|
|
 او كما قال .. الجماعة جاعوا
|
امس كنا نتسامر وحرمنا المصون .. ومادة الحديث طبعا المظاهرات .... وتشعب الحدث
عن الغلاء .. وحقارة الانقاد .. حتى صلنا لمرحلة البديل من سيكون ؟
اجابتني بسرعة : ما طبعا الصادق المهدي !!
ثم اردفت : البركة في الدش .. الحمد لله هسع في قنوات كتار .. زمان كان بمسك التلفزيون الواحد داك اليوم كلو .. وهلم جراء
|
|
  
|
|
|
|
|
|
|
|
Re: او كما قال .. الجماعة جاعوا (Re: وليد محمد المبارك)
|
جارتنا خوافة جدا
تخاف من البوليس خوف موت .. وتكره المظاهرات والمشاكل
كل ما تأتي سيرة مظاهرات او انقلاب
كانت تقف ضدها وتقول .. يعني حا تسو شنو .. الجماعة ديل صعبين
قابلتها مع الوالده .. وانفتحت السيرة
كان ردها مفاجأة وقالت : بلا يبلاهم .. خلي يكشوهم كده ولا كده فقرونا وملونا هم
حينها تأكد لي ان الامر هده المرة جد مختلف
| |
|
|
|
|
|
|
|
|
|
Re: او كما قال .. الجماعة جاعوا (Re: وليد محمد المبارك)
|
وليد شاب صغير السن ..جارنا في الحلة
ولد وجيه متهندم .. لكنه بتاع شربكة ومشاكل
لقيتو لابس نضيف يوم السبت ومارق
سالته :: على وين يا معلم ؟
اجابني : ماشي الكتمه
سالته مرة اخرى : كتمه بالعصر ؟
اجابني :: مظاهرات يا معلم مظاهرااااات
سالته مساغربا : طيب مالك قاشر كده
اجابني : ما برنامج يا معلم ثم انصرف
ارجوا الراجيكم .. فقد اصبحتم برنامج ترفيهي للشباب
| |
|
|
|
|
|
|
|
|
|
Re: او كما قال .. الجماعة جاعوا (Re: Hani Arabi Mohamed)
|
الاخ وليد و الاخ هاني سلام
| Quote: لكن الخوف أن يسرق أحدهم الثورة ويعيد إنتاج المأساة بوجه آخر |
يقولون:
الثورة يصنعها الابطال ويحصد ثمارها الجبناء (الاذكياء)
شوف الناس الماتوا في ليبيا و تونس و مصر ما بتذكروهم الا لمما ......
| |
|
|
|
|
|
|
|
|
|
Re: او كما قال .. الجماعة جاعوا (Re: وليد محمد المبارك)
|
ابنتي شهد وهي جاسة على الارض ترسم كما عادتها
بعد ان عرضة العربية المظاهرات في الخرطوم .. قالت بعدم انتباه:
المظاهرات دي السبب فيها انا !!
سالناها : كيف يعني ؟!
قالت : لاني قلت يا الله ليه نحن في السودان ما عندنا مظاهرات زي مصر وسوريا .. الله استجاب لدعائي
!!
حتى الاطفال يريدون ان يركبوا الثورة 
__________________________
هل دي فطرة سودانية ؟
| |
|
|
|
|
|
|
|
|
|
Re: او كما قال .. الجماعة جاعوا (Re: وليد محمد المبارك)
|
الاخ وليد
تحياتي
ربنا يخلي ليك شهد ، وشهد رغم صغر سنها لكن ما بتكون دعت الدعوة دي ساي وللاطفال شفافية جميلة
لاول مرة يتفق الشعب السوداني على رأي واحد في غضبهم ورفضهم لهذا النظام
الكل بقا بتكلم بنفس التعبيرات ونفس الاحساس بالظلم
اتمنى انه ربنا ينصر الشعب المظلوم ويزيل عنه الغمة
| |
|
|
|
|
|
|
|
|
|
Re: او كما قال .. الجماعة جاعوا (Re: maia)
|
الاخت مايا
Quote: ربنا يخلي ليك شهد ، وشهد رغم صغر سنها لكن ما بتكون دعت الدعوة دي ساي وللاطفال شفافية جميلة
لاول مرة يتفق الشعب السوداني على رأي واحد في غضبهم ورفضهم لهذا النظام
الكل بقا بتكلم بنفس التعبيرات ونفس الاحساس بالظلم |
وهذا ما اقصده من هذا البوست
تعدد الاسباب والمحصلة ان الانقاذ انتهى كل الزمن
شهد عندها اسبابها .. لانها ليها فترة حتى جنيه الصباح اليومي اصبح في خبر كانا
وعندما تسال عنه .. تسمع رد مكرر .. مافي قروش
وعندما تسال لماذا... تسمع رد مكرر .. الحكومة ما ادتنا
!!!!!!!
