|
|
 آخر بوست!!
|
تنفسوا الصعداء .. قيقا اتلاشى!
-----
فترت من حلب التور .. فترت
تاريخ التسجيل: 22-02-2008
اليوم 22-02-2012
كفاية!!
وكت مناسب للتلاشي اظنو!
|
|
 
|
|
|
|
|
|
|
 Re: آخر بوست!! (Re: قيقراوي)
|
والله ياخ دى مناسبة اطرح فيها سؤال يؤرقنى من زمان
لماذا الاعلان عندما ينوى الجهابزة التوقف عن الكتابة او التلاشى كما تفضلت؟
يعنى لو مشوا من سكات ما بمشى الحال 
بعدين هل فعلا تحس بانك كنت مسبب للناس ضيق تنفس !!!!
ولا كيف (على قولة المهداوى)
| |
|
|
|
|
|
|
|
|
|
Re: آخر بوست!! (Re: صلاح الدين نزلاوى)
|
Quote:
والله اول مرة اعرف انك عضو فى كفاية
|
النصيحة يا نزلاوي ان ما عضو في (كفاية) .. فاكيها فيكم ساي
المافي شنو!؟
في بورض من لا بورض لهو دا البينة على المدعى عليه ..
المغالط هو اليثبت عدم عضويتي في (كفاية) او حتى انتمائي للماسونية العالمية ذاتو!
-------
كنت عاوز انضم لقرفنا .. لكن لقيتا ما معبرة عن لوثة الاستياء العام الانتابتني مؤخراً ..
فكونت منظمة (سئمنا)
توجد (وظائف شاغرة) اذا بتريد ..
ببقيك النائب الاول لو (قارئ) روضة ذات سمعة جيدة الحنان
المافي شنو!؟
| |
|
|
|
|
|
|
|
|
|
Re: آخر بوست!! (Re: احمد التجانى احمد)
|
اخر بوست بعد نهاية السنة الرابعة
وذلك بعد تجاوزة السنة العاشرة من العمر مضروبة في اربعة
وبعد ان طلب المكتبة* في القبل الاربعة
واول بوست في السنة الخامسة يوم الاربعا
ـــــــــــــ
التور المحلوب
| |
|
|
|
|
|
|
|
|
Re: آخر بوست!! (Re: ود الخليفه)
|
Quote:
وبعد ان طلب المكتبة* في القبل الاربعة
|
والله بكري يديني مكتبة بعد دا إلا اضاربو عديييل كدا!
حليل الراحو ياخي
الله يرحم دكتور مجدي و يبشبش الطوبة التحت راسو
و يطرح البركة في زوجه و ذريته
-------
بعد كدا عاوزين نتفرغ للذكر و العبادة ..
امكن مسألة الـSMS تصدق لمن فشلنا في مجال السغافة دا ..
لا مكتبة لا عضوية الفورسيزونس
حظي كدقيق
| |
|
|
|
|
|
|
|
|
|
Re: آخر بوست!! (Re: احمد التجانى احمد)
|
Quote:
والله ياخ دى مناسبة اطرح فيها سؤال يؤرقنى من زمان
لماذا الاعلان عندما ينوى الجهابزة التوقف عن الكتابة او التلاشى كما تفضلت؟
يعنى لو مشوا من سكات ما بمشى الحال
بعدين هل فعلا تحس بانك كنت مسبب للناس ضيق تنفس !!!!
ولا كيف (على قولة المهداوى)
|
عزي القارئ، المشاهد على مقياس بشاشا/جادات/ ريختارات وز بالعودة ..
وقع ليك كلامنا!؟
----
يا احمد التجاني ياخ حرام عليك و الله!
ما خايف تخش النار بي تورك الجايي ساحبو داير ليو حلب دا!؟
ياخ فكرة التلاشي ذاتو ما اظن تريحني ..
انا لخير كدا امش انتحر عدييييل كدا..
