|
|
 محمد عثماننا من ثقافة يسمى فيها الرجل ابو آمنة!
|
ولكنه كبا كأى كاتب شاطر..
وغيره كبوا عندما قللوا من شأن المرأة ضمنيا و دافعوا بالعقلية الذكورية التى تستثمرها النساء ويدنها فى نفس الوقت..
ماذا لو كان لعصام جبر الله أخوين قالا ماقالته الأختان ووصفهما محمد عثمان بقلة الأدب؟
سيقول قائل: أيضا مدان..
واقول: هل سيكون بنفس الدرجة من التكالب من "أخوان" مهيرة وأخواتها؟
|
|
  
|
|
|
|
|
|
|
 Re: محمد عثماننا من ثقافة يسمى فيها الرجل ابو آمنة! (Re: Afraa Sanad)
|
| Quote: فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. |
فى رأيى خطأ محمد عثمان تمثله جملة (محصلة تدريب منهجي)..
والتى عندى تخطت أخوات عصام, ولكن الأمر تحور لقضية مرأة مشفوعة بكل الأكليشيهات المحفوظة.
وفى حقيقة الأمر الموضوع يمس الرجل والمرأة.
وقلنا أنها كبوة..
ولكن يظهر أنها كبوة ينتظرها كثيرون ممن يتحينون الفرصة فى محمد عثمان لسحله بنيات مبيته من مقالات له سابقة اختلف معه فى فحواها كثيرون..
والدليل على ذلك أن الفكرة الأساسية لمقاله تركت جانبا ووصل البوست الصفحة الثانية بسبب كل أخو مهيرة عايز يزايد فى الدفاع عن المرأة التى هى أقدر منه بفراسخ.
| |
|
|
|
|
|
|
|
|
 Re: محمد عثماننا من ثقافة يسمى فيها الرجل ابو آمنة! (Re: Balla Musa)
|
Quote: ولكن يظهر أنها كبوة ينتظرها كثيرون ممن يتحينون الفرصة فى محمد عثمان لسحله بنيات مبيته من مقالات له سابقة اختلف معه فى فحواها كثيرون..
والدليل على ذلك أن الفكرة الأساسية لمقاله تركت جانبا ووصل البوست الصفحة الثانية بسبب كل أخو مهيرة عايز يزايد فى الدفاع عن المرأة التى هى أقدر منه بفراسخ |
أعذر جهلي يا بلة
فوالله عدم الثقافة والسوفستكيشن دا مدخلني في مشاكل مرات كتيرة
عليه
أقسم بالله لا بعرف محمد عثمان دا
ولا قريت ليهو
ولا صادفني في بوست بالغلط
ولا قانصة ليهو بسبب مقالات سابقة
ولا شيتين
لكن ساءني أن يحضر راي مجرد راي لشخص ويبني عليه شتيمة
وحسيت إني لازم أدينه لانه شف من صلاح البندر
وعشان ماتبقى عادة
وصراحة أنا مابقدر أدين صلاح البندر
خوف ساكت
| |
|
|
|
|
|
|
|
|
 Re: محمد عثماننا من ثقافة يسمى فيها الرجل ابو آمنة! (Re: Rawia)
|
Quote: أعذر جهلي يا بلة
فوالله عدم الثقافة والسوفستكيشن دا مدخلني في مشاكل مرات كتيرة
عليه
أقسم بالله لا بعرف محمد عثمان دا
ولا قريت ليهو
ولا صادفني في بوست بالغلط
ولا قانصة ليهو بسبب مقالات سابقة
ولا شيتين
لكن ساءني أن يحضر راي مجرد راي لشخص ويبني عليه شتيمة
وحسيت إني لازم أدينه لانه شف من صلاح البندر
وعشان ماتبقى عادة
وصراحة أنا مابقدر أدين صلاح البندر
خوف ساكت |
لوووووولز
والله إنتي ألذ مخلوق في البورد دا
وعشان السطرين الأخيرات ديل إنتي ألذ زول في كندا وأمريكا الشمالية
دكتور بلة كورتك فكت عديل :)
ـــــــــ
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: تيسير عووضة)
|
الأخ الكريم بلة
ده مش "كبا" ده اتدشدش ودمه سال وجاه ارتجاج ولسه مصر على أنه واقف طوله ومافي حاجة حاصلة.
الحقيقة من خرج عن موضوع البوست هو صاحب المقال نفسه لأنه اختار ينصرف عن الموضوع ويوجه نباله على ناس ماليهم صلة بمنتدى النقاش ولا بموضوع النقاش. حتى ما كلف خاطره يعتذر ولو على استحياء
| Quote: الحقيقة إنني لم أشتم أحداً ولكنني أتيت بعبارات قيلت ورجحت أن يكون اشتراك الناس في لغة من هذا النوع أكبر من ان تمتد اليه يد التقويم عند عصام جبر الله |
أهـــا!!
إنصرف عن الموضوع وتخطى الشخص المنصرف إليه ورش الاخوات ووصل عضم المربي وركب راسه.. وبرضو كبوة..!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
سلامات يا بلة يا اخوى
اقتباس 1
"ولكنه كبا كأى كاتب شاطر..
وغيره كبوا عندما قللوا من شأن المرأة ضمنيا و دافعوا بالعقلية الذكورية التى تستثمرها النساء ويدنها فى نفس الوقت..
ماذا لو كان لعصام جبر الله أخوين قالا ماقالته الأختان ووصفهما محمد عثمان بقلة الأدب؟
سيقول قائل: أيضا مدان..
واقول: هل سيكون بنفس الدرجة من التكالب من "أخوان" مهيرة وأخواتها؟"
اولا لا أعتقد انها كبوة
بدليل اصرار الاستاذ محمد عثمان عليها والتبرير لها
ثانيا لو كان الكلام قالوهو اخوين كان جابوا؟؟؟؟!!!
ماااا اظن لانو الفكرة عندها علاقة بالنساء والنساء فقط
اقتباس 2
"فى رأيى خطأ محمد عثمان تمثله جملة (محصلة تدريب منهجي)..
والتى عندى تخطت أخوات عصام, ولكن الأمر تحور لقضية مرأة مشفوعة بكل الأكليشيهات المحفوظة.
وفى حقيقة الأمر الموضوع يمس الرجل والمرأة."
يعنى ما كان فى خطأ انو يجيب كلام امال وناهد وخارج السياق
كدليل على التدريب المنهجى لقلة الادب
يعنى جملة(محصلة لتدريب منهجى" كانت واقفة راها والا متكوله على كلام سبقها؟؟؟
الاكليشيهات المحفوظة دى انا اكتر واحدة قاعدة توجع قلبى عشان
واحيلك فى الموضوع ده لصديقتى ندى مصطفى
من زمان جنى وجن النقاش حول قضايا المرأة صدق؟
انا كده بس مرات الواحد بطلع من زيتو ومن طورو
نرجع للاكليشيهات المحفوظة سببها شنو
ببساطة سبب تكرار نفس الاخطاء
اها الناس تسووى شنو؟؟
اقتباس 3
"ولكن يظهر أنها كبوة ينتظرها كثيرون ممن يتحينون الفرصة فى محمد عثمان لسحله بنيات مبيته من مقالات له سابقة اختلف معه فى فحواها كثيرون..
والدليل على ذلك أن الفكرة الأساسية لمقاله تركت جانبا ووصل البوست الصفحة الثانية بسبب كل أخو مهيرة عايز يزايد فى الدفاع عن المرأة التى هى أقدر منه بفراسخ. "
شفت يا بلة يا اخوى انا حالى بالضبط زى حال راوية
فى الموضوع ده يعنى مداخلة راوية كلها بتفق معاها
انا اول مرة اقرا لمحمد عثمان ..صدق؟!!!
وانا كتبت مداخلة كالاتى معليش استحمل نجيبها ليك ما دام
اسبابنا فى التداخل بقى مشكوك فيها
"سلام
يا جماعة من مساوىء الصدف ان ادخل البوست ده بعد شكلة جامده
مع الاولاد فى البيت... ليه مساوئ لانو اديت ولدى محاضرة
جاء البوست ده نسفها لى نسف الناسفين...
