجة + ثلاجات اخريات
اذا تمت الموافقة من قبلكم
وستكون الكولر ..
على ان يتم التوزيع رؤيتى ..
المراكز الصحية شمبات / الحلفايا / الدروشاب / الكدرو / الشعبية / الختمية
لتوفر الكهرباء بها بإعتبارها مراكز صحية حكومية ..
وربنا يوفق
إتفقت مع بعض من اهل شمبات على ان نلتزم بثلاجة واحدة من النوع لفخار فى مدرســة الصافيـة ( دا مدرسة اساس فى شمبات اسمها هكذا )
مع الدعوات لكم بالتوفيق
اللهم ارحم الحبيب مجدى فى الصالحين
| |
|
|
|
|
|
|
|
|
|
Re: إلي مجدي مع التحية !! (Re: بدر الدين اسحاق احمد)
|
Quote: على ان يتم التوزيع رؤيتى ..
المراكز الصحية شمبات / الحلفايا / الدروشاب / الكدرو / الشعبية / الختمية
لتوفر الكهرباء بها بإعتبارها مراكز صحية حكومية ..
|
مشكور علي المساعي الطيبة يا بدرالدين بس ليه انتو مصرًين علي المراكز الصحية و المدارس ؟؟؟
المراكز الصحية دي مش برضو وسط الحلة ؟؟ في زول قاعد يبيت في مركز صحي ؟ في ناس بتجئ من الاقاليم
تتعالج في المراكز الصحية ؟؟ يا جماعة الخير المستشفيات الكبيرة أجرها أعظم لانه الناس هناك محتاجة
اكتر !! عدد المرضي و المرافقين يفوق المقدرة الاستعابية للمستشفي نفسه دا غير إنه اصلا مافي إهتمام
بتوفير الاحتياجات الانسانية و علي راسها مياه شرب نقية و باردة !! والله العظيم انا لو علي الناس تعمل
مواسير ( حنفيات ) العاااادية دي لانها برضو بتوفر موية نضيفة علي الاقل ، الناس في المستشفيات دي لا لاقية
موية تشرب ولا لاقية موية تتوضأ و كلو كوم و الحمامات كوم تاني نتيجة لعدم وجود مياه
الله يرضي عليكم خلونا نودي الصدقة الجارية دي محل الاجر الاكبر و ربنا يتقبل صالح الاعمال
__________
بدرالدين إنت طبعا بتكون بتتعالج تبع الجماعة في مستشفيات خاصة
و ما حصل شفتا الكلام الانا بقول فيهو دا صاح ؟؟ ( وش بهزر والله )
جزاك الله عنا خير الجزاء ما قصرت والله
| |
|
|
|
|
|
|
|
|
|
Re: إلي مجدي مع التحية !! (Re: heba Elmahi)
|
سلام للجميع والرحمة والمغفرة للصديق مجدى....
انشغلت عن البوست باحزانى الخاصة على صديق اخر (د.عثمان الهادى) وتفاصيل الحياة الاخرى
الاسبوع القادم (من الاثنين ولى قدام) سارسل مساهمات السودانيين هنا (لتركينى مدينة صغيرة بايرلندا
يتواجد فيها عدد لا باس به من اصدقاء مجدى).
و الى مجدى في عليائه.
| |
|
|
|
|
|
|
|
|
|
Re: إلي مجدي مع التحية !! (Re: Elmuiz Haggaz)
|
سلام للجميع ...
شكرا بدر و هبة و المعز ...
شخصيا أتفق تماما مع كلام هبة إنو الصدقة الجارية تمشي محل الاجر الاكبر و اللي هي المستشفيات ... لكن في النهاية الراي راي الناس كلهم و بالذات ناس السودان باعتبار إنهم عارفين أكتر مننا ... المهم الان أن تجمع المساهمات و تتحول للسودان عشان الحاجه البتفقو عليها الناس تتعمل .. و نسال الله أن يتقبل ..
--------
أحسن الله عزائكم يا معز و رحم الله دكتور عثمان و تقبله قبول حسن ..
| |
|
|
|
|
|
|
|
|
|
Re: إلي مجدي مع التحية !! (Re: Elmuiz Haggaz)
|
تحياتي د. المعز حاولت الإتصال برقم موبايلك ، الرقم الذي أرسلته لي بالمسنجر ما إشتغل ! يا ريت ترسل الرقم مرة ثانية
البركة فيكم في وفاة د. عثمان
يا ريت لو البوست يظل عاليا يا بكري
| |
|
|
|
|
|
|
|
|
|
Re: إلي مجدي مع التحية !! (Re: heba Elmahi)
|
ان شاء الله فى ميزان حسناتكم ياجماعة
وربنا يتقبل ما تقومون به كصدقة جارية لروح المغفور له بإذن الله د/ مجدى
ســاقوم بالاتصال بالاخوان العوض او محمد المسلمى للمساهمة فى هذا العمل الجليل ..
وان كان لى رأى بخصوص المستشفيات لانو وارد جدا تطال الثلاجات يد الاهمال كما طالت الاجهزة وانابيب الاكسجين وغيرها من الاجهزة المهمة
تخصيص الثلاجات فى اماكن تحتاجها وتكون عرفت الفقيد وعرفها تجعل من الاهتمام والعناية بها وارد وراجح اكتر من غيرها وبالتالى استمراريتها ,وهو المطلوب ..
