|
ابوخليل تخيل لي (ون توهات) خفيفة كده ما بطالة معاك.....!!!
|
هلا ياجاغريو...!! احداث كثيرة مرت من تحت ومن فوق الجسر الاسفيري منذ لقائنا الاخير في باحة (الكراكير والجخانين) واسفرتنا صارت كورتها (علي الواقف) حالها كحال كورةالشهير (كمبا) عندما رايته في ذلك المساء في مدني وهو يلاعب (اهلي مدني ) الشطرنج انطلاقا من دائرة سنتر (هلال بورتسودان) سكورتاه بباصات طويلة وقصيرة وبعضها (اسكرو) تخليك تجيب القووووون طواالي...!!
|
|
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: عبدالكريم الامين احمد)
|
1- ساس يسوس (ساسا) ( نظرة منك حلوة) بتاعة اخوان في الامر الجيو كيزاني وحكاية العصلجة الجيو انتفاضية دي ياااااخ
2- التناص الجيو اسفيري وعلف المصطلح الاسفيري عموما ومتعني بنماذج وحالات لمصطلحات طلعت بجاي وبينت في قضارف الاسفير بهنوووك (او كما قال هاشم الحسن حياه الغمام ياااخ ولعنه امون رع كونه زار الدوحة وعمل حميل وما ظهر وبان وغادر وفي اطار الجاسوسية الكيكية قوقلنا احداثيات تكوينه الدوحوية) 3- الاشجان والاحزان المقيمة في ارض الوجدان لرحيل العندليب والاسطوري وردي في اطار كتف الغناء الميل
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
Quote: من ايوتة بت كيكي واستقبالها الفاتر لولدنا الامين ود كيكي
|
ايوتا من اول خمسة دقائق كشرت عن انيابها حفاظا علي سلطتها التي كانت احادية خلتني اقول (الله ايوتا دي متين بقت موتمر وطني) وصار شعارهاالرسمي والشعبي ومنذ لحظتها وحتي الان ان بكي النركوك بكيتو اكثر واكثر وسجن سجن غرامة غرامة دويتو موبااااااااااالغة (علي قولة ناس الخراطيم)
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
قوبي لعنته الاله في القبل الاربع ونيف صار (ماسورة) وركب موجة التمسير....
طبعا في اطار كورتي الكروية الفكت هل تتذكر لمن سالتك في ايامات مباريات الفريق القومي في البطولة الافريقية وقلت لييييك (انت رااااجي بتاع المريخ اللعااب داك مالو ما بلعب مع الناس ديل) ولمن قلت لي رااجي ده (مصاب ) ليهو كم كمين شهر كده بالجد حسيت بالحسرة علي حالي الكروي في بلادا تموت من الدوارات اي حاجتها ...
قوبي انتهي ويا خوف قلبي علي قسطنطين
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: عبدالكريم الامين احمد)
|
Quote: لو صبر اهل المراسم في القصر الجمهوري
او اجلو موتمر قضايا التعليم ليوم واحد
لودع الشعب السوداني الامبراطور وردي
بجنازة لم يشهد لها مثيل في العالم
ولكن .................... |
والله يا خلي وماعليك مدسة وعلي قولة حسناء المين رود الشهيرة (متالم جنسسس الم) من موضوع صلاة البشير بجنازة وردي دي.. ياخ ما معقول ياااخ ما معقول يا اخوااانا
اصلو الشعب الفضل ده بعد شوية كده من لم يمت بالمغسة مات من العرقي
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: شكرى سليمان ماطوس)
|
Quote: تقصد مات من الإسبرت ..
