في احد الحوارات في بوست مجاور استفذني كلام عجيب كده عن فقر(الاقليم الشمالي) وهجرة عصافير الخريف منه.. من كوز دباب لازال يدفع فاتورة حزب المركز الرديء المؤتمر الشعبي نيابة عن مهشمين دارفور ويقيم الماتم على ناس العدل المساواة دبابين زمن التمكين... زمان قلنا في نسخة مضروبة من السودان الجديد يروج ليها المحسوبين على دارفور المزمنين في البورد البقول السودان فقير فعلا يورينا فقير ليه؟ والبقول غني يورينا غني كيف؟ وعايز اي واحد من ديل يجي يورينا بضاعتو البتخرجنا من القاع النحن فيه ده كيف عشان يكون للبورد ده فيه فايدة... حزب المؤتمر الوطني حزب المؤتمر الشعبي حزب الامة الحزب الشيوعي وماذا انجز.؟ في الارض والانسان من 1964 لحدت 2012 ..... عارفكم ما بتجو(ورجاغين ساكت) والورجغة بلغة الجدة العظيمة الكوشية الحرم التي تقيم عند جبل البركل العظيم..هي الكلام الكثير جدا والذى يستهلك فيه جل السودانيين الذين لا يتعظون من اخطاءهم ولا يستفيدون من تجارب الاخرين عمرهم...وما فيه ثمرة ولا فايدة ومن ورجغ يورجغ ورجغتا...
عـــــــادل الغني مش فلوس موارد الغني سكوك والسلوك بيتغير بالتعليم وأكبر مشكلة في السودان أن التعليم ليس تغيير في السلوك كما يعرفه علماء التربية انما هو حفظ لعقائد وتطبيقها علي رؤوس الناس والناس العاديين في السودان سلوكهم أحسن من المتعلمين الي اخيرا بعد ستين سنة عرفوا أن السودان فيه هامش وين انتوا من 1956م قلنا ديمقراطية عرجاء ومادريين في البلد لاكوز ولا شيوعي العندو مشروع طبقوا وفشل يحفظو في درجوا ويمشي ما يغير جلدوا لأن الحرية بقت علي الهواء ما عندها باب بيدقوها زي ما دروسونا زمـــــــــــــــــان
03-01-2012, 02:51 AM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
Quote: في احد الحوارات في بوست مجاور استفذني كلام عجيب كده عن فقر(الاقليم الشمالي) وهجرة عصافير الخريف منه.. من كوز دباب لازال يدفع فاتورة حزب المركز الرديء المؤتمر الشعبي نيابة عن مهشمين دارفور ويقيم الماتم على ناس العدل المساواة دبابين زمن التمكين... زمان قلنا في نسخة مضروبة من السودان الجديد يروج ليها المحسوبين على دارفور المزمنين في البورد البقول السودان فقير فعلا يورينا فقير ليه؟ والبقول غني يورينا غني كيف؟ وعايز اي واحد من ديل يجي يورينا بضاعتو البتخرجنا من القاع النحن فيه ده كيف عشان يكون للبورد ده فيه فايدة... حزب المؤتمر الوطني حزب المؤتمر الشعبي حزب الامة الحزب الشيوعي وماذا انجز.؟ في الارض والانسان من 1964 لحدت 2012 ..... عارفكم ما بتجو(ورجاغين ساكت) والورجغة بلغة الجدة العظيمة الكوشية الحرم التي تقيم عند جبل البركل العظيم..هي الكلام الكثير جدا والذى يستهلك فيه جل السودانيين الذين لا يتعظون من اخطاءهم ولا يستفيدون من تجارب الاخرين عمرهم...وما فيه ثمرة ولا فايدة ومن ورجغ يورجغ ورجغتا...
بناء دوله حديثه يشترط أن يكون البنائين مبدعين. وأن تكون (كوزا) يعنى أن تكون غير مبدعا!
المذاهب الاسلامية على إختلافها تقوم على تجريد الانسان من حرية الاعتقاد والتساؤل والاختبار والخلق- نفس الانسان الذى يفترض أن يبدع طرائق لحل مشكلات واقعه! وفى هذا يستوى إنسان الهامش والوسط ... تعطيل ملكة الخلق بسبب آله الدين لايقتصر على ثقافه دون غيرها ولا على عرق دون غيره، ولاعلى دين دون غيره ايضا... ودونك تجربة اوربا والكنيسه . تجربة أوربا مع عصر النهضه وإزدهار العلوم والفنون والاختراع .. الخ، هذه التجربة هى تجربة التحرر من شبح الفكر الدينى المقيد للأنسان!
