|
دعواتكم لزميلنا المفكر د.الباقر العفيف بالشفاء العاجل
|
|
 Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
أبو سالي
خطاب
العابث بالقلم والزمن
ود حلتي.... ويقيني تعرف ما أعني بهذه
ولكن
ليس لدي ما أقوله سوي أن أردد كلماتك هذه في حقه
هو ذاك خطاب حسن احمد ، يصطادك كما العنكبوت الذى لا تستطيع عنه فكاكا وان استطعت فهو ملتصق بجوانياتك ، يتحداك وكثيرا ان تتجاوزه ايا كانت وسائط التحدى سواء فى الشعر ، المسرح ، الاذاعة ، لتمثيل المسرحى او التلفزيونى فهو شخص سمته التحدى
يغلب عليه وكثيرا الشعر ، ذاكم المفتون بالنيل ، حتى انه هدى النيل اول ديوان له ( شكرا يا نيل )
خطاب حسن احمد سأظل احتفظ لك دائما بغرفة فى قلبى معلنة صداقة لن تنتهى نضرة ستكون كما بدأت واعدة كما ستظل ، حميمة كما ستظل رائعة كما روعتك
أوعدك وعدا علي لن يفكه صوم كما كانت تحلف حبوبتك وحبوبتي أم وهيبه
سوف أوقف وبكل صرامة ولين هذا العابث بالقلم والزمن
فمن غيره قادر علي أن
يمنح هذا الشعب
معني أن يعيش.... وينتصر
أشواقي حين تسعي إليك تشتاق
أخوك د.متوكل
| |
 
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: خطاب حسن احمد)
|
..
..صديقى الفرجينى الفاخر
..شكرا لإ حتفاظك لى بمقعدى القديم..طوال كل هذه السنوات
..تذكر وانت على وشك مغادرة هذه الأمدرمان الأ مريكيه..ماذا قلت لك :
..لم يعُد والتكنولوجيا..للمسافات وجود..اريزونا فرجينيا..
كله بُعاد..وسأكون معك هُناك متى ..ما توفرت الأسباب
...وأظنها
..أسباب العسل..
شكرا أخى بكرى على حرارة الترحيب .
...سعيد أن كل البنات صرن حدائق..
الا رحم الله الفنان ..وأطال عمر حاملى هم الوطن..
..صلدا ..إبداعا ..وعطاء..
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
جلبت ليك
من بلاد الله البعيدة
صًٌٌَُـٍنوف من الوجد الملح
درت القاك بالسمح
كنت اصتاد فى الظهيرة
من مناقير الكنار
بوصلات سكك الاغانى
ومن قرى الليل القصية
انتشل عطر الامانى
ولو الاقى الليل ادسه
لما يغرس فينى حسه
لى ملاقاتك هديه
واتفقد الرعشة
المعبية فى ايديا
كنت اسعى بالشمس
فى دياجر الليل أصحى
يستف اليل نجمه حالآ
يقلع اوتادة ويجر حبالآ ربطنو
ينزوى الليل ينمحى
وتنتعش مدن النعاس
تملا من الصحو كاس
تجترح دفق الحماس
يحيا شارع منتحى
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..
ياالمدنى تعرف اول يوم أصل المدينه الماطره بعد الظهر تماما..
الحصل شنو.!!
..مساءا وأهل البيت الإعلامى الجميل يعرفوننى عليها ضالتى ، كان أن إصطادنا
..آخر الطيور..
أى والله لا أدرى كيف علم ..
ومنذهالم نفترق ألا للعمل ..
المدهش أننى كنت أحتقب تؤام الحقيبه التى كنت تحتقب .!
لا حظت الحفاوة أينما ذهبت ..سألته لماذا كل هذا.!ألأننى معك.!
فضحك آخر الطيور مشيرا الى الحقيبه..اللتان كان أهدتهما..فى ذلك التكريم ..عقد الجلاد..
هنا فقط إدركت يا صديقى أدركت ..إلى جانب أننانحب بعضنا ..طوال ونحاف ..
أنها ذات الحقيبه التى كنت تحتقب وأنها ليحيى
وأنه سمحنى إياها..حين شهوده تعلقى ..
