|
الصحفي هيثم كابو يرثي الزعيم محمد ابراهيم نقد
|
(حضرنا ولم نجدك) ..!!.. وأيه معناهو الغياب ..؟؟ والدمع عليك صابي .. وداعاً يا مسامح يا زولاً ودود .. مابعرف يعابي في الحق ما بتهادن .. تغامر بعمرك وروحك تشابي .. لا بتهاب مشانق لا سجوناً حصينة .. تمرق للنصيحة يا (ملك المخابي)
وينو (نقد) الليلة .. ماكان بيناتكم هسه (إختفي) من تاني وحاتكم.. ورونا حقيقة القصة الزول الطيب سيره .. أوع يكون (إدسا) نعاهو الناعي أمبارح.. وعُمر النضال إتقصا دعواتكم بس يا أمة .. أنتهت الليلة الحصة ..!! *** حضرت ولم تجدهم .. و (ميدانك) ياخي فاضي مشيت سافرت غادي .. وكل مكلوم عليك بي حكم الله راضي.. يعني خلاص مسافر يا زولاً مسامح .. ما بعرف يعادي يعني خلاص وداعاً.. ما (مخبأ جديد) من بعدو تجينا صادي..!!.. يا (أستاذ) ياريت تقول سفرك ما إعتيادي.. ناحت بلابل الدوح ومافي السرب شادي.. وداعاً يا (رفيق) ما عاد للركب حادي .. يا حليلو حزبك مقطوع راس عديل .. والناس بي هناك تهادي ويسألوا عن (خليفتك) .. وفقدك ماهو عادي !!
http://www.akhbaralyoumsd.net/modules.php?nam...ile=article&sid=7577
|
|
|
|
|
|