|
|
 دايرين شارع ناصية باسم الشعب الفضل....!!!
|
بما انو ليبيا الشوارع التي يتم تسميتها باوامر وتعليمات اتية من (الطفابيع) قد فتحت وبما انو الرجفة والكبكبة قد سرت عميقا في الكيان والجسم الكيزاني المتهالك واصبح يسمي شوارع حتي يمتص الغضبات والهبات التي اندلعت وستندلع فانا كجزء من هذا الشعب الفضل اطالب فيما اطالب بشوارع
ناصية وياريت كمان لو بقت 40 متر في عرضها في المناطق الاتية ادناه وبالاسامي الاتية ادناه برضو
|
|
  
|
|
|
|
|
|
|
|
Re: دايرين شارع ناصية باسم الشعب الفضل....!!! (Re: عبدالكريم الامين احمد)
|
الشارع الذي هو من النوع الاول (شارع الشعب الفضل)
السعة التصميمية بتاعتو نقترح لبني كوز يعدو الشعب الفضل ده كم...وبعد العدد يقومو يعدو كل الدقانة وتاكل عيش وكل الانتهازيين وكل من رضع من شطر بقرة موارد هذا الشعب بالحرام...ويتم خصم هذا العدد من العدد الكلي للشعب الفضل...
والفضل ده هو السعة التصميمية لهذا الشارع وعدد الاشخاص المخول لهم المسير في شارع الشعب الفضل
سوي كان كداري او برقشة او بتكاسي او حتي بكارو
وعلي وزارة الداخلية استخراج كروت عبور شارع لهذه الجموع العابرة من هذا الشعب الفضل
ونقترح ان يتم توزيع بعض الكروت في سفارات السودان بالخارج للاخوة المغتربين للاجازات وكدا
| |
|
|
|
|
|
|
|
|
|
Re: دايرين شارع ناصية باسم الشعب الفضل....!!! (Re: عبدالكريم الامين احمد)
|
اها شارع الشعب الفضل ده نقترح وحتي يتم امتصاص غضب الشعب مص تقيل نقترح ان يكون ما بين كل حارة وحلة
ويكون هاي وووي ايضا يربط ما بين المدن الكبري وفي الاسواق ياريت تفنن الشوون الهندسية السودانية وتودي اتجاه واااحد بجاي
وتجيبو اتجاه واااحد بهناك مع ضرورة تكثير الصواني والكيربستونات المنقوشة فيها شعار المرحلة الكيزاني(اممممممنا وبقينا مسمين شوارع)
وسنتابع
| |
|
|
|
|
|
|
|
|
|
Re: دايرين شارع ناصية باسم الشعب الفضل....!!! (Re: عبدالكريم الامين احمد)
|
نجي للجزء الثاني من اركلوجيا الشوارععج وهي شوارع نقترح ان يسميها البشير (شوارع الذين ماتو سمبلة) علي الاقل سمبلة دي ممكن تعجب القوم في نواحي (باقان اموم) ويرضو كيهود ونصاري بالكم وثلاثين دولار دي ويفكو ساجورة الانبوب الشهير (بالدلدول)...
هنا شوارعنا المقترحة حكايتها حكاية واشكال وانواع
1-شوارع سمبلة فرع دارفور
- شوارع باسماء شهداء
-شوارع باسماء مغتصبات
- شوارع باسماء مشردين
-شوارع باسماء معذبين وذوي عاهات مستديمة
| |
|
|
|
|
|
|
|
|
|
Re: دايرين شارع ناصية باسم الشعب الفضل....!!! (Re: ندى صالح الطيب)
|
Quote: مبروك الوليد اولا وربنا يحفظوا وشايل اسمه انشاء الله
عايزين شارع للعطالة. وشارع لى ناس الصالح العام
لسع الشوارع كتييييرة... |
تحياتي يا ندي والف شكر وتقدير علي المباركة
ونعم لسسسع الشوارع كثير ة وبالكوم والردوم
وكل مظلمة في السودان ده عايزة ليها شارع ناصية
وقد يقول قائل طيب الناس ديل يجيبو قروش من وووين ويعملو لينا كشعب فضل شوارع
والبلد مفلسة عدمانة التعريفة..!!
فنحن نقترح عليهم يجردوا القروش الاكلوها واللهطوها من موارد وعرق السودان فانها كافية لتشييد شوارع تكفي كل مظالم الشعب السوداني
والشعوب المجاورة
وكل الود والتقدير
| |
|
|
|
|
|
|
|
|
|
Re: دايرين شارع ناصية باسم الشعب الفضل....!!! (Re: Safia Mohamed)
|
هلا يا صفية والف مرحب
وحبابك القعدة في رحاب الشوارع التي صارت مطلب شعبي
وخاشين انحنا الان الي شوارع الضحايا في كجبار وكل شهداء السدود ومريسة التنمية السيئة الخججان التي راح ضحيتها العديدين
ودايرين شوارع تطلع من سد كجبار يمين ويسار وشروطنا انها ماتكون شوارع (ماسورة) زي كهرباء السد ودايرين ايضا تغيير هتاف (الرد السد السد الرد)
هذا الشعار الجائع الي شعار المرحلة الجديد (الرد الرد الشوارع الرد)....
| |
|
|
|
|
|
|
|
|
|
Re: دايرين شارع ناصية باسم الشعب الفضل....!!! (Re: عبدالكريم الامين احمد)
|
وناتي الي شوراع شهداء الحركة الطلابية سياد الناس
ونطالب بشارع ينطلق من كل جامعة سودانية ومعهد عالي صوب الفيافي والقري والمدن التي ارسلت ابنائها للدراسة والتعليم فيها وحصدتهم ايادي السلطان المرتجفة عبر البوليس وعبر جهاز الامن ذلك الجهاز الرعديد
ونطالب فيما نطالب بشارع بشير الطيب وشارع سليم وشارع طارق وشارع التاية وشارع محمد عبد السلام وشارع العاص وشارع كل الطلاب الشهداء اللاحقين كمثل ابن دارفور الذي عذب حتي الموت وتم رميه في طرقات الخرطوم....
ويا ويلكم ويا سهر ليلكم لو شوارع الحركة الطلابية دي نقصت (بوند)
| |
|
|
|
|
|
|
| |
عبدالكريم الامين احمد
ندى صالح الطيب
Safia Mohamed
فيس بوك
تويتر
انستقرام
يوتيوب
بنتيريست