|
تااااااني جابو سيرة الحدود.....!!!!!
|
كفيا كنجي عند تخوم حفرة النحاس ابيي هجليج كاكا التجارية جودة المقينص
هي المناطق التي تقع تحت دائرة سياط الكركبة في الشريط الحدودي والتي يتوقع تقسيمهما في اطار (كمونية السودان الفضل)
|
|
|
|
|
|
|
|
Re: تااااااني جابو سيرة الحدود.....!!!!! (Re: عبدالكريم الامين احمد)
|
وهي المناطق التي ستكون في شنطة عمر البشير التي سيتم رفعها (كرنقلي) للطائرة المسافرة الي جوبا في سفرة البشير القادمة لكي يتم السمسرة فيها وحيدخلو المقينص بحمد وتطلع كاكا التجارية بخوجلي حتي يتم (الشيل دق) ويكون الناتج النهائي عودة النفط الي الانبوب السوداني الشهير بالدلدول
| |
|
|
|
|
|
|
Re: تااااااني جابو سيرة الحدود.....!!!!! (Re: عبدالكريم الامين احمد)
|
Quote: كفيا كنجي عند تخوم حفرة النحاس ابيي هجليج كاكا التجارية جودة المقينص
|
المناطق اعلاه لو جينا جردنا اهميتها في جوانب عديدة سنجد الاتي نصه من الاهم 1- ابيي هذه معضلتها كبري وسيفكر البشير الف مرة ومرة قبل ان يرمي بها الي دائرة (السمسر سمسر) -المسيرية وتمسكهم بها - اهميتها البترولية - الحبر الكبير واللعلعة التي اتوسمت بها خطابات الموتمر الوطني بان (ابيي شمالية) واي مهابشة هنا سيكون البلع شديد ومفاجي
| |
|
|
|
|
|
|
Re: تااااااني جابو سيرة الحدود.....!!!!! (Re: جمال المنصوري)
|
Quote: يا خي مبروك الوليد ويتربي في عزك، الا لكن انا لايمك لوم انت وقريبك بدرالدين ، ياخي انا محبوس من السنة الفاتت شهر ستة، وكنت ماسك ليك مقاولة الخدمات المصاحبة لموضوع: الأنبوووووووووب، وما تسأل عني ؟ علي العموم كدي شوف معاك الخيط ده: |
هلا وتحياتي يا ابو جمال وعودا حميدا ياااخ واخوك اسفيرو بقي تعبان شديد والجية هنا زاااتها بقت بتلتلة
والف شكر وتقدير علي المباركة وفليكن خيطك عاليا بمافيه من مواكبة وتحليل لقضايا الشعب الفضل التي دخلها الموتمر الوطني سوق السمسرة الدولي وعمااال يخرمج
| |
|
|
|
|
|
|
Re: تااااااني جابو سيرة الحدود.....!!!!! (Re: عبدالكريم الامين احمد)
|
كيكى سلامات
ياخ قاعد صائم راجى حقى من السماية لامن ضربتى ملاريا ....معقول ..الدى اتش ال...
المشكلة ياكيكى الكيزان ديل ...منطقة الميرم والمجلد وبحر العرب ....اها...ناس المناطق دى قالوا بترولنا ما بنادى ...طب....
شايف باوقيشن داقى جرس وتهليل وتكبير وقال فى بترول فى الشمالية ....مع العلم المذكور من نواحى (مديرية) سابقا .....
وانتهز هذا البوست واهنى ود الباوقة باستلام عدد 3 باب خاصة بمستشفى الباوقة .....ياربى تم الشحن وللا لسه
ود الباوقة البترول المحتمل اظنو فى نواحى كريمة ..والله طارق جبريل والمطرطش ..يقطعوا اضنيك لو جبت سيرتو تانى ....