|
هلا يا هندسة وحتي العرقي اتخجخ يا شكري مع فقه الخجخجة الملي البلد والما ببيع عرقي ببيعو ليهو بالبيانات الرسمية الطالعة من جوووف الشرطة
----------------- ويا خلي وبمناسبة هييك وهوون بتاعة اللبنانين قبل كم اسبوع كده كنت عامل فيها جاسوس افرنجي ومضهب في فندق ريجنسي بالمساء وفجاة في مدخل الفندق نزلت بعثة بتاعة فريق كل لابس بدل يرقششششو ويقولو يا ليل (علي قولة هاشم كرار) وفجاة من بين الجموع الداخلة دي دخل معاهم زول ماعرفتو من الوهلة الاولي ولكن فركة عين كده ظهر وبان بانه (اسامة الثغر لاهب الهلال الاسطوري الشهير بالبلدوزر)... ومع الفركة والتاكد هااااااك يا جررررية وفي ذهني المرة الجنوب الافريقية الشافت (مانديلا في الفندق) وفي ذهني ايضا حكاية خالي الجاء من الغرب ولاقي جكسا في جخانين الخرطوم دي وشبكو جكسا.... جكسا ده انت يا جكسا ازززززيك يا جكسا...الله يا جكسا ياااخ وقعد يهبش جكسا من كتفو بكل انبهار واعجاب وحب كبير
وكان بالفعل الفريق هو المنتخب اللبناني وكانت جلسة ممتعة في حضرة اسامة البلدوز وتلفونات تواصلت طيلة مدة اقامتهم بالدوحة ويا سسسلام ياااخ علي البلدوز لمن يحكي لبناني اميل لحود ما يلحقو ياااخ
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
نرجع حق محور حديثنا يا كيكي
المدينة الرياضية
تخيل 60 مليون دولار فقط تكمل المدينة الرياضة
والحكومة دخل لها في الموازنة السابقة من عائدات البترول اكثر من عشرة مليار دولار
لم توفر منها 60 مليون لاكمال المدينة الرياضية
وبعدين موسي محمد احمد
ذكرني البت بتاعة السوق العربي
ساعدوني يا جماعة ساعدوني يا جماعة
ما خلا سفير ما شحدو
حتي بتاع اريتريا
حكمة والله وحكاية
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: ود الباوقة)
|
Quote: هييييع
يا زول قلبتها كورة
تمام
فيك الخير والبركة |
هلا يا باوقة شايف ناسك (اتنجعوا) وماشين في السكة ومادين فروض الولاء والطاعة لباقان اموم ورهطه (التنجعي) هو رقاد القش بعد دورات وحمي من الجقلبة او كمايفعل دودكم النتر
اركز ياعمر جاينكم من ارض المواني ومن زمرة كل الكورنرات من الكورة جاااااين من الغناء جاااين من السياسة جاييين
وفي النهاية شعارنا كل القوي شنقلة ريكة الكيزان جووووه
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: حمد عبد الغفار عمر)
|
Quote: والحصل شنو؟ أوع تكون وافقت لأنها صفقة خسرانة بالنسبة ليها العرقي غالي ياخ
دي زي مرور البترول في انابيب الشمال |
لوووووول وهلا ياحمد وبيني وبينك صفقة زي دي فعلا دايرة ليها اتفاق (اطاري) من قوولة تييييت وضروري الشرح تتحدد مواعيده هل قبل الطشم ولا بعد الطشم ولو قبل الطشم مفروض تتحدد وبدقة مدة (كاروشة) الشارحين لانو فترة (كاروشة ما قبل الطشم) شرحها اخير عدمو ولو بعد الطشم برضو تتحدد بدقة مدة (بداية الشرح) ما بعد الطشم..حتي يتم تجاوز(المدي الفيهو الطشمة ماسكة نار) ومفروض في الاطاري يتم الاتفاق ايضا علي الية (فك الطشمة ) سوي كانت ام فتفت او جبنة وغيره
--- وللشارحين ايضا الحق في الفرنبة ان اتت (شدة العرقي) بيششش ونوع ردئي
--------- في كمبو الري حكينا عن (سكسك) زول عندو اتفاقية (نيفوعرقية) (ونيفوعرقية دي من نيفاشا) مع حواء ليمون فيها الطشم المجاني مقابل الترويج ...
