|
اسماعيل عطا المنان... راجل فنان.. وحليل كورة السودان
|
قبل شوية في اذاعة الرياضية.. سمعت المذيع بيقدم في زول .. من شدة ما شكرو قلت قطع شك تكون الرياضية اتعاقدت مع طارق ذياب او حتى بالعدم الرشيد المهدية للتعليق على مباريات الممتاز المهم اخيرا قام قال انو المحلل هو اسماعيل عطا المنان واعتقد انو ايضا رئيس لجنة التدريب وصاحب مازدا لكن ما عرفت هل لعب كورة قبل كدا ولّا لا المهم
|
|
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: على ميرغني)
|
اسماعيل قعد يقول في كلام اعتبرو تحليل فني يعني مثلا عن ماتش المريخ والامل قال (حقو الناس ما تصدر احكام متسرعة ومتسارعة) شخصيا كدا مافهمت كيف انو الاحكام بتكون متسارعة.. ثم بعد داك حكى الكورة باص باص وزنقة زنقة وشوتة شوتة طبعا الراجل محليل رياضي وخبير جدا ثم بعداك عرج على الهلال والاهلي.. وبرضو حكي وبالموسيقى التصويرية المصاحبة صراحة كان زيو وزي اي مشجع قاعد في جاكسون
وكل مرة (انحنا حقو ما نظلم الأمل لانو من حقو يغلب المريخ) وكمان الاهلي من حقو يدرن مع الهلال.. طيب ما اصلوا اي فريق بيعلب علشان يغلب طبعا الا ودنوباوي زمان كان بيلعب عشان الدرون في كل مبارياتو
| |
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: على ميرغني)
|
عطا المنان تحدث عن عودة المنافسة فعلا بين اندية الممتاز وانتهاء قصة هلال مريخ في الصدارة ثم الثالث ن بقية الفرق وبفارق كبير في النقاط
لكن عطا المنان لم يتحدث عن السبب او الاسباب واعتبر ان النتيجة دي دليل على سلامة منافسة الممتاز عطا المنان نسى اهم اشياء انو الهلال بعد صعوبة كسب نقطة من اهلي شندي لأنو اهلي شندي كسب ستة من لعيبة الهلال بماف يهم الحارس ولأنو اهلي شندي كسب قبل كدا اداري بمقدرات صلاح ادريس
| |
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: على ميرغني)
|
الأخ الأستاذ علي ميرغني السلام عليك حسب ما فهمت من الكلام النقلتو على لسان إسماعيل قوله أن الدوري الممتاز تطور طالما الأمل غلب المريخ وأهلي شندي درن مع الهلال ودا قول نظريا كدا صاح ما عندو عوجة .. الما فهمتو من بوستيك دا إتا متفق واللا مختلف مع إسماعيل في خلاصة كلامو الفوق دا ؟ ولشنو ؟ تقديري واحترامي .
| |
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: طلحة عبدالله)
|
Quote: الأخ الأستاذ علي ميرغني السلام عليك حسب ما فهمت من الكلام النقلتو على لسان إسماعيل قوله أن الدوري الممتاز تطور طالما الأمل غلب المريخ وأهلي شندي درن مع الهلال ودا قول نظريا كدا صاح ما عندو عوجة .. الما فهمتو من بوستيك دا إتا متفق واللا مختلف مع إسماعيل في خلاصة كلامو الفوق دا ؟ ولشنو ؟ تقديري واحترامي . |
هو يتهكم ويسخر من اسماعيل عطا المنان مساعد المدرب للمنتخب الوطني
اسماعيل الكورة عادتو وعبادتو لعب وعمل مدربا وصحفيا امس بسمع فى برنامج حروف مع واحد اسمه عثمان ميرغنى اتكلم عن عظماء وادى حلفا ناس جمال محمد احمد ومحمد توفيق وخليل بدرى وووردى تخيل ذكر منو! فتحى خليل المحامى! !!!! جنى
| |
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: jini)
|
Quote: امس بسمع فى برنامج حروف مع واحد اسمه عثمان ميرغنى |
جني انا اسمي علي ميرغني.. يعني مسؤول من نفسي وتصرفاتي واذا عندك اي مشكلة او راي في الواحد الاسمو عثمان ميرغني دا ممكن اديك رقم هاتفو تتكلم معاهو او بالعدم كدا بريدو الالكتروني
