انا بس مستغربة لو طريقة البنا بال 3d رخيصة و سريعة و قوية لي الناس في السودان ما بتجهوا ليها و لا بنسمع بيها عيوبها شنو و سلبيتها هل مثلا ممكنة لبيت ثلاث او اربع طوابق ؟
03-02-2012, 12:59 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الناس في السودان بقوا ما مضمونين بقوا خطيررررررررررررين ومافى ثقة صدقينى
إنتي هسي ما بتثقي فيني ولا شنو ؟!!
بقول شنو ..
وبي صراحة شديدة .. حكاية تسليم مفتاح دي عملية بتاعت نصب ليس ابل .. المواد مختلفة واسعارا مختلفة .. ما في حاجة اسمها تسليم مفتاح (ضربة لازب كدة) الا لو في تفاصيل متوفرة .. مثلا الأبواب نوعا شنو ؟ سلوك الكهربا ماركتا شنو ؟ الشبابيك المونيوم ولا حديد ؟ البوهيات عايزة لون واحد ولا حوائط ؟ ..
لازم يكون في تقاصيل .. عن شركتنا .. فنحن بنقسم الشغل على مرحلتين .. مرحلة تسليم البيت على البياض .. بعد داك بنسأل الزبون عن التفاصيل الفوق ونوريهو الخيارات ونديهو التكلفة وبعد داك نشتغل ليهو بي مواصفاتو هو مش مواصفاتنا نحن .. وهو عندو كامل الحرية يختار الحاجات البتناسبو ويخلي الحاجات الهو بيشوف سعرها ما مناسب يشتغلا براو ..
وضاحة ؟! شنو دايرة تطيري مننا الزبائن ؟!
03-02-2012, 01:45 PM
وضاحة وضاحة
تاريخ التسجيل: 01-16-2005
مجموع المشاركات: 9116
سلام...... تكلفة البناء لمنزل زي بتاع الشقلة 3 غرف وحمامين وصالون بتكون زي كم كده؟
86250
ودا مؤسس لي طابقين يعني مستقبلا ممكن تعمل طابق تاني ..
كل المطلوب انك تشوف مساحة الأرض المبنية وتضرب سعر المتر في 750 جنيه يعني لو داير تبني في مساحة 100 متر مربع تكون التكلفة 75000 جنيه بالنسبة للطابق الارضي أما الطابق الأول نضرب نفس المساحة في 550 جنيه يعني 55000 جنيه ونضيف 5000 جنيه تكلفة السلم ..
بمنتهى البساطة ..
التلفون في البوفائل ..
شكرا امين .. ما قلت لي رايك في شكل الموقع الجديد .. يا ريت لو كتبتو في دفتر الزوار عشان نستفيد
تسلم ..
03-02-2012, 02:18 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: شكرا امين .. ما قلت لي رايك في شكل الموقع الجديد .. يا ريت لو كتبتو في دفتر الزوار عشان نستفيد
الحبيب ناذر
الموقع جميل ماف أي كلام وإن كانت هناك بعض الملاحظات التي لا تنقص من روعة الموقع بأي حال من الأحوال يا حبيب لعل أولها تحويل القائمة الخاصة بالموقع من الجهة اليسار الى جهة اليمين . يا ريت برضو لو أضفت ليهو شوية فلاش وسويتش ماكس عشان الصور تتعرض عن طريق الاسلايد شو (Slide Show) دي بتوفر ليك أنت إنك تعرض الحاجات العايزها عشان يشوفها المستخدم وكمان الفلاش بدي ليك الموقع نوع من الجاذبية والحركة والحيوية وديل موقعين ببساطة مكن تعمل الاسلايد بتاعتك وترفعها http://www.frobee.com/slideshow-maker/ http://www.kizoa.com/ استخدامهم ساهل كل ما عليك هو اضافة صورك والموقع يتكفل بالباقي .. .. حاجة اخيرة يا ريت تخليهو موقع تخصصي خاص بالشركة فقط شايفك عامله كشكول اغاني وقصص ... الخ
مع العلم أن هذه الملاحظات لا تنقص من روعة الموقع يا حبيب
تحياتي
03-02-2012, 02:45 PM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
Quote: الموقع جميل ماف أي كلام وإن كانت هناك بعض الملاحظات التي لا تنقص من روعة الموقع بأي حال من الأحوال يا حبيب لعل أولها تحويل القائمة الخاصة بالموقع من الجهة اليسار الى جهة اليمين . يا ريت برضو لو أضفت ليهو شوية فلاش وسويتش ماكس عشان الصور تتعرض عن طريق الاسلايد شو (Slide Show) دي بتوفر ليك أنت إنك تعرض الحاجات العايزها عشان يشوفها المستخدم وكمان الفلاش بدي ليك الموقع نوع من الجاذبية والحركة والحيوية وديل موقعين ببساطة مكن تعمل الاسلايد بتاعتك وترفعها
والله طبعا الموقع مفترض يكون متحرك وفيهو فلاشات وصور ويكون أكتيف شوية .. لكن أهو شغال فيهو بالجهذ الذاتي شوية شوية ..
