|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: بشير حسـن بشـير)
|
Quote: سلام يا النذير
يا اخوى الكلام ده بخص ناس امريكا بس مش كده يعنى العنده فكره يشترى بيت وبعد كده يسافر لاميريكا
هل هذه العروض تفيد المقيمين خارج امريكا |
سلام يا بشير، يا بشير على ما أعتقد حتى لو ما مقيم ممكن تمتك بيت برضو في أمريكا لكن لازم يكون كاش
عندنا في البورد دا ناس متخصصين في العقارات نحول ليهم سؤالك، ويا ناس العقارات في أمريكا أفيدونا في سؤال بشير دا.
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: النذير حجازي)
|
Quote: شكرا يا النذير على تجاوبك السريع
وفى انتظار من يفيدنا من بورداب امريكا المتخصصين |
يا بشير زميلنا في البورد وصديقنا سعادة السفير نور الدين منان خبرة في الموضوع دا ويا ريت يا منان تنور بشير
وبالمناسبة يا بشير لو عندك قروش وأهل في أمريكا ممكن تستثمرها في العقارات وتأجرها تعرف ممكن تأجرها بسعر 500$ - 1,000$ في الشهر وفي أقل من سنتين تلاتة بجيب تمنها.
تحياتي
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: النذير حجازي)
|
Quote: عندنا في البورد دا ناس متخصصين في العقارات نحول ليهم سؤالك، ويا ناس العقارات في أمريكا أفيدونا في سؤال بشير دا. |
يا النذير ازيك
أنا سألت الخواجة الامريكاني المعانا قال لي كان عايز تشتري بيت وما مقيم لازم تكون مستثمر وعندك يا شركة رأسمالها 500 ألف دولار تسجل البيت دا بي اسمها يا عندك البعيشك لا جنا جناك...
أما حكاية ترسل ليهم المبلغ الأقل من 50 ألف دولار كاش ويرسلوا ليك سند ملكية البيت دي لو بتبقي كان الصين اشترت بي ديونها نصف امريكا دحين ما تورط نفسك ساكت...(الكلام دا علي ذمة خواجة أمريكاني نيويوركي أصلي...بيتهم في قلب منهاتن)
مشيت معاه أكتر وحاججتو...وقلت ليه النذير حجازي زاتو أمريكاني وبي صراحة أنا بثق في كلامو أكتر من كلامك القلتو علي سبيل الفرض ...لأنك خايف تمشي تلقي البيوت كملن...
فغر فاهه متعجبا من سذاجتي وأشار الي رأسه بأصبعه بما يعني خلي عندك مخ...(الاسعار دي بيعلنوها لجذب مستثمرين ما لجذب متلعبثين زيك كدي عايز ليه جنسية بي أي طريقة,,,, فقلت ليه أبدا ما عايز جنسية أمريكية...ولا حصل قدمت في اللوتري من ربنا خلقني...قال لي ...البيوت في السودان الزي دي بي كم؟؟؟
قلت ليه لو في كافوري بي 100 ألف دولار وفي بالي طابقين عادل نجيلة....قسمت الطابقين علي اتنين وأديتو سعر طابق وقلت ليه كافوري دي ...بمثابة الحتة الفيها البيت الأبيض الأمريكي....فضحك...ضحكة ساخرة....ومعها حركة باليدين حتي دفق جبنته.
أها رأيكم في كلامو دا شنو؟؟؟؟
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: الزبير صالح الزبير)
|
Quote: يا النذير هل ممكن أشتريه وبعد داك افرتكه وبعدين اخته في كونتينر واشحنه السودان وهناك اعمل عكس أجمعه تاني |
سلام يا الزبير،
يا الزبير بيوت التركيب أرخص من هذه البيوت لأن هذه البيوت تُباع معها الارض في حدود ربع فدان ولكن بيوت التركيب تحتاج إلى شحنها ومعها خبير حتى يركبها لك في السودان وستكون التكلفة عالية شوية بالإضافة بأن البيوت الخشبية غير عملية في السودان نسبة لوجود عدم الوعي بالإضافة لعدم وجود أجهزة محاربة الحريق فنحن في السودان ليست لنا شبكة مياه الحريق
ولكن على ما أذكر هنالك شركة ألمانية قد بنت مدرسة هيرمان جماينار في أركويت في التمنينات هذه المنشأة الخشبية الوحيدة التى رأيتها في السودان، وأيضاً شركة النفيدي تبني منازل بالطريقة الأمريكية ولكنها من الخرسانة والطوب ولكنها مكلفة شوية، ولو عايز نصيحتي أمشي شركة النفيدي للتشييد فإنهم سيلبون خدماتك لأنهم عندهم على ما أظن فرع في أمريكا للإنشاءات ولهم خبرة في البيوت الأمريكية.