هاكم القصة دى والله حصلت قبل ما ادخل هنا
سمعت الولدين بتشاكلو شكل صاح عااااادى
بعد شوية سمعت صوت الصغير 9 سنين بيبكى
عرفت انها كبرت
قمت عليهم قبل ما اصل اسمع ليك الصغير بينبذ فى
الكبير يقول ليهو يا مره يا مره قبل ما خلعتى تتم
سمح اذا به يجيب وصفة تانية ايوة يا مرة ومرة خايبة كمان
النصيحة اول مرة اسمع الكلام ده عندى
لميتهم فى اوضة شفت المشكلة وكالعادة انت غلطان فى كده
وانت غلطان فى كده
اهاااا انتهينا فى الشكلة فى عضمها
مسكت ليك الصغير من قميصو اتلببتو عديل كده
بعد ما كنت دايرة اطرد الكبير غيرت رأيى قلت خليهو
يسمع من المهم يسمع قلت ليهو اقيف ماتمشى
اها قبقبت الصغير سمح
قلت ليهو مالى ببقى نبذ ومالها اختك الله يرحمها بتقى نبذ
اتخلع قال انا ما نبذتك..قلت ليهو انا ما مره
امك دى ما مره قال لى ايي قلت ليهو عيبى شنو
عشان ابقى نبذ.. وغزيت ليك يدى التانية فى كوعى
ويدى التانية لسه مقبقباهو
قلت ليهو اتعلمت تلعيمى ..وشغالة شغلى .. و سايقة عربيتى
وبحلى مشاكلى وبساهم فى معيشتك و تعليمك ,.. ورينى خيابتى شنو؟؟
قال لى ياماما ما كده ... مره للولد نبذ
اضطريت اشرح من اول
فى النهاية عاين لى كده وقال لى ما ح اوريك سمعتها من وين
قلت ليهو انا سألتك سمعتها من وين
ما مهم تسمعها من وين لانو انا ما بقدر اغطى ليك اضنينك محل
حايم كان مدرسة كان شارع
انا البهمنى افتح ليك اضانى واسمعك
عشان افتح ليك اضانك دى واوريك اولك من اخرك
بعد داك دخلت فى الشخصية الجد
يا ولد اخر مرة اسمع الكلام ده بكسر ليك رقبتك
دى وخليك عارف لو نبذت اى ولد قلت ليهو يا مره
معناها نبذتنى انا وغادة
مفهوم ... طبعا ما قال مفهوم:)
لكن انا فهمت انو فهم
اها جيت اخش سودانيز لقيت البوست ده وقلت اشوف التداعيات
الجديدة فى قصة جائزة الطيب صالح
القى انا بتنبذ تانى
والله جنس مذمة فى الدنيا دى
يعنى معشر النساء ديل طوالى بيكون للراجل
مكان الخجلة ومحل الضرب الغير مشروع
والله صحى
اول حاجة يا استاذ محمد عثمان ان طلعت كلام امال
وناهد بره سياقاتها والله هذا الاجحاف بعينو
ثانيا كلام الاتنين لم يكن صعلكة و عدم تربية ومحبة فى استخدام
فحش القول (ده بأعتبار ما تراه انه فحش فى القول مع العلم انا لاارى هذا)
بل لاثبات وجهة نظر
ثالثا احيى ناهد انها قالت الكلمة دى عشان توعى جماهير النساء المشاهدات
انو الان اصبحت كلمة تعنى الوعى .. لانها كلمة تستخدم للمسبة لنساء غير مختونات
يعنى يا محمد عثمان ما تطلع الكلام من سياقة عشان تنابذ عصام باخواته
وعصام كان بتنابذ وبسمع للنبذ الزى ده ما كان مرق للربا والتلاف
يا محمد كان غيرك اشطر فهذا ليس مقتل عصام
عصام اعرفه من ايام الجامعة صديقى اعرف الكثير عنه ايجابى وسلبى
نركز فى السلبى اهاااااا السلبى ده ما فيهو عدم احترام للنساء
ولا فيهو عقدة رجل شرقى و لافيهو كلام جرايد حول حقوق المرأة
دى فى عصام اصل و صورة
التحية لام الحسن ولامال ولناهد بأن قدموا النمازج الناجحة لعصام
التحية للمعرفة كفاحا
ليكون عصام هو عصام لينا نحن صديقاته
نجلس معه راس براس و لانخاف ان نقرأ خطأ ولا نفسر خطأ
ولا ان تطلق علينا الاحكام
نتحدث كيفما نشاء لا مشكلة
ونفهم صاح "
____________________________________
معليش يا بلة مداخلتى طويلة ياااخ
_____________________________________
يا عصام والله عرفتك بقت مكلفة خلاس
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Balla Musa)
|
Quote: أهـــا!!
إنصرف عن الموضوع وتخطى الشخص المنصرف إليه ورش الاخوات ووصل عضم المربي وركب راسه.. وبرضو كبوة.. |
يارمانة
محمد عثمان لم يجلب مقاله لسودانيزاونلاين ليناقشه..
دخل وجد أول مداخلة بتقول: عايز تناقش ول تتعولق؟
وكبا كبوته
ثم جاء مرة أخرى ولقى من يصفه بالقلوط..
فهل فى مثل هذا الجو يلزمه الدفاع عن نفسه أم الرجوع لفكرة بوست لم يشأ طرحه فى هذا المنبر ....
أمال جير الله وناهد رمانة ميزان اليساريين بما فيهم عصام فإذا محمد عثمان وجدهن قدوة عصام فغيره وجد فيهن المرأة الضعيفة التى تحتاج للذود عنها.
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Balla Musa)
|
Quote: نرجع للاكليشيهات المحفوظة سببها شنو
ببساطة سبب تكرار نفس الاخطاء
اها الناس تسووى شنو؟؟ |
ياسهام
بالمناسبة أول مداخلة قريتا بعد كلام محمد عثمان هى مداخلتك..
وذلك لأن فى المنبر يوجد ناس بيتخطوا عادة السير على نمط المداخلة الأولى وبكتبوا مايرونه..
ما أوردتيه من قصة واقعية به نقطة هامة هى التى أريد التركيز عليها, وهى إقناعك ﻹبنك بنفسك كامرأة تذهب لوظيفتها وتشارك فى جميع مايشارك فيه الرجل, وقناعته جاءت من أنه يرى ذلك أمام أعينه يوميا..
فالفعل هو ما اقنعه وليس القول..
وربما نتطور لنحترم المرأة العاملة والجالسة بالبيت كإنسان وبس.
تكرار الأكليشيهات ما بجى من المرأة لوحدها ولكنه يأتى من الرجل الذى يعتقد أنه يعرف حقوق المرأة أكثر منها..
فى إحدى المرات قرأت لمنافح استهجانه لعدم مساواة المرأة بالرجل فى الشهادة على الزنا..
هبة النساء والرجال فى كل صغيرة وكبيرة يذكر فيها اسم المرأة فى موضع سوء, يسئ للمرأة نفسها..
أمال وناهد جبر الله قدوة عصام فى العمل العام وهن المعيار الذى عليه يقاس كثير من اليساريين, خرجن للعمل العام وهن يدركن مزالقه ويستطعن تقدير مايدافعن عنه ومايتركنه لفطنة القارئ..
لا أعتقد لو كان فى مكان أخوات عصام أخوانه ووصفهم محمد عثمان بقلة الأدب سيكون التعاطى كما نراه, وذلك ببساطة لأن المنافحين عن المرأة يعتقدون أن الرجل أقدر على الدفاع عن نفسه ومعنى هذا أن المرأة ضعيفة تستحق الدفاع عنها.
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Balla Musa)
|
لا أعتقد لو كان فى مكان أخوات عصام أخوانه ووصفهم محمد عثمان بقلة الأدب سيكون التعاطى كما نراه, وذلك ببساطة لأن المنافحين عن المرأة يعتقدون أن الرجل أقدر على الدفاع عن نفسه ومعنى هذا أن المرأة ضعيفة تستحق الدفاع عنها
المحترم بلة ..
بعد السلام والتحية
انا مثلاً شبه برلوم فى المنبر (حسب مرات التداخل)
قريت تعليق محمد عثمان وبصراحة حيرنى وزعلنى جداً
وبصراحة اكتر ابدا انا مافهمتو بانو وصف اخوات عصام بقلة الادب وبس (بل) تعداهم لوالد ووالدة عصام ذاتم
فالوصف بقلة الادب فى فهمنا العامى البسيط يتعدى الموصوف مباشرة(طبعا بعد ان يفعل فعلته) ليصل الوالدين او اولياء الامور بشكل عام
فما بالك وان كان متبوعاً بجملة (بطريقة ممنهجة)؟!!
