كتب الكاتب الفاتح جبرا المتوفرة بمعرض الدوحة
|
سوداجن أونلاين
|
سوداجن اونلاين
إنت بتضحك مع منو؟ بضحك مع النت ... الجنون فنون ...
بعديها ... الجن بداوا كعبة الاندراوة ... بعديها الله أعلم .. يمكن طه بعشر ... الجلوس في الكمبيوتر ممل وصعب ... ولكن هناك بعض المواقع التي تروح عن النفس بين الفينة والأخرى ... أنا أزعم أن سوداجن أونلاين دي واحدة منها .. قطامة حد الفاس .. مدرسة في المزاح ... فوق الحزام .. وتحته ..
تجي داخل وبراءة الاطفال في عينيك داير تتكلم في السياسة .. يخشو عليك باكين في وقت واحد .. العجاجة تقوم .. الناس تمرق من العجاجة تتفتف .. تلقى نفسك بتتكلم في قضايا الختان وأضراره .. وربنا يستر عليك من قضايا الحيض والنفاس الماعاجبا وحدين!!!
ما يفضل ليك إلا تقول ليهم يا أخوانا الفاتحة دي في منو؟ يحكي صديقنا العزيز أن عماً له وقع من فوق نخلة .. وهاكم أسمعوا البقية :
Quote: عمي الله يرحمو مرة وقع من التمرة وشالوه مغمى عليهو ودوهو مستشفى ... ومع العلاج بدا يتحسن ويوعى شوية شوية فجأة الزول الجمبو مات والدكتور قال لي اهلوا الفاتحة بصوت عالي بالهجمة .... في اللحظة دي عمنا وعى وفت نط من سريرو وصاح في الدكتور قالو الفاتحي دي في منو ؟ انتو يعني الزول لو بس غفل نص ساعة تدفنوه حي!! دخّل الناس في لحظة حرجة خلاس بين الضحك والبكا
|
"والله صحي" الفاتحة دي في منو؟
.
|
|
|
|
|
|
|
|
Re: سوداجن أونلاين (Re: abdelwahab hijazi)
|
اليومين ديل في كم بوست حايم حول عشرية المنبر .. قلنا نحتفل مع الناس بعشرية المنبر ..
2/ الموجة شايلة على وين؟؟
البورد عامل زي شارع النص البين نادي الاساتذة وداخلية فلسطين ببركس جامعة الخرطوم على أيامنا ... طرحات ساكت ... " المناضلين" وقت الهواء بكون معاهم بسوقوا البورد سوق صاح ... لما تشفق على صحتم .. ( يودع في بلوم ويرجع ماهو بلوم) ..
أها وكمان لما الهواء يقلب البقبقة ما تديك الدرب ...
وبين ديل وديل في فرقة رهيفة كدي لأواسط الناس .. الواحد ولا الواحدة يدخل رجلو براحة زي الزول الداير يعوم .. لكن لو لقى الموية باردة شديد .. يحسبل وينصرف .. وكان لقاها " معقولة " يتوكل ..
ولكنه " يستصحب" .. " خذو حذركم" ..
عااااقل .. وسط مجانين ...
هو ياخ ديل الجنون داسنو ..
ديل عندهم زول فاكي ورقو في الهواء عديل وقلع الاسم الحركي بتاعو وخاتي اسمو الحقيقي : جني
.. تاني في كلام؟
.
| |
|
|
|
|
|
|
Re: سوداجن أونلاين (Re: abdelwahab hijazi)
|
.
3/ " الكورة صيوانات " الكابتن لطيف الله يرحمو قال " الكورة أقوان " الكورة أقوان؟ ده يا كابتن تقولو لي زول ما عندو حديدة ... الكورة في سوداجن اونلاين دي صيوانات ... تفتح إنت يالتفتيحة صيوانك وتستقبل العزاءات .. الفاتحة في منو؟ ما مهم ... في صيوانات تانية داقينها لي نفس الزول ده ؟ برضو ما مهم ..
الدكتور النبطشي صحوهوا من النوم ...