المافي شنو تاني!؟
| |
|
|
|
|
|
|
|
|
|
Re: آخر بوست!! (Re: قيقراوي)
|
الاخ قيقر اوي واصل ومتعنا بي حر وفك
ـــــــــــــــــــــــــــــــ
المافي شنوا ولكي مني مليون تحية
| |
|
|
|
|
|
|
|
|
|
Re: آخر بوست!! (Re: محمد الجيلى)
|
Quote: فترت من حلب التور .. فترت
|
جرّبلك ديك ياخي، المافي شنو؟
Quote: اخر بوست بعد نهاية السنة الرابعة
وذلك بعد تجاوزة السنة العاشرة من العمر مضروبة في اربعة
وبعد ان طلب المكتبة* في القبل الاربعة
واول بوست في السنة الخامسة يوم الاربعا*
|
رباعيات الخيام
-
*عارف يا ودالخليفه، الأخيره دي، من حسن صالح الما راوي، فلتت بي يوم من تبقالو عقاب شَهَر
| |
|
|
|
|
|
|
|
|
|
Re: آخر بوست!! (Re: مها عبد الله)
|
مها يا برلومة
كيفك يا صديقة
مشتاقين و الله
Quote:
مع إنو شهر ميلادي لووووووول
|
غايتو قبل السنة دي ما كان عندي تحفظ على فبراير/شباط دا كلو كلو
لكن السواها السنة دي رقدت دريش
-------
ما عاوز ينتهي هو ولّ حالف يفجعنا لسة!؟
| |
|
|
|
|
|
|
|
|
|
Re: آخر بوست!! (Re: محمد المسلمي)
|
Quote:
الاخ قيقر اوي واصل ومتعنا بي حر وفك
|
في داعي تحلف!؟
يا مسلمي ياخ ما تقردنوا الزول .. خلونا نمش ياخ
------
هييييييع
انا الولد البدور الشكرة
اها دي انبطاحتي يا البتريدوا راحتي
| |
|
|
|
|
|
|
|
|
|
Re: آخر بوست!! (Re: محمد عبد الماجد الصايم)
|
Quote:
ياخ أنا بحبكـ شديد والله .. السبب شنو؟ ما عارف!! |
وهل لديك ما يثبت ذلك!؟
لووووووب
قلنا نبدا بيك عشان ما نختم بي (بصلة)
بضاعتكم ردت اليكم
المافي شنو!؟
ثم ياخي طالما البصل ريحتو واحدة ..
قلنا نخلي الملجة دي عليكم .. التكرار لزومو شنو هو!؟
(او كما قال محمد عثماننا)
يا شباب والله مزنوق شديد في الشغل ..
وعاوز اكمل تعليمي فضلة خيركم
فممكن عادي التلاشي دا تعتبروهو شاكوش
المافي شنو!؟
انا ذاتي بحبكم .. بس بعدين تموتوا و تخلونا الزول ما عارف يعمل شنو!؟
دا ذاتو سبب براهو للتلاشي
وقديمن قيل : الحب في ذاتو مبرر كافي
------
الوصية بالمهلة ..
الموت من الحياة ما معروفة:
اقر انا الموقع ادناه و بكامل قواي العقلية -الكضب خيبة .. قدر الفي- و باهليتي المعتبرة شرعاً و قانوناً بالاتي نصه :
الحقوق في (قيقا) محفوظة بالكامل لناحتها و صاكها و مفتركها كيكي المكنيكي
وقد اذنت لمن يشهد .. و الله خير الشاهدين
قيقا راوي
فكي ديغيتال يجيب الرايحة .. ويروح الفي
مثقف لا ينقصه الا سوى عدم المكتبة، و عضوية الفورسيزونس (بس)
واصلح سرائر حديييييييييد
برجع ليكم نفر نفر
كونوا بخير
و بالله ما تموتوا .. سمح؟
| |
|
|
|
|
|
|
|
|
|
Re: آخر بوست!! (Re: قيقراوي)
|
| Quote: *عارف يا ودالخليفه، الأخيره دي، من حسن صالح الما راوي، فلتت بي يوم من تبقالو عقاب شَهَر |
طبعا اذا ما سنة كبيسة كان تكون اربعا وعقاب شهر
ومن حسن حظ قيقراوي ان السنة الكبيسة تتكرر كل اربع سنين ايضا
| |
|
|
|
|
|
|
|
|
|
Re: آخر بوست!! (Re: حافظ انقابو)
|
يا دفعة ذكرتني شهر اتنين برضو، بالله يوم 8 دا كنت وين!
يازول بالألف وسبعمية مشاركة دي كتبت بوستات لمن فترت! وشاركت لمن مرة صنفوني كوز ومرة شيوعي!
عليك دينك مشاركاتك الكتيرة دي سويت بيها شنو! غير المافي شنو!
اقعد قعادك ساكت! حساب السنين والكلام ما منو فايدة
| |
|
|
|
|
|
|
|
|
|
Re: آخر بوست!! (Re: محمد يوسف الزين)
|
القال منو؟؟؟
انا دى اصلو ما قلت كلام زى ده معناها مافى كلام زى ده
انت بتقطع من راسك سااااى والا شنو؟؟؟
كان قرايتك غالباك قول نشوف ليك حل
لكن ما تقولنى كلام انا ما قلتو!!!!
والله صحى
هو سااااااى كدى انا قاعدة تمامة جرتق ولا شنو؟
عزيزى القارئ قيقراوى ده ماشاورنى عليه
هذا البوست لا يسوا الحبر الذى كتب به
والله حكاية انت قايل البلد مافيها امات حاجاااااات والا شنو؟؟
كلامى ما بكررو تانى البوست ده تسحبو هسه دى
| |
|
|
|
|
|
|
|
|
|
Re: آخر بوست!! (Re: Siham Elmugammar)
|
خلاص إنجم مع صلاح غريبة في تابوتو بتاع الفيس بوك
ناس جدة ديل أصلهم طرش أسافير يدخلوا إفتراضيين ويتلاشو ضفابيع
-
تمشي وين ويادوب بدينا نحلم
| |
|
|
|
|
|
|
|
|
|
Re: آخر بوست!! (Re: حيدر حسن ميرغني)
|
حيدر يا حنين
Quote:
خلاص إنجم مع صلاح غريبة في تابوتو بتاع الفيس بوك
|
وكت جابت ليها غريبة احسن الزول يلبد بجاي يا اخوي!