ومشكور على الموقعين بتاعين الاصلايد شو .. جربتهم قبل شوية وبيدو نتائج جميلة ..
Quote: حاجة اخيرة يا ريت تخليهو موقع تخصصي خاص بالشركة فقط شايفك عامله كشكول اغاني وقصص ... الخ
دي فعلا اشكالية وبديت تدريجيا ألغي كل الحاجات الخاصة وانشاء الله عما قريب حا يظهر الشكل العام للموقع تخصصي بس في مجال الشغل ..
مشكور يا حبيب ..
03-02-2012, 05:43 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: يعني مثلاً الزول كيف ممكن يحصل على خريطة مناسبة ..وأهم حاجة يكون في حيشان
وحتة للعربات...
ممكن بي كل سهولة تحصل على خريطة أذا كان عندك الكروكي بتاع القطعة واتجاهاتا .. في البلد القاعد فيهو ممكن أي مكتب هندسي يعمل ليك واحدة .. اما لو دايرا من هنا ممكن بي التصور الكتبتو دا نعمل ليك واحدة مناسبة بعد زيارة الموقع على الطبيعة ونعرضا ليك ..
Quote: يعني ما أكلم أولاد أهلنا العاملين فيها مهندسين ومقاولين ديل..؟؟؟
ياخي بيت الشقلة ده وين باقي الصور بتاعته ؟ مهم جداً تورينا البيت بعد أن تم تشطيبه وأصبح جاهز للسكنى , موقعك في منتهى الجمال أول مرة أشوفه , فعلاً فكرة جرئية وتستحق الإشادة والدعم.
لو المسألة دي ممكنة وصاحب المنزل لا يمانع وكذلك الأخ بكري أبو بكر رجاء تنزل الصور كاملة هنا , بعد إذن صاحبة البوست طبعاً ولكي الشكر أيضاً.
تحياتي.
03-03-2012, 08:54 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
سلامات يا ناذر مجرد اقتراح للمقارنة وامكانية التنفيذ لزوم المقارنة وربما تصل الى فكرة انجاز اسرع طالع محتويات اللنك المرفق نفس الفكرة لكن ما اسمها 3D panel يسمونها بانل عازلة لاحتوائها على الفوم المقوى وحواجزها الخارجية خشب مضغوط .اخف واسرع وارخص من الحديد والبيت يحتاج لزمن اقل بكثير من زمنكم . المصنع مساحته 2 فدان والفكرة تعتمد على ماكنة واحدة ضخمة بسيطة جدا فى تقنيتها وبسيطة جدا فى تشغيلها وصيانتها . مجرد اقتراح للمقارنة وامكانية التنفيذ
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر صديق
ناذر محمد الخليفة
وضاحة
الامين موسى البشاري
Mahmoud Mustafa Mahmoud
Mohamed Abdelmotalib Hassan
ASHRAF MUSTAFA
فيس بوك
تويتر
انستقرام
يوتيوب
بنتيريست