دا طبعا وانا ما بعرف عن محمد عثمان دا الا عبر بعض ماكتب امين محمد سليمان
ومابعرف عصام الا عبر بوست ملاسى بتاع الجوارب الخضر داك .....
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: احمد الأمين على إدريس)
|
سلامات يا بله وتحية
(انا الاقتباس ما شغال معاى عشان كده بتحايل :)كويس )
اقتباس 1
"تكرار الأكليشيهات ما بجى من المرأة لوحدها ولكنه يأتى من الرجل الذى يعتقد أنه يعرف حقوق المرأة أكثر منها..
فى إحدى المرات قرأت لمنافح استهجانه لعدم مساواة المرأة بالرجل فى الشهادة على الزنا.."
يقرأ مع الاقتباس 2
"لا أعتقد لو كان فى مكان أخوات عصام أخوانه ووصفهم محمد عثمان بقلة الأدب سيكون التعاطى كما نراه, وذلك ببساطة لأن المنافحين عن المرأة يعتقدون أن الرجل أقدر على الدفاع عن نفسه ومعنى هذا أن المرأة ضعيفة تستحق الدفاع عنها" انتهى
والله كلامك ده زاتو شرك جاااهز بتاع اكليشيهات :)
نقولها فى نقاط
* نعم المرأة لازالت ضعيفة وتعانى من القهر والعنف بمختلف اشكاله
* نعم المرأة ضعيفة لانها تستخدم احيانا كأدارة لقهر الرجل
وما الاغتصاب الجماعى للنساء امام أعين اهلها من الرجال عنا ببعيد وده ما جاء
الا للوضع الاجتماعى الغير منصف للمرأة فى المجتمعات المختلفة
* نعم هناك نمازج لنساء استطاعن تحرير انفسهن من الخوف وقهر المجتمع وصارن نمازج
التغيير لغيرهن من النساء ...لكن ديل عددهن كم؟؟ ما معروف لكن اكيد ما اكتر من الخايفات لسه
والمقهورات
* هل يجوز تصنيف النساء بشكل عام من الفئات الضعيفة فى المجتمع..انا اقول نعم
* هل يجوز للرجال المؤمنين بقضايا المرأة العادلة المشاركة فى دفع مسيرتها..انا اقول برضو نعم
* هل مشاركة الرجال فى الدفاع عن حقوق المرأة تحسب لهم لا ضدهم ..انا اقول نعم
يا بله احس انو مشكلتك الرئيسية مع موضوع محمد عثمان ده فى النقطتين الاخيرات
وده تعميم للشك فى دوافع كل رجل شارك فى الدفاع عن ناهد وامال
وكلامك بالحيل صاح فيهن ما محتاجات زول يدافع عنهن قويات و بقدرن كويس
لكن هذا لا يمنع التضامن معهن من الرجال والنساء
ولا يمنع لجموع المهتمين بقضايا المرأة من الرجال والنساء ان تستفيد ايجابيا
من ما يطرح سلبا فى حق النساء من اجل التنوير و رفع الوعى ومساعدة بعضنا البعض لنرى
ما يكمن فى دواخلنا بسبب التربية "الممنهجة" فى نظرتنا الدونية للمرأة والتى انا سهام بت نعمات دى
اعتقد انها بتظهر عند النساء والرجال معا...يعنى مثلا ناس ناهد ديل زاتن قالن هو بيواجهو
صعوبات فى اقناع النساء بالتخلى عن الختان اكتر من الرجال شفت كيف؟
يا بله مثلا اذا زول قال كلام زولك ده انو بيستهجن عدم مساواة النساء والرجال
فى شهادة الزنا..المشكلة شنو؟ هل اصبح ملكى اكتر من الملك؟
يابله وان كان اسمها قضية المرأة الا أنها ليست خاصة بالمرأة فقط
ولكنها قضية مجتمع كامل ..نساء ورجال شيب وشباب كلهن يتشاركونها
يعنى ما حقت النساء براهن وهن براهن مسئولات عن ايجاد الحلول لها
الرجل برضو مسئول نحوها كقضية اجتماعية
زىها وزى اى قضية تانية مثلا قول
الزواج المبكر..الختان..ياخ تعال نطلع من الجزئيات البتخش فى قضايا المرأة زاتها
قول زيها وزى الحرب فى دارفور..الازمة الانسانية فى المعسكرات..ازدياد تناول المخدرات
وسط الشباب..العطالة..الخ
كلنا نتشارك الهم سوا ونعمل سوا من اجل القضايا المختلفة
بالمناسبة امال وناهد فى سودانيز دى ضعيفات جنس ضعف هو عاد
لمن ما بشبهن ..
يجعلهن مع من يستحقون مصارف زكاة التضامن
لانو ببساطة ما عندهن طريقة يكتبن هنا
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Siham Elmugammar)
|
يا دكتور بلة
سلامات
أنا أثق في كثير من أحكامك وفي كثير من المواقف لا أملك إلا أن احترم الطريقة التي تنظر بها للأمور سواء اتفقنا-وهذا يحدث كثيراً- أو اختلفنا وهذا أيضاً يحدث.
وقسماً بالله لم أقرأ مداخلات الجميع واعتمدت على إنها تكرار مفتعل لموقف واحد.. يعني تظاهرة لذا فإن الإساءات التي وجهت لي لا اعتقد إنها تعنيني بقدر ما تعني المغالاة في المجاملة على النحو الذي يحدث في المآتم إذ تجد من يتظاهر/ تتظاهر أكثر من غيره بالبكاء والعويل وفي هذا الإطار يمكن ملاحظة النشاط الزائد للبعض عبر البوستات التي اهتمت بما كتبت. رسائل هؤلاء المغالية في التضامن مقصود بها ما يلي: أنا وقفت معك وقلت لمحمد عثمان كذا وكذا، شفت السوالف دي؟
على كل حال، أنا متابع معك هنا.
مع تقديري ومودتي
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد عثمان ابراهيم)
|
سلامات يا بلة عامل كيف؟
تعرف مشكلة البورد الشللية و الاصطفاف حيث القضايا لا تناقش محيث هي قضايا بل من هو الطرف فيها
حزنت جدا لما كتبه الاخ محمد عثمان كرد لعصام
ولن حزنت اكثر يحنما وجدت عدد من الذين يلا تركون فرضا ناقص في شتم الناس هنا
وذكر اهلهم واخوانهم.. نفس الناس دي جات تشجب محمد عثمان...
لا يوجد اي نظرة الى القضايا بل توجد عقليات قطائعية تنظر ال القضايا بخرم ابرة الافتئات..
اتمنى لو الاخ محمد عثمان اعتذر عن هذه الكبوة وبالجد اتفهم موقفك حينما يتربص بك مناضلين البورد
كثيرا ما اجد نفسي في موقفك هذا ولكن اختار ان انتصر لقضيتي وليس شخصيتي
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: د.نجاة محمود)
|
Quote: ولن حزنت اكثر يحنما وجدت عدد من الذين يلا تركون فرضا ناقص في شتم الناس هنا
وذكر اهلهم واخوانهم.. نفس الناس دي جات تشجب محمد عثمان. |
سلام يا دكتورة نجاة
كثيرون يحملهم (الموج) ويجهلون ابجديات السباحة فى احترام المرأة ولكنها سودانيزاونلاين ممكن تلقى الnight club جامع وعادى!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Balla Musa)
|
Quote: يابله وان كان اسمها قضية المرأة الا أنها ليست خاصة بالمرأة فقط
ولكنها قضية مجتمع كامل ..نساء ورجال شيب وشباب كلهن يتشاركونها
يعنى ما حقت النساء براهن وهن براهن مسئولات عن ايجاد الحلول لها |
ياسهام
قضية المرأة عند كثيرين من السودان تبنيها أدناه ركوب موجة وتجميل وجه الرجل واقصاه كسب سياسى..
أما فى هذا المنبر فالأمر لايعدو كونه مواجبة شخصية لايخدم المرأة ولايخدم قضيتها.
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Balla Musa)
|
Quote: ياسهام
قضية المرأة عند كثيرين من السودان تبنيها أدناه ركوب موجة وتجميل وجه الرجل واقصاه كسب سياسى..
أما فى هذا المنبر فالأمر لايعدو كونه مواجبة شخصية لايخدم المرأة ولايخدم قضيتها.
|
سلامات يابله
والله ياخ انا ضد التعميم ده..بس مافى مشكلة
وانا اكرر ما عندى مشكلة مع الاخ محمد عثمان ولم اتعرض له بأى كلمة
نهائى ولن افعل ...
انا فقط انتقد الفكرة ..
اما مواجبتى الشخصية فهى واجب فعلا اتجاة ناس بعرفهم وبعرف انهم
لايستحقون ما يتعرضون له هنا.
تحياتى ويبقى ما ينفع الناس
| |
|
|
|
|
|
|
|
|
 Re: محمد عثماننا من ثقافة يسمى فيها الرجل ابو آمنة! (Re: عاطف عمر)
|
Quote: يامحمد عثمان
ليتك اعتذرت فى أول مداخلة لك بعد الكبوة..
لو فعلت ذلك لسف كثيرون التراب وماتوا غيظا وتمنوا أن لو شتمت كل اليساريات! |
دي النجيضة يا دكتور
باقي كلامكـ كلو عبارة عن (بل) للأشخاص
القاعدين (يبلّو) في محمد عثمان!
يعني قاعد تزين (البل) (بلّة)!!
وأقرب حاجة كلامكـ المكوّتوا فوق
وإضافة ليهو الكلام دا:
Quote: وذلك لأن فى المنبر يوجد ناس بيتخطوا عادة السير
على نمط المداخلة الأولى وبكتبوا مايرونه.. |
ودي طاقية أنا أهديها للنذير حجازي والمشرّف!!
ولا استثني كلا من طارق جبريل وحبيب نورة!!
_
راوية .. ياخ إنتي كـدا!
_
| |
|
|
|
|
|
|
|
|
 Re: محمد عثماننا من ثقافة يسمى فيها الرجل ابو آمنة! (Re: rummana)
|
الأستاذة رمانة .. عذرا
تعليق المشرّف كان ردا على تعليقي
التسلسل الصحيح هو:
د. بلة
Quote: وذلك لأن فى المنبر يوجد ناس بيتخطوا عادة السير
على نمط المداخلة الأولى وبكتبوا مايرونه.. |
ود الصايم
Quote: ودي طاقية أنا أهديها للنذير حجازي والمشرّف!!
ولا استثني كلا من طارق جبريل وحبيب نورة!! |
ثم د. المشرف
| Quote: يعنى الواحد يعمل شنو بالتحديد ؟!! |
.. بالتالي تساؤل المشرف راجع لـ (الطاقية)!
هذا لا يمنع إنو يكون راجع لمحور البوست في ذات نفسو!!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
يا بلة سلام عليك يا اخوي
ومشتاقين شوق شديد
وشكرا على هذا البوست
_________________________________
يا محمد عثماننا الذي في ورطة
دبايوا
اول حاجة اعتذر ليك ما قدرت اقابلك لمن جيت
ودا كان بسبب امين محمد سليمان كل مرة كان بأخرني
لأنو كان عايز يجي معاي .. وفي النهاية اتصلنا بيك
وعرفت للأسف انك سافرت .. معليش ما لينا بخت نشوفك
ونتلاقى لقدام كان مدّ الله في الآجال
____
موضوعك دا تابعتو من بدايتو لحدي آخر مداخلة اتكتبت
حقيقة سلمت دقنك بالمجان ويبدو انك اسلمت نفسك للغضب وانت تكتب
الشغلة دي حسب خبرتي المتواضعة ما عندها حل الا الاعتذار
اعتذر واشتري دماغك زي ما بقول المصريين
والباقي بتمو ليك بأيميل
سلام مؤقتا
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: طارق جبريل)
|
Quote: والله ناس متعبين بشكل..يعني لازم تخليني أطبع ياخ..؟!
أنا استلفت السؤال من صاحبك.. استلاف بس ما ليه علاقة بالطواقي..
انتو العضعيض مباح في البورد ده والاستلاف ممنوع؟ :) |
ود الصائم يا قريبي ياخي لازم تكون في نفس مستوي الذكاء المنبري لرمانة المعتقة دي !
عشان ما ترهقها بالشرح !
هي فكة الكورة دي كيفنها !
--
بلة سلامات - معليش ما عندي موضوع بس خشيت أبل قريبي ود الصائم دا عشان ينضم لقائمة المبلولين هذه الايام بلا هوادة !!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: هيثم طه)
|
Quote:
بلة سلامات - معليش ما عندي موضوع بس خشيت أبل قريبي ود الصائم دا عشان ينضم لقائمة المبلولين هذه الايام بلا هوادة !!
|
بتبل ليك في قرقوش معمول بفتريتا معتعتة يا هيثم
--------
انا ذاتي ما عندي موضوع يا بلة ..
(رغمك) الداقيهو هنا دا برضو جلّا معاي
قلنا نسلم ..
ونساهم في الحملة الدولية لبل القرقوش
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
هيثم يا معلّم ـ أي والله
تعرف اليومين ديل لو ما (متحسس) سلاحكـ ..
ح تلاقي نفسكـ (مبلول) بطريقة (ممنهجة!)
يعجز أحسن أنواع (البامبرز) عن امتصاصها!!
فـ .. خلي السلاح صاحي !!
| Quote: ونساهم في الحملة الدولية لبل القرقوش |
ماف جديد .. ياها عقلية (القطيع) الما قادر تخليها دي!!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: طارق جبريل)
|
| Quote: محمد عثماننا من ثقافة يسمى فيها الرجل ابو آمنة |
مع تحياتي للجميع
توقعت البوست يكون جزء من اللوم الموجه لمحمد عثمانهم
فإذا بدكتور بله نفسه يركب "موجا" مختلفا!
بالمناسبة ان حسبنا نسبة اخوات مهيرة بالبورد لنسبة اخوانها
وعملنا كالكيوليشنز لعدد المداخلات
لكان عدد المداخلات النسائية في بوستات تقريظ محمد عثماننا يقارب ال9 الى 1
وهذه اشارة لاتهام اخوان مهيرة بالأصطفاف الهمجي كما يحلو لود جبرين قوله!
| |
|
|
|
|
|
|
|
|
 Re: محمد عثماننا من ثقافة يسمى فيها الرجل ابو آمنة! (Re: MOHAMMED ELSHEIKH)
|
تحياتي للجميع خاصة الأخ محمد الصايم والأخ بلـة الغائب
هيثم، بره موضوع البوست: أنا مرة جيت البورد لقيت محمد الصايم علم في رأسه نار.. سنونه البيضاء من غير سوء ووشه الأخضر مالين البورد كله فبادلته سنونا بسنون. . ومشيت. لما جيت تاني لقيت السنون هيا هيا لكن النفس حار والعرق هبترش. طبعا اللبيب ثم المجرب مثلي يعرف انه ده من الآثار الجانبية لادمان البورد.. وقلت سبحان الذي هيأ لبكري حوش يعلم الطيبين الشكل.. :)
تحياتي MOHAMMED ELSHEIKH
Quote: بالمناسبة ان حسبنا نسبة اخوات مهيرة بالبورد لنسبة اخوانها
وعملنا كالكيوليشنز لعدد المداخلات
لكان عدد المداخلات النسائية في بوستات تقريظ محمد عثماننا يقارب ال9 الى 1
وهذه اشارة لاتهام اخوان مهيرة بالأصطفاف الهمجي كما يحلو لود جبرين قوله! |
وفي انتظار رد الأخ بلة على سؤالي أعلاه، وإذا فهمت كلامك صاح انه التسعة راجعة لأخوان مهيرة، إنتو الحصل شنو على المعنى القديم (دقة السدر)؟
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
يا رمانة و محمد الشيخ
Quote:
وفي انتظار رد الأخ بلة على سؤالي أعلاه،
|
بعد اذنكم اضيفييوا لي سؤالي د معاكم ..
ليه نسب ثقافة معينة لشخص معين!؟
هل يوجد ثقافة معينة كدا ممكن ننسب لي زول جاي من جهة معينة في عصر العولمة العلينا دا!؟
عنوان د. بلة فيو فاول وااااضح
جا يكحلا عماها!!
اشهر و اجمل ابو آمنة حامد كتب:
صبيةٌ العطر يشتهيها .. امذنبٌ اذا انا اشتهيتُ
وكتب:
سال من شعرها الذهب .. وتدلى وما انسكب
هل يمكن نسب وتجيير ثقافة ابو آمنة -الشخصية، وكسبو و تحصيلو الخاص- لكل (الثقافة) المشار اليها في العنوان!؟
اعد يا دكتور
قلشتها دي!!
------
يا هيثم ما قلت ليك تعبان سااي انت..
اهو ود الصايم يحمروا ليو في بصلة وعيو ..