تحياتي
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: المعز عبدالمتعال)
|
Quote: أحكي ليكم دي زمان أول ما جيت أمريكا اتغشت غشة لمن اتكيفت ذاتو اشتريت لي برنتر ماركة سمحة و رخيص جدا وبعد شهرين الحبر انتهي جيت اشتري حبر للبرنتر من نفس الشركة المصنعة لقيت سعر الحبر ضعف سعر البرنتر في النهاية رميت البرنتر |
هذه سياسة متبعة في كل الشركات المصنعة للطابعات
ولكن لم يكن هناك داع لرمي الطابعة إذ هناك حل عملي جداً وهو ما يعرف با cartridge refill وهي عمليه سهلة تتمثل في شراء عبوة كبيرة لحبر طباعة بألوانه المختلفة وحقن الحبر في الcartridge الفارغ
كما أنّ هناك في معظم دول الغرب وأمريكا محال لإعادة التعبئة وبعضهم يعطيك cartridge معبأة ويأخذ الفارغ من نفس الماركة
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: النذير حجازي)
|
Quote: بالإضافة بأن البيوت الخشبية غير عملية في السودان نسبة لوجود عدم الوعي بالإضافة لعدم وجود أجهزة محاربة الحريق فنحن في السودان ليست لنا شبكة مياه الحريق |
هذا الكلام علمياً غير سليم وواقيعاً غير صحيح
المنازل المبنية من الخشب تلائم طبيعة السودان جداً
وعدم وجود شبكة مياه لمحاربة الحريق لا يعني عدم وعي بمخاطر البناء بالخحشب وإلا لكان البناء بالقش هو اللا وعي نفسه
الكثير من مواطني السودان بنيانهم بالقش والحطب (القطية, الراكوية ....)
ولو جاز لنا أن نصف عدم وجود شبك مياه حريق عامل لعدم عملية بناء البيوت الخشبية فهو كذلك عامل لعدم بناء أي مبني باي مادة كانت
بعدين حكاية "نحن في السودان" دي بتذكرني لما واحد ألماني ولا انجليزي يقول ليك "في افريقيا بطبخوا الموز ..... أو ما شابه ذلك......."
فتساله, بالله في تونس والمغرب ومصر بيعملوا كدا؟
فيعرف مدى التعميم في كلماته
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: Frankly)
|
سلام يا فرانكلي إتخيل لي كلام النذير صحيح جدا من ناحية عملية. البناء بالقش و الرواكيب و القطاطي نسبيا قليل التكلفة و تسهل إعادة بناؤه و هناك عوامل كثيرة تحكم القيام به و تجعله هو الخيار الأفضل في المناطق التي يتم استخدامه فيها. لكن كلام النذير عن البناء الحضري في المدن بصورة كثيفة. الخشب في السودان مع الظروف الحالية غير ملائم بسبب عدم تطور وسائل مقاومة الحرائق. عند توفر هذه الوسائل حيث تستغرق بداية إطفاء الحريق أقل من خمسة دقائق من لحظة التبليغ عنه يصبح الخشب عمليا جدا حيث أنه في معظم الأحيان يتم إطفاء الحريق في بيت دون أن تتأثر البيوت المجاورة له. تصور أن يكون هناك حي كامل من الأخشاب في السودان و يندلع حريق و تأتي عربة الإطفاء بعد ساعة بدون ماء و لا توجد خطوط ماء مخصصة لإمداد عربات الإطفاء... تصور حجم الكارثة التي ستحدث.