بتكون مستغربة المظاهرات دي اتاخرت ليه ؟
| |
|
|
|
|
|
|
|
|
|
Re: او كما قال .. الجماعة جاعوا (Re: وليد محمد المبارك)
|
Quote: وهذا ما اقصده من هذا البوست
تعدد الاسباب والمحصلة ان الانقاذ انتهى كل الزمن |
بوست طاعم ولذيذ ومفيد جداً يا وليد،
الصور البتنقلا لينا دي بتوري إنو الحاصل ده حقيقي وجايي من جووووه، جايي من الناس،
من ذواتم الضايقة بالحاصل والاتحملت مالا يُحتمل، والمثل بقول (المحمولة رغَّاية)...
والانقاذ ما قصّرت في كسر ضهور الناس بما لا تطيق وما لا يقدر عليه حتى الصبر ذات نفسو.. شيّلت الناس فوق "الدّبر".. وانطانشت أناتم وصرخاتم.
واليوم يجيهم السم القدر غداهم، ولاد اللذينة، وبكره ياما نشوف، وشهد تشوف، وتلقى بسمة أمل في وشيك حتى لو عزّ جنيه الصباح..
وده حا يكفيها وحا ترسم شجر حِنّة وجناين باقي اليوم.
الناس العاديين ديل ياهم "أهل الشي ذاته" جارتكم العجوزة وجاركم "الشفت" وشهد، والباقين يا وليد، الزهجو والنقنقو والمرقو للمظاهرات والطالبين الله ليل وصباح، ديل ياهم الحا يقصرو عمر الحكومة..
وديل ياهم الحا يجرو ترلة التنظيمات ويدخلوها غصباً عنها في نص المعمعة والدواس، وليس العكس.. بلا تنظيمات بلا أوهام..
(المهدي قالو بفاوض حول الخروج من الأزمة، أما المرغني، فعاش من سمع صوتو).. ده خارج النص طبعاً.
المهم واصل في نقل الصور الحية دي يا وليد، فهي الصور المنسية في "الثورة" الحاصلة دي، رغم أهميتا فهي البتطمنا وبتكمل لينا المشهد..
،
محبتي ليك يا رجل ولي شهد واخواتها و.. (حا اقيف لغاية هنا عشان ما تقوم عليك الشفتنة وتجيني بي عكازك)
اصلو الفلس مزهجك ومضيق أخلاقك الأيام دي..
،
وثورة حتى يسترد الشعب عافيته وروحه..
،
| |
|
|
|
|
|
|
|
|
|
Re: او كما قال .. الجماعة جاعوا (Re: بدري الياس)
|
حبيبنا بدري
كيف اخبارك ياخ .. وبقينا حظنا كعب ما بنلاقيك
المهم .. الامر هذه امرة مختلف تماما يا بدري .. حتى وان لم تنجح الثورة ( تف من خشمي ).. فان الوضع لن يكون كسابقه
الناس خلا فاض بيها .. وكادوا ان يصلوا مرحلة ان الانقاذ والموت واحد
من بدري كنا نعلم ان ما يكتف الشعب ليس الخوف ولكنه البديل
الان البديل اصبح غير مهم .. يمشوا ديل وبس .. يتنفس الشعب .. بعد داك يشوف البحصل شنو ؟
ناقص تصريح من نافع عشان يطمجها مرة واحدة
_______
مشتاقين والله
| |
|
|
|
|
|
|
| |
وليد محمد المبارك
زياد جعفر عبدالله
Hani Arabi Mohamed
مدثر صديق
حاتم كاهن
د.محمد حسن
فيس بوك
تويتر
انستقرام
يوتيوب
بنتيريست