|
|
 شركة طيران تقدم خدمة ممارسة الجنس داخل طائراتها لزبائنها
|
نقلا عن الراكوبة
قررت شركة طيران في مدينة سينسيناتي في ولاية اوهايو ان تضيف خدمة جديدة الى قائمة الخدمات التي تقدمها على متن الطائرة، اذ تسمح لركابها بممارسة الجنس خلال الرحلات الجوية.
وبحسب موقع نيويورك دايلي نيوز، فإن هذه الطائرة تقدم 60 دقيقة في «الجنة» على متن طائرة خاصة، فضلا عن الشامبانيا والشوكولا وطيار «كتوم الى حد كبير» والعرض كله بقيمة 425 دولارا.
وقد اكدت شركة الطيران هذه، انها الوحيدة التي تقدم مثل هذه الخدمات والهدف منها هو حث الزبائن على الانضمام الى نادي الميل العالي لممارسة الجنس على متن الطائرات في الاجواء.
يذكر انه في الماضي كانت هذه الرفاهية متوافرة للاثرياء وعلى متن طائرات خاصة، اما الآن فباتت متاحة للجميع، اذ يحصل الثنائي على اسرة مناسبة واغطية نظيفة ولاحترام خصوصية الزبائن يتم انزال الستائر وايقاف عمل سماعات الصوت، فضلا عن استخدام آلة توقيت خاصة لابقاء الزبائن على علم بالوقت المتاح لهم.
صبر يبل الآبري مافي؟
حكم
|
|
 
|
|
|
|
|
|
|
|
Re: شركة طيران تقدم خدمة ممارسة الجنس داخل طائراتها لزبائنها (Re: Hani Arabi Mohamed)
|
يا حمد الصياغة لخبططني شوية
المقصود انو السفرية عادية يعني و القصة دي من ضمن الخدمات زي الأكل و الأفلام الأصلا بتقدم للمسافر من جهة لجهة تانية
ولاّ الفكرة في العملية دي زاتها يعني الأربعمية خمسة وعشرين دولار نظير انك تركب الطيارة تلف بيك لمدة ساعة تغيّر فيها الزيت و تجي نازل في محلتك نفسها؟
Quote: قررت شركة طيران في مدينة سينسيناتي في ولاية اوهايو ان تضيف خدمة جديدة الى قائمة الخدمات التي تقدمها على متن الطائرة، اذ تسمح لركابها بممارسة الجنس خلال الرحلات الجوية.
وبحسب موقع نيويورك دايلي نيوز، فإن هذه الطائرة تقدم 60 دقيقة في «الجنة» على متن طائرة خاصة، فضلا عن الشامبانيا والشوكولا وطيار «كتوم الى حد كبير» والعرض كله بقيمة 425 دولارا. |
غايتو كان دي ولاّ دي ماعندهن موضوع ناسك ديل
| |
|
|
|
|
|
|
|
|
Re: شركة طيران تقدم خدمة ممارسة الجنس داخل طائراتها لزبائنها (Re: نادر الفضلى)
|
مراحب يا هاني
Quote: تى لو متزوجين ... الدنيا طائرة ؟
وما حلوة لا في حقي ولا حقها كدا أسوقها قدام الناس أدخلها الصندوق الفي ركن الطيارة .... والناس قاعدين يعاينو فيكم منتظرنكم تطلعوا من جوا الصندوق .. والمضيفة واقفة ببرا ماسكة ليك الزمن. |
طبعا ما بتجي أصلو
لو الشغلة تجاري ساي ممكن لأنو ناس التجاري ديل ما خاتين فيها قشة
لكن متزوجين وزول يكون ماسك الساعة والواحد يجي طالع عادي ويقعد قدام الناس ؟
ياخي دا وضع صعب وما بركب في الراس
| |
|
|
|
|
|
|
|
|
|
Re: شركة طيران تقدم خدمة ممارسة الجنس داخل طائراتها لزبائنها (Re: حمد عبد الغفار عمر)
|
أهلا بيك محمد البشرى
Quote: يا حمد الصياغة لخبططني شوية
المقصود انو السفرية عادية يعني و القصة دي من ضمن الخدمات زي الأكل و الأفلام الأصلا بتقدم للمسافر من جهة لجهة تانية
ولاّ الفكرة في العملية دي زاتها يعني الأربعمية خمسة وعشرين دولار نظير انك تركب الطيارة تلف بيك لمدة ساعة تغيّر فيها الزيت و تجي نازل في محلتك نفسها؟ |
والله يا محمد أنا ما عارف قاصدين ياتا فيهن بس غيار الزيت دا داير يتعلقوا ليهو في الجو؟
ما يأجروا ليهم فندق بدل الطيارة دي هسة جنس دا مع المضيفة الماسكة ساعتها دي فرقو شنو من حق الطرادات داك؟
أنا المحيراني قصة الطيار الكتوم دا
يكتم شنو ؟
| |
|
|
|
|
|
|
|
|
|
Re: شركة طيران تقدم خدمة ممارسة الجنس داخل طائراتها لزبائنها (Re: حمد عبد الغفار عمر)
|
تبارك
بركة الجيت
انا ما لاقاني طيران بيمنع الركاب من ممارسة الجنس في الطائرة ... حسب علمي ممنوع التدخين ...