ادب واستايل الكنابو واتفاقيات النيفوعرقي دي لو الموتمر الوطني اتبعها كان زممممممممممان حل حكاية البترول دي
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: عبدالكريم الامين احمد)
|
ممراح
ود دار اللقا مشا الحصاحيصا
لقا واحد بتاع ودع
قال عليه عليك الله شوف ابوي دا مالو
سبعة سنين مشا ليبيا لا حس لا خبر
بتاع الودع قال ليهو ارمي البياض
دفع خمسين قرش
بتاع الودع قال ليه ابوك اتزوج في ليبيا وعايز شغل كتير عشان يجي
لازم اعمل ليكم حجاب
ود دار قال لي بتاع
والله يا عب انت كضاب كضب
ابوي ميت ليهو 15 سنة
جيب القروش دي التقرش حلقومك
هههههههههههههههههههههه
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: عبدالكريم الامين احمد)
|
ميسى و محمود عبد العزيز سلام
المسطول بيحكي في حكاية لصاحبو (من facebook)
إنتو عارفين لا ما عارفين مره صحيت من الصباح عملت من( اجل التغير ) ،وطلعت منتظر المواصلات ابت تجي بس اخوكم كان (عبد الصبور) ،جات حافله فاضيه حمده الله بعد شوية الكمساري عمل (حواء الطقطاقه ) ، قمت عملت حمد (عبد السيد ) ، لانو اليوم داك كنت عامل (فلسطين ) كان عندي اخر عشره جنيه عامله (صامويل إيتو ) ، كنت قاعد جنب الشباك لقيت نفسي عامل (سيد سرحان ) ، وفجاه لقيت نفسي وصلته ولما نزلته اتذكرته انو الكمساري ما عمل ليا (اشرف عبدالباقي ) ، وعمل (نوال الزغبي ) ، قمت عملت (فاطمه الجعلي ) وتميت باقي المشوار كداري طبعآ اليوم داك الفطور عملته ليو (باص ) ومن اليوم داك بقت لي توبه اول حاجه اعملا (فكتوريا ) للقروش ف الدكان الجنبنا لو ما لقيت _ اول ما ادي الكمساري القروش اعمل لي (الحاج متذكر ) ، علشان ما يعمل لي (مجذوب اونسي ) ، لانو ما كل الكماسره (محمد الامين ) ،
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
Quote: كلوني
دا حكايتو شنو
عمل شنو
ادينا اضاءة |
انت كده سالتني سؤال..
جورج كلوني الممثل الهوليودي الشهير جازف ومشي زار جبال النوبة ولقي الانتنوف نازل كامطار استوائية في البشرية دي وبقطعها دقل دقل رجع بلادجورج واشنطون ومن المطار طوااالي مشي الكونغرس وقال للابهات كبار كبار بتاعين الخواجات هووووووووي البشير ده مجرم وكتال ضمم ومامعقول كلو كلو ياااااخي.. تاني يوم لملم خواجات كثار ولملم معاهم ناس كوستاوي ومشو مظاهر ليها ضل للسفارة السودانية واها الناس ديل يا خلي لانهم ناس قانون جدديدددددد من زي قانوننا المكرسسسح قامو قبضو لانو دحل (حرم السفارة) والسفارة تعتبر (بروبرتي وملك للغير) لايحق لاي انسان ان يخشها ويعمل كركبة زيها وزي اي بيت مطرف - كلوني عمل ضجة اعلامية ووضع الموضوع بتاع الجرائم ده في دائرة الضوء والقنوات اتطاقشت امس وهي بتنقل الموضوع فالرجل استاررررررر كبير في العالم ده كلو دي كلو السالفة بتاعة عمك كلوني
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
جعععععععععععععععععع
اهلك المسيرية لمن يجيبو ليهم سيرة زول مكجننو يقولو الكلمة دي جععععععععع
سبدرات يا خلي وغيره من افندية الزمن الزيف هم الوقود المرحلي دوما للدكتاتورية والانظمة الشمولية بياخد جكتو معاهم وبسخر مقدراته في تغبيش الخطاب السياسي في ثنائية الفائدة مقابل الفائدة وبعدما تنتهي دورته وصلاحيته بصبح نسيا منسيا
واعتقد بان الرجل انزوي وذهب مع الريح
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
Quote: الطيب مصطفي عامل فيها عربي وراغب علامة
ام عندو تار عشان ولدو مات في الجنوب
ول عايز يبيع الجريدة حقتو وبس |
ايوووووه يا خلي انت كده دردقت لي زول انا كايسو بكراع كديس وقدر ما حاولت القي يدي فيهو ما اتوفقت عنصري بامتياز ومرجف كبير ومقولته الشهير باطن الارض خير من سطحها سارت بها ركبان العنصريون البكسروا ليهو ثلج في جريتده وشابكنو شيخ الطيب شيخ الطيب...(انا ماعارف الطيب مصطفي ده المشيخة دي جابها من وووووين... )
نعم الرجل شغال في جريدته بغبينة وحرقة كبيرة علي موت ابنه (مصعب) في حرب الجنوب وكونه الخال الرئاسي ايضا وجد يده مطلوقة وعمال كععع كرررررع في البشرية الزنجية دي من طرف بل هو تيار حقيقي في التيارات المشكلة للانقاذ ومحمي من قبل النظام الخطير يا ابو خليل الطيب مصطفي صار شيخ راكوبة وعند حواريين وخطابه اليومي بكتبو هو وصحبه اسحاق مين كده ماعارف والصادق الرزيقي واخريين اصبح خطاب له رواج ومحبين...