هو القال ماشي منو!؟
حن علينا يا حنين ياخي
صلاح غريبة بتاع الساعة كم كمان؟
| |
|
|
|
|
|
|
|
|
|
Re: آخر بوست!! (Re: Siham Elmugammar)
|
| Quote: واصلح سرائر حديييييييييد |
ضرستنا ياخ!!
لكن أصبر لي،
زنقتي دي بتخلص وبجي أوريك صليح السراير وكريب العناقريب الما بتعرفو
ـــــــــــــــــــــــــــــــــــــــ
أشرف الحلبي: ناشط في مجال حقوق الحلبان
| |
|
|
|
|
|
|
|
|
|
Re: آخر بوست!! (Re: Rawia)
|
Quote: الحقوق في (قيقا) محفوظة بالكامل لناحتها و صاكها و مفتركها كيكي المكنيكي
|
متاكددددين يا جماعة من الكلام دا :)
ولا تبقى علينا قصة سجيمان والفاتح جبرة :)
| |
|
|
|
|
|
|
|
|
|
Re: آخر بوست!! (Re: سارة علي)
|
بالله خليك هنا انت صاحب قلب جميل وعقل يقظ
وجمال مفردة ومتميز كلو غزل
اها النشوف اهل القبله الوهابية ناس مين ومين بقولوا في غزلي ده ايه
خليك هنا انت كاسر الرتابة وطالق الدعابة الممنهجه
لك السلام اينما كنت ول وجن الاف التحايا
| |
|
|
|
|
|
|
|
|
|
Re: آخر بوست!! (Re: Sabri Elshareef)
|
عزيزي المشاهد
هي بسم الله
عزيزي المستمع
هي ده شنو ده ؟؟!!
أيوااااا بس عرفتها ليكم
عزيز القارئ الحصيف ،، إلي البيان التالي
هي بسم الله كلمة بيان دي بتذكرني بالإنقلابات
إليك يا عزيز القارئ هذا الكلام الأنا أصلاً ما مسعول عنو
والنعمنو كدي بإنو المدعو قيقا وكم كيلو بايت القوي ده
أصلاً دخل في العشر الأواخر من أرزل العُمر
يعني شنووووووووو
يعني خَرَّف وما تشتغلوا بدُرابو ده أيتُها شغَلَه
زمااااااااانِك كدي عندي حبوبتي ربنا يرحمها ويوسدها البارده
كانت عشان تلقي مننا شوية إهتمام بتقوم تِتدَّلَع فينا شويتين
أهاااااااا جِنِس ده أصلو لا لاقانا ولا شفناه
يا قيقا يا صاحبنا القال فات بعد ألفناه
عاين لي هنا ده يا سجم إنتَ
أَعِد ،،، قابلني ومعاك ولي أمرك
لوووووووووووووول
| |
|
|
|
|
|
|
|
|
|
Re: آخر بوست!! (Re: ناصر يوسف)
|
Quote:
عاين لي هنا ده يا سجم إنتَ
|
اها!؟
بس بعاين بعيوني ي ي ي ي
ما بحكي لي غيرك .. بعاااااااين
اللخ اللخ
------
دي بحكم العادة .. ول عاداك جادات!؟
مشتاقين يا عمك ..
وفي رواية مجيدة .. مشتاقين شديد
ومسكين الشوق ذاتو ياخ!
رواه قيقاراوي ..
اخرجو انت .. مش انت مخرج برضك!؟
| |
|
|
|
|
|
|
|
|
|
Re: آخر بوست!! (Re: Sabri Elshareef)
|
Quote:
خليك هنا انت كاسر الرتابة وطالق الدعابة الممنهجه
|
والله لو خليتني هنا امكن ما يعجبك يا صبري
انقر عنوان البوست التالي في دقنوسي المكودس دا شنو!؟
الهوس اللاديني
والله صحي!
الهوس ياهو الهوس .. لا فرق الا في الاتجاه!
-------
ولك سلام و سلام
من وجن ؤ وعد و فادي و امهم
ومني مؤنة عام من الود و المحبة
| |
|
|
|
|
|
|
|
|
|
Re: آخر بوست!! (Re: سارة علي)
|
Quote:
متاكددددين يا جماعة من الكلام دا :)
ولا تبقى علينا قصة سجيمان والفاتح جبرة :)
|
سارة الضارة تو
اها جيتي شايلة تراب المديدة الحارة!؟
يا زولة دبل (كي) دا دمي حلال عليو ..
المافي شنو!؟
-------
انتو اي زولة اسمها سارة ضارة!؟
للضمان كدا الا سارة اسحاق .. دي سارة السارة الوحيدة فيكن!!
| |
|
|
|
|
|
|
|
|
|
Re: آخر بوست!! (Re: Ashraf el-Halabi)
|
اوووو
حلب لب ياااا
حبيب ألبي
ياخ انت عارف اننا انزلناك منزلة الحبيب ..