اللهم ارحم مجدى واغفر له
| |
|
|
|
|
|
|
|
|
|
Re: إلي مجدي مع التحية !! (Re: محمد عبد الماجد الصايم)
|
سلام يا شباب
استلمت الان مبلغ 1000 جنيه (مليون بالقديم ) مرسل من الاخت مها عبدالله بلندن وهي زميلة في المنبر
نسال الله ان يخلف عليها ويكتب لها في ميزان حسناتها ..
ونسال الله المغفرة لمجدي وان يدخله اعلي الجنان ..
| |
|
|
|
|
|
|
|
|
|
Re: إلي مجدي مع التحية !! (Re: العوض المسلمي)
|
Quote: استلمت الان مبلغ 1000 جنيه (مليون بالقديم ) مرسل من الاخت مها عبدالله بلندن وهي زميلة في المنبر
نسال الله ان يخلف عليها ويكتب لها في ميزان حسناتها ..
ونسال الله المغفرة لمجدي وان يدخله اعلي الجنان .. |
ماشاءالله و ربنا يتقبل منا و منكم صالح الاعمال
انا بطرفي مبلغ 300 دولار مرسلة من الاخ أمين محمد سليمان
و في إنتظار أي زول عنده الرغبة في المشاركة من ناس امريكا
و المبلغ سوف يتم إرساله مع شخص مسافر الاسبوع المقبل إن شاءالله
Quote: فوق
وموفقين باذن الله |
| |
|
|
|
|
|
|
|
|
|
Re: إلي مجدي مع التحية !! (Re: heba Elmahi)
|
ربنا يوفقكم فى فعل الخير
بس عندى ملاحظه من تجربه...............الكولرز بتاعة المويه عمرها قصير شديد لو قارنتها بحفر الابار......انا حاليا الحمد لله متعاون فى قصة الابار و فى مناطق فى السودان الناس بتمشى اميال اشان باغة مويه
لو عجبكم اقتراح ابار المويه ممكن اجيب ليكم معلومات زيادة
| |
|
|
|
|
|
|
|
|
|
Re: إلي مجدي مع التحية !! (Re: Amin Salim)
|
السلام عليكم ورحمة الله وبركاته
اللهم اغفر لمجدي وارحمه واجعلنا واجعل لنا خير الاخوان وخير الاصدقاء
امين امين امين
....
تم تحويل مبلغ 100 دولار من الاستاذة احلام وهبي (ام السهروردي ) ..نسال الله ان يتقبل منها ويرفعها بها اعلي الدرجات ...
واستلمت الان مبلغ 400 دولار مرسلة من الاخ عمر بوب ..نسال الله ان يوفقه دنيا واخرة وان يخلف عليه بالبركة والتوفيق ..
ومنتظرين مساهمات الاخرين ليبدأ مشروع الي مجدي مع التحية ..والتحية للبروف امين وكل المشاركين ..
| |
|
|
|
|
|
|
|
|
|
Re: إلي مجدي مع التحية !! (Re: محمد المسلمي)
|
سلام يا بروف يا حبيب
المبلغ الموجود حتي اليوم هو :-
400 دولار كاش من عمر بوب
1000 جنيه سوداني من مها عبدالله
480 جنيه سوداني (100دولار امريكي ) من احلام وهبي
وفوق يا شباب ،،،
| |
|
|
|
|
|
|
|
|
|
Re: إلي مجدي مع التحية !! (Re: محمد المسلمي)
|
سلام للجميع ... حقيقة ما كان في داعي لنشر مساهمات الناس ... أعلم تماما انكم فعلتم ما فعلتم إبراء للذمة ... لكن القصة دي عندها جوانب سلبية و ممكن تخلي بعض الناس تحجم عن المشاركة ... فيا أولاد المسلمي و الصايم و هبة و المعز ... ذمتكم عندنا مبرأة من كل عيب ... أرجو عدم نشر أسماء المساهمين ... يكفي نشر المبالغ المتواجدة ...
| |
|
|
|
|
|
|
|
|
|
Re: إلي مجدي مع التحية !! (Re: العوض المسلمي)
|
سلام يا اخوانا ... واقفين وين نحن ؟
--------
العوض يا حبيب ... اتصلت بي واحدة من الأخوات عايزه تساهم معانا .. أديتها تلفونك عشان توريها ترسل ليك القروش كيف و وين من بره السودان
| |
|
|
|
|
|
|
| |
أمين محمد سليمان
محمد حيدر المشرف
محمد عبد الماجد الصايم
محمد المسلمي
khaleel
Rawia
معتصم محمد صالح
العوض المسلمي
omer osman
Elmuiz Haggaz
heba Elmahi
قيقراوي
بدر الدين اسحاق احمد
احلام وهبي
osman abdala
عمر عبد الله فضل المولى
مها عبد الله
jini
Amani Al Ajab
محمد سنى دفع الله
عبدالفتاح أبوشيمة
احمد الأمين على إدريس
احمد التجانى احمد
Amin Salim
فيس بوك
تويتر
انستقرام
يوتيوب
بنتيريست