|
|
|
 Re: افتتاح الساحة الخضراء الذى تزامن مع افراح الانتصار بهجليج.( صور ) (Re: ebrahim_ali)
|
يعني خلاص كملت حدوتة الساحة الخضراء التي يتساوى عمرها مع اعمر اللا وطني في السلطة ؟ و لا باقي منشآت ومرافق لم ترى النور قريبا ؟
هل لنا أن نحلم بإفتتاح كم محلج ومطحن ومغزل بمنطقة صناعات مارنجان مدني وقرشي والباقير؟ ولا خلاص نار جياد صهرت الأخضر واليابس ؟
بئس تنمية الإنقاذ ، يافدوى .. بالله ألا يؤذيكم ويؤرقكم ما حدث بالجزيرة ؟
يالله أهو مننا كم شاب ( ناس جزيرة وبس) يتوسعوا ويتحركوا على الساحة الخضراء في العصاري لبيع الماء البارد والسفنجات ولعب الأطفال على مداخل الساحة الخضراء ..
قبل المغادرة أين مجسمات الحج القابعة بالساحة الخضراء ؟ لمن آلت ؟ للحج والعمرة ؟ أم للشباب والرياضة ؟ ولا رئاسة الجمهورية ؟ تعرفي كم كلفت بالجنيه؟
واحد مغبون شديد ..
الشفيع
| |
 
|
|
|
|
|
|
|
|
Re: افتتاح الساحة الخضراء الذى تزامن مع افراح الانتصار بهجليج.( صور ) (Re: فدوى الشريف)
|
اخى الشفيع تبرا من الغبن ...
حسى وين صور الناس الببيعوا الموية الجبتهم هنا لمن تتاذى وتتأرق؟؟
.. بعدين هو بيع الموية ولعب الاطفال عيب .. مهن شريفة بتترزق من عرق الجبين
انا نقلت صور الهدف منها امتاع انظاركم عن افتتاح الساحة الخضراء بشكل مختلف ..
لو كنت فى الخرطوم كدى اختف رجلك وامشى الساحة الخدرا روح عن نفسك شوية من الغبن دا
وعن اسئلتك
لمن آلت ؟ للحج والعمرة ؟ أم للشباب والرياضة ؟ ولا رئاسة الجمهورية ؟ تعرفي كم كلفت بالجنيه؟
حقيقة انا لا املك اجابة .
..
| |
|
|
|
|
|
|
|
|
|
Re: افتتاح الساحة الخضراء الذى تزامن مع افراح الانتصار بهجليج.( صور ) (Re: فدوى الشريف)
|
ما شاء الله تبارك الله صور جميلة يا اخت فدوى وكمان يبدو المكان اجمل واتمنى انو الروعة تستكمل ،، صراحة عمل كبير يظهر مدى اهتمام ولاية الخرطوم بتطوير وتجميل هذه الساحة ، بس يا ريت الناس تحافظ عليها بالصورة الجميلة الأنتي نقلتيها لينا دي واتمنى انو الواحد يجي اجازة واكيد لازم يجي ويشوف الجمال ده على الطبيعة فعلا سررت جدا لما رايته من صور ،، نحن طبعا زمان زمن الشباب ما خلينا حديقة ما قعدنا فيها بداية من 6 ابريل والمتحف ومنتزه عبود وهذا له مكانه خاصة جدا في نفسي واتمنى ان ارجع وازوره حتى ولو مرة وااااحدة فقط .. على العموم لك جزيل شكري على هذه الصور التي ادخلت السرور على نفسي وفي انتظار مزيد من الصور ...
تحياتي : ياسر العيلفون
| |
|
|
|
|
|
|
|
|
|
Re: افتتاح الساحة الخضراء الذى تزامن مع افراح الانتصار بهجليج.( صور ) (Re: ياسر السر)
|
الاخ ياسر العيلفون
من السودان سلام
سررت دى براها تكفى ...القصد ان ننقل الجمال لمن هم فى ارض المهجر وحنينهم الى الوطن ..
الله يرد غربتكم وتحظى بقعدة اسرية على هذه الساحة الجميلة
على الاقل الاسر تروح شوية عن نفسها بالتغيير من الحدائق القديمة المعروفة لناس الخرطوم والبرة الخرطوم .. 6 ابريل وعبود وغيرها
صور اخرى لمدخل الساحة الخضراء
| |
|
|
|
|
|
|
| |
فدوى الشريف
ebrahim_ali
محمد أبوالعزائم أبوالريش
فايزودالقاضي
شهاب الفاتح عثمان
محمد فرح
ياسر السر
عبدالله السفاح
عماد الشبلي
فيس بوك
تويتر
انستقرام
يوتيوب
بنتيريست