|
|
|
 Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: ود الباوقة)
|
يا عمر ما في حكومة بتعين ليها زول مسؤول من اللجنة الاقتصادية او ايا كان اسمها عشان يجي يقول للناس عليكم بالاستغفار ودعاء الكرب
هسي انت قاعد في السعودية عمرك ده كلو سمعت يوم وزير المالية بتاعهم جا قال كلام زي ده انتو قايلين الكلام عارفنو انتو براكم ولا شنو
هسي الشعب السوداني لو ما بستغفر وبلعن الشيطان في اليوم الف مرة ما كان اكلكم اكل
ده كلام يقال في الجامع في درس في التلفزيون ولا الرادي لانو دي تكاليف فردية وليست لها علاقة بحسن ادارة الدولة او ادارة مواردها
اقول ليك اعملو وزارة اسمها وزارة الاستغفار ودعاء الكرب وعينو ليها وزير وزير دولة
وفضونا من الكبسيبة القايمة دي كلها بلا وزارة مالية بلا بطيخ معاكم
| |
 
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: ود الباوقة)
|
سلام يا محمد..
الكلام دا ما جديد، أذكر أنني قرأته في كتاب اسمو (إقتصادنا)
للإمام الشهيد محمد باقر الصدر، قال أن التقوى والإستغفار من أهم مصادر دخل الدولة الإسلامية
أو نحو ذلك المدة طالت وكدا وخالك بقى صفاية ... وأسند رأيه هذا لعدة آيات من القرءان أذكر منها :
| Quote: فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ﴿١٠﴾ يُرْسِلِ السَّمَاءَ عَلَيْكُم مِّدْرَارًا ﴿١١﴾ وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ﴿١٢﴾ |
سـورة نوح
_____________
المهم الإستغفار لن يكلفنا شيء نجرب ونشوف العلة وين ؟
هل من غياب الموارد ولا من سوء التوزيع ..وإن كنت أرجح الأخيرة 
| |
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: عبدالوهاب علي الحاج)
|
بتقرا للشيعة كمان اعمل حسابك ما يجيك محمد المسلمي يطلعك زنديق لووووول
لا يختلف احد معك في فضل الاستغفار لكن لا زلت عند راي ان هذه تكاليف فردية مخاطب بها المسلم نفسه وليست من تكاليف الولاية على المسملين وهي من واجبات رجال الدين وليس السياسة واهل الاقتصاد يعني بالواضح يس لازم الحكومة تساعدها بالجكة
يا سيدي زي ما قلت نستغفر المافي شنو بس يدونا ديد تايم يعني عشان الموضوع ده ما يستمر نستغفر والحكومة تجي تغالطنا تقول والله انتو ما استغفرتو كويس بعدين الكيزان ديل مكارين يعني نستغفر ونحن ونبكي والفرج يلبدو براهم تسالهم تقول ليهم ولدت يقول ليك لسه والله بس ساعدونا بالدعاء ربنا يحلها بالسلامة وهي تكون و الا حامل زاتا
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: محمد إبراهيم علي)
|
Quote: وقال ابن صبيح: شكا رجل إلى الحسن الجدوبة فقال له: استغفر الله.
وشكا آخر إليه الفقر فقال له: استغفر الله.
وقال له آخر.
ادع الله أن يرزقني ولدا; فقال له: استغفر الله.
وشكا إليه آخر جفاف بستانه; فقال له: استغفر الله.
فقلنا له في ذلك؟ فقال: ما قلت من عندي شيئا; إن الله تعالى يقول في سورة "نوح": "استغفروا ربكم إنه كان غفارا.
يرسل السماء عليكم مدرارا.
تفسير ابن كثير
|
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: عماد حسين)
|
صدق الرجل
استغفر الله استغفر الله استغفر الله
يا محمد
عندي سبحة الفية لوزير المالية بقبلها مني هدية لوجه الله؟
لاشك لدينا مطلقاً في الاستغفار، لكنه ليس سياسة، هناك شئ اسمه السعي، فيكم زول شاف ليهو طيرة راكة في عشها من الصباح للمغرب؟ مع انها بتخاف الله وبستغفره ولا عندها قروش في البنك ولا سارقة حق زول ولا ناهبة مال عام.
