|
Re: بورداب الخرطوم وضيوفهم في قندهار صور (Re: مزمل خيرى)
|
محمد المسلمى .....ابن عمى سلام
ويحك!!!! اتؤمنون ببعض الكتاب وتكفرون ببعضه؟؟ لا اخفيكم سراً دمعت!! ياخى يشهد الله من اعمق نقطه فى اعماق هذا القلب تحياتى لهذا العب المسمى شول اشوانق او اشواق والاخيرة اكثر صدقاً فالاشواق لهذا الشول بطول النيل او يزيد.. لو راى الغلاة الطغاة هذه الصورة المؤتمر لكفاهم !! الى متى هذه المكابرة يا اصلحكم الله ؟؟؟ محمد المسلمى ومن لف لفه كذب المؤتمريون ولو صدقوا يطول الوقت او يقصر لابد ان يكون السودان هكذا ولابد من هذه الجلسه الهنية الهانئة وليعلم من هو فى شدة ام قيردون ومن هو فى سذاجة ابو الدرداق لكل ارض ايقاع ورزم وكل من يعزف غير لحن الارض سوف يعرض خارج الدارة عاش ابناء السودان .. كما يقال ان الصلصال الذى خلق منه ابونا ادم جمع من جميع انواع طين الارض.. لذا كان هذا التباين فى السحنات وكما قال الخالد فينا حميد: مش ادم ابو البشرية؟؟ اتمنى ان يجلس ابناء ادم فى هذه الرقعه المسماة السودان وهى تسعهم كلهم ولو جئنا بمثلهم مددا ويكفى اقتتال وما من مفاوز ، اذ ليس فى هذه الحروب فائز او مهزوم .. والله لو تبصرتم حكمة الخالق فى الخلق و محاولة سباحتنا ضد تيارها لقنعتم كلنا مهزومون والفائز هم تجار الحروب وباعة السلاح والساسة المتنطعون الغلاة الطغاة.. ولو تأملتم جلست قندهار تلك لعرفتم ان الفائز هوصديقى شول وابن عمى المسلمى والخالة التى تقدم الطعام وابناؤها ومساعدتها وصاحب مصنع الثلج والخضرجى الذى باع السلطه وعامل النظافة وبلدية المنطقه التى تستحصل رسوم هذا المكان والحكومة التى تستفيد من هذه العوائد والفائز الاخير هو السودان.فهل تبغون بديله فائز؟؟ لعن الله المطامع فما قطع اعناق الرجال سواها ويبقى الؤد،،،،،
| |
|
|
|
|
|
|
Re: بورداب الخرطوم وضيوفهم في قندهار صور (Re: بدر الدين اسحاق احمد)
|
Quote: ترمــة .. حبيب نورة دا إلتحف سماء الخرطوم شهر ونيف ولا هببتو ليهو بدخان شيــة عجالى ساكت ( الفيكم إتعرفــت ) |
الحممممممممممممممممد لله الجاتك منك عشان كده الواحد يركز علي العلاقات الشخصية داخل الكيان فقط :)
ترمة ...
بورداب الخرطوم لا موية ليمون ولا هزّة كانون :)
وبعدين اللمة دي كلها دقون وعِمم مالها ؟؟؟
| |
|
|
|
|
|
|
Re: بورداب الخرطوم وضيوفهم في قندهار صور (Re: حبيب نورة)
|
مسلمى اخوان سلامات وتحايا يا حبيب نورة اشكرك بحرارة ياخ
Quote: ترمة ...
بورداب الخرطوم لا موية ليمون ولا هزّة كانون :)
وبعدين اللمة دي كلها دقون وعِمم مالها ؟؟؟ |
وكما يقال والعهدة على الراوى بورداب الخرطوم ديل نهاريات كدا والامسيات كيف تبدو لهم ؟؟؟؟ والتوازن النفسى والعصبى والحسى اى اتزان الروح والجسد ،،، لمة موفقة وسعيد حتى الثمالة
قاسم المهداوى
| |
|
|
|
|
|
|
Re: بورداب الخرطوم وضيوفهم في قندهار صور (Re: حبيب نورة)
|
Quote: بورداب الخرطوم لا موية ليمون ولا هزّة كانون :)
|
لازم تتمها يا حبيب نورة
لاموية ليمون لا هزة كانون
بابكم فاتح وهواكم كاتح
تسلل :
التحية لاهل البوست جميعا والتحية الخاصة الخالصة لصديقي الجميل شول اشول دينق الذي سعدت جدا بالدردشة معه قبل فترة ( فيسبوك)
وها انا اراه الآن في وطنه الكبير يحلم كما نحلم نحن بمليون ميل مربع ووحدة طوعية مرة اخرى
وسوف يعود السودان كما كان
| |
|
|
|
|
|
|
Re: بورداب الخرطوم وضيوفهم في قندهار صور (Re: وضاحة)
|
Quote: تبلدينا لم يطق صبراً نضوج كبدة الأبل .... |
في هذي لن اسامحكم يا بورداب...