ليه بتغيب؟
اما بعد
Quote:
ضرستنا ياخ!!
لكن أصبر لي،
زنقتي دي بتخلص وبجي أوريك صليح السراير وكريب العناقريب الما بتعرفو
ـــــــــــــــــــــــــــــــــــــــ
أشرف الحلبي: ناشط في مجال حقوق الحلبان
|
لووووووووب
"شرح عنقريب الحديد" دا كان زمان .. اسي مسلسل "شرح السروال" بدا
والله صحي
مكسيكي شكلو دا!
دا موضوع تاني .. ما داير ليو زول مزنوق زي او زيك
لكن بالمناسبة، و الشئ بالشئ يذكر ..
ما رأيكم دام فضلكم في تخرصات الحوت في:
توب الكِرِب الجابو النقادة!
يا للهول!!
ومتى دخل النقادة السوق و زاحمونا في جلابيتنا المجيدة!؟
(الجلب) و الجلبنة دا تخصص قوات حلف شمال الضهرة (نيدو)
اعتقد انها (جادو) .. أي اجادوا صنعه، حيث انهم من اجود الصناع
--------
ياخي ما عندك كونتاكت مع آية الله العظمى حسن موسى ياخ تتوسط لينا في عضوية الفورسيزونس!؟
عندي مساهمة (ورقة) جاهزة في "شرح عنقريب الحديد"
مشتاقين و الله يا هلا بي و بيك
| |
|
|
|
|
|
|
|
|
|
Re: آخر بوست!! (Re: Siham Elmugammar)
|
محمد يوسف الزين يا دفعة
Quote:
عليك دينك مشاركاتك الكتيرة دي سويت بيها شنو! غير المافي شنو!
|
دا سؤال دا!؟
ما كنت بحلب في التور عاوز اقنع الديك ياخي!
كان علي انا قيقا راعي دا، مقتنع برا تجربة .. الا البقنع الديك منو!؟
المهم يا دابي اتأكدت انو مافي فايدة .. حتى لو صرفت 7500 تاني
نكسب وطنا يا حبيب
الحمد لله نحن فشلنا تب في انو نكون جيل انتقالي ..
ندي الشباب فرصة ياخي ..
عسى ولعل!
المافي شنو!؟
---------
سهام يا سهام
بعد الشكر و اللذي منو بخصو تورك بهناك!!
Quote:
عزيزى القارئ قيقراوى ده ماشاورنى عليه
هذا البوست لا يسوى الحبر الذى كتب به
|
لي زمن بجاي بردد مع درويش :
كذّبت اغنيتي .. وصدّقت الخريف
يا ليتني صدّقت اغنيتي .. وكذّبت الخريف!!
عليك الله اسي الدرويش منو فينا .. انا ولّ هو!؟
| |
|
|
|
|
|
|
|
|
|
Re: آخر بوست!! (Re: حافظ انقابو)
|
Quote: يا قيقا ياخ هسة الواحد يقول على روحو شنو؟؟
|
قول اي حاجة يا حافظ عليك الله
الا بس ما تجيب سيرة الحلب .. سمح؟
------
يا حاجة سهام غايتو الا الزول يفط سطر عديييل كدا عشان يلحق مداخلتك البي الحبر السري دي
جايك و الله
و الونسة معاك تحلو
| |
|
|
|
|
|
|
|
|
|
Re: آخر بوست!! (Re: حمد عبد الغفار عمر)
|
Quote:
عايز تكون كائن حقيقي ؟
|
وانا كنت كائن شنو يا ابو نعيمة!؟
زهجت و الله يا حمد ..
ما جدوى كل البنعمل فيو دا!؟
غير ...
احزان بلا جدوى .. و دمعةٍ سدى!!
------
الله في
| |
|
|
|
|
|
|
|
|
|
Re: آخر بوست!! (Re: محمد قرشي عباس)
|
Quote:
ممكن نستنسخك قبال ما تتلاشى ؟؟
و الله صحي
|
بتعملا انت و الله
المافي شنو مادام مباري لي انشتاين و شلتو
----
اسمع كان جاتني الـSMS ما تخاف ح اطالب بـ(هارون اخي) طوالي ..
في العصر العلوم دا ما في طريقة اقنع الوهم ديل الا بحديث العلم دا ..
ستكون في مقام علي مني .. انا المدينة و انت الباب
المافي شنو؟
نحن طيبين و انتو تستاهلوا ياخي
الشفيع ذاتو بنحتاجو ..
الكيزان ديل اثبتوا انهم البرنجي في البروبغاندا ؤ كدا
اها انكربوا ساي كان جات .. تجوا تحلبوا معاي التور دا عاد!
| |
|
|
|
|
|
|
|
|
|
Re: آخر بوست!! (Re: Siham Elmugammar)
|
Quote:
اسمع كان جاتني الـSMS ما تخاف ح اطالب بـ(هارون اخي) طوالي ..