كل المشاكل مع الجنوب والكركبات الوراها هو الطيب مصطفي ده اليومين دي شايفو قانص لحكايات الحريات الاربع دي وعاوز يطرشقها
طبعا بكره باقان وياسر عرمان كراهية عمي
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: عبدالكريم الامين احمد)
|
ده العنصري الطيب مصطفي يا ابو خليل الليلة فاتح نيران تقيلة في علي كرتي (بتاع نبذو الشهداء) الطيب مصطفي شايل عكازو واي زول حتي لو كان البشير اقترب او اتصور مع جنوبي بديهو في راسو بكل حقد دفين وعنصرية غرييييبة ياااخ كدي شوف بالله..!!
Quote: علي كرتي.. ليته سكت!! . وتحدّث وزير الخارجية الأستاذ علي كرتي ــ وليته سكت ــ تحدَّث عن اتفاق الحريات الأربع فقال: (هذا اتفاق يفرز الأمور ويساعد على التواصل الاجتماعي)!! وكأنّ القنابير تتدلّى من رؤوسنا والريالة تسيل من أفواهنا يحدِّثنا كرتي عن التواصل الاجتماعي... التواصل الاجتماعي بين شعبين اختار أحدُهما بما يُشبه الإجماع قطْعَه واستئصالَه عن الآخر!! ثم يقول كرتي باحثاً عن إجابة تستر عورة هذا الاتفاق المهين: (إن الاتفاق يشكِّل فرصة لإفادة المواطنين في كل المصالح والأراضي الواسعة) مضيفاً: (الآن تتدفق على دولة الجنوب جنسيات كثيرة من الجنوب الإفريقي خاصة من دول الجوار بغرض المصالح)!! عجيب والله!!.. أية فرصة لإفادة المواطنين ومواطنو السودان الشمالي يُطردون ويُقتلون وتُحرق أسواقُهم؟! ألم يسمع كرتي بما حدث لسوق كنجو كنجو قبل أقل من أسبوعين؟! سوق كنجو كنجو يا كرتي هو أكبر أسواق جوبا ويعمل فيه الشماليون بما يتجاوز الـ 08% من أصحاب المتاجر ولذلك أُحرق حتى يخرج التجار الشماليون وقد خرجوا بالفعل واستمعت إلى ما قالوه وشهدوا به من استهداف لم يختلف عن ذلك الذي ظل يواجه الشماليين منذ عام «5591» الذي شهد تمرد توريت ومدن الجنوب الأخرى وليت كرتي دخل أم دوم واستمع إلى الحاجة أم الحسن التي أنقذها الله من الحقد الأعمى عندما كانت طفلة صغيرة رأت ما حدث لأفراد أسرتها في تلك الأيام النحِسات. اسأل صديق كوراك الأمين العام لاتحاد التجار الشماليين يحدِّثك عن الأراضي والممتلكات والمزارع التي فقدوها حين اعتدى عليهم الجيش الشعبي وقتل مواطني الشمال في أعقاب مصرع قرنق وكيف آلت تلك الممتلكات إلى كبار رجال الحركة الشعبية!! في تلك الأيام عندما صودرت تلك الممتلكات كان الجنوب جزءاً من الوطن الذي ينتمي إليه كوراك فكيف يكون الحال اليوم وقد غدا كوراك وأبناء الشمال أجانب؟! كوراك وصحبُه بُحَّت أصواتُهم وهم يطالبون بتعويضهم عمّا فقدوه والأستاذ علي عثمان محمد طه النائب الأول ونائب رئيس الجنوب رياك مشار يعلمان ذلك وناقشاه من خلال اللجنة المشتركة قبل سنوات فهل حصل كوراك وغيرُه على حقوقهم وقد كانوا مواطنين في جنوب السودان؟! كوراك لمن لا يعلمون وُلد في جنوب السودان وانتقل جدُّه إلى الجنوب في مطلع القرن العشرين وبالرغم من ذلك حدث له ولغيره ما حدث فكيف يتحدَّث كرتي عن الفرص والتواصل الاجتماعي والأراضي والمصالح ولمّا يمضِ على حريق كنجو كنجو (سوق الجلابة المندكورو) أسبوعان؟! أما قول كرتي عن تدفق جنسيات كثيرة من الجنوب الإفريقي وغيره فوالله إنه لمضحك بحق!! أولاً: هل يواجه الأفارقة الآخرون يا كرتي ما يواجهه الشماليون من حقد وكراهية وتقتيل واستهداف وتنكيل وسلب ونهب؟! سوق كنجو كنجو يا كرتي أُحرق حتى يحل اليوغنديون والكينيون محل الشماليين المستهدَفين في كل لحظة وفي كل حين. ثانياً: أُحيلك يا كرتي لصديق كوراك الذي تحدَّثتُ عنه قبل قليل... هل تعلم أن صديق هذا فتح الآن عملاً في إثيوبيا؟! اسأله يُجيبُك عن الفرق في المعاملة بين إثيوبيا التي يعمل فيها الآن والجنوب الذي لم يشفع له أنه مولود فيه وأنه يتحدَّث عدداً من لهجاته كما يتحدثها أهلُها وأنه أمضى فيه معظم عمره.. لماذا يذهب الشماليون إلى الجنوب الذي لا يأمنون فيه على حياتهم وممتلكاتهم بينما أرض الله واسعة ويمكنهم أن يذهبوا إلى حيث يُحترمون ولا يخافون؟! ثالثاً: لماذا نحل مشكلة حكومة الحركة الشعبية ونستقبل مواطنيها ونعلِّمهم ونوفِّر لهم فرص العمل؟! بربِّكم هل كان الوجود الجنوبي في يوم من الأيام عامل استقرار وتواصل اجتماعي أو كان معضداً للتوجه الإسلامي أم كان ناشراً للخمور ومؤثراً على المظهر العام من حيث الأزياء والسلوك؟! أما الخطر الأمني فهذا هو مربط الفرس والخطر الداهم الذي يهدِّد حاضرَ السودان ومستقبلَه.
|
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
هلا يا محمد عثمان وحبابك يا فن
وياخلي عبدالله دينق نيال ديل جبهجية زيهم وزي السمك لو شلتو بره موية شيخ حسن فموضوعهم اكيد بابظ.. قريت مرة كده انو دخلو لجنة دستور حكومة الجنوب بعد الانفصال ولكن رغم ده ما اظنو حيلقي زول في الجنوب ده يقول ليهو (كيلو الموتمر الشعبي بكم).. دينق نيال معاهو مجموعة كبيرة من (جنوبين تا ترابي) وموتمر وطني زي خالتك اقنس لوكتو وموسي المك كور ديل خلاص مع الانفصال زمنهم فات وغانيهم مات....