كبدة أبل ويشووها؟؟؟
غايتو لسة عندي أمل انها ما تطلع كبدة أبل الفي النار دي...
معقولة يا شيخ العوض؟؟ معقول يا تبلدينا؟؟؟ تشووا كبدة ألبل ما فيكم زول شق سوق تمبول؟؟
| |
|
|
|
|
|
|
Re: بورداب الخرطوم وضيوفهم في قندهار صور (Re: nazar hussien)
|
Quote: معقولة يا شيخ العوض؟؟ معقول يا تبلدينا؟؟؟ تشووا كبدة ألبل ما فيكم زول شق سوق تمبول؟؟ |
كلامك صح يا نزار اكيد ما كبده ابل .. لانو كبدة الابل لو خشت النار تانى ما بتتاكل تبقى قويه جدآ ..
لقيتك خطير يا نزار .... وتحايا لكل البورداب
| |
|
|
|
|
|
|
Re: بورداب الخرطوم وضيوفهم في قندهار صور (Re: حسين عوضاى)
|
فاتتنا والله ..!!
بورداب الخرطوم الكترابا التقول موظفين حكومة.!! بتاجزوا يوم السبت ؟!.. انحنا الشغالين سبعة يوم في الأسبوع نعمل شنو ؟؟!!
طالبنكم واحدة يوم الجمعة ..
الشي التاني ..
وين الجنس اللطيف ..!
الشي التالت شول اشوانق من متين بقيتوهو ضيف شرف بعد ما كان من اسياد الشي زاتا وكمان رئيس بورداب الخرطوم .!!
نزار حسين :
Quote: في هذي لن اسامحكم يا بورداب...
كبدة أبل ويشووها؟؟؟
|
شفت الحنكشة أخر زمن ؟!!
الجماعة ديل لو بس ختو الإيمان في قلوبم وشالوا معاهم كيلو للبيت من الكبدة دي ..وبعد الساعة عشرة يقوم واحد فيهم يغسل الكبدة ويغمسا في دييييييييك يا الدكوة .. ويقطع فيها دييييييك يا البصلة ويحلب فيها ديييييييك يا الليمونة ويختها في نص الطربيزة مع الجبنة والزيتون وباقي البتاعات بيحصل شنو ؟!
تشووها ..!! احيييييييييييييييييييي منكم ...!!
يا شول يا خي وري الجماعة ديل البتاعة دي بيعملوها كيف ؟!!
| |
|
|
|
|
|
|
Re: بورداب الخرطوم وضيوفهم في قندهار صور (Re: منال)
|
بت الابيض دى طبعا ساقكم ليها تبلـ دينا .. مش كدا ؟؟؟ اللحمة دى الا تبلعوها بالجهوية ؟ مافى بت من حلفا؟ من نمولى ؟ من حلايب عشان هبانى يتكيف؟ هو ذااااتو بت لييه ؟ مافى راجل بعمل اللحمة ؟
ـــــــــــــــــ مسلمى انت برضو ما بتحب الوشوش الخدرا ؟
| |
|
|
|
|
|
|
Re: بورداب الخرطوم وضيوفهم في قندهار صور (Re: جمال الباقر)
|
Quote: معقولة يا شيخ العوض؟؟ معقول يا تبلدينا؟؟؟ تشووا كبدة ألبل ما فيكم زول شق سوق تمبول؟؟ |
تعرف يانزار اهلنا فى رفاعة كان عرفوا انو بورداب الخرطوم بيشوا كبدة
الابل بدل مايكلوها نيئه كان دخلوهم كلهم مستشفى التجانى الماحى
مع التحيه لبورداب الخرطوم
| |
|
|
|
|
|
|
Re: بورداب الخرطوم وضيوفهم في قندهار صور (Re: المسافر)
|
يا الخرطوم يا العندي جمالك جنة رضوان ،، وطل عمري ما شفت مثالك في اي مكان ,, التحية لكم اخوتي بورداب الخرطوم وإن شاء الله دائما مجتمعين في خير وعلي خير ،، ودائما تامين ولامين لأنو شايف العدد ناقص الحاصل شنو ؟؟ اها انا جاييكم اول ايام عيد رمضان بس عارفكم هسة نجي تعملوها لينا رحلة مسسيييخخخخخة ذي رحلتكم الفاتت ديك وصلنا المكان الساعة 3 عصرا ورجعنا الساعة 5 عصرا ،، المهم المرة دي قندهار دي لو ما عزمتونا فيها بعزم روحي برااااااااااااااي ..