وزير المالية دا ياهو ماري انظوانيت السودانية بتاعة الكسرة ولا واحد غيرو؟
ذكرني واحد عندنا عنده نكتة في موضوع مشابه لو اتقالت هنا، البوست دا على الخور عدل
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: محمد عمر الفكي)
|
| Quote: ان هذه تكاليف فردية مخاطب بها المسلم نفسه وليست من تكاليف الولاية على المسملين وهي من واجبات رجال الدين وليس السياسة واهل الاقتصاد يعني بالواضح يس لازم الحكومة تساعدها بالجكة |
اتفق معك اخي محمد ابراهيم علي قبل الدعاء والاستغفار نريد ان نري ماذا فعلوا ودبروا للخروج من حالة المسغبة حتي يقبل الله دعائنا واستغفارنا
فالامر امر تكليف وامانة وعندما طلبت البنت لابيها استئجار سيدنا موسي ( يا أبت استأجره ان خير من استأجرت القوي الأمين )
القوي بمعني القادر تنفيذ علي التكليف بحقه والامين وهي الحرص علي سلامة التكليف بحقه
وهذه اشك في انها متوفرة في من يتولي الامانة الان والا كان حالنا افضل وواقعنا اجمل
اما امر العزم وفي التدبير والخروج من حالة الجوع والمسغبة اوضحها الله في قصة سيدنا يوسف
عندما قال للملك اجعلني علي خزائن الارض فاني حفيظ عليم
اي انه قادر علي الخروج بالبلاد الي بر الامان بالتدبير والحفظ علي اموال وممتلكات العامة والتدبير السليم في الخزن والصرف ... اي ان الامر يحتاج الي تبير وعلم وامانة ونزاهة وبعد لك ياتي امر الله في التوكل والدعاء والاستقفار مثلما قال تعالي في سورة نوح
{فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً يُرْسِلِ السَّمَاءَ عَلَيْكُمْ مِدْرَاراً)
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: تولوس)
|
| Quote: عندي سبحة الفية لوزير المالية بقبلها مني هدية لوجه الله؟ |
إيه رأيكم نطلع فيز مستغفرين من الدول الاسكندنافية باقي الناس ديل مرتاحين خلاص الظاهر إنهم بعرفو لي الاستغفار ده عرفة شديدة وآخر الشهر من دقنو وافتلّو ندفع الرواتب أحاديث وعندنا راقدة الحمد لله ، والله العقد كان بي خمسين الف نكفيهو !.( البلقى الهبوب بضرّي عيشو يا سعادة الوزير!!!! ) .
تحياتي لصاحب الدار والجميع .
أبو حمــــــــــــد
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: عثمان عبدالقادر)
|
| Quote: لا يختلف احد معك في فضل الاستغفار لكن لا زلت عند راي ان هذه تكاليف فردية مخاطب بها المسلم نفسه ... |
فضل الاستغفار ( شنو يا هندسة ) الاستغفار دا أمر ربانى يعنى تكليف وواجب على كل مسلم
على كل مؤسسة تعمل للمسلمين
يجب على الصغير والكبير الحاكم والمحكوم
وسع ادراك مفهوم الاستغفار كما هو واسع ليسع كل الحياة الانسانية بمؤسساتها وأنظمتها
| Quote: ل..وليست من تكاليف الولاية على المسملين وهي من واجبات رجال الدين وليس السياسة واهل الاقتصاد |
كدا للضمان والتأريخ والتوثيق عايزين قائمة بمهام رجال الدين مع تحديد من هو رجل الدين عشان نحدد الاختصاصات
إمكن أنا اطلع زول ديــن ..
| Quote: .... وهي من واجبات رجال الدين وليس السياسة واهل الاقتصاد |
وانا حالتى قايل القبة تحتها فكى طلع مهندس ساكت ...
سؤال ...