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: Elawad)
|
سلام يا العوض
للاسف كلامك مع ما به من تخصيص فات على النذير غلا أنّه أيضاً غير صحيح جداً جداً
البناء بالخشب هو عملية هندسية ويتم بناء البيت حسب هذه المعرفة الهندسية
ليس كل الاخشاب تحترق بعد خمس دقائق
وهناك ابواب مقاوم للحريق تفوق الساعتين وهذا حسب النورم الألماني
لو خصصنا الأمر بالمناطق الحضرية يبقى عدم وجود ماء وحضور عربة الأطفاء كذلك عامل في عدم البناء باي مادة كانت فحتى البيوتن المنبية من السمنت او الجالوص لها مقاومة محدود للحريق عندها لا معنى من الحديث عن نوع المادة التي قام عليها البناء
البيوت المبنية من سمنت مسلّح قد تحوي أنابيب غاز وقد تحوي مواد سريعة الاستعال في مكونات أثاثها هنا أيضاً تسري قاعدة تاخر سيارة الاطفاء
صدقني من ناحية عملية وعلمية البناء بالخسب مناسب جداً
امذا الحديث عن تخلّف البنية التحدتية وامكانيات مكافحة الحريق فهي تسري على الجميع
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: Frankly)
|
سلامات يا شباب. ما عندي كومبيوتر، عشان كده ما بقدر اقتبس. لكن ح أحاول اعلق علي عدد من النقاط. تمن البيت بيختلف من مكان لمكان و بيعتمد علي الدخل في المنطقة، مستوي المدارس، توفر الوظائف، و مستوي الأمان في المنطقة. اي بيت عليه ضرائب. حسب المنطقة و حسب الولاية. في ولايات ما فيها ضرائب علي العقارات. و في ولايات ممكن يبيعوك هدومك عشان تتدفع ضرائب العقارات. و ذي ما قال أخونا هنا الموضوع بيعتمد علي الضرائب و الصيانة و بعدين الاجار. في ناس عملوا قروش كويسه في العقارات. و الايام دي الأسعار في الارض، لكن الموضوع ما ساهل و عاوز خبرة و معرفه بالمنطقة المعينة.
اخونا فرانكلي. كيفك؟ كلام النذير سليم تماماً و واقعي و صحيح. و كلامك حول القطاطي و بيوت القش كويس جداً اننا نبدأ منه. شفت ليك قطية او بيت قش فيه فرن شغال بالغاز؟ شفت قطية فيها كل توصيلات الكهرباء المعقدة دي؟ وجود التوصيلات الكهربية براها بتعمل البناء بالخشب محتاج لعوازل و مواد متطورة في البناء و قوات مطافي جاهزة لإنقاذ البيت او علي الاقل سكان البيت و أكيد عارف ان الخشب ما ذي الخرسانة في قابلية الاشتعال ده غير ان البناء بالخشب محتاج لعمال مهرة. مهرة جداً. احنا ( في السودان ^_^) عمال البياض و السدابه بقينا نجيبهم من الصين و مصر!!! كلام صح، التعميم ما كويس. لكن في دي بالذات صاحب البوست كلامه صح
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: smart_ana2001)
|
Quote: اخونا فرانكلي. كيفك؟ كلام النذير سليم تماماً و واقعي و صحيح. و كلامك حول القطاطي و بيوت القش كويس جداً اننا نبدأ منه. شفت ليك قطية او بيت قش فيه فرن شغال بالغاز؟ شفت قطية فيها كل توصيلات الكهرباء المعقدة دي؟ وجود التوصيلات الكهربية براها بتعمل البناء بالخشب محتاج لعوازل و مواد متطورة في البناء و قوات مطافي جاهزة لإنقاذ البيت او علي الاقل سكان البيت و أكيد عارف ان الخشب ما ذي الخرسانة في قابلية الاشتعال ده غير ان البناء بالخشب محتاج لعمال مهرة. مهرة جداً. احنا ( في السودان ^_^) عمال البياض و السدابه بقينا نجيبهم من الصين و مصر!!! كلام صح، التعميم ما كويس. لكن في دي بالذات صاحب البوست كلامه صح |
