|
لليوم الخامس والخمسين على التوالي .. جوبا بدون كهرباء
|
وعلى ذلك قس بقية الخدمات الأخرى من صحة وتعليم ومياه .. الخ الخ الخ
الان لسان حال اللجنوبيين يغني للحركة الشعبية قائلاً (عذبني وتفنن في الوان عذابك)
وحسرة الإنفصال عن الشمال تزداد يومياً لدى مواطني الجنوب ، فالوضع هناك أقسى من أن يوصف
لك الله يامواطن الجنوب
جنرالات الحركة الشعبية بكل تأكيد يمتلكون مياة صحية ومولدات كهرباء المانية لذلك لم ولن يشعروا بمعاناة المواطنين هناك
الوضع أصعب من أن يحتمله بشر
تاني وتالت وعاشر لك الله يامواطن الجنوب
|
|
|
|
|
|
|
|
Re: لليوم الخامس والخمسين على التوالي .. جوبا بدون كهرباء (Re: mayada kamal)
|
محمد فرح السلام عليكم وليك وحشة يا اخوي بس الجنوبيون ديل ان شاء الله يموتو بس الشمال دا ما ينوم ولا ينعم باستقرار
يعني الجنوبيين ديل لو عاشو في مجاعة افضل ليهم لانو مجاعتم دي فيها مجاعة الشمال عشان كدا المجاعة افضل
عليك الله شوف الكلام دا كيف؟ بعدين صدقني يا محمد ممكن للجنوب هذا ان يكون في افضل حالاته ويعيش في رفاهية اذا حسن وضعه مع الشمال
| |
|
|
|
|
|
|
Re: لليوم الخامس والخمسين على التوالي .. جوبا بدون كهرباء (Re: المكاشفي الخضر الطاهر)
|
أخ المكاشفي تحياتي حكومة الإنقاذ هي الحكومة الوحيده التي أعطت الجنوب حقوقة كاملة بغير نقصان من تقرير للمصير ومشاركة في الحكم وووو ـ بل وزادتهم عن حقهم الكثير وبالرغم من ذلك وبدلاً من وضع اليد في اليد بادر الجنوب للطعن في الظهر لإرضاء سادته من الصهاينه والأمريكان مصلحة الشعبين تتطلب وجود توافق بين حكومتي الشمال والجنوب ونبذ كل الخلافات لكن للأسف حكومة جوبا تصر على العدوان الغير مبرر
مؤونة عام من الود
| |
|
|
|
|
|
|
Re: لليوم الخامس والخمسين على التوالي .. جوبا بدون كهرباء (Re: mayada kamal)
|
مياده تحياتي بالله ده كلام ده كباية الملح بي 3 جنيه والحركه تبعزق القروش في الاسلحه والحرب ضد الشمال متى يضع هؤلاء مواطن الجنوب ضمن قائمة إهتماماتهم هم يعتقدون أن الأميه والجهل السائد هناك ستجعلهم يفعلون مايشاؤون إذا إستدعى الأمر يمكننا تحرير الإخوه بالجنوب من هذه الطغمه في رمشة عين
مؤونة عشرة أعوام من الود
| |
|
|
|
|
|
|
Re: لليوم الخامس والخمسين على التوالي .. جوبا بدون كهرباء (Re: د.محمد حسن)
|
أخى محمد فر ح السلام عليكم.
معظم أجزاء السودان كانت بلا كهرباء ومازال بعضها كمثل.
فلننظر لمستقبل بلادنا .الجنوب صار دولة مستقلة قائمة بأمرها .
الجنوب ديل فيهم مسلمين وكانوا معنا يوماً ما..هل فكرنا كيف نساعدهم؟
النوع من البوستات ده لايعنى غير التفشى فى حكومة الجنوب مع إن المواطن لا يد له فى كل البحصل.
Quote: المنفصلين ليها شنو ما بعرف !!!!!!!!!!!!! |
اللهم أصلح حال بلادى.
إحترامى للجميع.
| |
|
|
|
|
|
|
Re: لليوم الخامس والخمسين على التوالي .. جوبا بدون كهرباء (Re: محمد أبوالعزائم أبوالريش)
|
بعض ردود الأخوة الأعضاء على البوست أعلاه ....