خريج هندسة الخرطوم تخصص تخطيط مدن وإمام جامع يومى + إمام جمعة ينفع وزير شئون هندسيــة ؟
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: سيف النصر محي الدين)
|
| Quote: يعني هسع لو كرم الله عباس ده أكثر من الاستغفار مش ما كانت حصلت أزمة ؟ |
الشفيع ناس كرم الله ديل بجيبو حقهم بالدراع اسستغفار شنو كمان
اصبر ليهو شهرين كان ما شفت النادي الكاثوليكي كلو مشى القضارف
سلام يا عمدة
الناس مشو اشتكو للحسن مش لامير المؤمنين
فالرجل الذي اشتكي لعمر رضي الله عنه اتاه بقوت عياله
بل وطبخه لهم ما قال ليهو اكثر من الاستغفار ولا شنو يا شيخنا
ودالفكي
| Quote: عندي سبحة الفية لوزير المالية بقبلها مني هدية لوجه الله؟ |
اول تدي بيهو كم محطة في رويسو وبعد داك قول ليهو هاك الفصل الاول من الميزانية لووول
شكرا يا تولوس على المختصر المفيد
Quote: فالامر امر تكليف وامانة وعندما طلبت البنت لابيها استئجار سيدنا موسي ( يا أبت استأجره ان خير من استأجرت القوي الأمين )
القوي بمعني القادر تنفيذ علي التكليف بحقه والامين وهي الحرص علي سلامة التكليف بحقه
وهذه اشك في انها متوفرة في من يتولي الامانة الان والا كان حالنا افضل وواقعنا اجمل |
الامر فعلا امر تكليف وامانة يا بتقدرو عليها يا خلوها
وامشو بيوتكم ابكو اتمختو زول سائلكم مافي
يا اسامة
| Quote: ياربي ناس االسويد يكونوا بستغفروا كيف؟؟؟ |
ناس السويد والامم الاوربية ناصاقهم الشهادة والطهورة ويسبقونا على الجنة
اسلام بلا مسلمين اي والله صحي بنجضو شغلهم والباقي ربك بتمو ليهم
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: محمد إبراهيم علي)
|
قلبي معك يا علي محمود حسب الرسول وزير المالية المسكين و(المحمول)..
| Quote: حذر نواب برلمانيون من ولايات مختلفة المالية من فرض زيادات على اسعار المحروقات، وذهب احد النواب الى ابعد من ذلك مؤكدا ان الزيادات في المحروقات خططا احمر، بينما دعت مجموعة كبيرة من النواب الحكومة لاتخاذ إجراءات حقيقية في حق الجهات التي تجنب الأموال وتلك التي تجبي خارج اورنيك (15) وكذلك معاقبة الشركات التي تتحايل على المراجعة بحجة ان الحكومة لا تملك الاسهم المطلوبة التي تخولها مراجعة اموال تلك الشركات. |
Quote:
وقال زير المالية ان سعر جوال السكر يبلغ (156) جنيها لكنه يباع بسعر (260) جنيها. ودعا الوزير صراحة لاعادة توزيع السكر عبر بطاقة التموين مشيرا الى وجود اشكالات ادارية |
Quote: وحول مخصصات بعض المسؤولين قال الوزير ان مرتبات كبار موظفي البنوك الحكومية تترك لتتواءم مع مرتبات زملاءهم في البنوك الاخرى.
وابان انه لا يستطيع ان يجيب على الكثير من الاسئلة التي طرحها الوزير السابق لكنه اشار الى ان ايرادات وزارة الكهرباء والسدود يمكن ان تودع لدى المالية. واشار الوزير الى ان هنالك جهات حكومية تجبي الاموال خارج اورنيك (15) لكنها تدعها في شكل ودائع في البنوك وهو امر يصعب على المالية اكتشافه لان البنوك لا تكشف عن الجهات المالكة للودائع بسهولة حتى لا يؤثر على ارصدتها في حال مصادرتها بواسطة المالية. كما واشار الى تحايل مؤسسات اخرى بشراء سلع لكنها تتراجع عنها في وقت لاحق لتعود اليها الاموال من جديد.
|
| Quote: وقال ان مراجعة احدى الوزارات كشف عن استيلاء بعض الموظفين على مبلغ (30) الف جنيه في شكل حوافز، وعندما اوقفهم الوزير سربوا للصحف مستندات تدفع بان الوزير يصرف ايضا مبالغ كبيرة. |
Quote: تحويل القروض
وقال علي محمد النور ابراهيم الشرتاي ان هناك منح وقروض توجه لمشاريع غير مخصصة لها، واشار الى تحويل قرض ايراني لصالح مستشفى ابوزبد لصالح بند اخر.
ووصف الشرتاي الوزير بالمستهتر واشار الى انه رفض الاجابة على سؤاله حول القرض، لكن الوزير رد عليه في الجلسة بان المنح مسؤولية وزارة التعاون الدولي.
