|
|
 اها يا جماعة عليكم الله العارف يورين
|
البشير جاب قروش والا البركة في عمرتو
ناس حزب الامة مع الحكومة والا معارضين
والاتحاديين حيعملو مؤتمر عام والا كل زول يعوس براه
والشيوعيين ناوين على شنو؟
والمؤتمر الشعبي وصل لي شنو مع ناس الحركة الشعبية وحق
وناس حق رجعو لي بعض والا لسة هالة رئيس والا ما رئيس
وناس الحكومة حلوا مشكلة دارفور والا بحنسو في العدل والمساواة بي تحت تحت
وناس دارفور العايزين الانفصال وعملو نشيد اها وصلو وين
وسوق المواسير حصل فيه شنو
والميادين اتباعت والا ما اتباعت
والبشير قال خلاص ما حاترشح طيب الحيترشح منو
وهباني لسة وزير ري والا عندو راي
وود الباوقة لسة هسع؟
وفلان داك لسة بيعمل البوستات الانصرافية لما المنبرسخانتة تصل الف ؟
ةاخيرا
دكتور المتعافي لسة وزير زراعة ؟
نكشة بوست سبيل اي زول عنده اسئلة ما عندها اجابة ممكن يطرحها
.. عشان لو لقينا اجابات نعمل منها منفستو لشعب الله المحتار
|
|
 
|
|
|
|
|
|
|
|
Re: اها يا جماعة عليكم الله العارف يورين (Re: د.محمد حسن)
|
سلام يا دكتور
ياخي والله بوستك ريحني راحة، عندي سؤال لي كم يوم وبفتش ليهو على اجابة ومستخسر افتح بسببو بوست
حكومة السجم العريضة دي (14) حزب؟ سوت شنو اومفروض كانت تسوي شنو؟؟ كل يوم اي شي غاتس لا تحت
الفوق دا ما سؤالي، دي رمية ساكت، سؤال تحديدا للناس الوقعوا مع الحكومة ومسكوا المكرفونات وحلجونا
بي قصة "التحديات التي تواجه الوطن"
نفسي اعرف التحديات دي شنو؟؟
| |
|
|
|
|
|
|
|
|
|
Re: اها يا جماعة عليكم الله العارف يورين (Re: ادريس خليفة علم الهدي)
|
سلام اهل السبيل
وانا ماشي عجبني سؤال احمد اخوي ده:
| Quote: حكومة السجم العريضة دي (14) حزب؟ سوت شنو اومفروض كانت تسوي شنو؟؟ |
سؤالك ده يسوقني للجواب ده:
المركب ام شقوق بملوها دلوق ( طبعا انت عارف المركب ما بتكون رايمي علي بعض، بتكون في فرقات بين الخشب، اها اهلنا المركابا عشان المركب دي ما تغرق يقوموا يسكنوها دلوق (جمع دلق) او دلقان، يعني الهدم القديم او ما يسمي بالبزديق) اها سفينة الانقاذ ما شاء الله عليها مش مشققة وبس، دي اتقسمت نصين عديل كدي، بدل ما يودوها (الجداف) عشان التصليح، اها عملو ليها عمرة زي ما شايف
محبتي
| |
|
|
|
|
|
|
|
|
|
Re: اها يا جماعة عليكم الله العارف يورين (Re: جمال المنصوري)
|
| Quote: بعد ما فصلوا عربية الفرملة(علي ذمة ودالباوقة) قطرنا حرن مالوا؟؟ |
بالله ما تتغوّلوا على حقوق الناس .... الذمة دي (ذمة ميادة كمال) .... ود الباوقة ما عندو فيها التكتح.
(محاولة إجابة على السؤال):
لمّا فصلوا عربية الفرملة، مافي زول قال ليهم إنو (البراميل) كلها كانوا شايلينها في عربية الفرملة.
سلام يا دكتور.
| |
|
|
|
|
|
|
| |
د.محمد حسن
أحمد ابن عوف
ادريس خليفة علم الهدي
جمال المنصوري
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست