|
Re: صورة من ميدان جأكسون ظهر اليوم (Re: SHIBKA)
|
حسي عليك الله دي صورة يفتحو بيها بوست ياأمبده وقت ماقادر تكلف نفسك وتنزل من عربيتك الفارهه والمكندشه عشان تلتقط للناس صور أجمل كان على الأقل ياخي تتجنب علامة الترخيص الشايله نص الكادر دي حقيقي تصفح اون لاين بقى يرفع الضغط
| |
|
|
|
|
|
|
Re: صورة من ميدان جأكسون ظهر اليوم (Re: محمد فرح)
|
Quote: وقت ماقادر تكلف نفسك وتنزل من عربيتك الفارهه والمكندشه عشان تلتقط للناس صور أجمل كان على الأقل ياخي تتجنب علامة الترخيص الشايله نص الكادر دي حقيقي تصفح اون لاين بقى يرفع الضغط |
سلام يامحمد فرح انت شايفوا سائق عربية مكندشة وفارهة ولا توقع منك ساى؟ كدى ادى امبده فرصة امكن عندو صوره مقلوبة للصوره دى ولشئ فى نفسة انزلها امكن تغير رايك من تصفح الاون لاين ويستقر ضغطك
للاثنين تقديري
| |
|
|
|
|
|
|
Re: صورة من ميدان جأكسون ظهر اليوم (Re: محمد فرح)
|
الصور الواضحة قالو بتجيب هوا يا ..... الاهم فكرة الصورة توصل واضحة. لاحظ فى الصورة فى المداخلة الاولى ان الخطوات واسعة (جرى ولا مشى ما عارف) والاتجاهات متفرقة. مشهد عادى له مدلولات كثيرة.
بعدين نشترى زمن ولا كيف؟ احاول رغم كبد الحياة ورهقها فى الخرطوم ألا انقطع من المنبر قراءة ومشاركة-رغم ضعفها. فتجاوز مشاركاتى يا هذا ولا تتكبد مشقة الرد او المداخلة.
| |
|
|
|
|
|
|
Re: صورة من ميدان جأكسون ظهر اليوم (Re: ombadda)
|
أول مرة أشوف لي سوق سايق عربيتو الفارهـة من الجهة اليمين!!
مشيها يا دكتور أمبدة حبيبنا محمد فرح دا طوووول من الرش
بعدين الفاهة بتاعتكـ دي عبارة عن روزا ولّ شنو مالا المنشة بتاعتا قدر دا!!
| |
|
|
|
|
|
|
Re: صورة من ميدان جأكسون ظهر اليوم (Re: صباح احمد)
|
استاذتنا صباح يا هلا ومرحبا
Quote: الوداك ميدان جاكسون في السخانة دي شنو؟؟ |
أصلو الخرطوم دى الا الشديد القوى. امدرمان وبحرى وبس.
بعدين شايفكم مزرورين زرة شديدة فى بوست عفا الله عما سلف ربنا يفك كربتكم فى البوست داك. وتحياتى للاسرة
| |
|
|
|
|
|
|
Re: صورة من ميدان جأكسون ظهر اليوم (Re: وضاحة)
|
حاجه مضيعانا غير المجامله الكتيره مافي واضح ياأمبده إنو ماعندك أيتها معرفه بفنون الصوره وللأسف أيضاً لايوجد ذوق وتقدير لزوايا الإلتقاط الصور صغيره ولاتعكس أي حاجه وأكيد لم يستفد أي شخص من هذه الصور
الصوره أعلاه مثلاً مفيده لأنها تنقل مشهد واضح المشهد يقول بأن موقف كركر عبارة عن فشل آخر لولاية الخرطوم طبعاً الخضر غير مسؤول عن هذا الفشل لكن نرجو أن يعالج الخلل موقف مشاتر وزحمه وجايط بشكل مبالغ فيهو
| |
|
|
|
|
|
|
Re: صورة من ميدان جأكسون ظهر اليوم (Re: Hadeer Alzain)
|
هلا ومرحبا بالأخت هدير الزين.
بوست مرتضى حصل الصفحة التانية ومتابعتو بعد دة بتكون صعبة ناهيك عن المداخلة. لكن ساحاول جاهدا المرور عليه.
بالمناسبة: Are you awakened?x Toll اذا قريتى نيو ايرث.