وقال ان الوزير ذكر بانه يمول اتفاقيات السلام على رأسها سلام دارفور لكن السيسي رئيس السلطة الاقليمية لدارفور جاء الى المجلس واشتكى من عدم توفر الاموال.
|
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: سيف النصر محي الدين)
|
شكرا يا ابوعفان
| Quote: إيه رأيكم نطلع فيز مستغفرين من الدول الاسكندنافية باقي الناس ديل مرتاحين |
بس المشكلة انو الفيز حيضربوها الجماعة ديل ويجيبو لينا بدلهم ابالسة صناعة صينية
فكي بدرالدين
طبعا ما بغالطك انا بفهم في الدين اكتر منك ؟ ياخي انتو خبرة 23 سنة
انا مهندس وباخد راتبي من راي الهندسي وخبرتي
يومي الاقول للعميل بتاعي كلام الدغمسة بتاعكم ده حيقول ونعم بالله ويفتح باب مكتبو وبطردني برة
لانو ببساطة الدغمسة دي ممكن يحصل عليها مجانا في خطبة الجمعة
الموضوع وما فيهو اي زول يتكلم في حدود مسؤوليته البياخد عليها اجر من الدولة
ما عندو كلام وشايف انو المسالة حلها بس بالاستغفار يقدم استقالتو ويساعدنا بيس
لانو الشعب السوداني لا يجب ان ينفق امواله فيما يمكن ان يحصل عليه مجانا
يا دكتورنا الذي ببلاد العم سام
| Quote: غايتو تضامنا معاهو بنستغفر الا كمان بنساعد الاستغفار ده بجكة تقيلة، باقي الناس ديل لو كنا راجينهم |
الظاهر ناس الزبير ديل مسكو في الحاجة الساهلة هم يستغفرو ونحن نجك لما نفسنا انقطع
للدكتور على شريعتي مقالة لطيفة في كتابه النباهة والاستحمار
يقول (اذا شب حريق في بيتك ودعاك احدهم للصلاة والتضرع لله لاطفاء الحريق فهو يستحمرك فاي عمل غير اطفاء الحريق حتى ولو كان مقدسا فهو استحمار )
فانتبهو يا رعاكم الله من ان تكونو مستحمرين
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: محمد إبراهيم علي)
|
الداعين للدعاء والإستغفار
نذكره بحديث الرسول الكريم(رواه مسلم)
عن أبي هريرة رضي الله عنه قال: قال رسول الله صلى الله عليه وسلم: (إن الله طيب لا يقبل إلا طيبا وإن الله أمر المؤمنين بما أمر به المرسلين فقال تعالى "يا أيها الرسل كلوا من الطيبات واعملوا صالحا" وقال تعالى " يا أيها الذين آمنو كلوا من طيبات ما رزقناكم" ثم ذكر الرجل يطيل السفر أشعث أغبر يمد يده إلى السماء يا رب يا رب ومطعمه حرام ومشربه حرام وملبسه حرام وغذي بالحرام فأنى يستجاب له؟).
| |
|
|
|
|
|
|
|
|
|
Re: رئيس اللجنة الاقتصادية : يطالب بكثرة الاستغفار لتجاوز الازمة الطاح (Re: محمد إبراهيم علي)
|
| Quote: قلبي معك يا علي محمود حسب الرسول وزير المالية المسكين و(المحمول).. |
وانا يا ايمن بتضامن مع ابن الهامش الشايل السقا وعطشان
المطرطش
| Quote: الكم وتلاتين سني القضيتن في جخانين ابونا آدم اسمث ديل راحن شمار في مرقه؟ |
كمان جابت ليها اقتصاد كفار
انت يلزمك اولا تتطهر بالاغتسال 30 مرة في اي بحر قريب منك في امريكا
لانو بالطريقة بتميل لينا التربيزة بتاعة الاستغفار دي
المكاشفي
بالحيل اها رايك شنو ؟
يا دكتور سيف
المكاشفي كواريكو ودعاهو على وزير المالية مالي البورد ده
حقارتو في على محمود ابن الهامش ده
لكن للزبير ببرك في التبروقة ويقول ليهو سمعا وطاعة يا مولاي قلتو نستغفر ومالو نستغفر لينا وليكم كمان
| |
|
|
|
|
|
|
| |
محمد إبراهيم علي
عبدالوهاب علي الحاج
عماد حسين
محمد عمر الفكي
تولوس
osama fadlalla
عثمان عبدالقادر
بدر الدين اسحاق احمد
سيف النصر محي الدين
محمد عبدالرحمن محمد
المكاشفي الخضر الطاهر
Nasr
فيس بوك
تويتر
انستقرام
يوتيوب
بنتيريست