|
|
 زنقه تعرضنا لها بالامس (ولكن الدنيا لسه فيها ناس فزعه)
|
بعد العصر تحركنا من الدما م بالمنطقه الشرقيه وبعد مسافة 150 كيلو نزلت فوقنا مطره كانها حجارة ثلج تسقط من السماء وظلام دامس فى وضح النهار
وريح تكاد ان تقلب السياره وبعد دقايق جنب كل مرتادى الطريق وانا واحد منهم ولكن كنت اكثر نزول من الاسفلت
وبعد دقايق غمرت المياه السياره من كل الجهات شى يكاد لايصدق كل شى كان سريعا ... تفرجو علينا من يحبون الحياه
وكنت امنى نفسى ان لا اكون محتاجا لاحد فى هذه اللحظه ... مالو دا لو العكس كنت الليله اجرب نفسى اشوفها ممكن تتنازل من الحياه الحلو دى
ولكن بعدها جاء الفرج 2 شباب سعوديين درافين ساهى راكبين تاتشر دخلوها بدون تردد وكانو ا واعين للموقف وطلبوا من سواق شاحنه ان يزودهم بحبل
وفعلا اتو الينا ولسان حالى والله الدنيا لس بخير و فى نظره سريعه جدا لمنة حفيدتى التى كانت تبكى مزعوره ...
قبل ان اربط لهم الحبل يا منة الموقف الان هذا هو وبعد الانفراج وانا جاتنى هوشا صوقرت مش لانى نجوت انا واسرتى لا والله ولكن اعجبتنى المروه
وشكرتهم وقلت لهم امثالكم يستحقوا الاشاده ما عندى ما اقوله لكم الا انكم اديتونى امل كبير انو الدنيا لسه فيها اهل فزعه ... وتقالا كالجبال عند المروه بخفو
---------------------------------------------------------------------------------------------------------------------------------
بالمناسبه امطار طريق الدمام الامس دى ممكن توجد فى اخبار الصحف لانها كانت غريبه وفيها حوادث كثيره جدا
|
|
 
|
|
|
|
|
|
|
|
Re: زنقه تعرضنا لها بالامس (ولكن الدنيا لسه فيها ناس فزعه) (Re: عبدالله ود البوش)
|
Quote: لف حمدا لله على سلامتكم
بالمناسبة كلمت مضيفكم واخبرته بان يحجز سيارتكم لديه ويركبكم القطار
كاني كنت احس بان الاجواء سوف تدخلكم في هذا الموقف المزعج
بركة الجيتوا بالسلامة |
وحياة خوتك يا عبد الله الموقف كان محرج وليس من حدث
كمن رأى لكن برضو رب ضارة نافعه انا اصلى مروتى ما فضل فيها كتير لكن اقل حاجه عصام ولدى اخد ليه جرعه
من موقف الشباب ديل اكيد مابكون مر عليه ساهى
| |
|
|
|
|
|
|
|
|
|
Re: زنقه تعرضنا لها بالامس (ولكن الدنيا لسه فيها ناس فزعه) (Re: Zomrawi Alweli)
|
الف حمداً لله على السلامة يا أبو أحمد ـ
الموقف فعلاً محرج وخطير للغاية ـ
التعرض لظروف طبيعية بهذا الحجم في طريق مرور سريع ـ وكمان يوم جمعة ـ منتهى الخطورة حتى وأنت تقف على جانب الطريق أنت عرضا لخطر كبير
حمد لله على السلامة شيخ العرب
والتحية والتقدير لهؤلاء الشباب
على الفكرة من أجمل الصفات التي وجدتها في الشعب السعودي هو حرصهم الكبير جداً لنجدة الأخرين في أي ظروف
وسبق لي أن مريت بظروف مشابهة ولكنها أقل خطورة ، فوجدت كل عون من السعوديين
يلا منتظرين الكرامة يا شيخ العرب
| |
|
|
|
|
|
|
|
|
Re: زنقه تعرضنا لها بالامس (ولكن الدنيا لسه فيها ناس فزعه) (Re: محمد علي البصير)
|
حمد لله الف على السلامه شيخ العرب والحمد لله الذي نجاكم من هذا الموقف العصيب ..