في العصر العلوم دا ما في طريقة اقنع الوهم ديل الا بحديث العلم دا ..
ستكون في مقام علي مني .. انا المدينة و انت الباب
المافي شنو؟
|
غايتو إنت كون بولس بتاع محسن خالد
و أنا بأكوّن شيعتي بعدك لأحفاد أحفادي ..
الخيل تجقلب و الشكر حيكون كله لي
المافي شنو ؟؟!!
| |
|
|
|
|
|
|
|
|
|
Re: آخر بوست!! (Re: تبارك شيخ الدين جبريل)
|
Quote:
(على الأقل تدي السؤال: "المافي شنو؟" معنى)
|
المهم يكون في معنى ..
المهم
كبرنا يا طبارك .. و كبرت احزانا
-------
علي المك في "رسالة الى جيني آن" قال ليها :
جميلٌ جداً ان تصل لقرارٍ في موضوعٍ ما ..
جميلٌ جداً ...
| |
|
|
|
|
|
|
|
|
|
Re: آخر بوست!! (Re: خالد عبد الله محمود)
|
آخـر قيقـا للـ تحبه
قلنا ماما ما مممممممكن تفارق
و انت في عـــززززز الشباب
و كمان
القطر المر الفوقو مر قيقا
ياخي اقول ليك
القطر الشـالك انت بدشدش حته حته
اها في امان الله
| |
|
|
|
|
|
|
|
|
|
Re: آخر بوست!! (Re: عبدالله احيمر)
|
Quote:
قلنا ماما ما مممممممكن تفارق
|
البوست دا برعاية الباشكاتب ول شنو؟
اربعة سنيييييييييين تجربة وزاد
وقلنا ما ممكن تساااااااافر
ؤ ..
مالو اعياه (النضال) بدني!؟
واضيف ليهو عبد الوهاب:
كم قصيرٌ هو العمر، حتى افنيه في النضال ..
في النضاااااااال
------
عشان ما تقولوا موهوم كمان ..
و لكنا كما نبدو هجينا نيئا لتلاحم الغابات و الصحراء, إذ يرتاح فوق رؤوسنا
التجار
و السمار
و الفوضى
و تحكمنا القبائل و الجنوووووووووود
تبا لهذا الإنطهاق المستفز
فهذا الخصي يشنق كل أحلام الطفولة
و هذا الوضع يتهمنا بالنضال و ينتهكنا واعيا بأزيزنا في الشارع المفقود, أين الشوارع كي نعلق معطيات المرحلة
بل أين المراحل كي نفتش عن طريق لا يضل طريقه نحو السياسة
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا ,يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم
و مات البائعون دماءهم من اجل أن نمشي على أقدامنا, و نحسها تمشي – فنمشي نحو أفق لا يصله الباعة المتجولون
دعارة أن تشتري من عسكر شيئا لتحكم دولة الجوعى
و دعارة أن تستبيح الوعي كي تسري إلى ثرواتنا ليلا
فلا مسجدا أقصى وصلت
و لا وحيا أتاك من البعيد
ولا ارتفعت بمستواك إلى القضية
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت - لكي تبقى دليلا للحياة
من نص "المشنقة" - د.تاج السر جعفر الخليفة
الخرطوم 1994
| |
|
|
|
|
|
|
|
|
|
Re: آخر بوست!! (Re: خالد عبد الله محمود)
|
Quote:
عنوان البوست خاطئ من البداية.....
مفروض يكون ( قيقراوي كسح ) أو شئ من هذا القبيل..
|
بالعكس يا خالد انا بحافظ على الاث المنبري الصالح ..
لو كتب قيقراوي: [قيقراوي كسح] بكون محض اجترار و تكرار ..
كان مفروض يقتبس [بشاشا كسح] .. ويذيلها بتوقيعه (او كما قال الشيخ محمد عثماننا ..)
البصل ريحتو واااحدة .. مافي داعي للتكرار الممل ياخ!
لكن قيقراوي ليثبت انو بصلة وعيو اتحمرت كويس ..
كان لازم يبطل عوعي .. ويدلل على وعيو البصلي
او يخضع -كجلابي- لمزيد من الابر الكوشية .. تحت يد دكتور بشاشا (اخصائي مخ و اعصاب الجلابة)
ويجحّم كويس في الزول الفي المراية .. ويتصالح مع الصورة دي .. ما يهرب منها!
----
قيقاراوي محض ذاكرة بشرية .. كلو مسجل و محفوظ
ما تخافوا ..
حبيبي اكتب لي .. وانا بحفظ ليك
الحاصل بي .. و الحاصل بيك
اييييييييه .. عشان كدا قلنا لخير كدا نتلاشى!
| |
|
|
|
|
|
|
|
|
|
Re: آخر بوست!! (Re: Rahma Awad)
|
في انحراف خطير في البوست دا
آي اقعدوا كبروا لي راسي المهووس بالرسالة دا لمن تلقوني بكرة فاكيها فيكم
المافي شنو تاني!؟
-------
يا شباب و الله مكروب ..