فكانوا بتقرنجه رهيفه..يهمسون..ششووفف بالله ..
محمود مشى ..ومحمود جا,,
..فأدركت مدى الورطه..
أشوفك .
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: خطاب حسن احمد)
|
الزول ما برحبيهو في بيتو وانت في بيتك ونحن الضيوف
اهلا وسهلا يا استاذ خطاب ، التقينا في زمان مضي ، وطبعا
الصورة دي بعد التصحر القسري الذي كسحنا ، واذا لم تسعفك
الذاكرة مرة تحدثت معي وانا كنت في نيروبي وكان بقة بينكم في
البلد النجيضة دي اللتو فيها الان ، ليس هذا مهما ، اقعد عافية
وجيب لينا صلاح الزين ويحي فضل الله وكل المبدعين لتكملوا لنا العرس
ولك التقدير
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
حباب خطاب السمح
سيد الحس السمح
ود الزمن السمح
أرجو أن لا تجهد ذاكرتك الجميلة في محاولة لتتذكرني..
لكن ممكن أساعدك...
غايتو آخر مرة إتلاقينا فيها أظنها في بيتنا في أمبدة شارع مدني
وكان معاك إبن خالتنا الفنان المخرج الإذاعي حالياً...
حسب الرسول كمال الدين الطيب...
وبعدها لم نلتقيك إلا من خلال ونسات الناس السمحين...
خطاب بتعرف ميرغني؟؟
ميرغني يااااخ
ياخ ميرغني القاعد يقول ليك فجاخ حسن أحمد
لووووووووووول
أقول ليك حاجة؟؟ أحسن ما تتظكرني زاتو
لك الود...حتى وإن لم تتذكر
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
ألف مرحب بالشاعر المسرحي خطاب حسن أحمد
كلما أطل شخص من قبيلة الشعراء والمسرحيين والمبدعين يزدان هذا الموقع بهاءا
لأننا بحاجة الى تنوع العطاءات الإبداعية والفنية والدفع نحو المرافيء الوادعة
خاصة وأن أمثال خطاب تفرقوا في بقاع الدنيا الواسعة ولم يعد يلمنا بهم سوى
هذه المواقع التي نأمل أن يحرصوا على الظهور عبرها حفافظا على الترابط والاستمرارية0
ولعلها سانحة أن يطل خطاب مع قرب يوم المسرح العالمي حيث نتوقع منه وقفة
تأمل واجترار للذكريات في هذا اليوم الذي نادرا ما يمر دون احتفاء يليق به0
صلاح يوسف
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
...
...
بت الذين أحبهم ..كنتى مافيشه ..بره البلد طبعا فجاءنى الذى يمكنه المجيئ فى أى وقت
ليغادرنى ..خارج الوطن ..بمعنى يذهب بى أقلها ناحية المطار ..وهذا اصعب المهام التى
يتدرعها..على الإطلاق..أودعت حقيبتى وركنت صامتا إلى جواره..
..:..إنت عارف شنو.!!
..:..شنو.!؟ أجبت ..
..:..حنمشى أم بده..
..:..خير .!!
..:..لازم تلاقى عزه قبل ما تسافر..تكون دايره تقول لى امها حاجه..
وذهبنا..
طرق الباب ذات الطرقه التى يعرفها ناس البيت ..
نسميه هناك فى الثوره ..سيد اللبن
..ففتحوا الباب ..سلمنا على الجميع
:..تساءلوا
:..لا لا ما فى حاجه..
:..عزه عندك حاجه لى ماما ..
:..لأنو عمو خطاب مسافر
عفوا صديقتى لم أحكى لك هذه ..
من قبل
..