سمارت_انا 2001
أنا كويس انتي كيف؟
اعمل ليك سي سي من ردي للعوض
بس كمان بضيف
البيمنع شنو القطية يكون فيها فرن بيشتغل بالغاز أو حتى نار منقد؟؟؟؟
مواد متطورة دي حلوة خالص
شوفي يا اسمارت أنا2001
البناء بالخشب زيو وزي اي بناء لو تم عمله بعلمية فسيكون ملائم جداً للسكن لو في السودان أو في الواغ واغ لازم من عمال مهرة
الخشب بالذات ودي معلومة اكيدة ممكن يتحمل حتى 90 دقيقة حريق بمعالجات بسيطة وبتعتمد على سمك الخشب وما إذا كان حامل أو مرتكز (غير حامل)
الأسمنت بدون معالجات ايضاً لن يصمد أمام حريق لفترة اكبر من الخسب الغير معالج خاصّة منطقة الجذب والإنحناء بينما نجد للخرسناة قوة تحمل في وضع الضغط
طبعاً دا إذا نظرنا لنظريتك بتاعة القطية الما فيها فرن وخلينا بيت الأسمنت وبيت الخسب خالييين من الأثاث والادوات الكهربائية.
أنا ممكن اتكلم في حكاية مقاومة الحريق بالنسبة للمواد البناء في محاضرة كاملة
في البيوت السودانية بتاعتكم دي وبنفس التعميم بتاعكم في اكثر من مسبب لمخاطر حريق جسيمة
بداية من سلك الكهرباء في الشارع مروراً بشجرة وحتى داخل توصيلات المنزل والاثاث الذي يفتقر لاي معالجات
هذا بغض اللنظر عن الستائر السريعة الاشتعال والمراتب السفنج والقطنية وأنبوب الغاز الذي يصر الكثير من الناس وضعه داخل المطبخ.
أها دي كلها عندكم ليها قوات مطافي وما عندكم مطافي لبيوت الخشب؟؟؟؟؟
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: Frankly)
|
سلام يا فرانكلي شكرا على المفاكرة دي. طبعا المقارنة بين مواد البناء المختلفة بالنسبة لموضوع الحريق بتشمل عدة أشياء منها مقاومة المواد دي للحريق في نفسها و زي ما إنت قلت رغم إنها بتتفاوت في المقاومة دي لكن في النهاية كلها ما بتمنع الحرايق و رد فعلها بختلف من مادة لمادة... يعني مثلا الحديد دا الناس بفتكروه مقاوم جيد للحريق لكن لو في مبنى هيكله من حديد و اتعرض لحريق ممكن ينهار نتيجة لانصهار الهيكل. لكن في عامل تاني مهم جدا وهو مقدرة المواد المختلفة على التقاط الحريق يعني النار ممكن تنتقل من مبنى خشبي لآخر بسهولة كبيرة جدا ما زي مثلا سهولة انتقالها من مبنى خرساني لآخر. بعدين في حاجة تانية لازم تنظر ليها و هي الزمن البتاخده الحريقة لتدمير المنشأة يعني لو لا قدر الله الزول كان في مبنى خرساني و حصلت فيه حريقة فرص نجاته أكبر بكتير لو نفس الشي حصل في مبنى خشبي لأنه المبنى الخشبي مكوناته نفسها قابلة للاشتعال و ممكن تكون في مكان و الأرضية القدامك اتحرقت و ما تقدر تعدي لمكان آمن. تاني في حاجة مهمة و هي إنه الخشب مادة عضوية و بطلع منها كربون لما تتحرق و دا بيؤدي للاختناق... عارف إنه حوادث الوفاة في الحرايق معظمها بكون نتيجة للاختناق و ليس للاحتراق؟
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: smart_ana2001)
|
الأعزاء الباشمهندسين (دي تحتها خط) العوض و سمارت شكراً لكما ولقد اسمعتما لو ناديتما حياً.