علي الحاج ذلك الجبهجي الثعلب اعتقد بان قلبه مع الترابي وسيفه مع الحركات الدارفورية والرجل خطير تخافه شيوخ الموتمر الوطني كونه ابو قدح بعرف محل بعضي اخوانو ولكن قال قولته الشهيرة خلوها مستورة ثم انزوي عن الاضواء في نواجي جيرمن
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
Quote: شايف ولدنا جعفر الميرغني
طقطق ليك السفير الايطالي
انجليزي لامن امن |
هلا يا خلي ومع احترامي ليك والله كاتحادي نحرير زولكم ده انا ما شايف ليهو اي فائدة يجنيها الشعب الفضل ده غير يقعد يطقطق لينا السفرة دة ويردمهم انجليزي لمن يعاااامنوووووووو زاتو
---------- ولا نقول الا ما قاله الاب الراحل الاستاذ قسم الباري هذا الحزب الجريح ذهب معظم ابنائه للجبهة الاسلامية رمز الفرقة والشتات
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: عبدالكريم الامين احمد)
|
يا كيكي وخلي عدنا والعود احمد للبراحات والبوستات العندها ريحة بتجيبك من سقط لقط ولي هسي ما في واحد ورانا سقط لقط دي وين المهم .... دي بتاعت الود تبارك طيب ما تخلوها ون تو ثري عشان نخش معاكم ضفاري وهاكم دي امام الجامع زوجتو وضعت وهو محتار ما عندو حق السماية فبعد صلي الجمعة جمع بعض المصلين الفيهم الخير وقال يطلب منهم 500 الف جنيه عشان السماية فانفضو من حوله ( انقضو دي حلوة خالص من فقه الضرورة وكدا) المهم .... طلع من المسجد وماسك عصاية يشخبت في الرملة وشايل هموم الدنيا كلها فمر عليهو واحد ضارب عصير بلح بركاوي تقيل من عشة العويرة نمرة واحد سوبر فقال ليهو شنو يا حاج شايل كل هموم الدنيا في شنو فقال ليهو مافي حاجة فقال فضفض امكن اساعدك فحكي ليهو الموضوع فقال ليهو بسيطة دي مليون جنيه واعتبرها هدية المولود وما ترجعها بس ادعو لي ربنا يهديني واسيب القرف البعمل فيهو فقال ليهو ادعو ليك يهديك دا ادعو انو ما يهديك ويزيدك في البتعمل فيهو مش احسن من ال ....... البصلو وراي كل يوم ديل
ههههههههه
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
Quote: الطيب مصطفي عامل فيها عربي وراغب علامة
|
يا خلو المشكلة ما عربي بس ديل بقولوا العباس جدهم ...العنصري البغيض الطيب مصطفي دا غايتو ما بينفع معاهو الا فحص (DNA)
Quote: ام عندو تار عشان ولدو مات في الجنوب
|
لأن شيخهم قال إنهم ماتوا فطيس دا سبب زعله ! لعه يطمح في عيون الحور العين Quote: ول عايز يبيع الجريدة حقتو وبس |
business is business وفي مقولة أخري بزنس تجار الدين ساطور سنين
التحية للأعزاء كيكي وخلو
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: عبدالكريم الامين احمد)
|
تسلمو يا فرد عمنا بشري شرفي من ظرفاء امدرمان له الرحمة والمغفرة كنا نجلس معه بالساعات يحكي لينا عن الانجليز وكيف كانو بيعاملو الناس وكان يقول بانجليزية سليمة لمن الناس كانو يطلعو المظاهرات ويهتفو dawon dawon conalization no sepration no sepration فكان يقول لي الناس حا يجي يوم ونقول يا حليل الانجليز وقد كان وفعلا يا حليل الانجليز . ويسترسل عمنا بشري له الرحمة زمان زمن الانجليز اذا قطعت فرع شجرة يقومو يقيسو الفرع طولو كم ويضعوك في السجن الي ان ينمو فرع الشجرة مرة اخري ويصل لي المقاس الاخدو اول بالله شوف الناس دي كان بتعمل شنو والان موش تقطع فرع شجرة بس دا انت تقطع الشجرة كلها وما في زول يقول ليك بقم. ونواصل مع عمنا بشري وطرائفه الكثيرة
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
Quote: ادينا شوية تلاقح بتاع اخيلة في الحتة دي |
هلا ياجاغريو والافندية اللافين في الموتمر الوطني كترو واشكال والوان حركة اسلامية موتمر وطني تاكل عيش بالاضافة الي المولفة قلوبهم من احزاب (تاكل عيش) بالاضافة الي ناس الترضيات (دارفور -الشرق) التوازنات الجهوية والقبلية كل الجوقة بتاعة الافندية ديل اي واحد فيهم (لابس ليهو بدلة وكرفتة) وحااااااااائم حول وليمة الوازرة ولو الحكومة كشكشت ليهو ساااااكت كده بجي جاري ونفسو مقطوع...