- في شنو يا جماعة ؟ - عندنا زول ضربوه ودايرنك تسعفو لينا الله يخليك.. - ضربوهو وين؟ - ضربوهو في شكلة. - وين ؟ ... - في راسو .. في راسو .. - طيب ما كان تجيبوهو بدري ؟ - نجيبو ليك قبل يضربوهو يعني؟
....... هسع أبطال مانديلا ديل، الله يطراهم بي مليون خير، ضربوهم؟ الكورة ذاتا باقي ليها كان يومين كان تلاتة ... وحات خوتك ياللخو ... الجماعة صيوانتم دقوها في السهلة .. الله يكافينا شر المحن ما ظهر منها وما بطن ..
| |
|
|
|
|
|
|
Re: سوداجن أونلاين (Re: abdelwahab hijazi)
|
Quote: هو ياخ ديل الجنون داسنو ..
ديل عندهم زول فاكي ورقو في الهواء عديل وقلع الاسم الحركي بتاعو وخاتي اسمو الحقيقي : جني
.. تاني في كلام؟
|
بالله الما بجنن شنو! جنى
| |
|
|
|
|
|
|
Re: سوداجن أونلاين (Re: jini)
|
.
نجوم المنبر: الريس بكري أبوبكر
سلام يا ريس.. صدقني بقيت البرنجي (دي لغة ناس عجائز طبعاً) .. خدمة إخبارية ممتازة .. الكثيرون لا يعلمون – ربما – قيمة النقل السريع والطازج للفيديوهات التي ظللت تأتي بها مؤخراً .. ولكنها أمر لا يقدر بثمن بالنسبة للكثيرين خاصة الذين يتوزعون في مناطق العالم التي تعاني من عسر في النقل التلفزيوني المباشر ... يستفيد عدد لا يحصى من الناس من الاخبار والأفكار التي ترد بالمنافذ المختلفة للموقع والتلاقح الحيوي والثر لهذه الأفكار. فضلاً عن المضاهاة والتحديث مما لا يتوفر بالكثير من الاجهزة الإعلامية الأخرى. ولدي قناعة أن الذين يبدون السخط وعدم الرضى بالمنبر ويجاهرونه بالعداء يستفيدون هم كذلك من خدماته. وإلا فأنى لهم أن يعلموا بما فيه. مرة أخرى ألف شكر يا ريس على الخدمة الممتازة وألف مبروك على النجاح المطرد للمنبر. وعقبال العيدين الفضي والذهبي إن شاء الله.
.
| |
|
|
|
|
|
|
Re: سوداجن أونلاين (Re: abdelwahab hijazi)
|
.
الأخ الكريم بلة موسى السلام عليكم ورحمة الله،
Quote: البوست دا ياخد أوسكار هذا الربع!
|
شاكر لك كثيراً الافراط في الأمل ..
بس ما تنسى قصة العوم في موية التلج القلناهو فوق ... عشان أنا براحة براحة كده داير اعمل لي كم استيتمينت في بعض " الحرفاء" في البورد ده ... لكن خايف تبقى علي حكاية الزعيمة الطلابية الشهيرة على أيامنا في جامعة الخرطوم.. على أيامنا كانت أركان الجمهوريين ذائعة الصيت .. وتعود بعض المنبريين الجمهوريين اسداء النصح وتقييم التنظيمات السياسية الأخرى .. لم يجد ذلك بالطبع كل الرضى من التنظيمات السياسية. فكان أن انبرت احدى زعامات " مؤتمر الطلاب المستقلين" على ما أذكر للأستاذ أحمد المصطفى دالي وكان من ضمن حيثيات احتجاجها جملة كثر تداولها بعد ذلك بالجامعة .. الزعيمة الطلابية الله يطراها بألف خير قالت للدالي " هو آر يو إنت يا دالي عشان تقيم التنظيمات السياسية " .. أو شيء من هذا القبيل .. الدالي الله يطراه بالخير قطامتو تفوت قطامة ناس سوداجن اونلاين زي فوتة بشة لي باسكال .. أو ايداهور المكير في عيد الاضحى الشهير .. ما شهّدا .. رداها ليها طوالي قائلاً : وهو آر يو إنتي يا (فلانة) عشان تقولي لي هو آر يو .. أو شيء من هذا القبيل.
أها أنا زي بكتب وخاتي يديني الاتنين في راسي ( حلوة دي مش؟) عشان ما يجيني حجر في صنقوري.
واحد أخونا بعمل الحركة دي في شكل وردة .. يقول كلامو الداير يقولو وبعد داك يقول للزول عليك الله يا فلان ما تستعمل معاي الخرطوش أعرف صليحك من عدوك..
حفظ الله ورعاك.
,
| |
|
|
|
|
|
|
Re: سوداجن أونلاين (Re: abdelwahab hijazi)
|
سلامات abdelwahab hijazi بوست للنميمة ثم لم يلبث أن إنحرف ... :) نصيحة أخوية: إلتزم بمسار واحد... one lane عشان ما تتلخبط أما دي:
Quote: الزعيمة الطلابية الله يطراها بألف خير قالت للدالي " هو آر يو إنت يا دالي عشان تقيم التنظيمات السياسية " .. أو شيء من هذا القبيل .. |
ف احتمال مرحج أني عرفتها :)
| |
|
|
|
|
|
|
Re: سوداجن أونلاين (Re: محمد قرشي عباس)
|
Quote: هسع أبطال مانديلا ديل، الله يطراهم بي مليون خير، ضربوهم؟ |
هي نان يا عبد الوهاب إنت إلا تضوق الملوحة حتى تعرفها ملوحة, ما من ريحتها و شكلها ظاهرة
| |
|
|
|
|
|
|
Re: سوداجن أونلاين (Re: محمد البشرى الخضر)
|
.
جني / حيدر سلامات .. صحي والله المابجنن شنو؟ وده كلامي زاتو .. بالمناسبة عندي ليك قدام كلام .. وبجي في حينو إن شاء الله .. لكن إن شاء الله لحدي الوقت داك ما تقوم تعمل بنصيحة بوردابي زميل اقترح لي "واصل" إنو يدي الماعجبم كلامو الباسبويرد وهم يكتبوا الدايرنو باسمو ...
بجيك برواقة ..
وحفظك الله ورعاك...
.
| |
|
|
|
|
|
|
Re: سوداجن أونلاين (Re: abdelwahab hijazi)
|
.
Quote: نصيحة أخوية: إلتزم بمسار واحد... one lane عشان ما تتلخبط
|
حااااااضر يا Rummana ليك علي بإذن الله أعمى ومسكوهو الدرب .. والبوست ده كان بي يدي أنا ما يفوت عنوانو الفوق ده " جن السواد وبس" ... (وجوه تقرقر عديل كده) .. لكن كمان لو جو الباكات وطفشو الكورة أنا ما مسئول البتة (تقرأ البتاتا) ... لكن يا rummana " نميمة " دي كتيرة والله علي البوست ده .. الموضوع ممكن يكون أو هو فِعلاً اعادة تقييم .. وقفة مع الذات .. مناصحة .. حاجة زي كده ... والله ما طالباني حليفة .. " طالباني " دي مالا تخوف كده .. أنا بحاول قدر الإمكان التصالح مع كل ما يكتب هنا .. مش بفهم الموافقة عليهو .. لأ قطعاً .. لكن بفهم إنو رأي زول زي زيك يستحق الاحترام .. والواحد ما بعرف التاني بكتب تحت ياتو ظروف .. أو تعرض فعلاً لياتو ظروف عشان يكتب البكتبو .. والفهم عندي إنو الناس ممكن تبدأ مع بعض بعنف شديد .. لكن الأفكار المتشددة ما بعالجوها بتشدد مضاد .. بل بالعكس الكلمة الطيبة والتناصح يصب في مصلحة كل الاطراف .. ويصب دون شك في مصلحة الوطن ..
يعني الموضوع ما فيهو نميمة والزول البنمو فوقو ده زاتو بجي يوم تدورو يساعدك في فهم محدد..
من ناحية تانية هناك مثل فرنسي (للأمانة أنا سمعته في بلجيكا) بقول: " إذا أردت أن تسعد الجميع فستنتهي إلى ألا تسعد أحدا أبداً " . Faire plaisir a tout le monde, c’est faire plaisir à personne
وبهذا فإن السير على one lane يمكن ان يشبه كما يمكن أن تتصوري السير على الحبل ...