تحياتي لكم جميعا بدون فرز ,,
ياسر العيلفون
| |
|
|
|
|
|
|
Re: بورداب الخرطوم وضيوفهم في قندهار صور (Re: د.امام الصديق عبد المعطى)
|
بورداب الخرطوم الكرام دائما في خير ووئام ،، اعتذر الكثيرين بسبب العمل واعتذر اخوي معتصم بسبب السفر ورغم ذلك كانت جلسة جميلة سعدنا فيها بالتعرف علي اخوان كرام عمنا عثمان عووضة وضيفه الكريم وزملاء المنبر حاتم ومحمد هاشم وامير فتحي ومونجي وهاني عربي وسعادة اكتر بحضور دكتور امام الصديق ،،، وكان تاخر حافظ بسببه وحده :) وبالناسبة كل زول دفعمساهمته حتي الضيوف :) فعذرا فحال البلد ليست بخير .. واتمني من الاخ حاتم انزال باقي الصور ،،
| |
|
|
|
|
|
|
Re: بورداب الخرطوم وضيوفهم في قندهار صور (Re: nazar hussien)
|
Quote: معقولة يا شيخ العوض؟؟ معقول يا تبلدينا؟؟؟ تشووا كبدة ألبل ما فيكم زول شق سوق تمبول؟؟ |
يا حبيبنا نزار سلام وتحية ناسكـ ديل أظنهم ما سمعوا بتمبول زاتها خلي يشقوا سوقهاكمان ....
قالوا في واحد بتاع كيف في الجبنة لايجامل طلب ليهو جبنة من القهوة لظروف سفره خارج بلده ... وفي أثناء ما بشرب في الجبنة الزول الجنبو كان أنتهى من شراب الجبنة وقام ساط السكر الفي قعر الفنجان ببوز الجبنة بتاعت الحديد ديكـ ... زولنا دا شاف دي إهانة بالغة للكيف فكشح الجبنة واتخارج من القهوة متزمتاً .. لم يكفيه هذا الإجراء فكتب خطاب لصديقه المقرب يحكي له عن ماساته ومعاناته من الحاصل ويشكو اليه غبنه وقلة حيلته على الناس الما كيفيين ... وصل الخطاب لصاحبنا وكان بيشرب في قهوة .. وبعدما وصل لجملة انو الزول ساط القهوة ببوز الجبنة طوالي صاحبنا أنتفض علي حيلو وكشح باقي القهوة في الواطة أحتجاجاً على تصرف الشخص الذي صادف صديقه رغم ما يفصل بينهم من فراسخ ... أها انا هسع تية قربت اطرش كبدة اللبل الأكلتها قبل عشرة سنوات في ضواحي الشواكـ وتمبلو والصباغ .... دي إهانة ما عادية لكبدة الأبل وقدسيتها هههههههههههه من ناس تبلدينا ديل
بورداب الخرطوم دائماً ملمومين في الخير وكل واحد يدبرس من البورد دا لكمتاكم الحلوة دي ترجعوا ويعرف أنو في حاجات حلوة بتحصل بين الناس ... يا تبلدينا سيب شناة الطبع وأحذروا من القونقليز (الحقوق محفوظة لرواية أختنا وضاحة) وشوش خضراء كمية
| |
|
|
|
|
|
|
Re: بورداب الخرطوم وضيوفهم في قندهار صور (Re: حاتم أحمد آدم)
|
إنشاء الله الشية دي تعمل ليكم ،،،
إ
س
هــــــــــــ
إحِم إحِم
والنعمنو كدي لقد فاتتنا شيتكم اللذيذة دي يعلم الله ياخي يلعن أبو الزهايمر ظاتو ياخ الواحد مجوع روحو من يوم نزول البوست في إنتظار اليوم المشهود لكن أهو نسوي شنو بـــــــــس ،،، ظروف خاصة منعتني من ملاقاتكم يا أهلنا ويمكن دي أول مره الواحد يجي ليه لمَّة من لمات بورداب الأون لاين الأنا فيها لا زلت جديد لنننننجي
يا تبلدينا يا أخينا ،،، تعال نعزم الناس دي أقاشي عن يبا ولا قدورة ولا مسرح عروس الرمال ياخ
ملمومين دايماً في الخير والمحبة يا رب نتلاقي في الجايات بمشيئة الله
| |
|
|
|
|
|
|
Re: بورداب الخرطوم وضيوفهم في قندهار صور (Re: وليد محمد المبارك)
|
عندنا مجموعة على راسها واحد هميم ومقدام ذى العوض المسلمى دا ورغم انه أصغر منا سنا الا اننا لا نناديه الا. باسم (عم احمد) لتلك الصفات ----- أنا يوم قلت ليه (يا عم احمد ) اوعة يكون تحت تحت قاعد تزعل من (عم احمد) دى ------ قام قال لى ( أنتو ساهلين المرة فى البيت بقت تقول لى عم احمد )
| |
|
|
|
|
|
|
Re: بورداب الخرطوم وضيوفهم في قندهار صور (Re: محمد أبوالعزائم أبوالريش)
|
هي بالله كبدة الابل بشووها كبده الابل بغسلوها مرتين وبختوها في صحن وهييط وبجيبو عليها كورة دكوه وكبايه شطه وعشره ليمونات وتخمجها بعد داك تضربها بي دمها لمن عرقتك تقطر,ولو كنت بتاع سوائل تمشي تضرب نص عرقي ولا عبارين مريسه ولو كنت زينا تقوم ليك بي بيبيسي حجم عائلي وتبقي متطلب الله.
