|
يا أرض أحفظى ما عليك تحت ترابك يرقد حميد
|
تحت ترابك يرقد المحارب كما اشتهت السماء .... فترفقى وتلتطفى وأنجبى من بين أحشائك وطن
لقد مات ولم يسكت صوته
يا الله
يا الله
يا الله
طوبا لنا الحزن المديد
ولا نقول إلا ما يرضى الله تقبلك مع الصديقين والشهداء وجعل الحنة مثواك الاخير
|
|
|
|
|
|
|
|
Re: يا أرض أحفظى ما عليك تحت ترابك يرقد حميد (Re: محمد الفاتح خالد حسون)
|
تقوم النخلة من دمع الجراح تنـفض غبار الخوف يا آخر مداخل الجوف يا ... حَـرباشة فرح فرهد أمام الريح قناديلو غَمر ضَيك طشاش الليل بَـلع جٌـرحك مناديلو ودلف من حزنو داخل الجُب مهما قِـصر عمر المسافة شتاء فى صيف قدرنا بـطٌب ومهما الغياب طول عليك دمع الغٌبش حا يكٌب كِمل يازول دعاء المشتاق كِمل من القلوب الحٌب هدم سقف البيوت مطرك طلع فاضى الكلام مليان دَقَش عجل الزمن قطرك وطــــــــــــن شطرك قــــــــــطــع وترك قلب الغناء النازف عليك مـد الحٌـزن جارف تموت كيفين وموج النيل من الحِنيه ديك غارف تموت كيفين عليك ضل الغياب وارف عليك كل المدن تحلم يلم شمل النخل عارف
تموت كيفن
اللهم اخفض عليه جناح رحمتك يا رب العالمين
| |
|
|
|
|
|
|
Re: يا أرض أحفظى ما عليك تحت ترابك يرقد حميد (Re: محمد النيل)
|
بعدك تانى فى ... فى المدى الواسع نجوم !!! وين منى يا زول مختفى ؟ ومين غيرك بحنن للقصائد أصبعه ومين القصائد بى حنينو مطبعه من غيرو تصبح ساى حروف ما ليها ورح ماليا ورق المطبعه ومين لوغابت شمس فى الليل يغرد للصباح يرجى الصباحات مطلعه الجبال الشم مجرح بى دماهو وبى غناهو بطلعه و بالكلمه برجع بحتفى الكلمة فى الجوف يدرعه ويسقف الروح بالقصيد يدخل تجاويف الوريد بهداوة جواك ينكفى وين منى يازول مختفى ؟ ليك ..... كم طيرة ركت فى الزحام على كتفك ...... ارتحل الحمام وكيف اتسع جلباب مشاعرك للجوه دساهو الزحام وكيف أرتفع يقاع حوافرك وكيف طريقك بينا حام نسيت تهش حزن الارض لمن هطل جرحك غمام نسيت تقول كلمة وداع وقت انطفت ومضة خواطرك وجفت ينابيع الكلام نسيت تقول أخر قصيد نسيت تقول يا زول سلام منى وين حا تختفى منى ترحل يا وفى إذن أغمرنى يا هذا الظلام
رميه
يا عالم يا هوووووووووووى
لسان الحال اتقطع
اتيتمت نورة
كٌـر على ست الدار
مرحى يا اولاد الهرمه
النيل المن أحزانو إتعكَر ما ظنيتو فى يوم حا يروق بهداوة يا زول اتوكر بوراك خليت مليون خازوق ليهم يوم يا الزين ود حامد حميد فى الراس طايوق حميد فى العين الرمش الصامد حميد فى الليد الايد الشالكم فوق الايد الرفع البلد الواقع ولفح بى اصبعو كم واسوق
| |
|
|
|
|
|
|
Re: يا أرض أحفظى ما عليك تحت ترابك يرقد حميد (Re: محمد الفاتح خالد حسون)
|
انه عام الرحيل هرم آخر تحت التراب
محمد ابراهيم نقد الى جنات الخلد
الى متى العين تدمع و هذا القلب يحتـمـل الرثاء
إنا لله وإنا اليه راجعون
تغمد الله بواسع رحمته بقدرما ناضلت من أجل هذا الشعب الصبور يا نقد
الى متى العين تدمع والقلب يحتمل الرثاء
وهذا الجرح أعمق من نوافير المدامع
و هذا الحزن أكبر من ما نستطيع
واثقل من احتمال القلب روتين الحياة
من بعدكم ... كم هرم تبقى للسقوط يا وطنى
محمد الفاتح خالد
| |
|
|
|
|
|
|
Re: يا أرض أحفظى ما عليك تحت ترابك يرقد حميد (Re: محمد الفاتح خالد حسون)
|
الاخ محمد النيل
جهزت مشاعرنا لتأبين الراحل محمد وردى
ولحنت الغنى الممحوق
وقبل ما تفوح المنابر
جهز حناجرك للشاعر حميد
وحا تجهز حناجرك لى مفكرنا محمد ابراهيم نقد
من وين تجيب ليو الحزن
بهتت عويناتنا السقد
الليلة بكت اتقطعت
وفى الصباح صبحت سود
أما لهذا الحزن من مصب أخير
محمد الفاتح خالد
| |
|
|
|
|
|
|
|