اليوم الدول التى تستورد كل كوادها الخام هى أكبر الدول الصناعية والتى تتصدق على الدول الاسلامية والافريقية والعربية من حر مالها!
الدول التى ليس بها شبر أرض قابل للزراعه تكتفى من إنتاج مايشبع حاجات مواطنيها وتصدر الغلال وتتصدق بما تيسر!
الذى يقرأ عن إنجازات الدول فى العلوم والفنون والاقتصاد ويقرا عن دولة مثل السودان وطبيعة مشاكلا يؤمن بأن الشقة لايمكن ردمها أبدا!
العالم يعد طلاب الثاتوى والابتدئيات ويمكنهم من يكونوا قادة للمستقبل بتدريبهم على التفكير الحر والجرءى واللاحدود له ، لادينية لا إثنية لا ثقافية... ونحن نلت ونعجن فى حق الحياه، ومن نجأ يفرض عليه الزى المدرسى من المهد الى اللحد!!!
نحن أمه مبدعه فى التفكير والاختراع فى أقداح الفته، وطول الجلباب وخشب المساويك ..
الخ، الخ، الخ....
مع التحية!
03-03-2012, 12:21 PM
adil amin adil amin
تاريخ التسجيل: 08-01-2002
مجموع المشاركات: 37012
Quote: الذى يقرأ عن إنجازات الدول فى العلوم والفنون والاقتصاد ويقرا عن دولة مثل السودان وطبيعة مشاكلا يؤمن بأن الشقة لايمكن ردمها أبدا!
الاخ العزيز خالد كودي سلام يا ريت لو اهل النظام ومن يعارضونهم من نخب السودان القديم ديل يشوفو فضائية نشونال جوغرافيك عشان يعرفو الانجازات الحقيقية لو كانو موهوبين فعلا كان احترمو المشاريع السوداني والجبتها ليهم هنا بالوسائل التعلمية ولو تباعا الحمار العجيب*كان فهما وافكار السودانيين من عبدالرحمن المهدي لي محمود محمد طه لي د.جون قرنق الجنوبيين الاذكياء ساكتين يسمعو في ورجغتم الفاضية دي من 1947 دون طائل ولمن اتكلم الجنوبيين ويمكن جون قرنق من جاء لامن مات ما قال 200 كلمة وكل كلمة عبارة عن مشروع وفكرة وعبرة وجابو مشروع مفصل ومدروس لدولة مدنية فدرالية ديموقراطية حقيقية(اتفاقي نيفاشا..انتفضت كل مومياءات المركز ضد الجنوبيين ومن خلفهم الشعب المغييب والشيوعي المبتزل بارى بتاع نظرية الابتلاءات المخرف حسن الترابي ونسى البنية الفوقية والبنية التحتية...والامام في متاهته ..لمن كان صغير ما احترم الكبار ولمن كبر ما احترم السغار.... هوامش حمار كان زمن نميري اخر ملوك كوش المحترمين انتدبتو حيوانات الحديقة عشان يفاوض نميري من اجل جسر بين توتي والخرطوم بعد ما خاف القرد لانو شيشتو حمرا وخايف يقولو شيوعي والزرافة رقبتا طويلة والباب والسلك برمي عمتا ام عذبة الحمار ده قعد يفاوض نميري سبعة سنة ذى مفاوضات الدوحة الاخيرة والحيوانات منتظرة في حدائق القصر وبعدين مرق ليهم عرقان لحدي ما شكو في الامر وقال ليهم(امر الكوبري ..انحسم من اول جلسة) ولكننا اختلفنا في هل يكون الجسر من توتي للخرطوم ولى من الخرطوم لي توتي شفت لي لعرب والعجم بضحكوا في السودانيين الان ونفقد كل يوم ذكائنا...