وسؤال عن الكتاب فى بروفايلك. عنوان الكتاب مغرى بالقراءة. يا ريت تفتحى بوست وتدينا عن فكرة.
| |
|
|
|
|
|
|
Re: صورة من ميدان جأكسون ظهر اليوم (Re: MOHAMMED ELSHEIKH)
|
.
صاحب البوست ومتداخليه الاكارم
حي جاكسون جزء من _ الخرطوم غرب _ وده حي قديم كان عبارة عن منازل حكومية ايام الاستعمار كان مخصص للموظفين المصريين ... وبعدهم خصصت لموظفين الخدمة المدنية من عدد من الوزاراة والمصالح الحكومية
وبمتد مابين شارع عبد اللطيف حتي مابعد شارع الحرية جهة الجمارك وداخليات كلية الطب ..... ومن شارع السيد عبد الرحمن حتي شارع الغابة
-------
ميدان جاكسون دي الحالة الاستجدت لانو الحكومة طلعت الموظفين الكانو ساكنين فيهوا وهدمت المنازل وفي نيته تبيعه كارض إستثمارية , لكنها أصتدمت بعقبة المجاري ولقت ا عشان تبيع الارض محتاجة تغير شبكة مجاري الخرطوم القديمةو كلها فعملته ( ميدان جاكسون )
تحياتي
| |
|
|
|
|
|
|
Re: صورة من ميدان جأكسون ظهر اليوم (Re: عبد الناصر الخطيب)
|
Quote: ليه سموا جاكسون ؟؟؟؟؟؟؟؟ |
الاخت العزيز وضاحة ...
اورد الاباطيري في كتابه (ازالة العمش من مفردات السودان والحبش ) رواية تفسر اصل اسم جاكسون ويقول انها من شقين ( جاك+ سون ) وهي اختصار لاسم الجاك عوض السيد سون وهو راجل معروف لدى اهل قباتي بنهر النيل ويعتبر اول زول باع زعف في الحتة دي عشان كده سموها باسمه وتم اختصار الاسم بجزء من الاول مع الاسم الاخير ..وسون ده ياوضاحة لو بحتي يمكن يطلع جدك ..
رواية خالد العطا ضعيفة لانه مصداقته عندي مهزوزة لعلاقته اللصيقة بمحمد طاهر ايلا الانقاذي ..
الصور دي تديك احساس الماخدها كان مدسي خلف كرسي العربية ومصورها بكاميرة خاتم .
| |
|
|
|
|
|
|
Re: صورة من ميدان جأكسون ظهر اليوم (Re: ombadda)
|
صورة ما عارف نحتاج نشرح ونوضح ولا فكرة الصورة واااضحة. معليش قبيل مع السخانة والجوضة نزلت الصور -عن طريق الموبايل- وما انتبهت لصغرها ورداءتها الا بعد عودتى للمنزل ومشاهدتها عن طريق جهاز الكمبيوتر.
| |
|
|
|
|
|
|
Re: صورة من ميدان جأكسون ظهر اليوم (Re: ombadda)
|
حسي ياأمبدة لو البوست فيهو غرض سياسي و(كاتبو إنت) (نحنا البخوفنا) شنو انا خشيت لأنو متوقع مادة دسمة ومرقت (ملوص) وفي كثيرين زيك زاحمننا ببوستات لاتسمن ولاتغني من جوع مجرد إستهلاك غير مفيد لزمن المتصفحين وللباندويدث كاميرتك تعبانه ياخي مافي داعي تلخمنا بالصور المجوبكه دي
| |
|
|
|
|
|
|
Re: صورة من ميدان جأكسون ظهر اليوم (Re: ombadda)
|
Quote: عماء يقلع عيونك
قبيح واحد
انا بسال لانى ما بعرف
وما عيب اسال وانا زاتى ما سالتك انت الحشرك شنو يحشرك فى النا |
يا وضاحة السؤال ما عيب وكما يقال عدم المعرفه ضلاام دامس ومن حقك تعرفى ليه الاسم جاكسون وليس بجاكسون فايف مثلا اما الكلام الفوقانى دا زى واحد فول مثلا او كباب واحد لو قلبناها بالهندى او اللاوندى مثلا وكلو معرفه فى تواصل اجتماعى وبعض من هترشات
قاسم
| |
|
|
|
|
|
|
Re: صورة من ميدان جأكسون ظهر اليوم (Re: وضاحة)
|
وضاحة:
Quote: ليه سموا جاكسون ؟؟؟؟؟؟؟؟ |
اقرى رد عبدالناصر الخطيب ورد خالد العطا واختارى الاجابة الصحيحة. أنا ارجح رواية خالد العطا.