أما الزعيمة الطلابية فهي محل احترامي الكامل .. أكثر من ذلك .. كانت محل اعجابي لأنها كانت جسورة جداً .. أكثر من ذلك أنا كنت أشاطرها ذات الرأي .. أي أن التنظيمات السياسية لا تملك أن تملي ارادتها أو وجهة نظرها على التنظيمات الأخرى .. وهذه بدهية ..
شاكر لك كثيراً ..
حفظك الله ورعاك .
...
| |
|
|
|
|
|
|
Re: سوداجن أونلاين (Re: abdelwahab hijazi)
|
.
سلام يا ود البشرى،
Quote: هي نان يا عبد الوهاب إنت إلا تضوق الملوحة حتى تعرفها ملوحة
|
لقيتا حامضة ...
.
أقصد الملوحة ... اضحك الله سنك يا كوتش ..
عارف أنا رأي فيك إنك صفوة زعلان ساكت .. وعلامة ذلك صور الوليدات البظهروا مرة مرة في البروفايل لابسين الاصفر والأحمر .. ( وش مصابحك دائماً مبتسم) .
والله يا ود البشرى اللوري ده كان اتخارج من " الخور" ده إلا تشوفوا ليكم " لخوية" ولا كاس فهيمة جديد. لأنو بصراحة قون بشة ده – تاني جاب سيرة البحر - ما بجيب حق الصيوانات دي كلها.
بمناسبة البحر .. بشة التفتيحة قالوا ليهو قلت لي أكرم الهادي شنو؟ قال قلت ليهو يا أكرم إنت ما بتعرفني المرقك من قونك شنو؟ مفتح لكن.
الأنا شايفو بالعكس إنو أكرم ما طلع في الوقت المناسب .. وكان ممكن يعتبر نفسو لاعب دفاع عادي ويقطع الكورة قبل وصولها لبشة لأنو حارس المرمى بكون شايف الميدان وطريقة بناء الهجمة أفضل من المدافعين المتراجعين لانو ديل وشهم بكون في اتجاه مرماهم أثناء التراجع .. حراس المرمى عندنا للأسف بينسو إنهم ممكن يلعبوا زيهم وزي أي واحد في الميدان مع حق اضافي انهم عندهم حق الاستلام باليدين داخل التمنطاشر .. الحضري مثلاً فايت ناسنا بالفرقة دي تحديداً ... ولك أن تراجع ذلك ..
كلامي ده ما معناهو القون جاء سلفقة .. أبداً قون ملعوب ومخدوم ويستحق الثناء والتقدير.
حفظك الله ورعاك.
بالمناسبة يا rummana ده ما lane جديد .. نحنا لسة " أونلاين في سوداجن" !
.
| |
|
|
|
|
|
|
Re: سوداجن أونلاين (Re: abdelwahab hijazi)
|
.
Quote: هي نان يا عبد الوهاب إنت إلا تضوق الملوحة حتى تعرفها ملوحة, ما من ريحتها و شكلها ظاهرة |
حكمة والله وحكاية ..
ملوحة الناس تشم وكمونيتك ما تشم ....*
الله هونيني ... أو كما قال ..
* كمونية بالسواحيلي يعني تركين و تركين بالامازيغي يعني ملوحة
قوموا الى كونفيداليتكم أعانكم الله وإيانا ....
.
| |
|
|
|
|
|
|
Re: سوداجن أونلاين (Re: طارق جبريل)
|
يا مولاي بوست من نوع (عجوة معطونة في عسل ) ما لقينا ليه مثيل في الفترة الأخيرة في منبر سودانجن ( ما كسيير تلج ..والله صحي)
Quote: خصوصا ود الموج وود الصايم وقيقراوي ،اساسي وود القاضي
|
وما تنسى ظريف المنبر ، صاحبي المتمم كيفي (ياسر طيفور اب تفة) أما بخصوص (جني وود البشرى) فقد كفيت ووفيت
| |
|
|
|
|
|
|
|