03-03-2012, 12:05 PM
adil amin adil amin
تاريخ التسجيل: 08-01-2002
مجموع المشاركات: 37012
Quote: لنا ديمقراطية عرجاء ومادريين في البلد لاكوز ولا شيوعي العندو مشروع طبقوا وفشل يحفظو في درجوا ويمشي ما يغير جلدوا لأن الحرية بقت علي الهواء ما عندها باب بيدقوها زي ما دروسونا زمـــــــــــــــــان
اها يا مبارك قصة الكيزان والشيوعيين وورجغتم حتى في هذا البورد لم تبلور مشروع ذاتو عشان 14 مليون ناخب يمشو عليه لو كنا موهوبين فعلا كان السودان بقى ذى البرازيل وماليزيا والهند وهذه هي الدول البتشبهنا لكن لمن تطل عليك مومياءات المركز وام درمان وحتى ونحن في القرن 21 وفي سنة 2012 وفي تلفزيون جمهورية العاصمة المثلثة وفضائياته المتعددة بنفس بضاعة خان الخليلي المصرية والنسخة المصرية الرديئة للاخوان المسلمين التي تخطاها كل العرب والعجم حتى الباب العالي وخليفة المسلمين رجب طيب اردغان قال العلمانية هي الحل وتونس قلعت يدها واليمن ذهبت السكرة وجاءت الفكرة ولانهم اذكياء رسلو ليهم زمان الصحابي المتميز معاذ بن جبل ونحن من مصر عمر بن العاص المستهبل لى عبدالله بن ابي السرح الاكثر استهبالا في الشريعة وما الشريعة...دون النظر لنوع الحكم واصول العدالة التي عرفها مؤمياءات البركل قبل دخول الاسلام السودان... وفعلا القلم ما بزيل بلم وليهم حق نخب المصريين شوفونا ناقصين عقل ودين...وما يرشح من السودان عبر العالم وهذا البورد تعبر عنه كلمة واحدة(مشين)
03-06-2012, 01:23 PM
adil amin adil amin
تاريخ التسجيل: 08-01-2002
مجموع المشاركات: 37012
لولا داسلفا رئيس البرازيل الاشتراكي غير البرازيل في عشرة سنة وجعلها القوة الاقتصادية العاشرة في العالم وهو ليس من ال البيت ولا يؤمن بنظرية الابتلاءات عايز واحد بس سكون شجاع ومتصالح مع نفسه يوريني من غير ورجغة فاضية.. الفرق شنو اصلا بين حزب المؤتمر الوطني الحاكم واحزاب السودان القديم الامة والشعبي والشيوعي وادمان الفشل كما قال العلامة منصور خالد ممتد من 1956
03-08-2012, 09:54 AM
adil amin adil amin
تاريخ التسجيل: 08-01-2002
مجموع المشاركات: 37012
نرجع تاني لاحزاب السودان القديم التي عجت عن ركوب اكسبريس اللبرالية السريع ولا زالت في غيبوبتها السعيدة تدعي الوصاية على شعب ما قدمت لهيا اي حاجة عبر خمس عقود 1-حزب الامة المزيف...بدات اجهزة التدمير الذاتي تعمل عملها فيه الان ودخلت لنا مهدي والعمدة في متاهة البورد.. وحزب الامة (الاصل ) هو تجربة مدرسة السيد عبدالرحمن المهدي 1911-1958.(الانصارية الجديدة).. مات وسلم حفيده بتاع اكسفورد مؤسسة اقتصادية جبارة كانت كافية لدعم حزب الامة في زمن الكوليرا الحالي وسلمه حزب يسع لكل السودانيين له رئيس عادي من عامة الناس مع الاكتفاء بدور الراعي ولم يراهن عبدالرحمن المهدي على القداسة الدينية بل كان رجل اقتصاد بارع ودعم بناء خزان سنار..وهو اول راسمالي رشيد في تاريخ السودان المعاصر...ولكن براعم حزب الامة في البورد حتى ولوجبت ليهم المعلومات مجاني ما دايرنها...الامام لمن كان صغير مباري الاخوان المسلمين الترابي ما احترم الكبار ولمن كبر ما احترم الصغار ولحدي هسه قايل التراضي احسن من نيفاشا... وكان مشى اعتكف في الجزيرة ايا وخلى الخرطوم كموقف كان احسن ليه... 2- الشيوعي والشعبي ودي كمان اغرب علاقة في التاريخ المعاصر وايه الغرابة؟ الشيوعي والشعبي هي بضاعة خان الخليلي الجاتنا من مصر ونموذج الاحزاب الاشتراكية العربية المخستكة فهم لا يخلون من خفة اليد الثورية ومن رياضة السقوط الحر العمودي الى الاسفل شنو البلم بتاع البنية الفوقية والبنية التحتية مع بتاع الابتلاءات.. مش قلنا ليكم دي بضاعة العمة الله يرحما بت كلس البتمشي مصر وتجي خامة العدة من هناك ...والشيوعي والشعبي ليس سوى بستلة مريسة وكوز روب وورجغة فاضية في البورد... .... مستقبل السودان في مشروع اشتراكي الهوى ذى ناس اردوغان وماليزيا والبرازيل والهند. يجب ان يكون السودان .القوة الاقتصادية11 وليس هذيان مؤمياءت المركز المستمر عن الشريعة والنموذج المصري الرديء.. وهذا المشروع يحتاج لتامل في ابداعات السيد عبدالرحمن المهدي ومحمود محمد طه وجون قرنق الجبناها ليكم في البورد ده من 2001
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
مبارك عثمان
Khalid Kodi
فيس بوك
تويتر
انستقرام
يوتيوب
بنتيريست