سبحان الله امس حصل معي موقف مشابه حيث كنت امس بعد صلاة العصر في طريقي لزيارة احد الأقارب بمنطقة سلطانه بالقرب من صلبوخ وفي الطريق هبت علينا عاصفة ترابية كثيفة حتى توقفنا على جانب الطريق وواصلنا بعد مده المسير مرة اخرى ولكن ايضا كان الجو غير طبيعي لدرجة كبيرة والحمد لله انو الواحد رجع بالسلامه لبيته وداره ,,
على العموم مرة اخرى حمد لله على سلامتكم شيخ العرب ,,,
تحياتي : ياسر العيلفون
| |
|
|
|
|
|
|
|
|
|
Re: زنقه تعرضنا لها بالامس (ولكن الدنيا لسه فيها ناس فزعه) (Re: Zomrawi Alweli)
|
Quote: وانا بستغرب حكاية الصوقرية لدى الاخوة العرب السودانيين في عز المطر
واخيرا
Quote: شكلار
للشباب السعوديين اصلا الحاجات الزي دي بتكون متعة ليهم وكثيرا ما يفعلون. |
اخونا زمراوى الولى ياخ انا زول سودانى وبس
تعجبنى كل المواقف الانسانيه من اى انسان فى هذا العالم
واعبر عنها مرات بالصقريه وفى بعض الاحيان بالدموع
شكرا ليك والله يسلمك من كل بلاء
| |
|
|
|
|
|
|
|
|
|
 Re: زنقه تعرضنا لها بالامس (ولكن الدنيا لسه فيها ناس فزعه) (Re: طارق جبريل)
|
بريــــــــــــــية يا يابا تبروا وتستبروا إن شاء الله
ألف ألف ألف حمد الله على سلامتكم , والله دي سلامة وكرامة كبيرة خلاص يا ود عمي
والله من قراية الموقف بس أنا رجفت ، زنقة شنو ؟ الزنقة الساااااااهلة دي؟ يا خوي دي هجيمة كبيرة خلاس, بس الحمد لله ربنا كريم ورحيم بي عباده.
والله ربنا لطف بيكم نحمدو ونشكر فضله ، دي دايرة ليها كرامة كبيرة
ربنا يحفظكم ويغطيكم إن شاء الله ويستر عليكم,
سلامنا للعيال وللحبيبة ام أحمد , وحمد الله على السلامة مليون مرة
| |
|
|
|
|
|
|
|
|
|
Re: زنقه تعرضنا لها بالامس (ولكن الدنيا لسه فيها ناس فزعه) (Re: خالد المحرب)
|
ود البوش تعال شوف صاحبك!
هسه يا ود المحرب ده بوست تفتحه؟
اهلك كان بعرفوا المطر قبل تلاته ايام من تنزل ويكشوا سعيتهم ويقوموا
تقول لى مرقنا بعد العصر؟ بدور تجنن علينا منة الله..
الله يقطع الغربه كان خربت علينا وليداتنا..
لووووووووول
ياخى الف سلامة يا ارباب ليك وللاسرة الكريمة لامن نجيك بخشم الباب
ونسمع النضم مقعد من شركاء الرحلة كلهم واهم زول عصام
نشوف صوقرك ده،،،
| |
|
|
|
|
|
|
|
|
|
Re: زنقه تعرضنا لها بالامس (ولكن الدنيا لسه فيها ناس فزعه) (Re: شهاب الفاتح عثمان)
|
Quote: الف حمد الله على سلامتك وسلامة اسرتك وشكرنا الكثير لعيال ابو متعب .