يا فرانكي ياخي إنت وقعت في الآتو حقنا هاهاها أنا و العوض وسمارت كلنا مهندسين مدنيين يعني عايز تغالط الناس في أكل عيشها؟! غايتو دي ما سبقك عليها زول.
وبعدين يا فرانكي منو اللي قال ليك الرواكيب والقطاطي آمنة؟! دا كلام غريب جداً جداً وشكلك كدا بعيد جداً عن معرفة معاناة من يسكنون في الرواكيب والقطاطي يا فرانكي الناس اللي بتسكن في الرواكيب والقطاطي لأنها ناس بسيطة وما عندها حيلة تسكن في مباني طين والمضطر يركب الصعاب، وحتى لمن يجوا يطبخوا بطبخوا خارج القطية أو خارج الراكوبة في العراء.
بالإضافة يا فرانكلي الخشب في السودان مكلف وغير جيد مثل أمريكا أمريكا بلد الأخشاب وأخشابهم نوعيتها جيدة، فعلى حسب علمي في ألمانيا البيوت من الخرسانة والطوب وعلى الرغم من توفر جميع وسائل الحماية ومكافحة الحريق إلا أنهم لا يستخدمون الأخشاب في البناء.
وشكراً يا معز وأماني، ويا معز نورث كارولاينا أي نعم رخيصة في السكن وفي الإيجار ولكن متوسط الإيجار في مدينة شارلوت ما بين 500 إلى 800 لمنزل مكون من غرفتين يعني الأسعار ما واقعة الواطة للدرجة دي، وبرضو كلام سمارت سليم مائة المائة بإنو المناطق اللي بيوتها رخيصة بعتمد على الأمان وأهم شيء فرص العمل فيها غير متوفر ومستوى الدخل فيها ضعيف جداً جداً.
ويا د. ياسر بس خليني أفضى شوية وأشوف ليك في منتوغمري كاونتي بالمناسبة منتوغمري دي أنا بعرفها زي جوع بطني إشتغلت فيها وعملنا ليكم فيها مودل لمياه وشبكة الصرف الصحي فيها في الـ WSSC مع كوستاوي.
تحياتي وتقديري للجميع
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: النذير حجازي)
|
السلام عليكم
حبيت أضيف معلومة صغيرة
إنو الشراء للأراضي في أمريكا مفتوح للأجانب وليس هناك شرط إقامة أو جواز
والبيان بالعمل فأنا قبل كده اشتريت قطعة أرض صغيرة جداً فقط للتجربة والتعلم والإستثمار البسيط وكان ذلك بالمزاد الإلكتروني وسددت بالفيزا - وأرسلت لهم صورة الجواز وبعد فترة وصلني بالبريد المسجل صك تسجيل الملكية
وفعلا هناك ضرائب وهي تختلف من ولاية لولاية وتحسب على اساس الخدمات الفعلية التي تقدمها الولاية
يعني كلما كانت القطعة نائية تكون الضرائب خفيفة وتزيد بزيادة الخدمات العامة مثل الشوارع والمدارس والمستشفيات وهكذا
وممكن تسدد الضرائب بالفيزا كارد وبتجيك فاتورة الضرائب كل فترة وعندما تسدد يرسل لك إيصال السداد
بالنسبة للعقار طبعا لا أنصح بالشراء قبل المعاينة لأن بعض المناطق غير مرغوبة لإرتفاع نسبة الجرائم فيها وعادة العوائل السودانية لا ترغب في مثل هذه المناطق. وهذه تجد أسعار العقار فيها متدني جداً
لكن عموما الإستثمار في الأراضي والعقار فرصة جيدة خاصة في هذا الوقت في أمريكا لأن اسعاره متدنية منذ الأزمة المالية حتى اليوم ورغم التحسن النسبي الآن لكنه ما زال عموما فرصة جيدة لمن لديه راس مال وسيولة لسداد الضرائب ويا حبذا شخص للإدارة والمتابعة.
وشكرا للموضوع المفيد والذي يكشف الجشع الغير معقول الذي يحدث في الوطن بدون اي مبررات منطقية أو اقتصادية.