وهو يعوعي ساااي
ولا خساهو!!
مفيش فايدة!!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
البوست وكت ما دايرنو خلوني احكي ليكم قصة على خلفية تعليق راوية اعلاه ..
قليك مرا، راجلا شرير جداً .. منجضا نجاض السنين
اها بس متضارية وراء الدعوات، تخش تحت المخدة و تردد:
شكيتك علي الله!!
ربنا استجاب لدعاءها -دعوة مظلوم كمان- و لحس ليك الراجل ..
حلفت ما تغلط الغلطة دي تاني ..
اها عرست ليها واحد بنهرش ليها ..
وعاشوا في ثبات و نبات .. وخلفوا صبيان و بنات
ما انتهت القصة ما تستعجلوا ياخي
اها يوم كدي صاحبنا التاني دا طلع من علبو و نهرا ليك ..
و حليمة -دا ما اسما، دا بتاع المثلالشائع ذاتو - رجعت لي قديما بدأت :
شكيتـــــــــــ ...
وفجأتن كدا اتذكرت .. قطعتا طوالي:
هوي هو الزيك دا بشكوهو علي الله كمان!!
وقامت ليك عليو بالمفراكة
كدا انتهت يا الشفقانين
انتو وراكم حاجة
اهو بنتونس ..
كلو كلام × كلام
------
وين بلة الغائب!؟
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
قيقراوي وود الصايم سلام
بمناسبة ثقافة أبو آمنة.. سمعت المذيعة بقناة النيل الأزرق تقول عن مدينة سواكن أنها شبه خالية من النساء.. بمعنى أن النساء يفضلن أو يفضل لهن البقاء في البيت وعدم الخروج إلا للضرورة القصوى. التعامل مع المرأة على اسلوب اللؤلؤ المكنون دايما بسغربي جدا هذا مع العلم أن الخبراء قالوا أن اللؤلؤ يبقى على جمال طبيعته في التزين بيه، يعني ملامسته للجسم، بينما يفقد جماله في حالة التخزين وعدم الاستعمال. يعنى باقي لي ان بلة الغائب - وهو فيما أتمنى يختلف عن شيخ بلة الغايب بتاع عشبة مملكة الجن المقبلين عليها الوزرا لاحياء شعيرة تعدد الزوجات - ح يتفق مع خبراء اللؤلؤ انه المرأة الافضل تخرج للربا والتلاف والتلامس مع عامة الشعب وصفوته من المسغفين وهو ما يقابل فكرة الاستعمال في حالة اللؤلؤ الحقيقي لكن على شرط أن يتجنب اليساريين ومن لف لفهم فليق المتربصين باللؤلؤ البشري بالحجارة لان ذلك يضر بجمال المرأة الطبيعي ويضر قضيتها. والله وبلة الغايب أعلم.
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
سلامات يا رمانة
في اعتقادي في عنوان البوست إحالة و مناولة خاطئة ..
وما دخل ثقافة -إقرأ (اثنية) - أي منا بما نهببه هنا في زمن العولمة العلينا دا!؟
مدخل خاطئ تماماً لمناقشة اخطاء فردية
-----
انا وبلة الغائب دا ذاتو -وقد تكوني معانا- ننتمي لـ(ثقافة) يا عملات بلة الغائب، تمجد العوارة باسم (الرجالة) ..
اها على حسها اي واحد يجيب عنجاويهو الممسح بالقطران ويركبنا على حس "القدة عطشانة، بتدور (الرجال) البحملوا بطانا)!؟
لي اصلو شنو هو!؟
مافي حكومة في البلد دي!؟
دي ثقافة ابوي .. ما ثقافتي .. انا متبرئ منها كلو كلو
لن اعيش في جلباب ابي
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
سلامات يا رمانة
Quote:
يعنى باقي لي ان بلة الغائب - وهو فيما أتمنى يختلف عن شيخ بلة الغايب بتاع عشبة مملكة الجن المقبلين عليها الوزرا لاحياء شعيرة تعدد الزوجات - ح يتفق مع خبراء اللؤلؤ انه المرأة الافضل تخرج للربا والتلاف والتلامس مع عامة الشعب وصفوته من المسغفين
|
انت قايلة في زول راجي ضوء اخضر من بلة او محمد عثمان عشان يحددوا شنو المسموح وشنو اللأ!؟
يا ستي كلام مذيعة قناة النيل الازرق غير صحيح تماماً ..
ويهون ديل الامنات (آمنة مختار، وآمنة ايمان ورفيقاتهن) البتشرفوا بيهم ابهاتهم. بل لا اشك ابداً انو بفتخر بيهم جدهم "الفوزي اوزي" الشهد بفضله، و تغزل بشجاعته الانقليز..
هن هناك يا رمانة .. في خضم المعركة .. و بطالبوا بالقصاص لاخوانهم في مجزرة بورتسودان ..
مازالت االاستاذة/ امنة مختار ومن معها رهن الإعتقال بقسم الشرق الاوسط
وين كان محمد عثمان و بلة اللتنين!؟
الموضوع ليس موضوع ثقافة يا بلة .. بل هي السياسة الواااااحدة دي!!
وفي نظري دا اساس سليم للاصطفاف .. افضل بكتير مما تدعونا اليه.
اما مسألة اخوان مهيرة فدي مبالغة ساي منك يا بلة .. وقيل[ CD البدوي] دي (تسديرة) بالدرب العديييل!!
Quote:
عصام جبرالله
قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه.
الله يعيننا ويعينك
|
اولاً ما هو احمر تزوير بالدرب العديييل..
كتب عصام كسر الله :
Quote:
و ده النص كما كتبته آمال في مقال لها نشر في سودانيزأونلاين قبل فتره :
Quote:
محاولات فرض زي محدد على النساء تحت مسميات التقاليد أو الدين أو القانون أو التحرر أو المساواة ليست جديدة. و هي جميعاً
تهدف إلى السيطرة على المرأة من خلال السيطرة على جسدها.
|
|
حتى لو قالت د. امال الكلام بحرفية النص المزور .. سوو وط!؟
كلام تقريري .. احكام قيمة .. رأي في الآخر
نقابلوا باحكام قيمة مضادة طوالي؟
حليلو قبلو!!
يا عملات غاندي لو طوالي نزلنا العين بالعين و السن بالسن لحيز التطبيق ..
ح ننتهي لعالم اعمى و بلا اسنان!!
او كما قال.
كلام ناهد رديت عليو بهناك في مظنه ..
لي اسي متمني اعرف الغلط فيو شنو!؟
-------
يا بلة لو عاوز تسدرنا .. عادي
المافي شنو!؟
اما عني شخصياً لن افتش سراويل المداخلات، و اعلق (فغط) على قضايا الرجال ..
اي حاجة تعن لي .. بغمد و بشوت
ومحل ما تجي تجي ..
تنقد الرهيفة اريتا ما تتلتق كلو كلو!!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
Quote: ابسط يا عم
اهو طلعت بتشبهني .. لدرجة انو اصحابي ما بفرزوا بيني و بينك! |
النصيحة انت بقيت تشبه حافظ انقابو :) :)
قيقراوي: بلة ده بقى بلة الزايغ مش بلة الغايب
تعرف أنا مرات بترددأعلق على مداخلة أو بوست لما ألقى عدد مداخلاتي تشكو من قلة الفئران في بيتها في مقابل رصيد صاحب المداخلة... بحس بأني في الروضة وهو سواق الحافلة، ما بعرف ناس الحوش ده أنا ياخ...كيف أقدر أواجهه وأقول ليه انك كتبت بوست غرقان في العاطفة، محبة في عثمانكم والأهم من ذلك مقتا في أصحاب اليسار لكن احساسك بالخجل من مهيرة خلاك تدي محمد عثمان ضربة حنينة على كتفه سميتها "كبا" وتحاول تقنعنا بطريقة ذكية انه انتقاد الرجل في كلامه يضر بقضية المرأة وأنه انصراف من موضوع البوست...
الكلام ببقى زي كأني بعرفه وأنا ما بعرفه لكن ده الاحساس الجاني لما قريت البوست وردوده على المهيرات الفوق..ما أقنعني أبدا..