واحب ازكرك يا شيخ العرب بقول المصطفى(ص) من فرج كربة عن مؤمن فرج الله عنه كربة من كرب يوم القيامة)
وانا واثق انك ما بتقصر فى نصرة الناس وخاصة الضعفاء . |
الاقتباس دا نفس الخاطر الكنت بفكر فيه لمن عرفت الحصل الف حمد الله على سلامتك وسلامة الاسرة الكريمة ماتشوفوا شر يارب
| |
|
|
|
|
|
|
|
|
|
Re: زنقه تعرضنا لها بالامس (ولكن الدنيا لسه فيها ناس فزعه) (Re: عبدالمجيد الكونت)
|
Quote: الف حمد الله على السلامة
يا اللخو
الخير في امة محمد عليه الصلاة والسلام الى قيام الساعة
جات سليمة
بس امطار امبارح دي كانت رهيبة وممتعة في نفس الوقت[/QUO
خالتو حمزاوى بالتاكيد امتة محمد فى خيرها وغير امة محمد فيها خير بس كيف نكون
ناس ونعامل الناس الذين كرمهم رب العزه وفى كل كبدة رطب اجر دا كلام المصطفى
والله يا حمزاوى اتمنى ان تجمعنى بك الظروف فى ارض البطانه لانك زول بتشبه السودان
من نمولى لى حلفا
| |
|
|
|
|
|
|
|
|
|
Re: زنقه تعرضنا لها بالامس (ولكن الدنيا لسه فيها ناس فزعه) (Re: خالد المحرب)
|
Quote: حمد لله الف على السلامه شيخ العرب والحمد لله الذي نجاكم من هذا الموقف العصيب ..
سبحان الله امس حصل معي موقف مشابه حيث كنت امس بعد صلاة العصر في طريقي لزيارة احد الأقارب بمنطقة سلطانه بالقرب من صلبوخ وفي الطريق هبت علينا عاصفة ترابية كثيفة حتى توقفنا على جانب الطريق وواصلنا بعد مده المسير مرة اخرى ولكن ايضا كان الجو غير طبيعي لدرجة كبيرة والحمد لله انو الواحد رجع بالسلامه لبيته وداره ,,
على العموم مرة اخرى حمد لله على سلامتكم شيخ العرب ,,,
تحياتي : ياسر العيلفون |
اخونا الحبيب الفنان ياسر العيلفون
الله يديك العافيه وتسلم من كل شر
| |
|
|
|
|
|
|
|
|
| |
خالد المحرب
عبدالله ود البوش
أحمد الشايقي
قمر الانبياء عبد الحي
محمد عبد الماجد الصايم
الشامي الحبر عبدالوهاب
حبيب نورة
بشير حسـن بشـير
الصادق خليفة
علاء الدين حيموره
Abdel Aati
نور الدين عثمان
الرفاعي عبدالعاطي حجر
محمد المسلمي
Zomrawi Alweli
ismeil abbas
محمد علي البصير
ياسر السر
معتصم ود الجمام
محمد إبراهيم علي
Asim Fageary
العوض المسلمي
فيصل محمد خليل
محمد عمر الفكي
حمد فتح الرحمن
Elmosley
HAIDER ALZAIN
عبدالفتاح أبوشيمة
نيازي مصطفى
عماد الشبلي
ABUHUSSEIN
عائشة موسي السعيد
Al-Shaygi
طارق جبريل
اسماء الجنيد
الفاتح ميرغني
محمد سنى دفع الله
صديق الموج
شهاب الفاتح عثمان
نجلاء سيد أحمد
مجدي عبدالرحيم فضل
Hani Arabi Mohamed
ASHRAF MUSTAFA
وضاحة
ابو جهينة
علي الكرار هاشم
مهيرة
احلام وهبي
غادة مكى محمد
نجلاء قرافي
فيس بوك
تويتر
انستقرام
يوتيوب
بنتيريست