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: Elawad Eltayeb)
|
Quote: السلام عليكم
حبيت أضيف معلومة صغيرة
إنو الشراء للأراضي في أمريكا مفتوح للأجانب وليس هناك شرط إقامة أو جواز
والبيان بالعمل فأنا قبل كده اشتريت قطعة أرض صغيرة جداً فقط للتجربة والتعلم والإستثمار البسيط وكان ذلك بالمزاد الإلكتروني وسددت بالفيزا - وأرسلت لهم صورة الجواز وبعد فترة وصلني بالبريد المسجل صك تسجيل الملكية
وفعلا هناك ضرائب وهي تختلف من ولاية لولاية وتحسب على اساس الخدمات الفعلية التي تقدمها الولاية
يعني كلما كانت القطعة نائية تكون الضرائب خفيفة وتزيد بزيادة الخدمات العامة مثل الشوارع والمدارس والمستشفيات وهكذا
وممكن تسدد الضرائب بالفيزا كارد وبتجيك فاتورة الضرائب كل فترة وعندما تسدد يرسل لك إيصال السداد
بالنسبة للعقار طبعا لا أنصح بالشراء قبل المعاينة لأن بعض المناطق غير مرغوبة لإرتفاع نسبة الجرائم فيها وعادة العوائل السودانية لا ترغب في مثل هذه المناطق. وهذه تجد أسعار العقار فيها متدني جداً
لكن عموما الإستثمار في الأراضي والعقار فرصة جيدة خاصة في هذا الوقت في أمريكا لأن اسعاره متدنية منذ الأزمة المالية حتى اليوم ورغم التحسن النسبي الآن لكنه ما زال عموما فرصة جيدة لمن لديه راس مال وسيولة لسداد الضرائب ويا حبذا شخص للإدارة والمتابعة.
وشكرا للموضوع المفيد والذي يكشف الجشع الغير معقول الذي يحدث في الوطن بدون اي مبررات منطقية أو اقتصادية. |
لا فض فوك يا العوض الطيب، وشكراً على هذا الكلام المفيد والمرتب وأمريكا بلد الفرص بس عايزة زول يكون عندو شوية رأس مال بنجح فيها.
تقبل تحياتي وتقديري
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: smart_ana2001)
|
Quote: الخرصانة يا سيدي غير قابلة للاشتعال. |
بالله
شوفي يا اسمارت_أنا2001
موضوع مثل هذا لا يمكن تناوله بهذا التبسيط والتسطيح والسذاجة في التناول والطرح
يعني شنو غير قابل للاشتعال هل يعني أنّه لا يفقد خواصه ووطائفه الفيزيائية؟؟
الخرصانة لا تشتعل ولكنها تحترق ويفقد وظيفته والزجاج لا يشتعل ولكنه يحترق ويفقد تماسكه والحديد كذلك
بعدين الكلام الفوق دا ما مكتوب في وكيبيديا ولو كتب في وكيبيديا فسيكون سرقة صريحة من حقوقي الفكرية
الموضوع أبداً لم يكن مفاضلة بين أيهما أكثر مقاومة للحريق
بل أنا ذكرت أن الخشب يمكن بمعالجات بسيطة جداً رفع درجة مقاومته للحريق ل 90 دقيقة
وغير صحيح أنّ عدم توفر خدمة مدنية لمكافحة الحريق أنّ البناء بالخشب غير ملائم لطقس السودان
إذ يستوي هنا البناء بالخشسب مع غيره من المواد
وغير صحيح انّ عدم توفر العمالة الماهرة تجعل من بناء الخسب غير ملائم للسودان
وهنا تسري قاعدة العمالة على كل المباني سواء بالخشب أو الثري دي بانل أو الخرسانة وإن كنت أنا شخصياً لا احبّذ البناء بالخرسانة المسلحة في بيوت لا يزيد ارتفاعا عن طابقين فوق الارض إذ يمكن بسهولة تحميل الحوائط "الحاملة" لثقل ما فوقها وهي عملية حسابية بسيطة.