ضف الي ذلك الحكومة شغالة بفقه الترضيات والكيمان والكيانات والجهويات وبخافو اي افندي ما ادوا الفيها النصيب من الوزارة تاني يوم يركب طيارة ويطلع في تولا المعارضة
وهكذا ورجغة
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
Quote: قالو
امبارح شكلة ابو طيرة بين سيد الخطيب والطيب مصطفي
كلمنا شوية لو شفت الحلقة |
عيييييييييييييك امس وبعد فترة طويلة اول مرة اتسسمر قدام التلفزيون شكلة كركبة وخناقة ليها ضللللللل عترت فيها بالصدفة في قناة النيل الازرق سيد الخطيب كممثل للوفد المفاوض والطيب مصطفي كممثل للتيار المكركب والرافض للحريات الاربعة.. اتهامات بالجملة فكاها الطيب مصطفي للوفد بانو خائن ومنبطح ودايرين يسلمو البلد لباقان وسيد الخطيب وصف الطيب مصطفي بالسذاجة والتفكير الفطير او هكذا
المهم يا زول العجاجة ولعت لدرجة جعلت الطاهر التوم مقدم البرنامج يوقف الحلقة يجيب اعلانات
----- سيد الخطيب افحم الطيب مصطفي عندما قال له البشير الذي اعلن التعبئة هو نفس البشير الرسلنا معني كلامو لو عندك كلام امشي قولو للبشير فغايتو شايف الطيب مصطفي بلع ريقو وسكت
------ لكن تعال انت سيد الخطيب ده الهستري بتاعو شنو اديني باك قراوند فالرجل مرتب وظااااهر عليهو جبهجي مجيه وان كنت راي سحابة من الانتهازية تزوره ما بين الفينة والاخري
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: عبدالكريم الامين احمد)
|
Quote: ملاسنة حادة بين الطيب مصطفى وسيد الخطيب حول الحريات الأربع .الثلاثاء, 20 آذار/مارس 2012 06:55 .تقييم المستخدم: / 0 ضعيفجيد الخرطوم: «الإنتباهة» شهد برنامج «حتى تكتمل الصورة» بفضائية «النيل الأزرق» أمس ملاسنة حادة بين رئيس منبر السلام العادل المهندس الطيب مصطفى وعضو الوفد الحكومي د. سيد الخطيب، بشأن الاتفاق الإطاري حول الحريات الأربع مع دولة الجنوب. واتهم رئيس المنبر وفد الحكومة بالانبطاح، مما دعا الخطيب للاستنكار ورفض ذلك الوصف. وأكد الطيب أن توقيت الاتفاق غير مناسب، مشيراً إلى أن الجنوب يحتل جزءاً من أرض السودان، وقال: «كان يجب أن ننتظر سنين طويلة حتى نطمئن إلى أن الحركة الشعبية لن تعتدي علينا»، وأوضح أن المستفيد من الاتفاقية الجنوب وليس السودان. ومن ناحيته قال الخطيب إن الاتفاقية لن تطبق إلا بعد الاتفاق على كل القضايا العالقة بما فيها النواحي الأمنية. وأقرَّ بقصورٍ صاحب تطبيق اتفاقية نيفاشا، مشيراًَ إلى أن الوفد المفاوض ليس مسؤولاً عن التطبيق.
|
شايف ناس الانتباهة جابوها في جريدتهم اليوم ولكنهم دغمسووووو الحكاية دغمسة شديدة
| |
|
|
|
|
|
|
Re: ابوخليل تخيل لي (ون توهات) خفيفة كده ما بطالة معاك.....!!! (Re: khaleel)
|
ونعود مع العم بشري شرفي له الرحمة حكي ذات مرة انه من الناس القلائل الشافو تاجوج عيان بيان ويحكي ان النساء كن يضعن بطيخة كبيرة في اردافها وهي تمشي بها من امامهم المهم .... كان ينشد لنا شعر المرحوم الاستاذ خالد ابو الروس من مسرحية تاجوج المحلق : داير اراك لكن عن ثيابك عارية تاجوج : يا ود محلق يمين جنيت منك بارية ما نال الخويدم اهوي ليك انا جارية يا ود محاق يمين حبك تعدي مكانو واملي الفيك ذهب هدمت لي اركانو وطلبك صار صعب المحلق : لابد من امكانو ونسال عمنا بشري هو المحلق كان داير يشوف شنو فيقول اللاسلكي
| |
|
|
|
|
|
|
|