وبمناسبة الانصراف عن موضوع البوست، قيقراوي، ما تجي نعمل حفلة هنا وننادي حافظ معانا:)
------
آمنة مختار تم اطلاق سراحها ولا لسه، ما عرفت..!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
| Quote: هل يمكن نسب وتجيير ثقافة ابو آمنة -الشخصية، وكسبو و تحصيلو الخاص- لكل (الثقافة) المشار اليها في العنوان!؟ |
ياقيقراوى
ليس المقصود أبو آمنة حامد الشاعر
وهذا مالم أتوقع أن أحتاج للتنويه إليه!!
______________________
تحياتى للجميع
وتحيات خاصة لوهبة العائد
_________________
أعتقد أسبوع كفاية للبوست
فكل إنسان طرح وجهة نظره وما ضرورى نتفق وإنما الضرورى أن نحترم عدم اتفاقنا.
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
| Quote: فكل إنسان طرح وجهة نظره وما ضرورى نتفق وإنما الضرورى أن نحترم عدم اتفاقنا. |
الأخ الكريم بلة
حمدلله على السلامة وأتفق معك على أنه ما ضروري الناس تتفق في الآراء.. لولا اختلاف الآراء لبارت منتديات النقاش واحترام الآخر واحترام رأيه ما عليه خلاف أبدا
بس في حاجتين أنا مستغربة ليهم في البورد.
الأولي: انه الانسان يبرر ويشرح اسبابه تعديل مداخلته حتى لو كانت خطأ طباعي كأنه بعتذر.. يعتذر ليه؟
والثانية: مطالبة كاتب البوست الآخرين بعدم الكتابة في البوست لانه في رأيه الحديث انتهى. يعني الواحد بيجيه الاحساس كأنه الشخص استأجر البوست من بكري وح يستمر يدفع الايجار لو الناس ما سكتت. طالما البوست ما تم سحبه من البورد أي شخص ممكن يكتب أي حاجة فيه. وبكري بعمل أرشفة كل اربعة شهور يعني القصة ما محتاجة.
وشكرا
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Balla Musa)
|
سلامات يا بلة
Quote:
ياقيقراوى
ليس المقصود أبو آمنة حامد الشاعر
وهذا مالم أتوقع أن أحتاج للتنويه إليه!!
|
ولا اسة انت محتاج للتنويه دا ..
دي المداخلة كاملة ..
Quote:
بعد اذنكم اضيفييوا لي سؤالي د معاكم ..
ليه نسب ثقافة معينة لشخص معين!؟
هل يوجد ثقافة معينة كدا ممكن ننسب لي زول جاي من جهة معينة في عصر العولمة العلينا دا!؟
عنوان د. بلة فيو فاول وااااضح
جا يكحلا عماها!!
اشهر و اجمل ابو آمنة حامد كتب:
صبيةٌ العطر يشتهيها .. امذنبٌ اذا انا اشتهيتُ
وكتب:
سال من شعرها الذهب .. وتدلى وما انسكب
هل يمكن نسب وتجيير ثقافة ابو آمنة -الشخصية، وكسبو و تحصيلو الخاص- لكل (الثقافة) المشار اليها في العنوان!؟
|
السؤال الاصلي تخلي .. الجانبي تشيل؟
السؤال عن (ابو ىمنة حامد) كان تأكيدي للسؤال دا :
ليه نسب ثقافة معينة لشخص معين!؟
هل يوجد ثقافة معينة كدا ممكن ننسب لي زول جاي من جهة معينة في عصر العولمة العلينا دا!؟
محور (اختلافي) معاك انو لا فلان و لا علان ما ممكن يكون (ممثل) لثقافة .. ابداً
الفرادة بتتطلب اعاين لكل زول بكسبو الخاص .. و تحصيلو
في اعتقادي انو الوعي ما حاجة جينية او وراثية .. او مرتبط بجنس/قبيلة/حزب معين ..
والناس بتتفاوت فيو عبر (الزمان) و المكان .. لانو دالة زمنية.
بس
انا الما كنت متوقع اكتب كل الشرح دا بعد العربي اللبي المتر الصرفتو هنا!!
تحياتي
و الخوة في محلها
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
سلامات يا رمانة
Quote:
آمنة مختار تم اطلاق سراحها ولا لسه، ما عرفت..!
|
زمااااااااان!!!
(ما عفصتي الرابط مش؟)
انتو ليه ما بتعفصوا الروابط هنا، دبيب هي!؟
لا بتعضيكم مثلاً؟
اضيفي دي لعجائب مطعم الباشا دا بالله!
-------
اسمعي كان بتدفعي ايجار البوست دا من هنا لي الارشفة الجاية ..
انا بجيب صاحبي انقابو ؤ بنجي نتكامل البوست دا ..
صراحة الظرف الاقتصادي حرج .. وعندنا بنات بنربي فيهن .. ما بقدر ادفع انا ..
ويتيم كمان!!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
آسف جداً و الله
اللهم اني اعوذ بك من ان اضل او أُضل
اقول قولي هذا و استغفر الله العظيم لي و لكم .. فاستغفرووووووووه
-----
الموت من الحياة ما معروفة ..
امكن تبقى لي آخر مداخلة .. المافي شنو!؟
العفو فوق العافية زي ما بتقول امي آمنة بت السيمت
انتو صحي بالمناسبة دي مش زمان كان في ثقافة اسمه (الاعتذار) وعند كل البشرية تقريباً
ياخي لمن كان واحد يغلط في حق واحد (او يزيد) مش كان بعتذر!؟
حليل زمان!!!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
Quote: أعتقد أسبوع كفاية للبوست
فكل إنسان طرح وجهة نظره وما ضرورى نتفق وإنما الضرورى أن نحترم عدم اتفاقنا. |
بس يا جماعة ذكرتونى بالناس البقولوا ليهم بعد صلاة المغرب: بهذا نعلن رفع فراش المرحوم ... و تانى يوم برضو يتلموا وقت الغداء..
تحياتى دكتور بلة ( و الله حاسى بيك) و تحياتى للشباب العضام..
مش بيقولوا ليك الزول ده ( عَضُم) قدر ما تحاول معاهوا ما حتقدر ( فى أى حاجة كدة يعنى)..
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Abuzar Omer)
|
غايتو بوست عسل بس بالله بله موسى اتبله جنس بل(ههههههههههههه)
قال جاي يتافصح ويخارج زوله الغرقان ده.....اتحلس معاهو
لما رفع البيرق وقال بوست ليه اسبوع!! (هههههههههههههههههههههههههههههه)
رمانه طلعتي زوله لذيذه خلاص
النبي ما تفتحي لينا بوست وتونسينا بقصص الوزراء و الفقرا وما عارف شجرة شنو كده القلتي عليها فوق ديك وتعدد الزوجات
(ههههههههههههههههههههه)يا اخي مبالغه الحاصل في السودان
اها معقوله بس عشان ما رجعنا تفتوتنا الموالد دي كلها؟!
ويا قيراوي كيفتني كيف
وشماتنه لك في ود المشرف طبعا بيكون عايز يتفقع كيف يختلط عليهم الامر بينه وبينك(هههههههههههههههههههههه)
يا اخي في وواد بلانا لك بل من يوم ما كتب كاتي المفضل ود المشروف وثاني يا البورد جاك بلا صاحبنا منداح اندياح ابن ستين ######!
(هههههههههههههههههههههه)
ويا ود الصايم شايفه ولدنا انقابو ده سجلته في فريق المملكه
بالله جبوا ليه فيزا وخلصونا(ههههههههههههه)!
الخلاصه محمد عثمان مش اساء للالقليم الشرقي بس
بل دخل استراليا كلها في جحر ضب لانه اثبت انها تصدر لنا التخلف!
الله يعينه على روحه.
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Tragie Mustafa)
|
Quote:
تحياتى دكتور بلة ( و الله حاسى بيك) و تحياتى للشباب العضام..
|
وما حاسي بينا نحن يا هندسة بعد شرح السروال دا!؟
كرمشت مشاعرنا ياخي!!
-------
ودا الصايم لقيتك كدا  في الرياضيات الـ() العليا و (الدغيغة)!!
المشاهد العزيز على ألب جادات .. والقارئ العزيز على ألب بشاشا
سيداتي .. آنستي .. سادتي..:
وقع ليكم كلام محمد عثماننا!؟
البصل ريحتو واااااااااااحدة!!
مافي داعي للبذار .. ساعدونا بجمع التوقيعات (المافي شنو مش طفابيع مناضلين ساي كمان؟)
بس(بكسر الباء)
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
تحياتى يا قيقا ياخ
دكتور بلة عنوانو واضح و بلطف فى الجوء. و أنتو ذى ما شايف ما مساعدين خالص..