Quote: بالمناسبة أنا أسع طلعت من البت والكهرباء قاطعة لكن كدي النشوف بكرة بتاعتك دي |
Quote: هسي في اللحظة دي الكهرباء قاطعة غايتو بكرة ما بعيد
والله يكضب الشينة
|
Quote: يافرح ياخوى الفلم ده دخلناهو زى مليون مرة كدة. |
Quote: تعرف يا محمد فرح ناس الكهرباء ديل تقول الله غضبان عليهم ... كل ما يصرحوا تصريح زي دي تجيهم بلوه تقطع الكهرباء قطعة طويـــــــــلة اكتر من القطوعات العادية ... قبل كم شهر كده سمعت واحد منهم بيجعجع في التلفزيون انه من بكره مافي قطوعات ... بكره ده بقي كان قطع عام لمده نص يوم مرة تانية سمعت كلام زي ده ... الكهرباء قطعت كم يوم في السودان كله بسبب عطل رئيسي في الرصيرص وللا وين كده ما عارف
بقينا نخاف من كلامهم اللي ذي ده ... خليهم يشتغلوا بصمت ... جنهم جعجعة وفشخرة ... اصلا كون انه الكهرباء ما تقطع ده هو المفروض يكون الوضع العادي ... وما سواه نشاز ... علشان كده جل ناس الكهرباء نشاز زي كهربتهم القاطعه عشوائي دي |
Quote: محمد فرح
ياخوى خلى الكهرباء ، نحن عندنا اطول نهر فى العالم والمواسير طول اليوم بتقول خخخخخخخخخخخخخخخ
تقول كهرباء مستمرة ؟؟
ياراجل قول كلام غير دة .!! |
Quote: نأكل من ما نزرع
نلبس من ما نصنع
وكهربتنا تانى ما بتقطع
نضحك من ما نسمع |
Quote: بكرة دي مش اللي هي (الليلة)؟؟؟؟ هسه في اللحظة دي كذا منطقة في الخرطوم (إن لم تكن كلها)، الكهرباء قاطعة..
أها الرأي شنو؟؟؟ |
Quote: مس القريبه دي الكهرباء قاطعه 4 ساعات تماما وفي عز السخانه نحنا متعودين علي الكلام لكن الاطفال بتعبوا شديد مللنا من تلك التصريحات والوعود ومللنا من الكذب |
رد محمد فرح بالتالي:
Quote: أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها وتحدي لو تاني الكهرباء قطعت
......... وصيتي المهمه ياأخوانا ماتنسوا الترشيييييييد
للجميع مؤونة عشرة أعوام من الود |
فجاءته الردود التالية:
Quote: معليش يامحمد فرح ... اذا بكرة بتاعت امبارح معناها الليلة ... فالكهرباء قاطعة في حى الزهور امتداد شارع 15 منذ التاسعة صباحاًُُ.. وحتى الآن 12:20 دقيقة ظهرا |
Quote: يا زول ما تصدق اي كلام بخصوص الكهرباء ,,
وهسي الكهرباء قاطعه في الخرطوم ,,, |
Quote: أنا شغالة في شارع البلدية، يعني قلب الخرطوم، الكهرباء قاطعة ومشغّلين مولد، وساكنة مدينة الفاروق، اتصلت ببناتي قالوا لي الكهرباء قاطعة، وقاعدين في الحر، |
Quote: حى الزهور (حى الحجر) مربع 3 مقابل مقابر فاروق تقاطع شارع 15 مع شارع محمد نجيب قاااااااااااااااااااااااااااااااطعة ياخ |
Quote: انقطاع التيار الكهربائي بأحياء الخرطوم
الخرطوم: الرأى العام : تصوير: صلاح مضوى
شهدت بعض الاحياء السكنية بالخرطوم انقطاعاً في التيار الكهربائي خلال الأيام الماضية، حيث اشتكى عدد من المواطنين من القطوعات المتكررة وغير المبرمجة للتيار الكهربائي، في الوقت نفسه أكد اتحاد الغرف الصناعية ان القطوعات التي طالت المصانع أدت الى توقفها واضطرتها الى العمل بوردية مسائية.وفي غضون ذلك كشفت جولة لـ «الرأى العام» عن ارتفاع في اسعار الثلج من جنيهين الى «6» جنيهات للوح الواحد.وطالب عباس علي السيد رئيس اتحاد الغرف الصناعية الهيئة القومية للكهرباء بضرورة الالتزام بالفترة الزمنية المحددة لإمداد التيار الكهربائي.وانتقد عباس في حديثه لـ «الرأى العام» أمس عدم إلتزام الهيئة بالوعد الذي قطعته باستقرار الإمداد الكهربائي.ودعا عباس الهيئة الى اعادة النظر في مسألة توزيع التيار الكهربائي على القطاع الصناعي، وطالب بإعطاء القطاع أولوية في الطاقة الكهربائية بجانب صيانة شبكات التوزيع. من جانبه طالب عبد الرحمن عباس نائب رئيس اتحاد الغرف الصناعية الهيئة القومية للكهرباء بضرورة إعلان المصانع قبل قطع التيار الكهربائي. |