الله لا وراكم زنقتي الحالية دي
| |
|
|
|
|
|
|
|
|
|
Re: آخر بوست!! (Re: Rahma Awad)
|
اخى وقريبى قيقراوى
سلامات
فايت مروح وين.... لسه الوقت بدرى
ممكن تستجم فى استراحة المحارب الذى كان احمر وأصبح اخضر ولكنه مهموم
بقضايا الغبش.
| Quote: والله بكري يديني مكتبة بعد دا إلا اضاربو عديييل كدا! |
كلنا فى الهم شرق ياقيقا, موضوع مكتبات بكرى ده خيار وفقوس
مع ودى وتقديرى
| |
|
|
|
|
|
|
|
|
|
Re: آخر بوست!! (Re: Elmoiz Abunura)
|
ياخ أنا بحبكـ شديد والله .. السبب شنو؟ ما عارف!!
يا قيقا ياخ بالله ضمنى لحبيبنا ود الصائم
فى ما ذكر أعلاه..
علماً بأن ذلك لن ينقص من محبته شيئاً..
المافى شنو؟؟؟؟
| |
|
|
|
|
|
|
|
|
|
Re: آخر بوست!! (Re: azhary awad elkareem)
|
Quote:
يا قيقا ياخ بالله ضمنى لحبيبنا ود الصائم
فى ما ذكر أعلاه..
علماً بأن ذلك لن ينقص من محبته شيئاً..
المافى شنو؟؟؟؟
|
لووووووووووب يا ابو الزهور ..
المحبة ما بناباها كلو كلو ..
الا الفيكم انت و سهام اتعرفت تب!!
يقولوا ليكم زمن مافي .. تمشوا تأولوها!؟
دا ما استحلاب تور اسي!؟
------
ياخي عالم الله و شاهد الحب متبادل ..
والقلوب شواهد ..
والارواح جنود مجندة
هو برا المحبة دي الكاتلنا ركن في مطعم الباشا دا شنو هو!؟
| |
|
|
|
|
|
|
|
|
|
Re: آخر بوست!! (Re: Elmoiz Abunura)
|
Quote:
فايت مروح وين.... لسه الوقت بدرى
ممكن تستجم فى استراحة المحارب الذى كان احمر وأصبح اخضر ولكنه مهموم
بقضايا الغبش.
|
دي البتيخة المن برة اخدر .. و من جوة احمر دي مش؟
------
اوع تقول لي عندك عضوية الفورسيزونس بس!؟
اكون براي انا اللا مكتبة .. لا عضوية فورسيزونس .. وابوي ميت كمان!؟
حظي كدغيغ بالجد يكون!!
تحياتي يا قريبي
و وين بت الحسين عشان يغيظا التقارب دا ياخ!؟
| |
|
|
|
|
|
|
|
|
|
Re: آخر بوست!! (Re: Rahma Awad)
|
رحمة يا ستهن .. بعد ما بقن ستة* هن
Quote:
المافي شنو ؟؟؟...:)
من الاقلام التي احب قراءتها ...
واعيه وذات جرس ذكي لطيف ...
|
ايوة كدا ياخ .. دا العادي بتاعي
لوووووووب
والله يا ستي لو اتأكد لي انو في اتنين منك كدا برتبة قارئ واعي بقروا ما اهببه هنا ..
ما اتلاشى من هنا كلو كلو ..
المتلاشي ليها شنو تاني!؟
المافي شنو!؟
كل الهنا جارين لي دي ..
رضاء العملاء .. بدون عميل راضي .. مافي بزنس بستمر (حي)
او هكذا قد خبروني في (بزنس) .. ثم قالوا لي ترجل (تقرأ راسياً و افقياً .. وفي كلٍ خير)
-----
* عندي 5 اخوات
| |
|
|
|
|
|
|
|
|
|
Re: آخر بوست!! (Re: قيقراوي)
|
فترت من حلب التور .. فترت
نجيب ليك بقرة حلوب بتتضرع وليها ضرع احلب زى ما عاوز
طاير وين مخلينا بقوم احرد ليكم المنتدى دا
-------------------------------------------------------------------------------
ياخى عاوزاك تجضم لى حبيب نورة
مغيوظة منو
| |
|
|
|
|
|
|
|
|
|
Re: آخر بوست!! (Re: وضاحة)
|
أنا أقترح إنكـ تضيف مواضيعكـ الجديدة كُلها
داخل آخر بوست دا وتسقف على كدا
....
للربع الجاي ح يكون فات بوست الزقازيق ومنبر الشعبية
وأب صلعة ح يكون إتبلّ منكـ وبعلقو ليكـ فوق جمبهن
| |
|
|
|
|
|
|
|
|
|
Re: آخر بوست!! (Re: محمد الجيلى)
|
شيخنا ود الخليفة
سلامات
سبب الغياب شوية قراية ما راضية تخلص
الجاب لي خبر سؤالك عني قال لي أصحابك في سودانيز بيسألوا عنك
فتخيلت السائل هو المتلاشي دا نفسه لأني كنت ظاني إنو ما عندي وجيع في مطعم الباشا دا غيرو
لما قدرت دخلت المنبر وفتشت الأرشيف طلع المتلاشي ما هو إلا مساعد حلة في البوست "فتأمل!"