الراجل رفع فراش البوست. و ما فى زول أشتغل بيهو..
و أنا حاسى بى أنو لو لقى بومبان يفرتق بيهو الهيلمانة دى ما حيتأخر!! ( وش محرض)..
* السروال رهيب أكيد ما مصنوع فى الصين أو تايوان!!
مؤونة عام من البومبان و الشطة الخضراء. ليك و الصايم و المشررف و تراجى، ...
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Abuzar Omer)
|
Quote:
دكتور بلة عنوانو واضح و بلطف فى الجوء. و أنتو ذى ما شايف ما مساعدين خالص..
الراجل رفع فراش البوست. و ما فى زول أشتغل بيهو..
|
برضو رأي ..
لكن انا بعوجة رقبتي دي شايفو اعوج
بل العكس
العنوان مفخخ جداً .. وقنبلة موقوتة لانفجار كبير ..
ياخي كونك تكون سواق، وحريف ما معناتا انك ما ح تعمل حادث ابداً
لو بتضمن نفسك هل بتضمن السايقين جمبك!؟
القنبلة دي راسمالها واحد اروش بس
و تعال وكتها انت وبلة كلموني عن "النوايا الحسنة"
الطريق الى جهنم مفروشبالنوايا الحسنة دي ذاااتا
-------
بعدين في ي ي ي ذمتك دي الاعتذار من اجل النيل -برضو- من نفس الناس المعتذرين ليهم دي تهدئة
الاعوج اعوج يا اخوي..
اصلو ما ببقى عديل!!
تحياتي
واهو دا رأيي الاتمنى انو تحترمو لي .. برضو
المافي شنو!؟
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
Quote: أعتقد أسبوع كفاية للبوست
|
شكراً يا دكتور بلة
لكن انت برضو قول الحمد لله إن محمد جمال الدين* ما قعد يكتب هنا..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* الحقيقة إن الله أرأف أن يجمع المشرف وقيقراوي ومحمد جمال في بوست واحد
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
Quote:
أرجو مراعاة (طول) الشخيت يا محمد عثمانـ (هم) و(نا)!
|
اوقع من سكات
فتلت البوست يا محمد عثماننا
والله صحي
منفعل كدا مالك؟
انت اسمك مكتوب!؟
فيما يليني :
الليل و النها واااحد على العميان (بتاع غاندي)
واللوم و الشكر وااااحد عند فتح الرحمن (الليهو انا دا)
الفي شنو!؟
------
يا رمانة الاستاذ/ محمد جمال الدين عضو معانا هنا في البورد دا (محمد عثمان بتبرع بجهلو لسة!)
وهو زول كتاب عديييل كدا!
تملكي ان تتفقي او تختلفي مع رؤاه .. لكنك قطع شك ح تحترميهو لو قريتي ليهو..
وهو عضو محترم جداً في سودانفور اول - ومن اصحاب البوستات الناجحة جداً- و هنا كمان.
لا للتعرض بالزملاء .. برا سبب وجيه!
محمد عثماننا سادر في جنو و غابهو .. وقطع شك بصفي حسابات قديمة!!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
Quote:
قيقراوي ما تقوم نفسك ساكت .."هنا" في كلام محمد عثمان معناها هنا في البوست
ودا اسمه استدراااج
|
برضو اسمو تعريض!!
ياخي الزول جا كتب (هنا) ما مريحنو!
الزول الما جا (هنا) برضو ما مريحنو!
ويكلمنا عن الرأفة!؟
متمني اسمع من الناس البتزين في الباطل لمحمد عثمان
يا ريت نشوف حكمهم العادل في جنس اللغوسة دي!!
هو فرعون اتفرعن من راسو هو براو قايلنو!؟
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد عثمان ابراهيم)
|
Quote:
يا قيقراوي
والله دي مناسبة اعيد فيها التأكيد علي محبتي الأكيدة وتقديري العميق لك.. انت فقط سبقتني بالتعبير عن ذلك هنا.
أي مداخلة في هذا البوست أو غيره لا تنتقص من تلك المحبة والتقدير شيئاً.
|
وهو المطلوب
والله تاني ما داير منك حاجة
المافي شنو!؟
لك رايك الشايفو انا زي ضنب الكـــلب .. ولي رأي العديييل زي الجبادة
------
وتقبل اعتذاري عن اي سوء قد اكون اتسببت فيو انا
يا حبيب آخرا كوم تراب
مناسبة مداخلتي الامس بتاعة الاستغفار ..
كنت بقرأ في بوست فاتحو القرقوش ود الصايم دا بستفسر عن ايميلات بتجيو
قريت مداخلة للراحل المقيم في قلوبنا حباً د. مجدي ..
كالعادة لطيف و جميل .. وبمازح في ود الصائم..
أثرتني جداً .. (انا زول عاطفي ساي عارف نفسي)
المهم جيت استغفرت بجاي .. ورجعت لي الله خالقي دا
كان اتلحست عليكم الله اعفو لي
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد عبد الماجد الصايم)
|
ود الصايم وقيقراوي
ربنا يطول أعماركم ويخليكم لاولادكم وبنياتكم ويرحم أصحابكم وأحبابكم قولوا آميــن
تعرف كان لازم أفهم انه طلب العفو/ الاعتذار ده عنده سبب قوي بس ما ليه صلة بثقافة الاعتذار
أمبارح لما قريت مداخلتك كنت عاوزة أقول ليك أنه ثقافة الاعتذار دي ثقافة نسائية بحتة ما ليها علاقة بالرجال.. عشان كده ح تلقى النساء هم الأكثر استعمالا لعبارتنا الحلوة العفو والعافية
الراجل يغلط يغلط ما مشكلة بس يعتذر دي كارثة حقيقية.. واقع عقلي الناقص لهسه ما قادر يستوعبه
يعني بجيني احساس انه الرجل لو اعتذر بتهتز ثقته في نفسه .. والله جد
اعتذار الرجل براحة ممكن يبقى صيدة ممتازة لخصومه من الذكور وأصحابه يحسبوها ليه كبوة .. عشان كده بتلقى الرجل بغض النظر عن ثقافته الجاي منها يركب راسه ويتحمل الرجم بس المهم ما يهين كرامته ويعتذر
تعرف أنا اعتقدت الموضوع ده ليه صلة بالتربية لكن تربيتي لاولاد بينت لي غلط اعتقادي.. القصة في الهرمونات عديل كده
وبعدين لو افترضنا (جدلا) انه الرجل ممكن يعتذر لرجل .. في ثقافتنا االعربسلامية الشرقفريقية اعتذار الرجل لامرأة لا تضاهيه إلا الردة... المناسبة شنو؟
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
Quote:
تعرف كان لازم أفهم انه طلب العفو/ الاعتذار ده عنده سبب قوي بس ما ليه صلة بثقافة الاعتذار
|
نجح بلة اذن في تحديد اساس الفرز على انو راجل/مرأة
بدلاً عن انو سياسي/ فكري او اي حاجة تانية
--------
وما العيب في انو يكون في سبب (ما ثقافي) وراء الاعتذار؟
المهم احياء شعيرة (الاعتذار) كثقافة ول السبب والنوايا؟
وكيف ح يتأتى للجمهور التأكد من صفاء النوايا دي؟
| |
|
|
|
|
|
|
|
|
 Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
يا محمد عثماننا فيما يليني اسحب طلبي منك بالاعتذار
اذا كان الاعتذار يستوجب شرح العنقريب ثم شرح السروال، مع سداد رسوم دمغة حسن نية
انا شخصياً متنازل عن نصيبي في الرهق دا ..
لانو بكري لسة ما عمل "ايقونة" النوايا مع المداخلات هنا!
-------
بعدين القوم بقولوا :
(الطريق ليس لمن سبق .. الطريق لمن سلك، و في رواية وردت "لمن صدق")
ودي في "شرح المحبة"
انا خشمي دا البقدرني عليو شنو يا الله!
كان مالي انا ومال كدا!!؟
اسي يحسبوهو لي (تضامن رجالي) ساي دا!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: حمد عبد الغفار عمر)
|
حمد عبدالغفار ..
امسح شنو يا عزيزى ..
لم تخطيء فى حقى لا هنا ولا فى أى مكان ..
ولم يخطر لى أن مداخلتى ستسوؤك ..
ولا أعرف حتى الآن كيف سائتك حتى الآن ؟؟
هل لصدفة تشابه الاسم "حمد" ب " أبوحمد" ؟!