أشوفك
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: ناذر محمد الخليفة)
|
من عجائب الدهر
في حوار صحفي قال المذيع عمر الجزلي بانه لم يسمع عن خطاب حسن أحمد
أو يعرفه 000!!! وخطاب يعمل معه في إداره واحده 000 سبحان الله 000
خطاب حسن أحمد صاحب أغنية البنت الحديقة
خطاب حسن أحمد المخرج الأذاعي المسرحي المتمكن
خطاب حسن أحمد الممثل المبدع 00
خطاب حسن أحمد ذلك الفنان المرهف الشفيف
مرحبا بك أيها الفنان الجميل خطاب حسن أحمد
وشكرا للباشمهندس بكري
وشكرا الأخ عبد الباقي
وحقا أنك إضافة حقيقية للمنبر 00
ونتمنى و نسعد كثيرا بتواجد يحي فضل الله بيننا 00
مع مودتي 000
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: خطاب حسن احمد)
|
توووووشييي
يأبها الصديق
الذي ضاع مني
في متاهة أحلامي
الود البستان
حته واحدة يابقة
توشي
تتذكر لمن ناديناها
في جوانا
واستغربنا سمعتنا كيف
تذكر الحواري والدروب المغبرة
والمشاوير العرقانه
والبرامج الضاحكة زمن الشجن
والإرتجال لأول مرة في الإذاعة السودانية
وبرنامج ناس
وين ناسك الحنان ياضحكة فرحنا
وين ناسك الغلابا البسطاء
وأبناء السبيل
جيت ونحن متفنين قدامك
منتظرين تحجينا
وتغني لينا أجمل أغاني
من بستان هواك
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..يا جماعة الله أنا والله ..عديل كده لو ما قلت لحدى هسه ..الرووب
..ما تستغربو لو قلته ..
..قال درويش اللهم أعفنى من هذا الحب القاسى
وأقول أنا بالدارجى..
اللهم أعنى عليه..
كل هذه الحفاوه التى تطوقوننى بها...
..
نادر السودانى ..كيفك يازول ..
..ما تساعد البت بشوية مزازيك ..
عشان تمرق .. من الأبرول..شوية جقلره ..ولاشنو..
...عارفك ..وانت الاتنين ..إذا الحزن النبيل ولا الحديقه
..
أسمعك
..
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..بداية الروووب
..
والعاقبه عندكم فى المسرات.. طبعا..ها
..
أب دقن دا لامن صاحبتو زمان بقيت أناديهو ..بى أبو الزهور
بعدين لمن ضفرتناالظروف ..وبقت تجهجه فينا..بقيت تحت تحت ..أقول ليهو أبو النسايم
..فأنا يالحبيب معاك بهناك وبى جاى..الإشاره عليك..ياحليل أبوسريع وسايق البوباى..
..
الدكتوره الحريفه..إنعام سعد..أنتى الوداك من الأول تقرى الحاجات وحاجات ..زى ما قال
صديقنا السنى شنو.! مش كان (..أسحن ليك ..تتخصصى أى حاجه من الحاجات البتظبطيها أسحن مننا!!
..شكرا على اللون ودى كانت القصيده الأولى وشهدنا ميلادها..حيث أهدانيها..مباشرة ًبعد الميلاد..
..
ياريت يا إنعام لو عندك ..جلبت ليك
..
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: خطاب حسن احمد)
|
عزيزي الفنان خطاب،
تحيتي وغامر محبتي،
أقول مع عبد الشيخ الغنى النابلسي:
يا مرحبايا مرحبا يا مرحبا *** هذا الحبيب أتى وكان مغيبا
وسرى نسيم الروح في أحشائنا*** فأمالنا طرباً كإغصان الربا
وبه انجمعنا يوم جمعة وصله *** فتفرقت أحزاننا أيدي سبا
تأتينا معك إلى هذا المكان، حيث انتفاخ الذوات، مع قيم كثيرة،
قيمة التواضع. كثيراً ماتذكرني، يا عزيزي، بقول الأستاذ محمود
عن التواضع، حيث قال أنه هو أصل الخلق الرفيع الذي يقود إليه
العلم الصحيح.
يا مرحبايا مرحبا يا مرحبا *** هذا الحبيب أتى وكان مغيبا
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
...منى خوجلى
..تفرح بيك الأمانى الطيبات ..يابت عم عوض
..نتلاقى أكيد فى ود قادم..
...
...عبده..يا ود جدنا أحمد..
..النيل طشاش ..ما فضل منه غير الموجات البتشغل للقلب
لكن بنعوضه ..بى قدر الأنهار الجاريه حِدانا..ولا شنو.!!
...
هاديه بت عمنا بدر الدين ..
..هباشه من يومك ..وبتعرفى (..تنكتى سحارات الشعر المتضارى..)