المهم: صحوبيتك إنتا والعوض، الزعمها مخبري، أنا من طرفي ما متنازل عنها (شريكي براي)
أما صحوبية بقية السائلين المساخيت (ود المدير، ود أبراهيم والمتلاشي الأعظم) فدي فيها نظر
كتر خيركم
| |
|
|
|
|
|
|
|
|
|
Re: آخر بوست!! (Re: Ashraf el-Halabi)
|
عزيزي اشرف
ربنا يوفقك في الدراسة واتمنى لك النجاح في كل خطوة
وتراهو البورد دا قاااعد طالما المتلاشين زي قيقا دا
فا شنو تلقانا نحن زي ما نحن ولا الزمن غير ملامحنا
بس انت غيب وتعال
تحياتي
| |
|
|
|
|
|
|
|
|
|
Re: آخر بوست!! (Re: azhary awad elkareem)
|
والله يا قيقا بدري عليك
عارف البورد دا في تعاملنا معاهو زي الجامعة والخريج الجديد كل ما يلقى ليه فريقة طوالي الجامعة ويكون جميل غشوة لي كافتيريا الإقتصاد ولا بيت القزاز أو كافتريا قانون . ولا ليمون البزنس .
بحيراوي
| |
|
|
|
|
|
|
|
|
|
Re: آخر بوست!! (Re: ساميه حامد)
|
Quote: ما كفاية الفاتوا مننا
|
كفاية و الله يا سامية .. كفاية جداً
-------
غايتو اسمحوا لي باستراحة محارب ..
ياخ لمن ادخل في الحالة العاطفية الزي التحت دي بكره نفسي ذاتو :
Quote:
Quote:
يا قيقراوي
والله دي مناسبة اعيد فيها التأكيد علي محبتي الأكيدة وتقديري العميق لك.. انت فقط سبقتني بالتعبير عن ذلك هنا.
أي مداخلة في هذا البوست أو غيره لا تنتقص من تلك المحبة والتقدير شيئاً.
|
وهو المطلوب
والله تاني ما داير منك حاجة
المافي شنو!؟
لك رايك الشايفو انا زي ضنب الكـــلب .. ولي رأي العديييل زي الجبادة
------
وتقبل اعتذاري عن اي سوء قد اكون اتسببت فيو انا
يا حبيب آخرا كوم تراب
مناسبة مداخلتي الامس بتاعة الاستغفار ..
كنت بقرأ في بوست فاتحو القرقوش ود الصايم دا بستفسر عن ايميلات بتجيو
قريت مداخلة للراحل المقيم في قلوبنا حباً د. مجدي ..
كالعادة لطيف و جميل .. وبمازح في ود الصائم..
أثرتني جداً .. (انا زول عاطفي ساي عارف نفسي)
المهم جيت استغفرت بجاي .. ورجعت لي الله خالقي دا
كان اتلحست عليكم الله اعفو لي
|
Re: محمد عثماننا من ثقافة يسمى فيها الرجل ابو آمنة!
محتاج اتلاشى في اللحظة دي بالجد
| |
|
|
|
|
|
|
|
|
|
Re: آخر بوست!! (Re: البحيراوي)
|
Quote:
عارف البورد دا في تعاملنا معاهو زي الجامعة والخريج الجديد كل ما يلقى ليه فريقة طوالي الجامعة ويكون جميل غشوة لي كافتيريا الإقتصاد ولا بيت القزاز أو كافتريا قانون . ولا ليمون البزنس .
|
على زمنا دخلت الداون تاون و بيت النملي (الانمائية)
ايييييييييه!!
زمن
| |
|
|
|
|
|
|
|
|
|
Re: آخر بوست!! (Re: azhary awad elkareem)
|
عارف ياقيقراوي
الناس دي مافهمتك ساي
انت قلت (اخر بوست)
ماقلت اخر مشاركة
فعادي ممكن تاني ما تنزل بوست
لكن المشاركات ما تديك الدرب ):
المافي شنو!! ):
---------
غايتو ختني مع رحمة اختي دي
لانك من (الاقلام) واخد بال حضرتك من الاقلام دي!
اللي بتنفث عن الزول رهق الحياة (رهق دي برضو ركز عليها)
لما اكون زهجانة
بجي افتش علي بوستات
قيقراوي ، ود الصائم الضاحك ، تمبس ، بروف امين ، ود البشرى وصديقه اللدود وبتكيف جدا لمشاكساتهم
والقائمة تطول لكن الذاكرة هسي ما مستحضرة
فعادي ياخ خليك في مشاركات
وقت ماعايز تنزل بوستات تاني! ):
----------
تسلم قيقراوي
| |
|
|
|
|
|
|
|
|
|
Re: آخر بوست!! (Re: أسماء عبدالسلام)
|
سلامات يا اسماء
Quote:
لما اكون زهجانة
بجي افتش علي بوستات
قيقراوي ، ود الصائم الضاحك ، تمبس ، بروف امين ، ود البشرى وصديقه اللدود وبتكيف جدا لمشاكساتهم
والقائمة تطول لكن الذاكرة هسي ما مستحضرة
فعادي ياخ خليك في مشاركات
وقت ماعايز تنزل بوستات تاني! ):
----------
تسلم قيقراوي
|
لم ينقّص علي فرحتي بمداخلتك دي الا الاسماء -الما ليها داعي او طعم- الذكرتيها فيها!!