Quote: الما فهمتو من بوستيك دا إتا متفق واللا مختلف مع إسماعيل في خلاصة كلامو الفوق دا ؟ ولشنو ؟ |
متفق معاهو في انو المنافسة اتقدمت .. وانا رياضيا زول عادي وما طارح نفسي محلل وخبير بس مختلف معاهو في الشئ القال انو دا تحليل من خبير.. كلنا تابعنا الماتشات دي من الرادي وهو نفسو تابعها زينا من الرادي.. على اقل شئ كان يتحدث عن السبب في هذا التطور.. ودا دور المحلل والخبير علشان يصل الى الاسباب ويقويها مش يقعد يحكي لينا الكورة السمعها من الرادي زيو زينا
Quote: اسماعيل الكورة عادتو وعبادتو لعب وعمل مدربا وصحفيا |
حكاية عادتو وعبادتو دي ما شئ ملزم ان يكون خبير .. شخصيا ما سمعت بيهو لاعب كورة علشان كدا سألت من قولة تيت عن الحتة دي.. وياريت يا جني تنورنا عنن انجازاتو كلاعب كورة او مدرب
فتك بعافية
| |
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: على ميرغني)
|
اخونا علي ميرغني ياخ الزول لما يسلمو عليهو برد التحية كان مسلم واللا مسيحي ..... من ناحية تانية إتا فعلا ما طارح نفسك محلل أو خبير لكن طارح نفسك ناقد وبصراحة كدا كلامك دا ما كلام زول ناقد .. لأنو إسماعيل ما قال (كلامي دا كلام زول خبير) زي ما قلت إتا فوق .. دا أولا .. وثانيا يا حبيب الزول دا ذكر سبب تطور الدوري الممتاز وهو كما قال هزيمة المريخ وتعادل الهلال .. فهل تعتقد أن هذا ليس سببا أم ماذا ؟ الشىء الثالث إسماعيل مارس كرة القدم كلاعب ومدرب وإداري ونال كورسات في كل قطاع من القطاعات دي، فضلا عن خبرة تراكمت بطول سنوات عديدة قضاها في هذا المجال .. ودي تشفع ليهو أنو يكون محلل وليس شرطا أن يكون صاحب إنجازات . أخيرا أرجو أن تبرد نفسك شوية لأنو الكلام ما بستاهل يا حبيب. شكرا .
| |
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: طلحة عبدالله)
|
الاخ طلحة .. صباحك خير بالجد رديت عليك وقلت ليك لك العتبى حتى الرضى وآسف لعدم رد التحية.. وكمان قلت ليك نكتة عن الاتنين الاتشاكلو والبوليس دخلهم التخشيبة وواحد فيهم لمن خرمة الصعوط رمتو قال للتاني.. اديني سفة وشكلتنا في بكانا ـــــــــــــ المهم شكلو الخرف دخل واتداخلت الردود بين طلحة في البوست دا وميادة في بوست آخر لك مودتي
| |
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: على ميرغني)
|
Quote: الشىء الثالث إسماعيل مارس كرة القدم كلاعب ومدرب وإداري ونال كورسات في كل قطاع من القطاعات دي، فضلا عن خبرة تراكمت بطول سنوات عديدة قضاها في هذا المجال .. ودي تشفع ليهو أنو يكون محلل وليس شرطا أن يكون صاحب إنجازات . أخيرا أرجو أن تبرد نفسك شوية لأنو الكلام ما بستاهل يا حبيب. شكرا . |
شكرا يا طلحة لانني لا استطيع ان اكون محايدا كما يزعم على ميرغنى فى دفاعه عن عثمان ميرغني اسماعيل ولد حلتنا اعرفه معرفة شخصية جني
| |
|
|
|
|
|
|
Re: اسماعيل عطا المنان... راجل فنان.. وحليل كورة السودان (Re: jini)
|
Quote: انني لا استطيع ان اكون محايدا كما يزعم على ميرغنى فى دفاعه عن عثمان ميرغني اسماعيل ولد حلتنا اعرفه معرفة شخصية |
اذا كان ذلك كذلك فالأمر اصبح واضحاً ــــــــــــــــــــــ جني والله عثمان دا انا انتقدتو في صحفات جرديتو ذاتها علشان كدا ما بدافع عنو وما سبق دافعت عنو الا اذا اصلا كان موقفو صاح لك مودتي
| |
|
|
|
|
|
|
|