دى يا أم داليه..قصيده بالحيل ، عزيزه على تسلمى..
...
الأستاذ ملاس ..
..يا المنى مستنى الملا م..
يا سلا م..يا سلا م..
...شكرا على الترحيب لكم صادق الود
...
أشوفكم..
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Anwar Elhaj)
|
أستاذنا خطاب حسن أحم
عشرات حبابك وسلامات
وجيدن جيت في حوش بكري الوطن .
نسعد بك ونفرح لأنك حديقة متنوعة
وتفوح منها الروائح الزكية العطرة
نورت هذا الوطن بطلتك ، واسمح لنا
أن نجرجر البنابر لعند رجليك حتى
لا تفوتنا شاردة أو واردة منك يا نبيل
الحرف وعظيم الكلم .
وعقبال لمن نفرح كمان بصنو روحك ودفضل الله .
شكراً أخونا عبدالباقي . وفعلاً بيتنا نــّور .
مودتي ،
( ليمو )
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
...البيت يا مصطفى يا خوى عمران بسيادو..
..بالنسبه للتعريه هاتفنى صديق عريق ..
..أها شنبك الكبير داك لسه.!؟
فخلصت الى ما يرمى إذ كانت له..منذ الثانويه، بوادر جلحات ..ونحن (ناس شيب كونرى وكده..)
..فرددت عليه :..
..:..كبير ..قصير ، صار يا صديقى أبيض
..:..مُحلى بالأسود..
...
محمود مصطفى..كيفنك ..والبركه فى السودان وفيكم
..فى الرائع..بادى ..إذ أن صداقتى لأ خيك ..حسبو..
عرفتنى به أكثر ..سلم لى على الزول الفى الصوره..
قول ليهو عمو خطاب بسلم عليك ..
...
..أيا زيداب ..يا عثمان عبدالرحيم بن موسى ..سلام
..يا اروع من جاورت نواحى هذى البلا د..
..الأ خضر يا صديق إنتباهة البشرى ..زغرودة الألوان..
..
لكم سادتى
خالص الود
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
الديار سالتني عنك
لما حست بي فراقك
وقالت انها
ما بتنورفي بعادك
وانها بتفضل تعاين في الدروب
مشتاقة لى لحظة ايابك
الديار سالتني عنك
يا ديار ما تذكريني الشفتو فيكي
يا ديار نسيني كل لحظة خلود حسيتها فيكي
ياديار انا كنت كل لحظة جزن بقضيهل فيكي
ما كنت بشعر بالحزن وكتين اجيكي
الليلة ببكي وبشكي فيكي
الديار سالتني عنك
وينو يا عزة الكان بعشق مجيكي؟
وينو الفرح الكان بينور في وشيكي
وينو الكان بيمسك يديكي؟
ويحكي ليكي عن المحبة وريدو ليكي
ـــــــــــــــــــــــــــــــــــــــــــــ
الديار شكلها دوبها نورت بمجيك .. وبطلت تعاين في الدروب وبلت شوقها .. وعازة لقت الفرح البنور وشيها.. ولقت البحكي ليها عن ريدو ليها .. ونحن يا أستاذنا دي قعدتنا عشان نحكي ليك عن محبتنا وريدنا اللي عايز ألف ليلة وليلة عشان نحكيها ..
مودتي
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..شفت كيف حبك بيعمل ...تتتيرا ييرا يا
..صدقوا يا جماعة الرحمن..ويبتدر ..سالم حامدوك مخاطبة المجتمعين..
..بأداء وصوت ممثلنا مكى سناده.. من مسرحيه..للكاتب ..عبدالله على ابراهيم..
..
..صلاح يوسف
..طولنا..أناعايتو لسه متذكر..تلك الندوه التى تديرها وتقدمها،على مسرح
قصر الشباب والأطفال..لم أكن أنا ضمن البرنامج ..القدال حين تقديمك له قام
من المقعدالمجاور..هامساً..خطاب إنت حتغنى..
..وكان أن قدمنى دون إخطارك..فصعدت وغنيت ..فكنت فنانا وديمقراطيا..
..فسعدت بسعادة الحضور..وخرمجة أهل الفرحه..كما يقول صديقى محمد طه القدال..
