|
|
|
 Re: بوستات الشيوعيين بتلقى رواج في المنبر دا ليه؟ (Re: تبارك شيخ الدين جبريل)
|
Quote:
بوستات الشيوعيين بتلقى رواج في المنبر دا ليه؟
|
سمبلي..
لأنو عندهم زول عظيم مات .. بقامة نقد همسلف
بس
-------
في النكتة -لو كان الوكت مناسب- عن الرباطاب الامهم ماتت فجر كدا ..
جارم عمل غمران لمن الشمس مرقت، وناس الدافنة جوا صادين ..
جاهم بي شاييهو، وتكنو كان من المشيعيين: اصبحتوا كيف يا اخوانا؟
ختوها ليو طااااااااخ: والله اصبحنا امنا ميتة!!
يا تبارك ياخي، ايه الدنيا ايه غير لمة ناس في خير او ساعة حزن!؟
| |
 
|
|
|
|
|
|
|
|
Re: بوستات الشيوعيين بتلقى رواج في المنبر دا ليه؟ (Re: قيقراوي)
|
انا زي الغبيان يا قيقراوي اضحك في النكتة ...
انا عمليتي ولا قريبة ليهو ... انا اتلم مع الناس في الخير ... واجيب الشاي في الخيمة ..
واقعد اسألهم "اصبحتوا كيف؟" ...
حتى بعد داك نتونس في السياسة وفي الكورة ...
دا كوم ... وشغل المؤسسات كوم تاني ... يعني ما ممكن يمشوا عشان يطلعوا تصريح دفن يقولوا ليهم الموظف عندو بكا ... دا بالضبط العذر الكتبوهو الناس لى حكتي للحزب الشيوعي مع الحيطة ... انو الحزب عندو بكا ...
لى درجة انو واحد في الفيس بوك ادّعى انو الحزب اعلن "اجازة حداد" ... بعد شوية جا ناطي الناطق الرسمي بتاع الحزب ولا مؤجز ولا حاجة ...
لخبتتنا للعام مع الخاص كانت جزء من الحملة بالمناسبة ...
... المهم ....
| |
|
|
|
|
|
|
|
|
Re: بوستات الشيوعيين بتلقى رواج في المنبر دا ليه؟ (Re: تبارك شيخ الدين جبريل)
|
انت سؤالك الموسوم بيهو البوست اسي ول طوااالي؟
-----
اجابتي كانت على اسا انو اليومين ديل الرواج جا من وين
اها "عشان عندهم بكا"
كدا انت وزل النكتة علي بالحلال راكبين سرج وااااااحد!
يا تبارك الحزب طاير وين هو؟
اليشيلوا شيلتم ساي بعد دا ..
بس امهلم شوية ياخي
وكان جابولم فزرة كلنا مجهزين عكاكيزنا عاد
وحزباً ما حزبك جرو في الحيطة ساااي
المافي شنو!؟
بالجد الفقد ما ساهل
والله وجعني جوووة قلبي
ومقدر حالة الناس اللسة جوة
| |
|
|
|
|
|
|
|
|
|
Re: بوستات الشيوعيين بتلقى رواج في المنبر دا ليه؟ (Re: تبارك شيخ الدين جبريل)
|
الغريبة ياتبارك أن فكرتهم بنيت أساساً على الدياليكتيك أساس فلسفة رب الشيوعية لينين ، ولكنهم أكثر الناس
ضيقاً بالحوار وبالرأي الآخر!!
لن أظلمهم جميعاً ففيهم الكثير الذي يتصف بالسمو والرقي في أخلاقه ويشهيك الشيوعية!!
وفيهم من يتخذ أشكالاً فظة لإغتيال الشخصية تارةً ولإدعاء الفهم دون خلق الله تارات أخر،،
رحم الله عفيف اليد واللسان الراحل نقد، وعوضهم عن فقده وألهمهم إتباع سيرته العطرة قولاً وعملا !!
المهم!!
| |
|
|
|
|
|
|
|
|
|
Re: بوستات الشيوعيين بتلقى رواج في المنبر دا ليه؟ (Re: عبد اللطيف بكري أحمد)
|
لانه عندهم مجموعة من الحثالات والشتامة والخشامة بيخشو يقلبو اي نقاش الى كوم رماد
والسودانين بحبوالاكشن وكدا
لكن لاحظ في بوستات التهنئة الخاصة بهم حتى عدد كبير بيكون قرفان وزهجان من الخشامة والشتامة ديل ما بخش يهنيهم
مثلا بكور علوم لما عرس بوست التهنئة كله اب اب اب اب وما هنوه الا عدد محدود مقارنة باي عرس زول هنا ممكن يقلب كم صفحة..
ودي بتوريك انه الناس بتحب الاكشن فقط.. وديل ناس اكشن بتاع فارغات
ولا تهابش عش الدبابير لو ما عايز يجبو سيرة امك وخالتك وحبوبتك وقرايتك ومعيشتك ووظيفتك.
وتبقى فرجة في السايبر
ــــــــــــــــــــــــــــــــــــــ
ونموذج بكور علوم وكراهية حتى ناسو ليه لانه اسع دخل بوستي لعصام عشان يعمل اكشن..
عش الدببير تشبيه عادل امين للشيوعين هنا
مع اني لا اتحدث معه وعاملة ليه اقنورد من فترة.
| |
|
|
|
|
|
|
|
|
|
Re: بوستات الشيوعيين بتلقى رواج في المنبر دا ليه؟ (Re: نبيل عبد الرحيم)
|
Quote: والله ما فى شخص ملتوى مثلك
لم أرى فى حياتى شخص يشمت فى الموت والمرض مثلك رغم أنه قريب منك ولا يظهر فاكر نفسك معمر ومحصن من المرض
رغم أنى سمعت إنك بتتعالج من الإدمان.
أتلم المتعوس على ...........
شوف يا تبارك (الله مابارك فيك)
شكلك عايش شهرة ببوستات الشيوعين
تطاولتى على وأنا من طبعى أرد الصاع صاعين
ومعاك للصباح |
انا عايش بى تنفس صناعي ... والإدمان عامل ليّ "منخوليا في دماغي" (يا قولكم!)
الصباح لو ما شفطت نفسين بنقو ما بقدر افتّح ... تاني شنو؟
... المهم ....
| |
|
|
|
|
|
|
| |
تبارك شيخ الدين جبريل
Mohamad Shamseldin
نبيل عبد الرحيم
سناء عبد السيد
عبداللطيف حسن علي
Ridhaa
قيقراوي
فيس بوك
تويتر
انستقرام
يوتيوب
بنتيريست