كيكى احتمال كبير يكون جرس باوقيشن الجاى ...انو كريمة تابعة للباوقة...
| |
|
|
|
|
|
|
Re: تااااااني جابو سيرة الحدود.....!!!!! (Re: معاوية عبيد الصائم)
|
Quote: كيكى احتمال كبير يكون جرس باوقيشن الجاى ...انو كريمة تابعة للباوقة... |
هلا يا طوربيد وصحبك باوقة دربو دخل الالمي وبقي يهضرب هضربة تقيلة مرة هيييييع الدهب طلع وووين كده ماعارف ومرات هيييييع الجاتوفا او اي كان اسمها القال عليها المطرطش ديك واها اليومين دي شايفو زاني ليهو البترول ده في راسو المدوقس ده
واهو حاله اصبح مثل ديك المسعودية بكشنو فيهو وهو بعوعي بترول -بترول
باوقة فاته القطار فاته القطار ولسسسسسسسع بقابض
---------- السماية ياااخي ناس صحبك ابو خليل قضو علي اخضرها ويابسها وانا زاااااتي تسمني والله لوووول
| |
|
|
|
|
|
|
Re: تااااااني جابو سيرة الحدود.....!!!!! (Re: Nagat Sid Ahmed Elshiekh)
|
Quote: كيكى سلام ياخى باركنا ليك المولود وقلنا ليك السماية علينا مارديت الظاهر عليك مقريشششش عشان كدا طنشتنا .... متابعين بشدة لحدى ما الكمونية دى تستوى فى حلة البرستو بتاعة الجماعة ديل... |
هلا يا نجاة وحبابك يا بيكاسو وايوووه شفت وقريت والله (حق) السماية ولكن اخوك مشغول يعلم الله شغلة (ام عريس) وعروس الاثنين معا وفي وقت واحد فعشان كده ما لقيت يدي ارد عليكم...والف شكر علي المكرمة البيكاسوية الاخوية واعتبريها وصلت تبببببببب...
----- واما الجماعة بتوع البرستو فيا ويلهم ويا سهر ليلهم من الجاي في ظل هضربتهم ومقابضتهم التي صارت يوماتي رحيل
وتحياتي وتقديري يا نجاة
| |
|
|
|
|
|
|
Re: تااااااني جابو سيرة الحدود.....!!!!! (Re: عبدالكريم الامين احمد)
|
4- المقينص وكاكا التجارية وجودة هي المناطق ذات الحلقة الاضعف بالنسبة الي السودان الشمالي وفي اي لحظة ايها الشعب الفضل لكم ان تتوقعو بذهاب هذه المناطق جنوبا في ظل سياسة الشيل ودق ونيفاشا2 فهي مناطق لابواكي له وليس هناك من صعد قضاياها علي الصعيد الشعبي بعيدا عن الامر الرسمي واعتقد بان الصفقة وان تمت سيتم ذبح هذه المناطق كقرابين حتي يعود اله النفط ويمر عبر الانبوب
وسنتاوق
| |
|
|
|
|
|
|
Re: تااااااني جابو سيرة الحدود.....!!!!! (Re: khaleel)
|
Quote: غايتو عليك جنس دغمسة
يا كيكي .. |
هلا يا باوقة ولا نقول الا ما يرضي المشاهدات من الخرط وكمونية الحدود التي امامنا والدغمسة يا بقبق خليناها لناسكم فهم راسها وساسها
------------------
هلا خلي والموتمر الوطني حكاية هجليج دي وقعت ليهو في جرح وكركبة الحرب قادرة اثارة غبار كثيف وورجغة تصعيدية قادرة علي غتغتة بعض الشان المحلي باللعب علي اوتار الوطنية بصورة موغلة في الرومانسية بالاضافة نغمة (الارض) وهي نغمة الموتمر الوطني سقط فيها في حلايب وفي الفشقة ولكنه لزوم الكركبة حيركبها سرج ويتعشي بيها شهر شهرين لحدي ما ربنا يفك ساجورتهم
------ الحركة الامر ايضا قطع الطريق لحلحلة بعض القضايا العويصة واهمها النفط فهي تعاني من ضغط اقتصادي رهيب في ظل ندرة الحلول الاخري
فعشان كده في المنظور القريب سنجد الحركة هي من ستكون الاحرص علي الحلول السلمية
وسنجد الامر الانقاذي متخندق في (صراع تيار اولاد نيفاشا وتيار الكركبة) ومن سيكسب الرهان...؟؟ هذا هو السؤال التاريخي
| |
|
|
|
|
|
|
|