...
..السنهورى..شكرا لترحيبك
..تعرف الممثل ..دنزيل واشنقتون..
..مثال جدا .. وراجل ممتاز ومن الممثلين العندهم قبول..
...
..ياصديق ..ياموج ..ياخى اسمك ده انامن زمان عاجبنى
..بعدين كلماأتبنك فى حته..ألقاك وجيه وتمام التمام..
.آخرتهاإستنفارك لى بت الشيخ ..وكتابتها عن الكاشف..
..
شكرالكم على أريحية الترحيب
...
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: خطاب حسن احمد)
|
انتو الظاهر عليكم ناوين تدونا جنسيات جداد لنج...!
(خطاب حسن احمد)...
والله دي مش اورورووووووووووووووووووووووووووووووووووك
دي معاها...صفوف...وحجازين...ويا زول ما تخرب الصف دا
كل زول بنديه حقوا من الوطن...
تصور يا خطاب...شميت ريحة الطرفة....والنيم..
وعرق...البنائين...
وبسمع بصوت واضح بيقول (هنا ام درمان) يا ربي اكون بقيت ازرق طيبة...زي ما كان في زرقاء يمامة ناس تانين..
الف مرحب بيك ما بتكفي
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: فتحي الصديق)
|
يا خطاب يازمان الناس الأغاني.. كيف أنت وأين أنت ؟ أنس وجن في ثيابك؟ كلماتك لم تشفع لطفل شوقي ولم تردع حنيني إليك..لقد أرجعتني طلتك اليوم إلى منتصف السبعينات أيام شلة مركز شباب امدرمان و المبدع الراحل العميري وأنت والفاتح مطيع والأستاذة اسماء محمد الحسن والعبدلله..كنتم تلقبونني برامبو المتشرد وهو لقب اطلقه علي الصديق والمبدع الراحل سامي يوسف غبريال عندما حضرت من رحلة استشفاء في القاهرة وليس معي أي حقيبة فقط جواز سفر وكراسة شعرية لأنني أضطررت لبيع ملايسي في سوق الروبابيكيا عندما نفدت مصاريفي ولازمني ذاك اللقب حتى تخليت عنه بكامل قواي العقلية والجسدية ومتعمدا مع سبق الإصرار والترصد لظهور رامبو السفاح ورامبو الحرامي .. آه ياخطاب كانت أزقة ومنابر امدرمان نهايات أحلامنا وطلت طفلة تفتح النوافد .. تغلق النوافذ..وعازة في هواك الخليل والله ما ضيع الطرب..
وشكرا لك يا أستاذ عبدالباقي.
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
...تحايابالوان كل الأوقات ..بكل اللغات
..
نسيت فى ردى ليك أمس يا موج ..بمناسبة مهلب على مالك
وذاك ظرافه وطرافه تسعى على قدمين..
واقف كنت فى الشباك الخلفى لكافتيريا الأذاعه..
..:..اسمع أعمل لى واحد فول..أقوم أسمع ليك واحد وراى
:..خليهم إتنين بالله .!!
دون ألتفت .. وعامل البوفيه محتار
:..خلاص خليهم إتنين ..ده بكون مهلب على مالك
لألتفت إليه بالأحضان ..
له الود فى كل زمان ومكان..
...
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..الطيب بشير
ياخى سلا مات ..المذيع البوليص ..طالب الدراسات العليا
يا كم زول فى زول .. لكن بالنسبه لينا ياك الليلنا زول الحيشان
وحريف الشاشه..لكم الود..
..
عبد النعم ابراهيم
شكرا يا صاحب على حلو القول
هدايانا الحلوات لسميه والأولد
..القهوه تب جايين
..ونشد يا زول ديك يا الخشبه
..
محمد مختار ..شكرا يا زول على الترحيب
.. وعلى قول أخوى ..حميد
..: أنا كل بيوت الفقرا بيوتى
..
لكم خالص الود
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..سمندل يا سلام ..مزيكه تمام ..تعرف يا بكرى لحدى هسى
..وليه بكره لمن أخرم .. أروح مشغل السمندل وهاك يا سرحان
فيعيد دوزنتى ..كما يقول صديقنامحمد مدنى..كيفك يازول..