بعدين شايفك بتقولى جدك حامد أب عصا دة جدك؟؟؟ حامد أب عصا دة جدى مباشرة .وكذلك الاخت العزيزة نجمة. جعلى عمرابى نزح جدى -عمر كروم- من ريفى ود حامد للمتمةفى بدايات القرن الماضى. وهناك حولية الشيخ حامد أب عصا سنوية بالموردة يحضرها جميع العمراب.
فاحسن تتلمى فى علبك. ولمن تجى داخلة بوستات السيد امبدة تسلمى أول بعد داك تتكلمى
ههههه
| |
|
|
|
|
|
|
Re: صورة من ميدان جأكسون ظهر اليوم (Re: ombadda)
|
محمد فرح... انت كلك علي بعضك كده تعبان (خلي كاميرة د. أمبده) ممكن انتعشم انك ما تزعجنا بوجودك في البورد؟؟؟؟؟ طيب يا اخي خلاص اقطع وشك من البوست ده على الاقل.
ممكن كم يصوتوا انهم ما عاوزنك و تتخاارج من الورد؟ طيب خليها الانتخابات و التصويت، ندفع ليكم كم و تعفينا منك؟
---------- معليش يا د. أمبده و ضيوفه.
| |
|
|
|
|
|
|
Re: صورة من ميدان جأكسون ظهر اليوم (Re: ناذر محمد الخليفة)
|
يا الناس البيستهزأوا من السؤال عن ميدان جاكسون ....
أنا ود الخرطوم أب عن جد عن جد جد ..... إلخ.
بعرف في الخرطوم سانت جيمس وعمارة أبو العلا والـ GMH وفندق الليدو وعمارة المجانين ...... إلخ.
أما المدعو (ميدان جاكسون)، فأول مرة أسمع بيهو في البورد ده، لما بدأ الناس يتجمعوا فيهو كنواة للمظاهرات السنة الفاتت.
شكراً عبدالناصر الخطيب ....
شكراً د. أم بده .... أما (السادة) ... ديل زي (أبو اللصيق) .. ما بتتفك منهم ... عشان كده .. أحسن تطنشهم.
| |
|
|
|
|
|
|
Re: صورة من ميدان جأكسون ظهر اليوم (Re: وضاحة)
|
اقول ليك حامد اب عصا جدى مباشرة وممكن أكتب ليك اسمى بالكامل لغاية العباس رضى الله عنه مرورا بحامد اب عصا وليس اب عصاءة كما تكتبينها. بعدين ما تنجهى البرادو عارفه البرادو تمنها كم فى السودان؟ داير اقول شنو قومى لفى انا االقبلية دى طلقتها طلاق بائن والمنبر شأهد على كدة
| |
|
|
|
|
|
|
Re: صورة من ميدان جأكسون ظهر اليوم (Re: ombadda)
|
Quote: بعدين ما تنجهى البرادو عارفه البرادو تمنها كم فى السودان؟ داير اقول شنو قومى لفى انا االقبلية دى طلقتها طلاق بائن والمنبر شأهد على كدة |
هههههههههههههههه البرادوا المخلوع بيها دى هنا بركبوها التعبانين الزيك ديل لانها رخيصة يا وهم
انا طلعت من السودان وانا طفلة وزورت 17 دولة فى العالم لكن كلهم ما عاجبنى ولا بملوا عينى زى السودان واهلى الحنان وجدودى
انا بتمسك بيها القبلية لى اخر يوم فى عمرى وحا اورثها لى اولادى لانوا الماعندوا جزور ماعندوا اصل وانا بفتخر بابواتى وجدودى
اهلي
العمراب رجــــــال اهل الثبات والركزة مابارو الخماجات والهــــــــويل والنبزة ماتبعو الحريم ما اتعلمـــــــــوها النكزة ساكنين في الجبال اخلاق ملوك مرتكزة
| |
|
|
|
|
|
|
|