كدي يا سامارت أنا 2001 اعطيني دراسة توضح نسبة الحرائق في البيوت المبنية بالخشب في أمريكا مقارنة بتلك المبنية بالخرسانة؟؟؟؟
بالمناسبة في زيارة لي لمدينة بورتسودان وجدت بها بيوت كثيرة مبنية من الخشب
وفي مدينة الإسماعيلية بمصر "سرايات" مبنية من الخشب
بخصوص خدمة الدفاع المدني لمحافحة الحرائق هناك عمل كبير وكثير ينتظرهم
حتى لو توفرت طلمبات المياة وعربات الأطفاء فالكثير من الشوراع في العاصمة لا تستطيع عجلة أو ركشة ان تمر فيه من كثرة العوائق والمطبات
أكوام تراب ومخلفات بناء ترقد لسنين دون يد تعالجها أو قانون يردع هذا غير الاصطفاف الغير مسؤول والبناء داخل الشارع لمرآب سيارة أو أضافة عريش لبقالة
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: Frankly)
|
سلام يا فرانكي،
على الرغم من إختلاف وجهة نظرنا لكن سعيد بأنك أخذت كورساً في المواد القابلة للإشتعال، لكن يا فرانكلي كورسات فقط لا تكفي، فالهندسة المدنية متكاملة، مثلاً في ردك الآخير لا ينم عن معرفة جيدة بشبكة مياه إطفاء الحريق، يا فرانكلي شبكة مياه إطفاء الحرائق دي تخصصي وأكل عيشي إشتغلته في أمريكا وفي الخليج وصممت عدة مدن فيه.
والشيء الوحيد الذي أتفق معك فيه بأن المباني الخشبية، عملية وإقتصادية في حالة طابق واحد أو طابقين فقط، فهي أرخص من الخرصانة في هذه الحالة، أما في أمريكا فناطحات السحاب تصمم من الإستيل وحوائط التقفيل من الخشب لخفة وزنه.
ولكن الخرسانة مقاومة جيدة جداً للحرارة، فهي في هذا الجانب بلا شك أجود من الاستيل والخشب.
كتبت:
Quote: بل أنا ذكرت أن الخشب يمكن بمعالجات بسيطة جداً رفع درجة مقاومته للحريق ل 90 دقيقة |
علشان نكون ناس عمليين، ممكن تنزل لينا ورقة علمية مكتوبة باللغة العربية أو الإنكليزية لهذا الخشب المعالج الذي يقاوم الحريق أكثر من الخرسانة؟! ما تجيب لينا باللغة الألمانية، لأن ما كل الناس بتفهم ألماني.
تحياتي ليك وكويس إنك ما زعلت من مزحتي مع عماد محمد.
| |
|
|
|
|
|
|
Re: بيوت راقية جداً جداً للبيع و بأقل من 50 ألف دولار وبالتقسيط (صور) (Re: Frankly)
|
Quote: لا فض فوك يا العوض الطيب، وشكراً على هذا الكلام المفيد والمرتب وأمريكا بلد الفرص بس عايزة زول يكون عندو شوية رأس مال بنجح فيها.
تقبل تحياتي وتقديري |
الشكر لك أخي العزيز النذير حجازي
بصراحة المفروض الناس تتعلم من العولمة الحاصلة دي في تطوير ذاتها وبلدها وارتياد آفاق جديدة.
المهم أنا جربت عملياً تسجيل قطعة أرض في أميركا وفي السودان
الأولى تمت وأنا قاعد في مكتبي في الرياض في أقل وقت وجهد وتكلفة رغم أني أجنبي وغير مقيم ولا أحمل اي أوراق ثبوتية أمريكية.
والثانية حاولت أعملها بدون واسطات أثناء إجازتي (أو بالأحرى إجازاااتي) في الوطن الحبيب - وحدث ولا حرج. إنها مأساة حقيقية تدمع لها العين ويدمى لها الفؤاد. رغم أن الموظفين قاعدين في المكيفات وعندهم أجهزة كمبيوتر وبرامج وأجهزة اتصالات ـ يمكن أتوقع تكون هي نفس الأجهزة الموجودة عند الموظفين في أميركا ـ لو ما كانت أحسن منها.
لكن العيب في (النظام) وفي الإدارة.
| |
|
|
|
|
|
|
|