..
..ناذر محمد الخليفه ..شكرا ليك على الترحيب
..وسلم لى على الزول اللطيف القاعد قدامك ده..
..
سيف الدوله حمدناالله .. وعثمان سيد أحمد
..ناس المسرح الرايحين منى ..ليهم سنين..
كيفك يا مولانا وكيفك أستاذ عثمان..مش غريبه
تجوداخلين الاتنين.!!
..بروفه بس ..واحده فى مركز الشباب والتانيه فى المسرح القومى
..كم أنا ممتن لهذه الصدفه الجميله..شكرا على الطله والترحيب..
..يطول الكلام والحكى ..
ويا عثمان .. ما تزعل من الراجل .. إمكن نسى وإمكن ظروف المرحله.ها
..ولا أكون ما كنت أسماء فى حياتهم!.. طيب ياخى أمشى أسمع ولا شوف الإ رشيف!
..لكم جميعا خالص الود
..
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
...يالك يامحمد السنى
يا أيها الأ خضر من الداخل كحقل فسيح
..ما كانت ناس ..ناس ..لولاكم..فريق من العباقره
..ما ان تلقى لهم بالفكره..حتى يتجابدونها..تعد الحلقه حول مائدة البروفات
..لتطهى على الهواء..فيشع فى الناس الضحك ..
تعرف ياسنى ..وقفت عيد ضخيه وكنت مشرفاعلى برامج يومين من ذلك العيد
إتلفت ما لقيت غير العميرى وعبد الحكيم من الطاقم الحريف..طيب وبعدين؟؟
..:..اسمعوا ياشباب ..لازم إكون فى ..ناس
..وقد كان ..تعرف الحصل شنو.!!
إشتغلوا خرفان قاعدين إتونسو مع بعض وتجاربهم مع الضبحات والأعياد
..وتعال شوف الضحك..
..أشوفك
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..الأخ بدر الدين..أنتم الآن الذين تجلبون هذه الصنوف من الوجد المُلِح
..بحضوركم هنا .. إحدى عشر عام .. وما زلت أحلم أن أعثر يوماعلى الجزء الثانى
..مغنا بصوت الصادح بالأ لق..مصطفى سيد أحمد..أحلم مازلت
..لك خالص الود
ملاحظ إنت والسنى جيتو سوى ..الدوحه بس .!
..
ماشاء الله العيال كبرت ..قرأت رسالتك فعرفت ..أى تميم أنت
..الأسكندريه..وعم عبد الرحيم..على شاطئ البحر الأبيض ..
..لكن القصيده الظاهر أثر عليها الزمن عشان كده حاقولهاليك تانى..
...
تنقر جوفى ايقاعات
حسبتك كنت بتدوزن دفوف شدوك وتطربنى
أتاريك كنت بتنقر
جدار سجنك ..عشان إرهف
تشق صدرى ..وتطير منى
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: ABUKHALID)
|
مرحبا بالمبدع :
خطاب حسن أحمد
وقد تم تعريفه باعتباره شاعرا ومسرحيا،
لكنه ايضا ممثل سينمائي وله اعمال اذاعية ،
و أرجو ان اكوم محقا في ذلك.
وقد قام بدور البطولة ،وارجو ان اكون محقا ،
في فيلم حبل لابراهيم شداد.
مشكلتنا نحن السودانيين اننا لا نتحدث عن انفسنا ،
بتأثير صوفي،
وبتأثير من كلام مثل شكار نفسو ابليس.
اتمنى من المبدع المتعدد ان يقدم ملخصا لسيرته الابداعية والسياسية،
فهو مثلا قد كان في اسمرا،كبعض من مراحل حياته المتمردة.
مرحبا بخطاب
المشاء
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..متين يا يوسف الموصلى ..نسمع أطول أغنيه.!!
..
..وانا لافى فى شارع مافى
..عاينت لقيتك ..انتى الفى
..الظاهر انو الشارع أصلا..
..مموه فيك و مخفى ...
...
..ياريت زيما بقول عمنا السر قدور..لك كثير الود
...
..الجميل سمعه..حمدالله على السلامه
..تعرف دى أروع هديه تقدمها لى..