وبعدين معاك ... الخطوط السودانية دي ما لاقتك ولا السعودية
ذكرتني
في آخر إجازة قلت أمشي أدي قطر طلة حجزت الخرطوم الدوحة الرياض على الخطوط القطرية
الطيارة من رفعت رأسها من الخرطوم للدوحة الوسكي والبيرة دورت الجماعة شغالين لغف
طبعا نحن ناس أسغيني بيرة بس
المهم (لاحظ في نص الكلام عشان ما تقول حقتك)
عدينا ايامنا في قطر وركبنا نفس الطيارة ماشين السعودية
لما ارتفعت الطيارة المضيفة جات ماشة جنبي عملت فيها ما فاهم حاجة قلت ليها بالله كاس ويسكي
عايزة تموت من الضحك قالت لي في معناه زول نازل السعودية بيشرب ويسكي ؟
انت عايز يرجوعك ولا شنو؟
| |
|
|
|
|
|
|
|
|
|
Re: شركة طيران تقدم خدمة ممارسة الجنس داخل طائراتها لزبائنها (Re: حمد عبد الغفار عمر)
|
يا عمك
Quote: غشّتكـ ساي يا عمكـ
جاي من بره عادي ممكن تخش البلد طاشم زي الماف حاجة!
عندكـ 12 ساعة بعدها تاكل ناركـ!!
|
ما غشتني لأنو ممكن تكون في اتفاقية إنو الرحلات للسعودية ما يوزعوا فيه المصيبة دي
وبعدين حكاية جاي من برة ممكن تخش طاشم من راسك ساي كدا ؟
طيب لو طلعت من المطار التفتيش الكتير دا بتقنعوا كيف انك جاي من برة والله ينككشوا فيك عيسى ما يفكك منهم
ياخ حزام الأمان الوقت دا يا لطيف تقول لي طاشم؟
انا قبل يومين في مسجد جنبنا بصلي سريع مشيت صليت فيهو المغرب وجيت فتحت المكتب يقوموا يجوا المطاوعة لافين طوالي اتشربكوا ليك فيني
وراك يا سوداني ما تصلي في المسجد قلت ليهم صليت وجيت قالوا لي وين صليت الصلاة لسه شغالة في المساجد ما تسمع
قلت ليهم يعني أنا أصلي في المساجد دي كلها ولا شنو؟
قال لي خلاص لا تفتح قبل الصلاة ما تنتهي في المساجد
تقول لي 12 ساعة
هنا الكدارة في النخرة اعمل حسابك
| |
|
|
|
|
|
|
| |
حمد عبد الغفار عمر
فايزودالقاضي
Hani Arabi Mohamed
محمد البشرى الخضر
تبارك شيخ الدين جبريل
نادر الفضلى
الامين موسى البشاري
محمد عبد الماجد الصايم
mohmed khalail
فيس بوك
تويتر
انستقرام
يوتيوب
بنتيريست