وكمان لسة القائمة تطول!؟
انا كدا استفدت شنو طيب!؟
------
ياستي تسلمي و الله
وتشكرات كميات
| |
|
|
|
|
|
|
|
|
|
Re: آخر بوست!! (Re: tmbis)
|
| Quote: اييييييييييييييك .. إنت لسة في موضوع المكتبة دا ..؟ |
حاسي بطعم الشاكوش (الثقافي) ..
وكأي شاكوش -زي الضرس- فجاتن كدا يقوم يتاور!
لووووووووب
د. مجدي كان واسطتي للصلعة المقدسة راح ..
تاني مكتبة يسووا بيها شنو!؟
لو جاتني مكتبة بعد هرمنا .. ح اغني ليها مع الكابلي:
يا بنت عشرين ماذا تريدين من موعدِ خمسينِ
قد كان لي فيك قبل هذا اليوم هواً ...
اللخ اللخ!!
مافي أي هواً بعد دا
في ي ي ي ي ي سني دي ما بختها!
هو اول الهوا كان ياهو دا:
دي مكتبة منو ياقيقا......!!
Quote:
| Quote: بحثت اسم قيقراوي و فتح الرحمن ما حصلت مكتبة |
و لن!!
-------
لا مكتبة هناك ..
بس رأيك شنو في القشرة دي عليك الله يا ابو حتحوت!؟
|
--------
حظي كدغيغ!!
قلنا نطلب لجوء اسفيري .. اخدنا الشاكوش (الثقافي) التاني..
حلم الفرولة عمك بتاع "شرح السروال" وابلة الناظرة طيروهو لي في راسي دا!
باقي ليك كان انعموا علي بعضوية الفورسيزونس، بطول قدر كم .. يوم .. ام ساعة هو!؟
و ح يرسمني شنو!؟
هاك النملة ام عود دي .. خدرااااااااء
نقعد لي دي عاد!؟
ان شاء الله يوم رسمنا ما يجي كلو كلو
ما عندك تاني من زي دا!؟
| |
|
|
|
|
|
|
|
|
|
Re: آخر بوست!! (Re: سارة عيسى أحمد)
|
Quote:
قيقراوي من الأقلام الذكيه خفيفه الظل ...
ومن القلائل من أصحاب المداخلات الطويله الغير ممله والتي تقرأ لاخر نقطه ..
|
لوووووووب
كدي باللول نلم الثروة دي
بعد داك ينظر و يفاد في سؤالك دا
Quote:
إنت لسه قاعد ؟!! التلاشي ده غيروهو ولا شنو ؟!!
|
------
هو القال ماشي منو!؟
القصة و ما فيها يا ستي اختبار شعبية
و رواد المدرسة دي بشاشا و ماما دومة طبعاً
اها يا (هندسة) احمد التجاني ..
ارتحتا!؟
اهو كشفنا النومة
بطنك بردت!؟
بالجد مرات كدا الواحد بجيو احساس لا جدوى أي حاجة ..
ودي واحدة من المرارير دي ..
حاسي بمرارة شديدة خالص ..
لرحيل مجدي تحديداً .. بفقدو فقد المكان دا كتير من القو (بالنسبة لي اكيد) ..
حالة الحزن العام ..
عبثية المعارضة (هنا)
و اخيراً وليس آخراً .. محتاج للزمن القاعد اصرفو هنا دا لحاجات اكثر فايدة
او هكذا اراه الآن .. والآن فقط
تحياتي يا فردة
| |
|
|
|
|
|
|
| |
قيقراوي
احمد التجانى احمد
صلاح الدين نزلاوى
ود الخليفه
محمد المسلمي
محمد الجيلى
محمد عبدالرحمن محمد
فيصل محمد خليل
محمد عبد الماجد الصايم
مها عبد الله
محمد قرشي عباس
وليد التلب
عبدالكريم الامين احمد
حمد عبد الغفار عمر
حافظ انقابو
محمد يوسف الزين
Siham Elmugammar
حيدر حسن ميرغني
Ashraf el-Halabi
Rawia
سارة علي
عبد الله الشيخ
تبارك شيخ الدين جبريل
عمار عبدالله عبدالرحمن
خالد عبد الله محمود
Elmoiz Abunura
وضاحة
سارة عيسى أحمد
tmbis
البحيراوي
ساميه حامد
فيس بوك
تويتر
انستقرام
يوتيوب
بنتيريست