محمد عبدالرحيم قرنى شخصيا..وبالجلابيه كمان
..ياسلام
..لقد أشعلت فى ذاكرتى أكثر من نصف عمرى
..أيها الرجل..لك خالص الود
..
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
...عفوا ايها الأصدقاء لتباعد الجلوس إليكم
..وذلك لأ سباب الركض ..فى مشوار الحياه اليوماتى
...
..أنور
..ألقاك فوق ضحوه فاتحه على النيل
..وتحت هديل موجات مسافره
..غلى شواطى بتعزفه
..ونبدى المقيل..
..ياريت تسمعها بى صوت طارق أبو عبيده
..الحال من بعضه..لك الود حتى نلتقى ذات زقاق
..حتى لو كان زقاق المدق ..
...
..الأخ عبد الحليم التلب
..ليمو..شكرا على الترحاب..وأتمنى ان تجد ناحيتى
..بعض مما على .. افضت ..لك خالص الود..
...
..أيا سفيان
..كيفك يا أخا.. السودان
..يطالعنى حضورك دائما فينبسط فينى سهل من الأرتياح
..أشوفك
...
لكم وافر الود
| |
|
|
|
|
|
|
|
|
|
Re: أرورووووووووووووووووووووك الشاعر و المسرحي خطاب حسن أحمد جانا بجاي (Re: Abdulbagi Mohammed)
|
..
..العزيز مجاهد عبدالله ..لك خالص الشكر
..الدار منوره بسياده
..اتمنى ان نقضى وقتا طيبافى التعرف إلينا..قضايانا
..وكل ما يهم الوطن..دمت
...
..الأخ الكريم سليمان عبد الغنى ..الشكر موصول لك
..على بديع الترحاب قدومكم إلى هنا يعنى الكثير بالنسبة لى
..لكم وافر التقدير..
...
..الأخ خالد العبيد
..ربما كنت أحد اقدم المشاركين فى هذا الموقع
..أو هكذا تصنفك الذاكره .. او قل اننى انتبه
لمداخلاتك ..رغم علاقتى المتقطعه عموما والإنترنت ..
..بخصوص تلك المقالات او السيناريو..الذى كتب ونشر فى القاهره
..إبان تواجدى هناك ، وهى خمس حلقات ...الصفحه الثقافيه..
..إشراف ألأستاذ..أحمد الطيب عبد المكرم
..أتمنى أن أحصل عليها..من إرشيف الصحيفه ..الخرطوم
..أو يعيد..إرشيفى الخاص لها..الصديق الذى كان فى زياره للمدينه
..فلم تطاوعه إهتماماته على تخليفه..وراءه ..فاصطحبه معه نواحى الخليج
..شكرا خالد.. اتمنى الحصول على ذلك الأثر..
...
لكم خالص الود
...
| |
|
|
|
|
|
|
| |
Abdulbagi Mohammed
بكرى ابوبكر
ahmed khidir
Mahmed Madni
Raja
Yassir Tayfour
سلمى الشيخ سلامة
shahto
Mutwakil Mahmoud
عصام عبد الحفيظ
نادر السوداني
خطاب حسن احمد
Azhari Nurelhuda
Inaam Saad
عزالدين محمد عثمان
Muna Khugali
عبدالكريم الامين احمد
Hussein Mallasi
مصطفي سري
Mahmoud Mustafa Mahmoud
Osman Musa
Salah Yousif
محمد احمد سنهورى
صديق الموج
الطيب بشير
محمد المختار الزيادى
سمندلاوى
ناذر محمد الخليفة
saif addawla
عثمان سيد أحمد
محمد سنى دفع الله
بدر الدين الأمير
ابو تميم
Haydar Badawi Sadig
Aymen Tabir
Elmosley
sumah
Anwar Elhaj
abdulhalim altilib
سفيان بشير نابرى
Imad Khalifa
nazar hussien
خالد العبيد
Hawari Nimir
Bannaga ELias
HAMZA SULIMAN
هشام هباني
ABUKHALID
Ibrahim Idris
الفاتح يوسف جبرا
osama elkhawad
عبّاس الوسيلة عبّاس
فيس بوك
تويتر
انستقرام
يوتيوب
بنتيريست