| |
|
|
|
|
|
|
Re: بورداب الخرطوم وضيوفهم في قندهار صور (Re: محمد المسلمي)
|
Quote: كدي بالله شــوفي محمد عادل ونوفـــل ..
_________________________ الحكـــاية فيها "إنَــه"
|
انا لله حالتو دي قبل اللعب يا احمد
Quote: على حسب قرايتى لعيونن
مكتريين فى القونقليز |
غايتو محمد عادل دا كان بتكلم في الدقيقه تلاته الف كلمه رشاش 42 بس
شكيت محنك يا مزمل
.......................
سعدت بملاقاة جميع الاحباب خاصه اؤليك الذين ألتقيتهم لاول مره افتقدنا كثير من الوجوه حالت ظروفهم دون الحضور
| |
|
|
|
|
|
|
Re: بورداب الخرطوم وضيوفهم في قندهار صور (Re: علاء الدين صلاح محمد)
|
سلام صاحب البوست
وسلام لجميع ضوفه. غايتو الله لا وداكم امريك تشوفو بوردابه. قال تشوفو قال
والله اكبر ماسوره يدخلوك ليها
الا صاحب الحوش ( لضمان سح الباص وورد) لكن ما قصر والله اقلو اتصل وعزمنى حته كده اسمها اريزونا حوالى اربع ساعات من واشنطون بالطياره الكترابه
لكن بورداب الخرطوم ما شا الله عليهم يملو العين ويزيدو يتمطو تشيلهم فوق الراس ولا تفتر منهم
كونو بخير
المهم وتنهدات وتامل وووووووو
الكلام جاب الكلام ومن زمان حارقنى وما لاقى مكان اتفشى فيهو تهو يتحمله محمد المسلمى خلى يسلخوك وانا مانى راد لزول البوست ما حقى
| |
|
|
|
|
|
|
Re: بورداب الخرطوم وضيوفهم في قندهار صور (Re: عمر سعد)
|
Quote: ì ليه ما صورت نفسك عشان نعرف بعد توارد ابنتكم لجين كيف اشتعل راسك شيبا |
هذا ما كتبه زمرآوى لمزمل خيرى (أعاجم) وانا فعلا لاحظت ان مزمل خيرى اندمج او قصد ان لا يصور نفسه فأخذت منه الكاميرا وصورته 3 لقطات وين بأقى الصور يا مزمل ؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: بورداب الخرطوم وضيوفهم في قندهار صور (Re: محمد المسلمي)
|
بورداب الخرطوم ، اللمه الجميله والشيه المدنكله صديقي حاتم احمد ، المسلمي اخوان ، مزمل خيري ، وهبي ، بدرالدين اسحاق، شول،عادل و المخضرم تبلدينا وجميع الاخوان الذين لم تسعفني الذاكره واكن لهم كل الود والاحترام حقيقه بورداب الخرطوم الاصل والاصاله جلسه انيقه ونسه ظريفه ، في ضيافه مخيم بنت الابيض
الما حضر لمه بورداب في قندهار تظل عضويته ناقصه، الحق نفسك الاجازه الجايه تحياتي للجميع وشكرا علي الكرم الفياض دمت في عز وشموخ يا وطن سلام
| |
|
|
|
|
|
|
|