أبوحمد جات ساى كده لمدينة تنتسب لرجل ..
والبوست يتحدث عن ابو آمنه وأخوات مهيرة وكنت أرى الاشارة واضحة ..
بالامس راودتنى فكرة كتابة بوست بعنوان
" وبهذا أتبرأ من قيقراوى " ..
وكتبته وغيرت رأئي ..
ذكرتك فيه وبموده شديده ..
هو فى شنو ذاتو الناس تختلف فوقو يا حمد ..
غايتو ..
امسح لى الفكره الزعلتك دى فى وشي ..
ومودتى واحترامى ..
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
المشرف
Quote: نشكر محمد حيدر المشرف
للجهد والمثابرة في سبر أغوار هذا البوست |
وبوستات تانية
هل تصدق المداخلة دي أن كنت عايز اكتبها بنفس طريقتها دي
في بوست تاني وما زلت مصر عليها
لكن تأخرت ما عارف ليه ولحدي ما قريت مداخلتك أعلاه ولو ملاحظ البوست دا ما فيهو مداخلة بتخلو من اسم شخص
فأن قلت يا ولد محمد مشرف دا مالو قبل عليك هل مداخلتي الأولى الفوق هي السبب ولا شنو؟
فقلت انبهك لو قاصدني بأبوحمد دي وما تلاها
مشكور يا مشرف على التوضيح
وبيضاء لبن
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: حمد عبد الغفار عمر)
|
Quote: والفراش رفعو الا قالو اهلاً لينا جايين العزا انكسر بيهم اللورى جنب أبوحمد ..
ناس ابوحمد ديل بتكون عندهم ذاكرة ذكورية بت كـلـب
اخوان مهيرة لمن غلط !!..
قطيع وحايم !!
لقو ليك اللورى زميلة واااحدة ما فوقو ..
ما اشتغلوا بالجماعة نهائي ..
و ..
ديل أهلى !! |
ديل بالجد أهلي..
أذكر أننا كنا نأتي باللوري من مقرات إلى أبوحمد لعزاء أو فرح
وكان اللوري يئن بحمله من الذكور والإناث..
أعني أن القطيع كان well oriented in gender equality..
أفهم ماتقصده يا ود المشرف لكن رغماً عن ذلك لم يعجبني وصفك أعلاه!
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: حمد عبد الغفار عمر)
|
لم تكن أقل بياضا.. ومازال الأبيض فيها يأسرنى ..
غايتو الكلام ده جزو منو ورد فى نص لى أنس مصطفى اسمو نثار حول أبيض
مطلعها كما أذكر ..
يا أيتها المجدولة من أنسجتنى
يوما ما ستدركين مأساة أن يكون للأنثى دويٌ....
غايتو ما أحلى بنات يسار يا حمد ..
الا مجبورين على السكات ..
وأبيض حتى من حليب النوايا يوم العقد ..
تحياتى ..
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
ابو داوود
غلطوا انتو يا الحبان .. وبنجيكم نحن بالاعذارQuote: ابو داوود
غلطوا انتو يا الحبان .. وبنجيكم نحن بالاعذار |
غلطة القيقا بعشرة
كنت عاوز انزل فديو بي فنان الأغنية يا قيقا لكن اظكرتك انو ماعندك access للفديوهات وكدى(هههههههههههههه ما بتاعت تراجي)
شكرا يا رمانة على التقريظ
بعدين محتار في العصير بتاعك دا
قلت يمكن اندفق منك في الواطة وخميتيهو تاني
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Balla Musa)
|
"فَلَمَّا تَوَاقَفُوا ، قَالَ عَلِيٌّ لِطَلْحَةَ : خَبَّأْتَ عِرْسَكَ فِي خِدْرِهَا ، وَجِئْتَ بِعِرْسِ رَسُولِ اللَّهِ صَلَّى اللَّهُ عَلَيْهِ وَسَلَّمَ تُقَاتِلُ بِهَا "
يا بله ..
وأنا أسترق اليكما السمع تحت تحت ..
قفز لذاكرتى خطاب سيدى الامام رضى الله عنه لطلحه..
دحين زولك التقدمى ده ما بالغ زى سيدنا طلحة الفوق لينا ده !!
مودتى ..
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
المداخلة:
Quote: يامحمد عثماننا
هل أتاك حديث التقدميين؟
أحد المنافحين عن حقوق المرأة هنا خبأته صالة المغادرة ليترك مهيرته هناك بأرض الكنانة مستكثرا عليها مشاركته حق اللجوء فى بلاد العم سام!!
الأمثلة كثيرة وكلهم تقدميين مثاليين فى المنافحة عن حقوق المرأة بالقول ومجافين ذلك فى الواقع.. |
التعليق:
Quote: "فَلَمَّا تَوَاقَفُوا ، قَالَ عَلِيٌّ لِطَلْحَةَ : خَبَّأْتَ عِرْسَكَ فِي خِدْرِهَا ، وَجِئْتَ بِعِرْسِ رَسُولِ اللَّهِ صَلَّى اللَّهُ عَلَيْهِ وَسَلَّمَ تُقَاتِلُ بِهَا "
يا بله ..
وأنا أسترق اليكما السمع تحت تحت ..
قفز لذاكرتى خطاب سيدى الامام رضى الله عنه لطلحه..
دحين زولك التقدمى ده ما بالغ زى سيدنا طلحة الفوق لينا ده !! |
يا المشرف الله يهديك ما تدي فرصة الناس تتكلم ياخ اسة تعليقك الإستعراضي دة علاقتو شنو بالموضوع؟
| |
|
|
|
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
Quote:
أبوحمد جات ساى كده لمدينة تنتسب لرجل ..
والبوست يتحدث عن ابو آمنه وأخوات مهيرة وكنت أرى الاشارة واضحة ..
|
من أتى من (كريمة) فليس عليه حرج اذاً
في النكتة الشايقية الحفت و عذبت الرباطابي بالسؤال عن (ابو حمد) ..
فرد بان هو (راجلاً لي كريمة)!
و بي كدا اكون قد خضت مع الخائضين في تابوهاتي المنبرية الشخصية التلاتة ..
العقيدة، الجندر، العنصرية
ما بين تعسف بلة، و اعتساف الكلام بواسطة رمانة، ضاعت القضية
- رجال اليسار مدانين بادعاء امتلاك (الوعي) من دون الاناث .. ولو يممن وجوههن صوب اليسار!
- كل الرجال مدانين بانعدام الحس الانساني العادي .. وما بعرفوا يعتذروا .. وما مثقفين!!
ضاعت القضية!
و نجى الجاني
وتفرق (دم) الضحايا على كل الرجال دون اي استثناء!!
ومات المخرج .. و الممثلين
ومات المشاهدين جميعاً .. ومعاهم القراء
وانتحر الراوي ذاتو
عن لي اخت وش ضاحك -بعد سيرة الموت دي كلها- سببو اني اتذكرت النهاية الكلاسيكية لحجا الحبوبات..
(انقطعت وانشمطت ....)*
نحن شعب -واعني النساء و الرجال- ما مؤدب يا محمد عثماننا .. وارثين لاشهامة من عهداً بعييييييد
والله صحي
ان القضية ان توازي ما علمت بما تمارس من سلوك
وان تمشي الى الاشياء .. وانت تدرك انها الاشياء
ان تبقى دليلاً للحياة
د. تاج السر جعفر .. بتصرف
------
* الما عارف التتمة .. فليستعن بحبوبات المنبر (صديق الموج، جني ... اللخ اللخ)
بوست بلة دا غريب جداً .. كلو بل
الدخل اتبل ..
الما دخلوا برضو اتبلوا
يحلنا الحل بلة
كشفت راسي و دعيت:
جعله الله في ميزان حسنات مفترعه .. لكن جهة اليسار القارش ملحتو
آمين
دعوة مظلوم
| |
|
|
|
|
|
|
| |
Balla Musa
Afraa Sanad
Rawia
rummana
Siham Elmugammar
احمد الأمين على إدريس
محمد عثمان ابراهيم
عاطف عمر
محمد عبد الماجد الصايم
محمد حيدر المشرف
طارق جبريل
عبدالوهاب علي الحاج
مرتضى احمد عبد القادر
هيثم طه
قيقراوي
MOHAMMED ELSHEIKH
حمد عبد الغفار عمر
Abuzar Omer
Tragie Mustafa
حاتم محمد حاج المهدي
فيس بوك
تويتر
انستقرام
يوتيوب
بنتيريست