تبرير محمد فرحي:
Quote: طبعاً الكهرباء يادووووب وصلت الليله يعني لحدي بكره إن شاءالله تاني حاجه إسمها كهرباء بتقطع دي حتبقى مجرد ذكريات من الزمن الجميل على قول الشيوعيين . |
جاءته هذه الردود:
Quote: هسع الكهرباء قاطعة وامس قاطعة وقبليها قاطعة وبعد كتبت كلامك دى قطعت وقبليها قطعت وبعديها حتقطع وكل يوم حتقطع وحتتواصل القطوعات بعد ما كتبت وقبل ما تكتب قطعت وحتقطع
بالمناسبة انت بتتكلم عن ياتو خرطوم خرطوم (السودان) ولا خرطوم (الفيل) وعن ياتو كهرباء زاتا كهربتنا دى ولا كهربة السد العالى الجايبنو |
Quote: منطقة الرياض بالخرطوم كلها قاطعة الان واصوات المولدات تصم الاذان |
Quote: وعلى العكس تماماً قاطعه الكهرباء في منطقة البراري بالخرطوم
من الصباح وحتى لحظة كتابة هذه المداخلة!!!
يا عالم أرحمونا!!! |
Quote: هسع انا فى نمرة 2 ومن الصباح الكهرباء قاطعة |
Quote: المكان: الخرطوم_ السودان_ الخرطوم 2 الزمان: يوم الاثنين الموافق 13/4/2008 الساعة الثالثة ظهراً الحالة: الكهرباء مقطوعة من الصباح وحتى الآن التعليق: بدون |
Quote: بلاغ جديد قديم ... المكان: الخرطوم_ السودان_ الخرطوم حى الزهور الزمان: يوم الاثنين الموافق 13/4/2008 الساعة الثالثة والنصف ظهراً الحالة: الكهرباء مقطوعة من الصباح وحتى الآن التعليق: بدون |
Quote: 7 ساعات بالتمام والكمال ... الآن الرابعة عصرا ... ونفس الحال ...:(
بلاغ جديد قديم ... المكان: الخرطوم_ السودان_ حى الزهور الزمان: يوم الاثنين الموافق 13/4/2008 الساعة الرابعة ظهراً الحالة: الكهرباء مقطوعة من الصباح وحتى الآن التعليق: بدون |
Quote: المكان: الخرطوم بحري_ السودان_ المساكن الشعبيه شمال وجنوب الزمان: يوم الاثنين الموافق 13/4/2008 الساعةالرابعه والنصف ظهراً الحالة: الكهرباء مقطوعة من الصباح وحتى الآن التعليق:برضو بكره قريب مابعيد |
Quote: الساعة 7 ونص كلمته البيت مرة تانية ومن ديك وعيييييييك يعني من نصة نهار والكهرباء في امبدة قاااااطعة ... |
Quote: جامعة الخرطوم مجمع الوسط
مكتبة المين, قاعة الأمتحانات المركزية, كليات الإقتصاد, العلوم, الأداب, إ\ارة أعمال قاااااااطعة بالثلث والكوفي والديواني من 9:00 صباحا و حتى 2:00 ظهرا |
أنا فترت .... لكن عموماً، إستمر البوست على هذا المنوال لمدى 11 صفحة.
| |
|
|
|
|
|
|
Re: لليوم الخامس والخمسين على التوالي .. جوبا بدون كهرباء (Re: فيصل محمد خليل)
|
Quote: بترولهم بجيب ليهم اي حاجة لو خليتوهم يا سفلة |
نحنا خليناهم انفصلوا عديييييييييل كده وبرضوا ماعملوا حاجه قروش البترول بتاعتهم دي من يوم توقيع السلام وهم بستلموها على داير مليم وبحولوها لي حساباتهم الخاصه مواطن الجنوب ما استفاد ولا بي دولار واحد قال تجيب ليهم اي حاجه بعد عشره سنه العالم كلو حيتجه لمصادر الطاقه البديله بترولهم ده خليهم يتمسحوا بيهو
| |
|
|
|
|
|
|
|